教育王國
標題: 迷茫(專注力不足過度活躍) 很長氣.... [打印本頁]
作者: swk0201 時間: 13-1-18 11:14 標題: 迷茫(專注力不足過度活躍) 很長氣....
本帖最後由 swk0201 於 13-1-18 11:26 編輯
幼稚園三年,老師總說他較為心散,多嘴,是個開心寶寶,但不像特殊要去專科check(佢糸活動教學),功課沒左右倒轉寫,6/9,B/D P/Q沒寫錯,學校話教署指引沒考試,沒默書,只有評估,評估成績不是太差,作為家長以為沒事,男仔貪玩些,
在家可以坐定看書可以30min 坐定定玩Puzzle還要很細塊那種,成日行行下跌倒,以為佢(論盡)
上小一問題來,字好羞,成日駁筆,中國的國外匡成日寫得吾長,又要添長,口字部由底寫反轉頭,筆順問題,文具成日吾見,好彩過幾日又尋回,吾好彩石沉大海,為左佢,好似開文具店,每樣文具多備一些在家, 手册成日抄少左或白雪雪隻字不寫,
問佢總說忘記寫,上課老師話多嘴,但ok可以接受佢吾糸好差,在班中差過佢的同學還有, 默書溫完又吾記呢個字點寫那個字點寫,why?5+3=9,3+6=10,2+7=8 ,2字反方向寫,6/9,B/D P/Q,掉轉, girl口串左j i r l ,Jelly 口串左 G e ll y 以上問題耐吾耐又發生,不是每日每次,但都有同學校傾,老師話會交名比教署做小一那個識別驗查,多次追問幾時做,學校話教署未派人來,每間小學是排隊等專家來的,但結果放暑假前再追問幾時做,才知已完結,沒我小朋友份,話佢吾糸好差.唉!
自行找家庭醫生寫紙去兒童體能智力測驗中心排期, 小二開學問題越來越密,越來越多,成績可以十幾分,多些時間溫可以8,9字頭,中文字仍很多學過又忘記默吾出,但抄寫都算ok,幫他報公文數英文要由K2,3 Level 開始,經過多月每天1+1,1+8不停做,加數總算穏定, 5+3不再出現=6/=7/=9, 但見他好慘,學校功課溫習,公文功課,但10個月開始見他hea 住又來亂做一通, 但問他他是懂計, 再加上學校已教乘數,同公文距離太遠,為由取消公文,手册,文具,功課跟少一陣都吾得,為一好彩,佢懂執書包,一星期少帶一本半本書都會出現, 但回到學校同在家差很遠, 昨晚同佢跟死神博鬥才完成的功課,佢總會有一兩樣沒拿出來交
,明明書包有的課本手册,上課時又話吾見左,被老師登記要扣積分(操行奬賞),考試要思考多字如作文作句尤其是看圖作句,數學文字題 ,改卷老師很舒服,只需一個大交叉,因為佢又在那part 交白卷. 差不多小二完結,程況好像有點改善,少左跌倒,交白卷題數少左,手册寫得好左少少,吾知糸咪有關學左跆拳,亞Sir 話初初上半年佢好似咩都做吾明做吾到sir好簡單要求只會多嘴多手多腳,大至中三,四師兄,細至k2佢都岩咀型形去傾
,但在暑假發現佢進步很多,很多動作做得很好,自己也發現他其他方面有進步左.
小三開學後安排到見心理學家,職業,物理治療檢查, 不是確診,報告結果是帶有專注力不足及過度活躍,心理學家口頭說:(抄寫讀沒問題但識的字比同年小朋友差左少少,因在默字時發現但不在報告列他是讀寫障礙), 物理:手腳協調較同年弱
但某些比同年更強,只需在家自行幫佢練習,職業:寫字速度剛剛好達標,執筆有少少問題,職業治療師教左二個訓練回家自行練習,
但小三開學到依家,小朋友問題出現轉變,行為情緒,很掛心,佢又返回交白卷拒做堂課,測驗,很易發怒,本排緊政府專科2014年年中,等不切,已約私家5月到,但上星期問題又好像更嚴重,老師話佢有上課時是戶動或有興趣課題,佢可以好專心及積極,但在家溫習佢個心好似左關門那樣,只肯看及讀課文,不肯用紙抄或默,每一次讀都會很快遊雲,或坐坐下睡著了,要佢默即時話吾想默,好忟,就算坐下默吾到幾隻字,你吾叫佢訓到口水到流埋, 同佢傾佢誠應吾想見到D中文字,吾糸真糸好倦,但佢自己吾知訓左,佢仲問反我媽咪我訓著左咩我幾時訓左? 佢最近偷左家中錢回校買野吃,佢話知吾岩,但又好想買,所以最後沒拿反出來而帶左反學買食物.
