教育王國

標題: 北區小學派位教局允本地生優先 [打印本頁]

作者: cherrymummu 時間: 13-1-21 08:13 標題: 北區小學派位教局允本地生優先

北區小學派位教局允本地生優先
********************************
小學統一派位程序結束，受雙非生湧港升學影響，今年上水80校網1700名學生需爭奪622個學額，大批本地家長擔心被迫跨區上學，有北區小學校長引述教育局，今年北區本地生將獲優先派位。另外，教育局長吳克儉昨出席公開活動時表示，將推5招紓緩問題，包括要求北區學校擴班、增加每班人數等，有信心今年能解決問題。

今年北區學額嚴重不足，本地家長均擔心子女要從上水跨區上學。上水80校網統一派位中心主任、香海正覺蓮社佛教陳式宏學校校長呂愛玲昨透露，教育局已承諾北區本地學童可優先獲派學額，相信跨境學童有可能要前往其他地區上學。

吳克儉回應北區小一學額不足問題時承認，北區學額嚴重短缺，派位前會先計算學額供應，呼籲本地和跨境學童的家長考慮選報其他地區學校，強調「跨區並不是一個特別現象」，其他區也有類似情。

至於5招，除將跨境學童分流到其他地區，吳克儉稱教育局研究於區內4間小學商討擴班，研究將區內空置課室改作收生，並於數間村校展開擴建，以及酌情考慮增加每班人數，希望增加學額供應。他形容目前進度理想，已有數間小學正就擴建工程招標，希望能於9月前與學校落實安排，但現時未有落實上述措施可增加的學額數目。

作者: ac917 時間: 13-1-21 09:20 標題: 回覆：北區小學派位教局允本地生優先

根本要全港各區都實施本地生優先啦，呢個係影響全港嘅問題，6年後升中咪又癲過?!

作者: cherryird 時間: 13-1-21 09:36

提示: 作者被禁止或刪除內容自動屏蔽

作者: elmo520elmo 時間: 13-1-21 09:38

希望真係會比本地生優先啦 !!!!

作者: ms.chan618 時間: 13-1-21 09:42 標題: 回覆：北區小學派位教局允本地生優先

教育局承諾本地北區學童可優先派到本區？？乜唔係電腦派位咩，大家都係入同一張表格點分辨本地定係跨區（而家D單雙非好多係香港都有物業可報本區地址），所以對佢話既承諾真係有保留。反而會覺得叩門位好大機會比返已派左去跨區既本地學童。

作者: bakusensei 時間: 13-1-21 10:34

ms.chan618 發表於 13-1-21 09:42
教育局承諾本地北區學童可優先派到本區？？乜唔係電腦派位咩，大家都係入同一張表格點分辨本地定係跨區（而 ...

不肯定申請表上只有父或母的資料或有兩者的資料, 但技術上，利用申請表上的父母有沒有香港身份證號碼來分辨可行嗎?

作者: nc2000 時間: 13-1-21 10:37 標題: 引用：根本要全港各區都實施本地生優先啦，呢個係

原帖由 ac917 於 13-01-21 發表
根本要全港各區都實施本地生優先啦，呢個係影響全港嘅問題，6年後升中咪又癲過?!

...

Agreed! 應全港本地生也優先派位，剩餘學額才派給雙非！

作者: dlee_ca 時間: 13-1-21 10:38 標題: 回覆：北區小學派位教局允本地生優先

北區優先，咪走去其他區？

作者: 786 時間: 13-1-21 10:49 標題: 回覆：北區小學派位教局允本地生優先

太好了！

作者: CoffeeCake 時間: 13-1-21 11:02

技術上應該做唔到吧？

作者: TMMA 時間: 13-1-21 11:05

坦白講，我唔信教署會優先派位比香港人！:;pppp:

作者: Joanne-Ma 時間: 13-1-21 11:44

有點懷疑

作者: virgokaren 時間: 13-1-21 11:45 標題: 回覆：北區小學派位教局允本地生優先

我都吾信吳克儉d承諾！
佢會花咁多時間將d跨境生抽出來？
有跨境生求其搵個有上水地址的做監護人又話係本地生。
我昨天sense到坐我後面果個係幫人填的。

作者: prettyfish 時間: 13-1-21 12:05 標題: 回覆：北區小學派位教局允本地生優先

我覺得要全港本地生優先，有好多地區都受雙非學童影響而借其他區學額，政府真係好無能。

作者: gigi1227 時間: 13-1-21 12:14

virgokaren 發表於 13-1-21 11:45
我都吾信吳克儉d承諾！
佢會花咁多時間將d跨境生抽出來？
有跨境生求其搵個有上水地址的做監護人又話係本地 ...

