教育王國
標題: 陳守仁 vs 陸慶濤 [打印本頁]
作者: lpy497 時間: 13-1-21 21:18 標題: 陳守仁 vs 陸慶濤
家住TKO,兒子手上有-TSL及LHT offer,LHT近屋企，而TSL英程聽闻較高，請大家比比意見。謝謝！
作者: BeeBee1129 時間: 13-1-21 22:13 標題: 回覆：lpy497 的帖子
只係路過，陳守仁名氣高好多，如LHT升上係羅氏如希望更上一層樓前者應該好d,想問問你小朋友係唔係讀保良局KG..
作者: cmt1010 時間: 13-1-21 22:27 標題: 回覆：陳守仁 vs 陸慶濤
Tsl是很多家長的心儀學校，但LHT 其實都很好；LHT 可以直升一條龍中學，唔駛為升中喪谷讀書，可以真正讓小朋友為求學而讀書，我本人會比較喜歡一條龍的學校。
作者: lpy497 時間: 13-1-21 23:04
我兒子不是讀保良局KG,據聞以往讀保良局KG入LHT有優勢,今年情况競爭激烈，只有少數入到LHT
作者: 恩盈 時間: 13-1-21 23:23
俾著係我嘅話, 我最後都係會選近屋企嘅, 小朋友慳咗交通時間, 相對地做功課, 玩同休息嘅時間都會多一D.
作者: dadomavi 時間: 13-1-21 23:42
恩盈 發表於 13-1-21 23:23 
俾著係我嘅話, 我最後都係會選近屋企嘅, 小朋友慳咗交通時間, 相對地做功課, 玩同休息嘅時間都會多一D. ...
Agree !! 選近屋企,小朋友唔使舟車勞頓, 輕鬆好多!
作者: 恩盈 時間: 13-1-21 23:43
dadomavi 發表於 13-1-21 23:42 
Agree !! 選近屋企,小朋友唔使舟車勞頓, 輕鬆好多!
作者: 朱寶 時間: 13-1-22 02:55
我兩間都有幫阿仔報, 兩間我都好鍾意, 阿仔好好彩有其中一個offer.
陳守仁:
英普語境好好, 學生比較多元化, 對於學習有好正面既影響及幫手
升中成績都好好, 最多人升上去保良局顏寶玲, 仲有其他band 1英中
由tko去陳守仁, 真係幾遠既路程,睇你本身同小朋友既能耐, 有校車都一定係頭幾個站, 否則自己返學, 都要幾早下, 呢個真係要好好諗, 可能你要計劃搬屋
此校不是一條龍, 要確保小朋友呈分試成績, 會有多點壓力, 亦要在中學時煩多一次, 博多一次
要接受有唔同國家文化既小朋友 (我有朋友既女考入左, 但佢阿媽唔鍾意某種族既學生,學校係比較多呢個種族既小朋友,佢覺得人家唔夠乖, 可能會影響到佢既小朋友, 因此最終無揀 ..... 真係個人喜好同選擇)
陸慶濤:
重視閱讀, 多課外觀察
中小幼銜接做得好好
每課一小時, 每天五堂, 每個星期五只返半日, 安排得好, 書包都輕dd
一條龍直升, 羅氏成績不錯, 唔駛考呈分試, 另既出去再上層樓, 平平穩穩都有安全網
近屋企
校舍較細及舊
無呈分試, 不可大抽獎
兩間都係好學校, 我諗要睇埋你小朋友既性格, 同埋你不妨客觀d同佢講兩間學校既優勝及要考慮之處, 問下佢既意見及意願, 因為佢鍾意間學校既話, 絕對會係個好開始
作者: 朱寶 時間: 13-1-22 03:04
唔記得講, 陸慶濤仲有一個好處 ...佢地視藝科既所有功課, 全部都係學校做晒, 唔會帶返屋企, 呢點我好buy, 因為我至憎做美勞手工, 唔拎返屋企, 絕對唔駛我幫手囉,哈哈哈,
作者: cmt1010 時間: 13-1-22 08:20 標題: 引用：唔記得講,+陸慶濤仲有一個好處+...佢地視藝
原帖由 朱寶 於 13-01-22 發表
唔記得講, 陸慶濤仲有一個好處 ...佢地視藝科既所有功課, 全部都係學校做晒, 唔會帶返屋企, 呢點我好buy, ...
作者: jannielam 時間: 13-1-22 10:33
我想補充的是LHT還有一個「一人一職」服務計劃，每個學生都有機會負責班裡的職務，例如班長、科長、環保大使等等。不會像某些學校，需要成績好或乖的學生才可以被選。
作者: silvia_ng 時間: 13-1-22 10:41
jannielam 發表於 13-1-22 10:33
我想補充的是LHT還有一個「一人一職」服務計劃，每個學生都有機會負責班裡的職務，例如班長、科長、環保大 ...