從老師口中得知同班小朋友因同佢經常有爭吵,(佢吾會出手出腳搞人,得把口那種,在課堂佢吾專心的時條都糸自搞文具不會離位周圍跑),同學不是做到好明顯,但有些都對他避之則吉,聽到好心痛,
其實佢糸專注力不足會有這些程況?究竟佢需要藥物幫佢定糸行為治療? 好擔心,佢以前咩都肯做雖然做得慢,做得吾糸好好,但總算肯做,但依家佢關門逃避抗拒
下星期另預了私家精神科,好迷茫,心理or 精神科岩佢, 也覺得好吾開心,浪廢好多時間,學校話沒事,但依家發展到咁.....
作者: lillymarie 時間: 13-1-18 12:03
我大囝以前都好怕中文，每日放學一想到要做中文功課就發脾氣，先哭半個鐘。佢睇死自己要做好耐先做得完功課。未開始已怕咗先。
我記得當年，係叫佢做哂所有容易的功課先，到中文功課時，例如抄生字，會用計時器去計下佢寫一個詞語要用幾多時間，做到好似玩咁，讓佢挑戰自己，睇下下一個詞語會唔會寫得快些。
我囝囝小肌肉慢咗兩年，空間感又差，所以寫中文字好困難。所以我盡量唔使佢寫，亦唔改他的字體。改只改那些錯得好離譜的。
我知道佢好怕寫字，所以盡量想一些唔使寫的方法和他溫習。
你囝囝坐坐下會瞓著，咁佢其實真係好攰。大人唔夠瞓心情都會好差，小朋友亦一樣。
作者: swk0201 時間: 13-1-18 12:51
本帖最後由 swk0201 於 13-1-18 12:52 編輯
回復 lillymarie 的帖子
吾糸倦,佢糸逃避,三年班剛開學佢就每次做中文科就糸邊做邊哦,吾想寫,點解要抄咁多要寫咁多,有人幫我寫D,我會做得快D
到近十二月中開始玩逃避,在家不論何時,就算是早上睡醒二小時內叫佢抄寫中文就咁,在堂上作文,一糸發脾氣話吾識做,一糸又周遊列國,作吾晒,堂上訓就應該不夠膽,因為老師有講佢問題,但從沒提及堂上睡覺
作者: lillymarie 時間: 13-1-18 12:59 標題: 回覆：迷茫(專注力不足過度活躍) 很長氣....
咁真是困難了！有無試過將中文功課分開做？即是做一陣中， 一陣英，一陣中，又一陣數咁。難易難易咁。
佢已有抗拒情緒，不宜硬碰。都是想幫他罷了。
作者: swk0201 時間: 13-1-18 13:09
本帖最後由 swk0201 於 13-1-19 12:27 編輯
其實,我有retalin 10mg 在手,但因開藥的醫生我對他沒信心,不敢比小朋友吃,因為小朋友自小睇開呢位醫生,發生連串問題後,見他掛著社區精神醫學深造文憑,以為可以幫到我,預約時姑娘話醫生會做評估,但見醫生時醫生沒做,只叫我拿出做左的報告給他看,之後又話我管教問題,小朋友沒病沒藥吃,我話學校和我很擔心佢情緒,佢又話試下,應該可以幫到小朋友,一邊講一邊寫病歷表,我主動問佢糸咪要吃藥,吃左我要留意佢D咩,DR.話吾使沒特別,我心在估糸咪開專注力藥,我又問有沒有副作用.DR.好明確話沒有,我又問專注力藥,糸咪心臟有事吾吃得,我懷疑家族有心臟問題,吾肯定小朋友有沒有問題,DR.就答咁遲D安排心臟超聲波比小朋友.但由此至終佢都沒講藥名,但有教點樣吃早上7:00半粒,下午5:00半粒
比錢一看真的是自己猜那隻藥Retalin
但DR整個過程沒為小朋友磅重,度高,量血壓...就算有記錄都是二,三年前,平時是看傷風感冒,所以磅吾磅重都沒多重視,但今次總覺好兒戲,不是抗拒吃藥,而是DR.比吾到信心我去吃呢粒藥,唉!