我都唔信

作者: LOVELY-BABE 時間: 13-1-21 12:21 標題: 回覆：北區小學派位教局允本地生優先

好似只係呂校長話北區優先，吳只是話跨區冇乜大不了

作者: loveDD 時間: 13-1-21 12:29

點區分"本地生"?

作者: virgokaren 時間: 13-1-21 12:36 標題: 引用：點區分"本地生"?+

原帖由 loveDD 於 13-01-21 發表
點區分"本地生"?

我估係靠個地址。

作者: virgokaren 時間: 13-1-21 12:36 標題: 引用：好似只係呂校長話北區優先，吳只是話跨區冇

原帖由 LOVELY-BABE 於 13-01-21 發表
好似只係呂校長話北區優先，吳只是話跨區冇乜大不了

又好似係喎！

作者: gigayan 時間: 13-1-21 12:38

呂校長所講既係真定假, 佢並唔代表教育局或任何官員, 可能佢都係"聽聞", 真係有d保留!

反之, 琴日吳局長走出黎叫d家長接受跨區, 就真係火都黎!! 個個月出糧俾佢, 就係咁樣幫市民解決問題?? 佢有無諗過, 好多家庭未必可以抽到咁多人力、物力和資源接送小朋友返學?? 琴日睇tvb新聞時, 聽到佢咁講, 真係大有“何不食肉糜？”的意境!!

作者: virgokaren 時間: 13-1-21 13:13 標題: 引用：呂校長所講既係真定假,+佢並唔代表教育局或

原帖由 gigayan 於 13-01-21 發表
呂校長所講既係真定假, 佢並唔代表教育局或任何官員, 可能佢都係"聽聞", 真係有d保留!

反之, 琴日吳局長 ...

咪係，當初係教統局搞分區派位，叫人地就近入學，吾好追求名校。
而家叫人地接受跨區，我聽到都火。
跨區係為左讓位俾班對香港冇貢獻的雙非，我就吾多願意！
公平？
咁對我地公平咩？
佢地俾幾萬蚊就可以領取出世紙，香港人身份，十二年免費教育，綜援，公共醫療，抵哂啦！

作者: cautionchan 時間: 13-1-21 13:45 標題: 回覆：北區小學派位教局允本地生優先

唔知大家記唔得自行張form 最尾問你係唔係港人之類!可選擇性tick 既呢？唔知有冇関係！不過如果真的優先，唔知又有冇人話岐視呢？

作者: conniechan125 時間: 13-1-21 14:03 標題: 回覆：北區小學派位教局允本地生優先

唔信:;pppp:

作者: ms.chan618 時間: 13-1-21 14:10 標題: 引用：Quote:ms.chan618+發表於+13-1-21+09:42+教

原帖由 bakusensei 於 13-01-21 發表
不肯定申請表上只有父或母的資料或有兩者的資料, 但技術上，利用申請表上的父母有沒有香港身份證號碼來分辨 ...

其實只要交表時一併要家長交埋身份證明文件，如係本地香港居民就出示3粒星身份證，而單雙非當然冇身份證⋯咁樣咪可以分辨到，可處理優先派位。

作者: virgokaren 時間: 13-1-21 14:33 標題: 引用：Quote:原帖由+bakusensei+於+13-01-21+發表

原帖由 ms.chan618 於 13-01-21 發表
其實只要交表時一併要家長交埋身份證明文件，如係本地香港居民就出示3粒星身份證，而單雙非當然冇身份證⋯ ...

Check ID number 都 check 到啦！
咁如果強國人搵香港人做監護人又點計先？
最好係 check 小朋友出世紙。

作者: nc2000 時間: 13-1-21 19:14

loveDD 發表於 13-1-21 12:29
點區分"本地生"?

正苦真係要做到區分本地生同雙非的分別有何難, 只要在小一選校填表上要填上父及母的香港永久居民身份證咪區分到LAW , 有幾難呢? 小一選校表上只係著重住址, 邊個校網, 係咪應該加埋父母的身份呢?