作者: cmt1010 時間: 13-1-22 10:45 標題: 回覆：silvia_ng 的帖子
聽落真係幾鐘意陸慶濤，可惜只是waiting入唔到。唯有二月復活賽再試過
作者: silvia_ng 時間: 13-1-22 15:13
cmt1010 發表於 13-1-22 10:45
聽落真係幾鐘意陸慶濤，可惜只是waiting入唔到。唯有二月復活賽再試過
作者: roccolamar 時間: 13-1-22 19:38
朱寶 發表於 13-1-22 03:04
唔記得講, 陸慶濤仲有一個好處 ...佢地視藝科既所有功課, 全部都係學校做晒, 唔會帶返屋企, 呢點我好buy, ...
我選陸慶濤其中一個原因是他有獨立科學科，與通識分家。科學科用英文教又有實驗堂，高小的實驗部份是去羅氏基金上的。小一己經要學 experiment, acid, dissolve...等等，到中學上科學科比較容易適應。通常很多初中讀Science，Phy Chem Bio 基礎唔好讀唔到理科班，便只能選文、商科，到時選科的choice便小了很多。其他沒獨立科學科的小學，科學科只佔常識科一小部份，通常只是看video或圖片帶過，沒有實驗做的。
作者: 恩盈 時間: 13-1-22 21:46
cmt1010 發表於 13-1-22 10:45
聽落真係幾鐘意陸慶濤，可惜只是waiting入唔到。唯有二月復活賽再試過
作者: cmt1010 時間: 13-1-22 22:12 標題: 回覆：恩盈 的帖子
2月會有第二輪招生，之前落選的都可以再來一次
作者: 恩盈 時間: 13-1-22 22:20
cmt1010 發表於 13-1-22 22:12
2月會有第二輪招生，之前落選的都可以再來一次
作者: virgokaren 時間: 13-1-22 22:53
朱寶 發表於 13-1-22 02:55
我兩間都有幫阿仔報, 兩間我都好鍾意, 阿仔好好彩有其中一個offer.
陳守仁:
作者: hellogigi 時間: 13-1-22 22:57 標題: 引用：2月會有第二輪招生，之前落選的都可以再來
原帖由 cmt1010 於 13-01-22 發表
2月會有第二輪招生，之前落選的都可以再來一次
作者: cmt1010 時間: 13-1-22 23:36 標題: 回覆：hellogigi 的帖子
之前學校網頁講過話二月會有第二輪，應該所有人都可以申請。
作者: 朱寶 時間: 13-1-22 23:41
回復 virgokaren 的帖子
我都唔係住tko架,我住東九龍架
作者: 朱寶 時間: 13-1-22 23:43
回復 hellogigi 的帖子
以我所知, 之前有冇考過, 都可以再報, 之前既record會一筆out銷, 所有都當新人再填過表, 當然位唔會好多喇!
作者: virgokaren 時間: 13-1-23 00:58
朱寶 發表於 13-1-22 23:41
回復 virgokaren 的帖子
我都唔係住tko架,我住東九龍架
作者: 朱寶 時間: 13-1-23 01:06
回復 virgokaren 的帖子
北區真係好遠
作者: cwclsh 時間: 13-1-23 01:41
放心, 我相信位有不少!
因我認識中7個裡得1個最終讀, 包括我自已.
音樂椅才開始玩! 大家唔好放棄!
作者: HaYi 時間: 13-1-23 09:17
我之前冇報LHT, 因為直上的中學我覺得我不是很響往, 又因冇左呈分, 第時要出去會困難些. 同區似乎有其它有中學的學校更合. 我識人有弟妹, 大的在LHT, 細的都沒去番, 反而出左其它更遠的直資.
TSL 其實同TKO 其它外區學校上校車的時間差不多, 都是7:00左右, 不過正如樓上所講, 唔係個個站有特別校車, 只到藍田同寶林, 如小朋友想參加課後活動又需坐呢些特別校車就煩些.
語境方面, TSL 小朋友之間多數用英文, 如不是很native 都算熟練, 但LHT 我識好多都不是太特出, 可能同學校安排有關.
