教育王國

標題: 今日參加了一個繪畫比賽，令我對選小一哩個大project充滿反 [打印本頁]

作者: HappiMom 時間: 13-1-20 00:27 標題: 今日參加了一個繪畫比賽，令我對選小一哩個大project充滿反

During the drawing competition held this afternoon， the parents simply took up the sketching work n colouring work！ the kids simply helped a little bit in the colouring

And it seems that no one theres think that it is cheating

I feel so irritated n have bern wondering all day if it is the common values among nowadays parents.

I doubt if the same will happen in the competition for P1 places..

If so， i really have to be realistic and try to identify those schools which do not encourage such culture.

Can anyone share some insights here？

作者: Jane1983 時間: 13-1-20 00:35

繪畫比賽好多時都有呢個情況，果d得獎作品一看就知無可能出自幼兒之手！

至於考小一，面試係小朋友自己入去，父母無得幫。但當然有人會走後門和拉關係，吾係點解高官、富豪、明星等人的仔女會入到好學校呀。

作者: HappiMom 時間: 13-1-20 00:46

咁第日小一個d美勞、project 功課係咪都係由家長做？

作者: helenli 時間: 13-1-20 01:08 標題: 回覆：HappiMom 的帖子

校內的美勞就當然小朋友做，但一帶回家就變得唔同晒！長假期的project/視藝功課，有些複雜到小朋友一個人一定做不來，家長幫手好平常，學校都隻眼開隻眼問閉。

作者: cyhh 時間: 13-1-20 02:21 標題: 回覆：今日參加了一個繪畫比賽，令我對選小一哩個大project充滿反

都唔係吖，我喺綠區，都見到好多小朋友係自己畫，而家長幫手嘅係好少部分^ ^我估家長畫大部分嘅，應用唔多呱。。。

作者: ac917 時間: 13-1-20 06:22 標題: 回覆：今日參加了一個繪畫比賽，令我對選小一哩個大project充滿反

係咪維園果個所謂比賽，上年我地都有參加，都見到有同樣情況，呢個比賽其實主要目的係做善事，我當損錢俾d小朋友玩下咋，而且仲有大堆souvenirs，小朋友都玩得好開心，個比賽結果...我連睇都冇睇，考小一並唔只睇呢d嘅，呢個社會唔守規矩嘅人大把，做好自己教好自己小朋友，最緊要自己心安理得。

作者: wgcw1210 時間: 13-1-20 22:21

所以選校係咪應該睇重D間學校0既品德教育?
但係點可以睇到呢?

作者: sbux 時間: 13-1-20 22:26 標題: 引用：咁第日小一個d美勞+、project+功課係咪都係

原帖由 HappiMom 於 13-01-20 發表
咁第日小一個d美勞、project 功課係咪都係由家長做？

以我所知唔只小一係父母出手喎

作者: samchan2179 時間: 13-1-20 22:54 標題: 引用：During+the+drawing+competition+held+this

原帖由 HappiMom 於 13-01-20 發表
During the drawing competition held this afternoon， the parents simply took up the sketching work n ...

當年幫小朋友報畫班，一間係門口放唒D portfolio 　sell 可以用泥報小一，之後聽到老師同小朋友講，你要比D心機畫，阿xx畫得好過你，嘩，即走人。我小朋友學畫畫，唔係要porfolio

朋友係Facebook 成日show 阿仔D畫畫獎，有日佢投訴佢老公，話阿仔畫畫比賽，老公唔幫手，今次實攞唔到獎！

做自己認為對的就可以。

不過小學入學，真係鐘意收多獎的小朋友，

作者: coll 時間: 13-1-21 01:38 標題: 回覆：今日參加了一個繪畫比賽，令我對選小一哩個大project充滿反

如果係親子比賽，父母就會幫手。
如果唔係啲話，就唔好啦。

作者: giannapoon 時間: 13-1-21 08:44

回復 Jane1983 的帖子

對對對，越出名越黑暗

作者: Cadimom 時間: 13-1-21 11:35

其實我都有參加，都是在綠區畫！見到有啲大姐姐真的好有心機用鉛筆起稿，我都不忙叫女女欣賞大姐姐的努力！但亦見到有啲家長不停好忙咁幫小朋友畫及油！我自己唔會咁做，因為這不是我女女的作品！我估我女女會好自豪自己能夠完成到，那份滿足感是非用金錢買到！

作者: HappiMom 時間: 13-1-21 12:29

對，愈出名愈黑暗，我坐既區就係撥左比一間有開畫班既learning centre!