作者: swk0201 時間: 13-1-18 13:26
回復 lillymarie 的帖子
多謝你先,其實咩八寶都出晒,打罵氹奬講道理讚傾計鼓勵,行得通一兩日又打回原形,最慘依家考試途中,已知二科又有交白卷程況,中文寫作吾作,數學文字題20分空白吾做,下星期還有二科要考英文及常識,我已放棄,吾迫佢溫啦,常識又是中文字,我好怕佢依家只是落閘關門,還未到上鎖地步,再迫上埋鎖,都吾知有沒有得救,為由自己生悶氣自己忟,今次考試預了抱蛋
作者: lillymarie 時間: 13-1-18 13:56 標題: 回覆：迷茫(專注力不足過度活躍) 很長氣....
我囝以前睇兒童精神科何醫生，但唔平，第一次要$1800, 後來一個月一次要仟二, 三元連藥。
阿囝食咗藥後脫胎換骨。
作者: crazycat 時間: 13-1-18 21:30
我囝情況和你囝都很相似,小四在私家醫生確認是adhd, 跟隨是食藥,再交確認adhd的(證明信)向學校申請功課及測考調適(減半), 放學後在補習社做功課, 補習老師很夾他, 做完功課才回家, 沒有了跟功課及溫習壓力, 關係才慢慢改善.
加油呀,永不放棄, 總有出路的
作者: mousely 時間: 13-1-18 23:13 標題: 回覆：迷茫(專注力不足過度活躍) 很長氣....
其實我的處境不會比你好，由幼稚園開始巳有投訴，上年已去政府做評估，但只說他有專注力弱，而且還說不用跟進，我仍是每天嘔心瀝血、出盡法寶想辦法去改變這個衝動、行為情緒都不受控制的過動兒，情況時好時壊，我的兒子剛上小一，就不斷被投訴，在校坐不定，騷擾同學，最近還打架，今天跟同學講粗口，我不知他從那兒學，在家打工人姐姐，我的情緒巳崩潰嚴重，今天激氣到一度難以呼吸，我以為自己要死了，但我對自己說我不能有事的，我要撐住，其實我兒子還生活於一個單親家庭，由他一歲開始我便擔起這個擔子，除了工作外，所有時間都陪他，這條路對我來說巳經是很難行，現在還要這樣。靜了下來，偷偷哭了一大場，現在倘算平靜了些，看完你的事情，提醒我不能再等了，我已約了期帶他見私家精神科醫生，我願意把積蓄奉獻出來換取一個希望。Sorry!我說得太多了。
大家一起努力吧!
作者: crazycat 時間: 13-1-19 10:41
我也是先到政府做評估，也只說專注力弱，(我覺得政府不是很嚴重的話, 不會說是adhd, 冇甘多資源呀) 但我要求再排再跟進，一邊看私家醫生, 約一年半後終於可以排到政府精神科了, 平好多的,每次只需60元, 所開的藥也是一樣的, 所以不要放棄, 我冇能力長期看私家呀
作者: swk0201 時間: 13-1-19 12:05
本帖最後由 swk0201 於 13-1-19 12:31 編輯
回復 mousely 的帖子
我原意都是等政府,初初都覺不是很嚴重很差,做評估前也見他在某方面有進步,以為自己可以幫到佢,心理學家也說他只是帶有專注力不足及過度活躍,不是確診, 將來發展下去會有二條路,1.人長大控制力越強,加上適當幫助佢,呢D問題可能會消失,2. (如沒適當幫助吾理佢)再大D可能程度更嚴重.
我家也不是很富有,但呢一刻,佢好多問題,好似老師話吾覺佢要吃藥,佢上有興趣,吾使坐定定深入思考沉悶的課堂時可以表現很好.(老師每天每堂不是專為我兒而設,功課考試默書堂課人人都要交),所以我等吾切,為由邊私家邊等政府
呢幾日我放棄,因為考試我沒法一天半天就可以幫他溫晒考試的內容,尤其是要佢識內容再自行寫番出來,迫佢佢又如此逃避,星期五放學後,我完全沒同他溫習,等見了醫生再算, 可能呢幾日我咁做或許不正確,但我吾想因我迫佢而令佢更反抗,
佢把口答就咩都識答,但寫吾出D答案(文字問題),如溫習就要迫寫字
其實,我寫出來仔仔的事,也希望不要像我咁遲先找醫生跟進
作者: 414928 時間: 13-1-19 13:44
孩子有問題真的苦了父母,如果父母已接受小朋友學業成績不太好,父母可主動同學校傾傾在功課上作一些調整,以減少小朋友的壓力,當然默書考試為了公平一定不會有調整,但父母可自己調整,就是只同他溫習某一部份,如果這部份默書/考試都做對了,就認同他的努力,給予獎勵。
小朋友一但失去學習動機,就會衍生其他問題,所以現在最重要是幫他在學習上取得自信。
作者: rainbow*~ 時間: 13-1-21 00:20 標題: 回覆：迷茫(專注力不足過度活躍) 很長氣....