作者: terryctf 時間: 13-1-23 10:02 標題: 回覆：lpy497 的帖子
陳守仁好出名，不過六年後班唔係拔尖既又係拼命考去顏保玲、羅氏、福中D band1尾學校，不然落 入b2組！
我申報個仔有三間將軍澳直資offer包括優才而我幾乎好肯定我會要個仔讀陸慶濤！原因就係穩入羅氏因為我好欣賞呢間新中學呢幾年點様將一班收B2生中変成B1既高增值中學。陳守仁我個仔考唔到因為佢英文唔係好勁，冇錯唔係好勁唔係話佢唔得，（佢報ABC Pathway 評估係小一程度）我只可講佢收人已經超級水平將來考中學只係佢應有水平！
我個人建議個仔係勁既應該讀守仁將來以B1a-b學校為目標！
好似我仔普普通通就讀陸仔等羅氏同家長幫佢高增值過渡大學。
看現在適齡小孩比率我可預期黎梗六年後考B1中學一定比而加難上數倍
作者: HaYi 時間: 13-1-23 13:42
我相信現在私立/直資英文小學收的小朋友英文程度普遍不會低於一般官津P2, 各小朋友之間都不會有大出入, 聽說剛完的小一第一次考試, 有大半班同學的常識 GS (英文教學) 考試是100滿分的. 同意你說, 而家哩個時勢, 大部份選得TSL, KTS, SFA 等冇中學的, 都係想第日搏去B1A,B 中學, 一般都已有心理準備去投入的.
我個之前亦考到TKO個3間 同其它的offer, 自已覺得如果要穩打的path, TKO 區就 GT/GT 會比 LTH/ laws 仲好些.
作者: terryctf 時間: 13-1-23 14:21 標題: 回覆：HaYi 的帖子
現時GT的而且收生方面選擇高過LHT中學成績卻不見差太遠，所以唔係我考慮因數！
我考慮原因在GT有呈分但沒保証直入優中，個人選擇LHT就是必入羅氏缺點沒呈分，同意你講讀得TSL個個家長預左拼入band1頭中學但真正入到冇一半最後甚至b1尾或b2頭都不保。
作者: HaYi 時間: 13-1-23 15:45
大畫面可能是:
TSL 網上升中資料:
Band1A+B % 約在30-4%(包括數十位去左包括聖喇撥同地區名校),
Band1A+B+C 的% 在70% 左右,
*但TLS 有20% 非華語的選校意願大家都不知, 以上 % 基數是以全P6生略計, , 如果當只計"華語學生"時, Band1 A+B+C的 %率可能會稍高 ?
LHT 的 網上資料, 上Laws (1C) 的有9x% , 只有數位去了它校 (包括聖喇撥同一些它校), 我相信 LHT 都一定有大把Band 1A + B 學生, 但他們的選擇基本上都會finally 是Laws, 是否6年後, "守" 的動力過大?
至於GT Sec Vs Laws,
GT 3322 (over 70%) 暫時比Laws (not yet over 70%) 高些, Laws updated Jupas U rate, 又似乎比 GT 公佈的高, 不知是GT 冇update 定咩, 同埋不知2間的人入U 是選咩, 倒真是好難比較.
Anyway, TSL / LHT / GT 各有各好, 各有各問題, 重要都是配合升中的目標.
作者: mokchingyin0910 時間: 13-1-23 16:19 標題: 引用：唔記得講,+陸慶濤仲有一個好處+...佢地視藝
原帖由 朱寶 於 13-01-22 發表
唔記得講, 陸慶濤仲有一個好處 ...佢地視藝科既所有功課, 全部都係學校做晒, 唔會帶返屋企, 呢點我好buy, ...
作者: 朱寶 時間: 13-1-23 17:04
回復 mokchingyin0910 的帖子
我之前參觀學校，最開心就係老師話，視藝科功課全部係上堂做，一嚟我至憎做美勞，二則全部都靠小朋友自己做，fair 好多囉
作者: hadwinboy 時間: 13-1-23 17:33
jannielam 發表於 13-1-22 10:33
我想補充的是LHT還有一個「一人一職」服務計劃，每個學生都有機會負責班裡的職務，例如班長、科長、環保大 ...
現在的學校真係好好, 我的年代, 我恨做班長恨到發燒, 只能怪自己不才.
作者: aleelee 時間: 13-1-23 17:37
cmt1010 發表於 13-1-22 22:12
2月會有第二輪招生，之前落選的都可以再來一次
我估計,都會好多人申請,唔知到時有幾多學位 ??!!!
作者: 小肥鴨 時間: 13-1-23 19:01
兩間都是好學校,都是保良局屬下,如果想有保障,免除升中煩惱,當然揀陸慶濤,進可攻,退可守；小如朋友對自己有要求,有鬥心,當然揀陳守仁
串
申報小兒棄港同入陸慶濤的
作者: aleelee 時間: 13-1-23 21:24 標題: 回覆：小肥鴨 的帖子
我記得你好似港同係waiting ,咁好已call 你有位，恭喜恭喜！幾時call 你，我朋友未收到call?