因我囡囡係個到上英文，所以順便參加哩個活動。估唔到可以「大開眼界」。

講到學校美勞，小朋友咁細家長幫一幫做一d小手指掌握唔到既野可以理解，不過我同老公都儘量比佢參與多點，今次唔識就學，希望每次識多一點點！

作者: johnnywalker 時間: 13-1-21 19:59

提示: 作者被禁止或刪除內容自動屏蔽

作者: Parisienne 時間: 13-1-21 23:05

本帖最後由 Parisienne 於 13-1-21 23:06 編輯

我唔鼓勵幼兒學畫畫。
幼兒期間，畫畫幾乎係唯一一樣唔需要學嘅嘢！人人都希望阿仔畫果樣似果樣，但點解唔可以留d想像空間比小朋友？

曾經有個媽咪話老師教佢三歲囡默畫，默點樣畫隻兔仔！首先畫耳，再畫臉，然後眼⋯！真係圓圈加一點，好似學畫叮噹咁畫！
我話，真係好可悲，因為妳個囡以後唔會想像到有其他方法畫兔仔了！而事實上佢可能會用一百種自己的方法去畫，去想像。

亦有個阿媽，當人人都叫自己個仔用黃色呀、紅色呀、橙色畫太陽時，佢個女偏偏選黑色。個阿媽無阻止，只係問點解，而佢三歳嘅囡答：因為呢個係夜晚嘅太陽，夜晚黑唔係因為無太陽，而係個太陽變咗黑色，所以夜晚就變黑色。

嘩！幾精彩呀！童話故事都係咁嚟㗎咋！姑勿論對或錯，小朋友的創意就係唔好下下幫佢教佢比答案佢。

家長做少d，仔女先可以睇寬d。我而家都無比阿囡學畫畫，亦唔會阻止佢畫黑色太陽。
其實個個小朋友都創意無限，千其咪用大人框框綁住佢地呀！
可能離題，但實在有感而發。

作者: monsterparentss 時間: 13-1-22 00:06

本帖最後由 monsterparentss 於 13-1-22 00:08 編輯

回復 Parisienne 的帖子

講得好好呀！我同老公都識畫畫，但我從沒教過仔仔畫，覺得小朋友應該留有一份童心去畫畫。所以我哋從來唔會參加畫畫比賽，變得無意思了。一睇都知唔係出自小朋友嘅手筆，呢份童真感覺，欺騙唔到我哋識畫畫嘅人！

另一個原因就是畫室教嘅畫，大部份係抄老師嘅畫。出來嘅效果係好靚，但無咗創意同發揮嘅空間嘞。我都係從不改佢啲畫，只問點解佢咁畫，聽完就算。小朋友有佢哋嘅見解，同大人諗法絕不一樣，有時幾好笑㗎，留番啲空間俾佢哋發揮喇！

作者: junyi 時間: 13-1-22 00:25 標題: 回覆：今日參加了一個繪畫比賽，令我對選小一哩個大project充滿反

其實你慢慢就會又發現呢個香港就係咁架啦，我上次去參加校際朗誦重差！市面上話校際朗誦係最有代表性我先參加，可惜.......換嚟嘅係浪費金錢，浪費時間，無聊，不知所謂！話說我普通話同英文都參加咗，先係英文.....之前講明個外藉評審係非常嚴，入去唔準出返去，唔準講電話，唔準xxxxxxxx幾樣好正常嘅嘢，整體上都ok !（雖然有人錄影冇人睇到，成日有人開門撞入嚟，但整體我都覺有85分）唯一我覺得如果比賽係屬於好有代表性嘅就唔應該用一嗰評審！但一個星期後再去普通話真係不知所謂！首先，房內嘈雜，講明5歲以下非參賽者不準入！每位參賽者只可一位家長陪同，但房內完全不是這回事！最嬲嘅係係比賽時，有幾位家長（企起身）又有，做超誇張口型嘅提水，重有一個用超超誇張嘅手勢／動作同口型提水