楼主，睇到你仔同我仔情況好似，今年一月被心理學家評為ADHD,在醫院排期排到今年5月見醫生，學校考試，評估一百分(四科加埋)
，閱讀理解，文字題，作文全部唔做，交白卷，,上堂自說自笑，破壞秩序，唱歌，不做堂課，不寫手册，上堂夢游，日日欠交，唉…真係好痛苦
作者: faye525 時間: 13-1-22 23:21
樓主, 我小朋友而家小三, 佢情況雖然無你小朋友咁嚴重~ 但係起碼有一樣地方就係 好多咀, 好鍾意駁咀, 冇耐性, 好鬼死心急, 同埋坐係位冇野俾佢做, 就一定會攪自己D野~~ 星期六做功課可以做足一日的!!!
學校都唔覺佢有問題架~~ 覺得佢比較好動D唧~ 加上成績唔錯, 所以令老師們更加唔覺有問題, 但係其實我係屋企係花左好多功夫
我係小一時, 已經覺得唔對路, 小二一開學我就到左極限, 捉左佢去睇私家醫生, 確定左係ADHD+對抗性反抗症...直接食藥~
我只可以話, 食左藥後真係易教好多.....好明顯藥力生效時真係入腦, 同埋爽手!!! 藥力一過, 就會打回原形, 想藥力散時情況冇咁差, 就要靠平時調較好生活習慣 (即係行為治療). 全家一起努力, 過左一段時間一定會見到成效架!!
經過呢年幾食藥既幫助, 我小朋友明顯好左好多.....除左行為上, 能力上都強左好多...唔係講笑, 或者去讚小朋友, 但係佢真係可以拎到好多獎狀返黎啦~~
雖然老師都有講, 佢仍然係冇咩耐性, 上堂佢做晒野齋等同學做時, 都係一定會攪自己野. 但係老師明白到佢有呢個病係咁, 所以講好左條件, 係唔影響其他人情況下, 係可以俾佢自由活動的~~~ 一叫收野, 佢就要馬上回魂~~
變左佢攞正牌, 快手做好野, 係可以畫下公仔咁架~~~
老師都有同我傾過, 覺得我小朋友情況OK, 其實可以試下唔食藥, 問我打算俾佢食到幾時...我就話, 只要佢唔食藥時, 都可以正常時間完成功課, 我就可以唔俾佢食~~ 不過暫時都係未得~~ 唔食藥做功課, 屋企會變左人間地獄的!!!!!!
各位ADHD既父母~~ 加油啦~~~ 大家都打緊一場唔知幾時到終點既仗~~~
但係小朋友真係睇我地點幫佢架啦!!!!
作者: swk0201 時間: 13-1-23 23:45
回復 faye525 的帖子
多謝意見
心同感受,地獄<----很貼切
老師都話佢吾似好嚴重到要吃藥,但很擔心他的情緒問題,老師沒看到家長在家的辛苦及付出的努力呢!
明天見DR. 我都作好心理準備食藥加行為治療, Daddy 抗拒吃藥,但我頂不順, 跟功課溫習,又要處理佢情緒脾氣, 家裡還有位大小姐又吾生性,下下同個細佬計較.
另外 回復Rainbow : 之前佢成績不過不失, 佢學校中,英文科卷分三part 考,1. 語文 2.閱讀及寫作 3. 默書 ,每次閱讀寫作總有部份是空白,因此呢part多數吾合級(50-56分到),但三part總分300佢取得約180-210 ,科目上是合級.
但今次考試已知英文科創新高 約110/300, 中文科更加吾使諗. 佢今次吾糸吾識,而是放棄交白卷,看過題目,十分肯定佢識都吾做.同佢傾過佢都坦白說是有少少不想做,所以可能做做下又搞文具又去夢遊中.