作者: 小肥鴨 時間: 13-1-23 22:37
Sorry,應該係唔等港同waiting,唔三心兩意,一心讀陸慶濤
作者: viv-viv 時間: 13-1-24 18:08
我的個案, 家住TKO寶琳, 爸爸首選LHT
爸爸一句比九龍塘仲遠, 又無直屬/聯系中學,升中校網不特別優勝, 無報TSL了
作者: roccolamar 時間: 13-1-24 21:24
viv-viv 發表於 13-1-24 18:08
我的個案, 家住TKO寶琳, 爸爸首選LHT
爸爸一句比九龍塘仲遠, 又無直屬/聯系中學,升中校網不特別優勝, 無報T ...
你好似 係 LHT p1 FB 話想要暑期托管資料。考完試後這幾天比較忙，我這幾天找找看， 到時post 係FB大家參考下。
作者: roccolamar 時間: 13-1-24 21:52
HaYi 發表於 13-1-23 15:45
大畫面可能是:
TSL 網上升中資料:
Band1A+B % 約在30-4%(包括數十位去左包括聖喇撥同地區名校),
Band1A+B+C 的% 在70% 左右,
*但TLS 有20% 非華語的選校意願大家都不知, 以上 % 基數是以全P6生略計, , 如果當只計"華語學生"時, Band1 A+B+C的 %率可能會稍高 ?
LHT 的 網上資料, 上Laws (1C) 的有9x% , 只有數位去了它校 (包括聖喇撥同一些它校), 我相信 LHT 都一定有大把Band 1A + B 學生, 但他們的選擇基本上都會finally 是Laws, 是否6年後, "守" 的動力過大?
至於GT Sec Vs Laws,
GT 3322 (over 70%) 暫時比Laws (not yet over 70%) 高些, Laws updated Jupas U rate, 又似乎比 GT 公佈的高, 不知是GT 冇update 定咩, 同埋不知2間的人入U 是選咩, 倒真是好難比較.
Anyway, TSL / LHT / GT 各有各好, 各有各問題, 重要都是配合升中的目標.
其實LHT未轉直資之前在TKO都很出名，都一直有很多 band 1a +b 學生，他們亦入了很多其他 band 1a/b 中學。有Laws 之後，由於最初都有呈分，所以仍有很多band 1a/b 學生出了外面讀。但現在沒有呈分試，絕大部份 band 1a/b的學生都會留在 Laws，所以將來 Laws的成績預期比現時還好，因現時中學成績是當年band 2學生 upgrade 上來的。
對我來說，沒有呈分沒有問題，因Laws的成績都不錯。沒有呈分，小4-6唔駛咁辛苦，同埋上了中學仍可以同一班舊同學一齊，我仔仔都不知幾like。
作者: 朱寶 時間: 13-1-24 22:35
在我而言，一條龍起了安全網的作用，無需呈分減少了父母小孩的壓力，十二年同學的情誼，非常珍貴，我仔幼稚園有兩個朋友仔一齊入LHT，順利的話，大家相伴十五年，對小孩而言，是難得的樂事
作者: roccolamar 時間: 13-1-25 00:49
本帖最後由 roccolamar 於 13-1-25 13:25 編輯
viv-viv 發表於 13-1-24 18:08
我的個案, 家住TKO寶琳, 爸爸首選LHT
爸爸一句比九龍塘仲遠, 又無直屬/聯系中學,升中校網不特別優勝, 無報T ...
Viv-viv, 暑期托管已post FB ^^
作者: geppetto 時間: 13-1-25 15:08
回復 lpy497 的帖子
一定選TSL.英話環境好。小學界都算有名。油尖旺升中校網好得多。
難得有TSL offer, 好多人恨唔到，不要為距離屈在TKO。
作者: GSS 時間: 13-1-25 16:10
如果報考小學是一個有效率的市場的話，應選 TSL, 因入 TSL 比 LHT 難多了。
作者: siuchun88 時間: 13-1-25 17:00
回復 GSS 的帖子
羊群效應?
作者: Freeb 時間: 13-1-25 17:14 標題: 回覆：siuchun88 的帖子
其實真係要唸唸小朋友是否很叻啦...否則讀咗TSL六年後入到一間比Laws更差的中學就白費心機了....