冇人理！事後有位媽媽睇唔過眼，去評審即時未出分時投訴（講明咩冧把！到評審出嚟講賽果時，重要話剛才有人投訴父母提水，但須然提水，但都要個小朋友演繹到同領唔到先得架！

:;pppp:茅頭更指投訴人多事！

最後這幾位都攞A！臨走時這幾位媽咪同小朋友過去評審打招呼，評審話你今日做得好好（佢哋係識嘅）！睇到呢到你有咩feel 呢？我坐響到睇曬全過過程，特然間覺得自己好白癡，浪費時間！申報我個小朋友亦攞相當好的成績，但亦看不過眼！這個香港就係咁架啦！算把啦

作者: HaYi 時間: 13-1-22 13:22

小朋友細學繪畫絕對是好事, 可以令小朋友認識不同的表達方法, 但大部份畫室是學"抄畫"就不是, 分別在教的老師如何教, 家長的期望又係咩.

現場比賽次次見, 各大畫室有代筆大把, 主辨單位好少理, 我覺得評判如果給獎此些明顯的代筆畫, 是評判水準不夠, 下次就不要參加了..

作者: 花仔媽咪 時間: 13-1-22 13:41 標題: 回覆：HappiMom 的帖子

比賽只是一個比小朋友挑戰的事，特別是繪畫又冇一定標準，所以不要太認真

作者: easybring 時間: 13-1-22 17:08

本帖最後由 easybring 於 13-1-22 17:13 編輯

我都有去呀! 我地一定唔會有獎(最後無交到)....我最憎art 都要幫手油顏色, 因為我怕7點都唔走得呀! 吹到我頭暈. 叫做參加下慈善活動only.

作者: hadwinboy 時間: 13-1-22 18:36

我上年參加過圍棋比賽的經歷一樣. suppose 只是小朋友入內對賽, 但因為於商場舉行, open area, 父母其實可站於旁邊觀戰. 於是乎..怪獸家長出動了. 我眼見一個爸爸在旁邊"指導"自己個小朋友如何作賽, 甚至幫個仔舉手舉報對家小朋友行兩子. 其實開賽前, 個棋院主席已經提在場小朋友應自己懂觀察對方行為自己舉手. 你比得個小朋友比賽, 都係想佢學懂競爭增加實力, 父母事事代行, 反而會阻礙了個小朋友進步. 最後那個小朋友頭6名, 那又如何. 個獎是他爸爸的.
說回我個仔, 東張西望極不專心, 我同佢爸爸睇住對方多次連下兩子. 結果我個仔當然輸了, 大喊. 我話佢, 你自己唔專心睇唔到對方出貓, 與人何尤?

作者: HappiMom 時間: 13-1-22 19:32

回復 hadwinboy 的帖子

我覺得哩種家長既價值觀真係令人側目！

作者: train 時間: 13-1-22 22:06

回復 HappiMom 的帖子

Don't be angry. 眼光睇遠啲。啲父母噤鐘意幫就由佢哋啦，由佢哋贏著場比賽。但在人生路上定是那些冇父母幫的贏。

作者: Jane1983 時間: 13-1-22 22:16

我比較吾抵得頸，如果果個爸爸和我小朋友對賽做d咁既事，一定鬧爆佢。

作者: 魚兒小寶貝 時間: 13-1-22 22:48

Parisienne 發表於 13-1-21 23:05
我唔鼓勵幼兒學畫畫。
幼兒期間，畫畫幾乎係唯一一樣唔需要學嘅嘢！人人都希望阿仔畫果樣似果樣，但點解唔 ...

其實畫畫又唔止訓練小朋友＂創意＂呢一點既，仲有專注力，觀察力，欣賞力。。。只係依家有好多家長太急功近利，往往急於睇個＂成果＂，有d畫室（唔止係畫室）為左迎合家長，變質了!
可能有d小朋友藝術天份較高，又好想象力。。。不過好似我囝囝咁，對住張白紙，真的無從入手! 我地做讀書報告，叫佢畫書內喜歡既人物或圖畫，佢真係哭喪著臉架! 我想幫佢報畫班，但實在揀唔落手。。。

