教育王國

標題: 呢幾日考試我緊張到瞓5著 [打印本頁]

作者: Mingfen 時間: 13-1-24 01:41 標題: 呢幾日考試我緊張到瞓5著

提示: 作者被禁止或刪除內容自動屏蔽

作者: jovinng 時間: 13-1-24 11:17

我囝( P.2 ) 第一次中測都唔合格.,全力谷之後第二次中測係74分....舒服晒

作者: eggegg 時間: 13-1-24 13:36 標題: 回覆：呢幾日考試我緊張到瞓5著

考埋聽日就攪掂! 我囡話今日英文好難!

作者: jovinng 時間: 13-1-24 15:51

亞囝次次都話做晒,識做,.但係次次又唔係好高分.
比佢激死

作者: little_yolky 時間: 13-1-25 10:50

請大家唔好嚇我, 我囡囡今年9月入讀P1。

要全力谷至有74分, 咁如果由得小朋友自己讀, 咁咪即係......今次死定了。咁係咪大家都係70幾80分先? 如果係咁都好大件事喎, 要全力谷至可以合格, 點解份卷咁甘? 中英咁難, 咁數學同常識呢? 好擔心喎, P1會唔會淺啲的?

作者: jovinng 時間: 13-1-25 17:16

回復 little_yolky 的帖子

唔關事,係小兒資質比較差.唔洗擔心.
多閲讀同勤力D做網上練習,應該冇問題

作者: little_yolky 時間: 13-1-25 17:39

回復 jovinng 的帖子

我已經將你的帖子照版煮碗又嚇了我老公一次。點知老公氣定神閒, 話預咗阿囡第一年有好大衝擊, 有晒心理準備。其實, 有無自發勤力的小朋友? 我們是雙職, 返到屋企都七點幾, 真係小朋友唔自覺乜都無得搞。

咁細個小朋友, 有咩方法訓練吓可以自動自覺啲?

作者: jovinng 時間: 13-1-28 12:41

回復 little_yolky 的帖子

大部份小朋友都欠缺主動性(包括我個囝) . 為有氹下或"小小" (好小)等價交換,咁試下.
女仔情況會好D,我都係每晚7點幾鐘返去一齊做功課,係小一頭半年辛苦D,跟貼D,
下學期佢習慣左個模式,就會半自動波.

努力加油

作者: little_yolky 時間: 13-1-31 17:52

回復 jovinng 的帖子

請問小一頭半年點解會辛苦? 唔係話有 honey moon 0既?

响另一個blog聽到有培小小一的家長, 話一天只有4-5樣功課, 一小時內做完, 查實會點樣辛苦法? 因為我哋係跨區生, 跨了幾個區, 時間已經較其他人少了, 所以想知道多啲。

我一心諗住可以hea住讀12年升埋培中, 家下都好擔心。我無參加大抽奬, 因為同區無一間小學整體質素可以比得上培道, 想俾多啲機會同區其他小朋友。老公話, 駛唔駛準備定叩門資料, 我哋仲諗住去長隆玩慶祝添。

作者: Ginger_Baby 時間: 13-2-1 13:12 標題: 回覆：little_yolky 的帖子

little yolky 我仔仔如果去培道都係跨區出黎讀。我想早d知道有冇校車到，同埋車程。如果太長車程可能會考慮讀返區內學校。

作者: jovinng 時間: 13-2-1 16:33

回復 little_yolky 的帖子

人地望都望入谷/星級小學,你居然想 Hea...哈哈哈哈
小朋友唔知咁多,你要佢做咩,佢就做咩.
其實,我意思係辛苦D大人,要跟緊D.
唔洗擔心啦媽咪

作者: little_yolky 時間: 13-2-1 17:49

回復 Ginger_Baby 的帖子

我無理有無校車, 因為屈咗C6管接送。有校車我覺得車程都長, 如果自己接送, 單程一個鐘而已, 我覺得可以接受。

不過, 之前簡介會, 老師好似話全港區區都有校車到喎。唔理了, 好學校是要跨區的, 鬼叫C6買樓買响深山咩。

作者: little_yolky 時間: 13-2-1 17:56

jovinng 發表於 13-2-1 16:33
回復 little_yolky 的帖子

人地望都望入谷/星級小學,你居然想 Hea...哈哈哈哈

我唔想谷呀, 谷係無意義的。如果我要簡谷校, 我區有好幾間, 屋企附近仲有一間60+%升band 1的小學, 其餘幾間都有50-60%升band 1, 仲有一間唔錯0既龍校。但係我果區啲學校只有超級谷及谷兩種分別。近年, 連出名活動校學的一間, 都開始改方針了。我唔想阿囡小學生活只有永遠做不完的功課 or 永遠學不完的課外活動 or 永遠上不完的補習班。

這是不正確的。這不是正確的教育。因此, 我山長水遠也選擇培道。

我隻豬仔唔係好醒, 我只是怕她追唔上, 對自己無信心, 咁就大件事了。最怕係成績太差, 唔知會唔會影響埋兩年後妹妹考入去。等老師覺得姐姐都咁0既水平, 妹妹都唔荒好, 咁就真係大大大件事了。我依家只好成日同佢讀多啲書, 認多啲生字, 希望可以好一啲。

作者: jovinng 時間: 13-2-4 13:58

唔洗擔心啦

作者: jovinng 時間: 13-2-5 21:33

亞囝數學文字題有困難，應該去補習定去買練習做算？有咩辦法？

歡迎光臨教育王國 (/)