作者: Komama168 時間: 13-1-25 17:34
回復 geppetto 的帖子
偶然路過，對屈在TKO一詞，覺得好古怪；購物首選油尖旺，但要讀書，油尖旺的環境真的好過TKO就見人見智。屈這個字可圈可點。
作者: GSS 時間: 13-1-25 17:44
回復 siuchun88 的帖子
只是說 TSL 較難入， 這是事實，沒有好壞， 適合不適合的比較，但多年來較收家長歡迎總有其原因吧。同意LHT學生可以在較安穩的環境下接受小學教育，並升上不錯的中學。但很多出名私小/直資如 SFA/ APS 也不能保證所有學生都能升Band 1 中學， 但依然深受很多家長歡迎。
作者: 朱寶 時間: 13-1-25 18:57
學校的受歡迎程度，相信不是主要的選校因素，最重要是間學校，是否適合小朋友，以及配合家長，每個人都有心中的考慮及要求，最重要是明白自己及孩子的需要，而不是人云亦雲云
作者: GSS 時間: 13-1-25 19:21 標題: 回覆：朱寶 的帖子
本身並非TSL家長，只是看到樓主post文多給些其他意見，我說TSL較受歡迎只說事實，當然這事實也有其原因。如更好的英語環境，多元化的教程，更大更漂亮的校舍，對大部份學生更好的中學出路。。。
作者: bbsbbs 時間: 13-1-25 20:51 標題: lpy497 的帖子
本帖最後由 bbsbbs 於 13-1-25 21:47 編輯
路過，
只作參考；
朋友的小朋友上年在tsl名次平均约一百頭, 各呈分有不同
位置約band 2 頭，offer 有Laws, NPL , 香岛，及福中，
朋友揀了NPL.
作者: tissuewong 時間: 13-1-26 08:52 標題: 回覆：bbsbbs 的帖子
問真心，tsl名氣勁其一原因係佢係巿中心，四方八面嘅人都會報，而lht係tko，佢只會吸引到附近嘅家長，如果只以呢2間比較，2間地點調轉，名氣一定逆轉！
作者: 天使麵 時間: 13-1-26 10:10 標題: 回覆：陳守仁 vs 陸慶濤
這兩間學校，甚至加上CKY,LMC，大家都是保良局自己人，個人相信至少以上四所學校均是有熱誠有質素的。
此四所學校各有特色，相信只要家長了解比對一下，再衡量自己的理念要求和小朋友的性格能力，不難作出選擇。
不要以名氣來決定，以免錯配，沒有是完美的，亦不要因為名氣，抹殺眾校的努力說浪得虛名。
盡量多找就讀中的高小或已畢業家長分享。
不喜勿插！
作者: extra369 時間: 13-1-26 10:19 標題: 回覆：tissuewong 的帖子
雖然兩間都係保良局有質素的小學，但教學特色完全不同，不認同只掉轉位置便令LHT 出名過TSL。陳守仁具國際視野，體育，音樂，視藝都用英文教，除了中英文，課內六年更要學一種外語: 法，西或日語，學校着重培養學生的表達能力，這些都是LHT欠缺的。培養小孩成長，在小時候學到的語文才吸收到一生受用，不同意選校只計算升中升大的比率，小學是人生的重要過程。
作者: christina06 時間: 13-1-26 15:30
LHT的數學成績好過TSL好多.
作者: 朱寶 時間: 13-1-26 15:39
人人心中都有把呎，人人都有自己杯茶，學校再好，但不適合孩子也是枉然，用家意願，應該最破尊重，但往往因為一些主觀因素，造成錯配，希望大冢的孩 子，都可以入到合適的學校
作者: hellogigi 時間: 13-1-26 15:42 標題: 引用：LHT的數學成績好過TSL好多.
原帖由 christina06 於 13-01-26 發表
LHT的數學成績好過TSL好多.
作者: kacap 時間: 13-1-26 16:51
試講吓小學升中呈分和唔呈分的心態上分別：
Case:
作文考試，考卷要求最少作200字。但小朋友很喜歡作文，作到400幾500字。作多左，容易錯字，出錯等。分數可能會被扣多些。
作為家長你會怎樣同小朋友講？
如果沒有呈分的壓力，我會鼓勵他，讚賞他努力豐富文章的內容。鼓勵他日後減少錯處，改善分數。而不是看重眼前的分數。
但敆如要呈分，要競爭入間好的中學。我估我會教他考試技巧，其望他能比別的同學多一分半分。
唉！係咪好難取舍？究竟想小朋友學好知識還是考好分數？
所以不呈分直上中學是我選校的重要因素之一！
希望我的子女在小學階段以打好基礎，學習知識為主，分數次之！
作者: Waiking 時間: 13-1-26 17:03
回復 hellogigi 的帖子
TSL以前是英文數，聽講TSA數學成績差得很，最後要分流，南亞裔繼續用英文，中國人轉用中文，但因元氣大傷，有排攪。英文一向唔錯，但每級五班中，並非係人都得，band 2, band 3大有人在。band2及band 3學生重要讀第三語言，真係有苦自己知。每年好多人報名是事實，但這優勢最終變成負累，以為可以透過揀人來拔尖，但最尖個D正選又被聖喇拔吸咗，最後只有掘番備取，因而沒有決心以小班來優化成績；所以成績甚至無法和油天比。
作者: hellogigi 時間: 13-1-26 17:18 標題: 引用：回復+hellogigi+的帖子
TSL以前是英文數，
原帖由 Waiking 於 13-01-26 發表
回復 hellogigi 的帖子
TSL以前是英文數，聽講TSA數學成績差得很，最後要分流，南亞裔繼續用英文，中國人 ...