作者: cyhh 時間: 13-1-22 23:17 標題: 回覆：今日參加了一個繪畫比賽，令我對選小一哩個大project充滿反

咁我好贊成小朋友學畫畫喎，我自己細個都有畫。除左可以練手碗同專注力外，亦可以教佢用唔同嘅形狀，去分拆一個物件(例如:巴士=長方型+圓形車碌)，透過老師教導，佢畫得多，先可以靠自己已知嘅野再相象。至於抄畫，我都唔贊成呀，所以我會報唔同嘅畫室，等多d老師inspire佢，因為相信每位老師就算畫同一樣野，都有唔同教法。

作者: cyhh 時間: 13-1-22 23:21 標題: 回覆：今日參加了一個繪畫比賽，令我對選小一哩個大project充滿反

至於參加比賽，其實睇你著眼點係邊，我都會幫小朋友報，主要係免費/慈善果d

，有時明知有d係分豬肉，但小朋友得到鼓勵而增加信心，都係好事呀(^^)不過我唔肯定呢d比賽究竟考小一睇唔睇，我覺得主要都係睇面試表現。

作者: sonmeow 時間: 13-1-22 23:40 標題: 回覆：HappiMom 的帖子

I did not see the parent draw for her/his child. most of them are just give some hints n direction to their child.

作者: little_yolky 時間: 13-1-25 11:41

回復 train 的帖子

係, 我屋企附近有兩位阿媽, 各有一名囡囡, 一位高中女仔, 一位出嚟工作女仔。每朝七點幾, 兩位阿媽就會準時响小巴站排隊, 然後一直排, 排到各自阿囡來到, 可以馬上上車。

工作女仔阿媽仲絕, 有次落雨, 因阿囡嚟到時小巴未到, 所以一齊等, 就幫阿囡擔遮。

我馬上同阿囡講(5歲), 你以後返工返學, 我一定唔會同你一早起身排隊的, 怕遲到, 自己早啲起身出門口。

作者: Gloriasogashiwa 時間: 13-1-25 12:28

回復 helenli 的帖子

呈分視藝作品家長也會出手。

作者: Christi 時間: 13-1-27 23:36

http://hk.apple.nextmedia.com/news/art/20120623/16452810

蘋果日報
飛常 Play group：九流繪畫班

畢加索畫展熱鬧了一個多月，門票場場售罄。但「大收旺場」其實是對藝術品的大大不敬，在趁墟之中無人能用心去感受畫筆與顏色的力量。前天早上，帶囡囡去認識大師，結果又是落荒而逃，離開時還真的對畢加索心存一絲歉意。

雖然未能一一欣賞各展品，但展館外的一個角落，倒令我留步。那角落放了一張枱、六張凳和一個壁報板，一些鉛筆和白紙。很多小朋友即興畫畫，壁報板上貼滿了他們的畫作和麥兜式的讚美句子。小朋友的畫，向來都是天馬行空，與畢加索的作品一樣難明。當中有一幅頗特別，是一位小朋友抄繪畢加索《坐着的女孩》。

那幅畫「臨」得不錯，但我還是更喜歡小朋友那些塗鴉、毫無邏輯可言的原創性。這令我想起了坊間許多的繪畫班。

繪畫，是大部份小朋友都會上的興趣班，目的是用顏色來刺激創意。然而，一位擅長於水墨畫的朋友說過，他不會將孩子送進畫班；我認識的美術老師也說，坊間一些九流繪畫班，其實在扼殺孩子的創意。

因為，那些繪畫班的導師會請小朋友按某圖畫依樣畫葫蘆。甚至，會預先擬定好圖畫的結構，如左上角應畫一個太陽，右下角宜有一棵樹等。這種教畫法，好處是小朋友能在短時間內，「畫」出一幅似模似樣的作品；最重要的是，畫班導師能藉此向小朋友的父母交代，留住顧客。

但急於求成，壞處是導師過早地將太多限制、單一審美觀套入小朋友的想像世界。即使將來孩子的繪畫技巧高超，或者他能成為臨摹高手，或者他能規規矩矩的游走於畫紙上，但他一定很難自成一派。

畫紙是沒有框框的世界，天不必是藍色、頭髮不必是黑的。別讓九流畫班騙去金錢、奪走創意。

作者蘇菲，有小型飛機師牌的媽媽，拒做直升機家長，讓孩子翱翔。

歡迎光臨教育王國 (/)