作者: vestzs 時間: 13-1-21 21:23 標題: 回覆：北區小學派位教局允本地生優先

轉左口風啦

作者: Miulo 時間: 13-1-22 00:06

咪開心住! 我怕到時有人出來嘈, 話歧視雙非, 對他們不公平了! 又攪大遊行!

作者: cherrymummu 時間: 13-1-22 17:08

北區本地生優先派位有難度，雙非學童或比估算更多
************************************************
以下是教育局局長吳克儉一月二十一日出席香港浸會大學饒宗頤國學院成立典禮暨午宴後與傳媒的談話內容：

記者：有北區小學校長指，教育局表示今年小一派位，本地生會優先，跨境學童方面如何？

教育局局長：多謝你的問題，讓我有機會再澄清一下。整個小一入學派位已經開始，六月一日會有結果。在此期間，無論本地或跨境的家長或學生都開始報名，表達自己的意願。我很明白北區家長對小一派位這方面的關注，我們已不斷與大家溝通，現時有幾個現行措施，我們會很認真去做。第一部分是向其他區借位，以往是這樣做，現在都是這樣做。第二，對於現時北區學校一些空置課室，盡量物盡其用，改變用途，希望能接收多些學生。第三，在四間小學加建課室，我已談過不少。最後，就有關需要，個別加派每班人數，這方面是根據校情，經過各方聯絡及討論而作出的。

我們清楚了解北區家長很希望能優先派位，不過，我在此強調，在考慮這個大前提時，有幾個主要因素，我們要在同一時間照顧。第一，跨境學童的整體分流程度如何，看看供與求的情況。第二部分是，北區家長本身的意願亦十分重要，正如我所說，香港過往多年，很多時家長就自己個人喜好、學生的要求，都有跨區的情況出現，所以我都要了解這方面的實際情況。第三，亦要十分小心，香港是一個公平、公正及透明的社會，所以派位的公平性是很重要的，我們亦要考慮這一點。最後，了解實際情況後，我們會進一步分析，看看哪方面我們可以盡量配合。我要強調，在聽取很多學校方面的意見後，我們本身有一個小一入學委員會，這是一個十分中立、客觀的委員會，作最後檢討。在考慮多個因素後，再看看可以如何處理希望優先派位這個意願。

記者：本地學額會否優先給予本地學童？

教育局局長：剛才已經提過，要視乎實際情況及供求情況，再看看怎樣安排，或者與大家分享過去一年的情況，在整體這現象出現時，當時亦有數十位本區同學需要尋找學位，再由分區教育主任向他們作特別了解及與學校聯絡，據我理解，結果亦能安置，作整體的安排。

作者: 786 時間: 13-1-22 17:37 標題: 回覆：北區小學派位教局允本地生優先

得番4個月，program改唔切試唔切。要優先要用人手。

作者: virgokaren 時間: 13-1-22 19:49 標題: 回覆：北區小學派位教局允本地生優先

欠接近1000個位，我當佢每班加5個位，當每間學校有5班，佢要搵40間小學至夠。

6月1日將會好多人喊住咁上電視！

作者: YOYO-WANG 時間: 13-1-25 09:14

loveDD 發表於 13-1-21 12:29
點區分"本地生"?

憑學童父母提供的居住地址，水費單據，厘印來分別，今年住內地的跨境學童收到的通知係橙色，本地學童係白底黑字加藍字。

作者: Monique2007 時間: 13-1-30 08:37 標題: 回覆：北區小學派位教局允本地生優先

佢地有咩資格揀三揀四呀，一於派哂佢地去大yu山南丫島長洲啦

作者: boboyobe 時間: 13-1-30 21:41 標題: 回覆：Monique2007 的帖子

好呀，長洲有四間小學，加埋lamma island , 大嶼山呀，派佢地去果到啦，當然都係香港人優先有剩先比佢地

作者: gigi1227 時間: 13-1-31 11:56

virgokaren 發表於 13-1-22 19:49
欠接近1000個位，我當佢每班加5個位，當每間學校有5班，佢要搵40間小學至夠。

6月1日將會好多人喊住咁上電 ...

政府可能習慣左估小D, 好似香港成日估無盈餘

所以估雙非無咁多人黎讀....

作者: maniris 時間: 13-1-31 13:13 標題: 回覆：北區小學派位教局允本地生優先

其實大家覺唔覺得宜家edu-kingdom都愈來愈多非本地人討論

歡迎光臨教育王國 (/)