作者: hell_hell_ 時間: 13-1-26 18:19 標題: 回覆：陳守仁 vs 陸慶濤
真的有很大偏差
好是來自那批？差又是那㧗？
作者: roccolamar 時間: 13-1-26 20:40
extra369 發表於 13-1-26 10:19
雖然兩間都係保良局有質素的小學，但教學特色完全不同，不認同只掉轉位置便令LHT 出名過TSL。陳守仁具國際視野，體育，音樂，視藝都用英文教，除了中英文，課內六年更要學一種外語: 法，西或日語，學校着重培養學生的表達能力，這些都是LHT欠缺的。培養小孩成長，在小時候學到的語文才吸收到一生受用，不同意選校只計算升中升大的比率，小學是人生的重要過程。
作者: silvia_ng 時間: 13-1-26 21:23 標題: 引用：回復+hellogigi+的帖子
TSL以前是英文數，
原帖由 Waiking 於 13-01-26 發表
回復 hellogigi 的帖子
TSL以前是英文數，聽講TSA數學成績差得很，最後要分流，南亞裔繼續用英文，中國人 ...
每間學校都有band 2 band 3學生，油天都有，點解要無限放大佢地呢？自覺當日兩個小朋友考入陳守仁，都唔係答中哂所有問題先收(因我兩個都有話唔識答的),學校係收適合既學生，唔係收最叻既學生。
反之，家長係要選擇最適合學校，而非最叻最出名既學校，因為，呢個世上，跟本冇最叻最出名最勁既學校。
作者: silvia_ng 時間: 13-1-26 21:25 標題: 回覆：陳守仁 vs 陸慶濤
sorry, 錯別字，應是乘數表。前幾日有yahoo 新聞話英國人去中國視學，發現中國人背乘數表後學數，比佢地快好多。有興趣可以揾返段新聞睇。
作者: Parisienne 時間: 13-1-27 05:40
比我就揀LHT。
首先一條龍有中學backup，又住TKO，六年眨眼就過，到時中學競爭一樣劇烈。父母當然望個仔讀得書，但邊個敢寫包單？所以，有得揀就買個保險實際d！
先勿論日後是龍是蟲，係龍就去邊都一樣出色，到時考比羅氏更好都得，但最怕係浮游在B1、2頭的大有人在！唔龍又唔蟲，谷又難放棄又唔抵，如果有自己中學，小朋友同家長壓力會細d，到時起碼唔怕跌落校風差的學校先啦！
加上如無記錯，LHT中小學都是同一個校長，理念從小學開始實踐，銜接中學會更易掌握。
作者: evacalbee 時間: 13-1-27 08:50
lpy497 發表於 13-1-21 21:18
家住TKO,兒子手上有-TSL及LHT offer,LHT近屋企，而TSL英程聽闻較高，請大家比比意見。謝謝！ ...
最理想睇下有無可能搬屋近返學，唔洗一定尖咀。或者留意下校車路線，撘地鐵去中站尾站上校車都ok。
作者: cwclsh 時間: 13-1-27 23:06
本帖最後由 cwclsh 於 13-1-27 23:23 編輯
2間都係平靚正學校. 但2者雖說是保良局, 但教法方向完全不同.
LHT較傅統, 學校給你的, 學生就去吸. 而課程較重數理, 小一已有科學科, 中學主行理科, 適合各類小朋友就讀. 但要注意, 學校無外籍老師(白人)教英語.
TSL較國際化, 除有多國語言學外, 也有良好教材和各科也平均, 課程較活動, 資源充裕! 適合聰穎活潑的小朋友. 要說辦得較好的英小而這樣的收費, 加上地區方便, 不受歡迎才怪吧!? 但亦都要注意, 外地生多, 必有文化差異, 家長要接受.
