教育王國

標題: 箍牙係唔係好易生痱滋 [打印本頁]

作者: maylmm 時間: 13-1-20 20:29 標題: 箍牙係唔係好易生痱滋

最近亞女見咗牙醫, 佢要收$55,000, 因為佢話果隻係新式牙箍, 銀色粒粒表面比較平滑而且較輕, 不易弄傷口腔及生痱滋

作者: wgcw1210 時間: 13-1-20 22:36

細個箍過... 因為D粒粒同鐵線好"利", 成日吉到... 我自己覺得唔止粒粒, 醫生手勢都好緊要, 因為要收箍, 中間D鐡線要修剪, 所以都會吉到...

不過當然啦... 咁耐之前, 唔知而家係咪仲係用鐡線

作者: WongWong 時間: 13-1-21 00:07

回復 wgcw1210 的帖子

都是用鐵線的,就算用新式COOL牙都係鐵線

作者: 霖霖B媽咪 時間: 13-1-21 09:19

生痱滋位置多數會係最後既大牙位置, 因為係鐡線的尾部位置, 所以, 如果當時熱氣, 牙肉脹左, 會特別易生痱滋.
另外, 初初落cool時都會有咁既情形, 不過, 我個牙醫會比一粒粒好似wax既野比我, 如果真係"介"到, 可以係落釘位貼上wax 粒粒, 咁就ok架啦.

作者: etK@n 時間: 13-1-26 22:37

亞仔箍左就快年半都唔會容易生痱滋喎，只係好熱氣時或者清潔得不好時才有。依家牙齒已有改善，過多一兩個月就快可以脫箍啦！

作者: 幸福的人 時間: 13-1-27 12:26

霖霖B媽咪發表於 13-1-21 09:19
生痱滋位置多數會係最後既大牙位置, 因為係鐡線的尾部位置, 所以, 如果當時熱氣, 牙肉脹左, 會特別易生痱滋 ...

你好,女兒暑假也要箍牙,可以pm你位醫生資料和大約收費給我嗎? 謝

作者: 幸福的人 時間: 13-1-27 12:27

etK@n 發表於 13-1-26 22:37
亞仔箍左就快年半都唔會容易生痱滋喎，只係好熱氣時或者清潔得不好時才有。依家牙齒已有改善，過多一兩個月 ...

你好,女兒暑假也要箍牙,可以pm你位醫生資料和大約收費給我嗎?謝

作者: maylmm 時間: 13-1-28 09:52

etK@n 發表於 13-1-26 22:37
亞仔箍左就快年半都唔會容易生痱滋喎，只係好熱氣時或者清潔得不好時才有。依家牙齒已有改善，過多一兩個月 ...

你可否pm我醫生資料及收費, 因我還未決定選擇那一間, 謝謝

作者: 幸福的人 時間: 13-2-22 15:06

霖霖B媽咪發表於 13-1-21 09:19
生痱滋位置多數會係最後既大牙位置, 因為係鐡線的尾部位置, 所以, 如果當時熱氣, 牙肉脹左, 會特別易生痱滋 ...

你好,女兒暑假也要箍牙,可以pm你位醫生的資料和大約收費給我嗎? 謝

作者: 2000winnie 時間: 13-3-4 21:42

提示: 作者被禁止或刪除內容自動屏蔽

作者: YuYuMother 時間: 13-3-5 11:59 標題: 回覆：箍牙係唔係好易生痱滋

我女好好彩箍牙成個過程都無生過痱滋。細仔剛剛上左箍，暫時都ok。

我覺得除左牙醫手勢，自己如何保養都好重要。我見細仔真係跟足牙醫指示好仔細刷牙同用漱口水漱口。另外我叫佢多飲水同唔好食熱氣食物，我諗都有幫助既。

作者: 第二任媽媽 時間: 13-3-5 12:22

請問要箍幾耐, 1 年可以嗎? 我都打算比我仔係暑假箍牙. 同埋係咪一定要等全部牙換晒恆齒先可以箍呢? 我仔現在正出緊上面 2 隻大牙. 之前睇過牙醫, 佢話出緊都可以箍, 但我對這講法有些懷疑?

作者: etK@n 時間: 13-3-7 21:33

我估1年未必得咯，我仔在升小六果年暑假箍牙，箍左年半後就可以除鐵線，依家上橡筋，四周後就可做模整牙托，日後用來固定位置。
亞仔箍牙前都有2只牙生緊出來(一半)都可開始箍，但係佢牙床細又成鵬牙走偏位，所糾要脫兩只才箍得。依家好靚仔啦！

作者: meyonw 時間: 13-3-24 11:26

請問各位, 有無小朋友係下顎斜又倒及, 都可以箍牙?? 因我去睇個醫生話要佢生定才可箍, 可能18歲後!!

作者: wyl 時間: 13-3-24 12:57

meyonw 發表於 13-3-24 11:26
請問各位, 有無小朋友係下顎斜又倒及, 都可以箍牙?? 因我去睇個醫生話要佢生定才可箍, 可能18歲後!! ...

你係咪睇專科矯齒牙醫？如果一些顎骨問題，應該在11、12歲發育期可以有一些功能矯正器幫助矯正（唔係普通箍牙），到18歲已經太遲，骨生定咗就冇得改，只能做正顎手術，風險仲大。建議你搵多個專科矯齒牙醫攞second opinion啦！

作者: win-mama 時間: 13-3-26 00:22 標題: 回覆：箍牙係唔係好易生痱滋

都易的易藏細菌
又易吉到

作者: sabrina_tsoi 時間: 13-4-5 01:00

提示: 作者被禁止或刪除內容自動屏蔽

作者: kitty28_2 時間: 13-4-11 21:35 標題: 引用：請問要箍幾耐,+1+年可以嗎?++我都打算比我

原帖由 第二任媽媽 於 13-03-05 發表
請問要箍幾耐, 1 年可以嗎? 我都打算比我仔係暑假箍牙. 同埋係咪一定要等全部牙換晒恆齒先可以箍呢? 我仔 ...

我女十歲，箍一年可版。現在箍完，帶定位器。

作者: jj100c 時間: 13-4-30 09:05

你們小孩是否哨牙才箍牙？我亞仔要戴十八個月牙齒矯正器，要$32000,淨係矯齒，箍牙又話另計。醫生話第日箍要上、下顎分開箍，我感覺佢好似dum症。有無好嘅牙醫介紹？

作者: maylmm 時間: 13-4-30 09:59

jj100c 發表於 13-4-30 09:05
你們小孩是否哨牙才箍牙？我亞仔要戴十八個月牙齒矯正器，要$32000,淨係矯齒，箍牙又話另計。醫生話第日箍 ...

可能個個case唔同, 我女有哨牙, 你曾經帶過牙齒矯正器都係幾仟蚊, 佢係可以除落嚟果種唔知係唔係你果隻, 如果箍要上、下顎分開箍, 咁咪要箍幾年

歡迎光臨教育王國 (/)