我相信每間學校都有成績較差的學生, 沒必要計算那0.x%的差別! 最重要自己子女有用功, 又磨合到學校的教法. 如果覺得子女成績平平, 當然選LHT較好吧! 起碼有不錯的中學backup同補底. 當然小孩還小, 成績幾年後可會改變, 還是看看小孩適合什麼環境學習吧! 看清小孩, 這兩間不是太難選的!
作者: Waiking 時間: 13-1-28 09:15
回復 cwclsh 的帖子
好像很持平--"兩間都係平靘正...",但最後都露底--一間較"傳統..學生就要吸..成績平平就要選..";另一間"國際化..不要計那0.X%.."
作者: cutemama2010 時間: 13-1-28 13:37
本帖最後由 cutemama2010 於 13-1-28 13:40 編輯
正如”cwclsh”所講,"成績平平"嘅選LHT, “成績好好”嘅選TSL, 又是否正確 ? 可以從實際數據來分析 :
LHT2006年小一收生從幾百人選出學生, 而同年TSL小一收生從二千人選出學生, 收生成績肯定TSL較好.
再看看兩間小學嘅教育增值和成效, 怎樣才能看到 ?
可以從2012年保良局羅氏基金中學和保良局顏寶鈴書院中一Pre-S1成績看到.
顏寶鈴收了大部份TSL中等成績嘅學生, 成績好好嘅學生不會去顏寶鈴, 成績差嘅顏寶鈴唔收, 所以顏寶鈴中一Pre-S1成績最有代表性.
從中一Pre-S1成績看到, 顏寶鈴收生英文成績較羅氏基金好, 但中文和數學較羅氏基金差, 中文, 英文和數學三科平均收生成績較羅氏基金差.
TSL學生英文好只是在收生時選了英文好嘅學生, 不能說是學校教育增值和成效好.
輸入=輸出，不難，輸入不太標青嘅學生，卻有好的輸出(中一Pre-S1成績)..證明學校的教學策略得宜，小學教育增值和成效較好！相反, 輸入標青嘅學生, 卻只有一般嘅輸出(中一Pre-S1成績), 就要想想.
作者: BBMILK 時間: 13-1-28 13:57 標題: 回覆：cutemama2010 的帖子
我十分同意你的講法。
作者: ckawing2 時間: 13-1-28 14:31 標題: 回覆：陳守仁 vs 陸慶濤
很多人對選學校有不同要求，例如：
1：學校名氣
2：校舍靚
3：課程(重外語，或科學通識)
4: 教學成效 (謝謝cutemama 的資料)
5：有否呈分或接龍中學
6: 學校近遠
自己排下邊樣重要就知啦。我排完就無報Tsl, 因我不太重名氣。自己再比較好多school reports and plans, 再睇視學報告，為小兒選了LHT。
作者: siutingto 時間: 13-1-28 15:10 標題: 回覆：Parisienne 的帖子
提示: 作者被禁止或刪除 內容自動屏蔽
作者: GSS 時間: 13-1-28 16:33
用顏寶鈴vs羅氏作為比較TSL vs LHT 成績合適嗎? 2012 TSL 升 顏寶鈴 的比率是 TSL 升中學生的 2X%, 而這些學生又約為顏寶鈴的新生的2X%, 換言之，用參考價值來說，只是7%左右而已。而TSL 在 2012 年有大約 over 60人( 約 50% )（ 是升Band 1 A/B 的 （ 羅氏是 Band1C）, 恐怕說 LHT成績比較好， 我個人有點保留了。（ TSL有二十多人升其他或外國學校）
作者: terryctf 時間: 13-1-29 10:14 標題: 引用：要留意的是LHT校長年紀已不小，如果我女入
原帖由 siutingto 於 13-01-28 發表
要留意的是LHT校長年紀已不小，如果我女入了該校，校長就退休的話，咁就唔好啦，我buy 嘅都係陳校長嘅辦學 ...
陳守仁名氣及確實比陸小高，好的英文小學比好的中文小學英文科好是理所當然，而且陸小校舍太舊亦令那些上等人家長卻步，但我卻認為這些都是學生創造有利條件去增值。好簡單陸小先將中文基礎打好到日後上羅氏英文中學又要重新學好英文令到中英語文都能！學校舊令學生體驗非必然將來上一間略新的羅氏懂珍惜現在所擁有！最後我覺得羅氏還有很大空間增值因陸小為主的羅氏同學仍未開始，現在成功的仍要多謝一班以外來生而增值出來的。
作者: 11B 時間: 13-1-29 13:22
I choose 陸慶濤
作者: viv-viv 時間: 13-1-29 14:00
回復 siutingto 的帖子
我也很欣賞陳校長和他的理念,也一早知道陳校長快達退休之年
若不能破例延任,相信小兒還未小學畢業陳校長已退下來
但難道陳校長本人和LHT校董會 不會正視這個潛在危機嗎?
熟讀LHT全面評鑑和曾出席活動/簡介會/入學面試 的
便會知道LHT有兩位副校長, 其中一位是為課程持續發展而設
要堅守一條龍中小銜接順利接軌,建立和持守及持續發展其具特色的教育方針
我見不止是陳校長一人的努力而是全體團隊努力的成果
相信承傳早有安排
作者: cutemama2010 時間: 13-1-30 13:33
本帖最後由 cutemama2010 於 13-1-30 13:34 編輯
回復 GSS 的帖子
唔用用顏寶鈴vs羅氏作為比較TSL vs LHT 成績, 可以看看TSL banding 1率同保良局小學平均banding 1率作比較.
保良局小學平均banding 1 率約50%, TSL有學生約180人, 而TSL banding 1率約4X%, 以TSL從二千人中選出學生, 輸入最標青嘅學生, 卻只有一般或嘅略低於保良局小學平均banding 1率嘅輸出作比較(banding 1率約4X%), 算它是50% (依據GSS說), 輸入不等于輸出, 就要想想.
資料來源 :
陳守仁 vs St Margaret
http://www.edu-kingdom.com/forum.php?mod=viewthread&tid=2526686&extra=page%3D1&page=7
作者: GSS 時間: 13-1-30 17:19
回復 cutemama2010 的帖子
其實重申我不是TSL家長，只是印象中TSL升中成績很不錯，只是如果要比較，就應該 apple to apple comparison, 因LHT 是一條龍，不能比較，就直接看TSL升中成績好了。這是我在TSL school website 看到的2012 升中成績。http://www.plkctslps.edu.hk/students-student_sspa-2010-2012.php，如不計那26 local and overseas student, Band 1 ratio roughly 85%, 如要計這25人， Band 1 students roughly 71%， Band 1 A/B 有接近 50%， 而羅氏/顏寶玲都是Band 1C. 所以我才覺得TSL成績應該比較好。 我不知道有沒有wrongly calculate, just give a second opinion only.
作者: emanthon 時間: 13-1-30 19:40
這篇文章是本人於 09-11-26 23:35 發表的, 家長可作參考:
http://www.edu-kingdom.com/forum ... amp;extra=page%3D11
BK上的家長經常流傳,指TSL只有英文是强項,數學和中文相對偏低,更有「三缺其二」的指控,我個人認為這些絕對是大謬之言!
數學方面:
1. 由於TSL教的是英數,故同學們升中,絕對没有「中轉英」的適應問題,解題更加沒難度.此外,TSL的數教策略,是循步漸進的,更非常注重邏輯步驟,絕不馬虎,更不是答案對了便能拿到滿分,此點非常重要!因為中學的數學是一分一分給的,少了一個步驟,便扣了一分,改卷方法和會考同出一轍.
2.小兒升中後,在云云眾科目中,以數學科測驗次數最多,幾乎二到三個星期便測驗一次,而每次之內容都差不多是mission impossible-時間短,題目多而繁,其中一部份還異常艱深,這幾點其實和TOBS頗為相似!
3. 一個學年考下來,小兒的數學成績還是可以的.可見TSL的數學水平,絕對不是省油的燈!
中文方面:
由於TSL的中文是用普通話教授的,五年的普通話中文課程訓練,雖然不一定能做到「我手寫我口」,但比起普通小學用廣東話教授,還是有相當之優勢.若能鼓勵小朋友多閱讀,多看書,初中中文根本就没有難度.
英文方面:
那就不用說了,一個字,「强」!
利益申報: 小兒畢業於保良局易澤峰幼稚園, 是陳守仁2007年的畢業生。
作者: siuchun88 時間: 13-1-31 10:03
每間學校總有讀得好和讀得差的學生,我個侄女在TSL畢業,當年學校band 1,2,3各佔33%,她屬band3,派位差到無倫.
作者: emanthon 時間: 13-1-31 12:02
TSL banding 1,2,3各佔33% , 應是2005年以前的事, 和近兩三年派位成績比較, 不可同日而語。
實話實說, 若小朋友是band 3 成績, 則無論在那一所小學就讀, 其派位也是無可奈何的!
此外, 即使是一條龍的學校, 很多在升中時也是設有最低門檻的, 例如中英數三科主科必需要合格或總平均分要及格等等...; 若果是英中龍校, 要求可能更高一些, 這一點家長必須注意。
| 歡迎光臨 教育王國 (/) |
Powered by Discuz! X1.5 |