今日佢自己講,老師搬走了他的桌子,換了另一張給他,佢有少少講得不清楚,但估計是又亂七八槽,老師免得佢在堂上浪費時間去收拾,轉張桌子只許他放一枝筆一舊擦膠. 明天接放學要同老師了解下先, 最怕佢當時又發顛玩情緒,老師才如此做法
作者: 2bbma 時間: 13-1-25 11:54
rainbow*~ 發表於 13-1-21 00:20 
楼主，睇到你仔同我仔情況好似，今年一月被心理學家評為ADHD,在醫院排期排到今年5月見醫生，學校考試，評估 ...
同點樣排政府？
作者: swk0201 時間: 13-1-25 12:12
回復 2bbma 的帖子
我先經小朋友睇開醫生寫介紹信,自行到兒童體力測驗中心排期,佢地就一步步安排心理學家,職業治療師,物理治療師做有關我小朋友的評估
私家好似吾可以在這兒公開,你可以上網跟據你區找精神科的醫生做評估,但最好有注明醫生有修讀兒童精神心理的醫生,因為是兒科醫生比我意見
作者: 2bbma 時間: 13-1-25 12:30
我都排期睇政府CAC, 但係唔知要等幾耐, 無晒聲氣咁, 都睇左私家, 情況同你一樣，都係楂住果隻葯, 都係對個醫生無咩信心, 唔係好想比佢食, 但係又唔知可以點幫佢
我見rainbow 好快(4個月)就排到期評估，想知佢係邊度排同點排法
因為e+日日都作戰，學校又無支援，好辛苦
作者: swk0201 時間: 13-1-25 12:31
本帖最後由 swk0201 於 13-1-25 12:33 編輯
昨天終見了關醫生,個心鬆了很多
用了二個多鐘,醫生很細心,同小朋友私下傾,又同家長傾,藥物也很詳細講解,對家長也提出如何管教方法,比了些建議
之前擔心小朋友用藥問題,醫生不是無令兩可那種,而是肯定作答,也會解釋肯定原因,解決左我心中疑問
所以我都好安心,由今早開始比半粒藥比小朋友試下反應,如沒問題,可升致一粒,
醫生也很細心交代,因有長期假,家長可選期假不給藥,亦可選過年後回校才正式吃,所以藥可能夠用到下一次到醫院才再見他,但如不夠,或試藥過程有問題,再致回診所約期,又比了二份記錄表給我和學校,用作記錄小朋友吃了藥後的反應,如有問題,就帶回表格,再約期見醫生
好老實同上次那位醫生差得遠,他會主動講解藥物分別給家長選擇和小朋友的依家的問題比家長知,比到家長感覺安心,有事醫生會跟進
作者: 2bbma 時間: 13-1-25 12:34
我都排緊政府cac, 唔知要等幾耐
係私家就話佢ADHD, 食葯,
睇理大話佢ADD, 要感統治療,
我見rainbow 好快, 4個月就排到期, 想請問佢係點途排法
作者: swk0201 時間: 13-1-25 12:42
本帖最後由 swk0201 於 13-1-25 12:48 編輯
回復 2bbma 的帖子
我2011年9月到交信, 無耐等電話, 直致2012年3月中見職業治療評估, 之間都又是無耐等電話. 2012年11月見心理學家, 2012年12月中做埋物理治療評估, 就排期政府精神科,唉!2014年8月呀個期,
但12月開始問題升級,我怕嚴重左,又吾知可以怎做,咁學校叫我約私院,但個期要去到2013年5月,中間又有問題出現,所以先去私家睇,之後.....咪發生後面的事件
個人意見:見心理學家時,除了帶學校功課,手册,成績表<---指家動作
如有課外活動,看下佢地可吾可以寫信記下小朋友在上堂時的程況交比心理學家作參考
因為我小朋友有上公文,及學琴,我有交到呢D活動的信,心理學家話很好,可以從多方面知道小朋友的情況
跆拳我只口頭複述亞SIR話佢上堂的情況
作者: 2bbma 時間: 13-1-25 14:49
我2012年11月去信CAC, 不久就叫我上去見姑娘, 帶咗手冊、默書、功課......跟住就叫我返屋企等電話
請問你話 "見職業治療評估", 係咪帶埋小朋友去, 會點評估, 咁係咪佢話有ADHD就即係有呀?
咁跟住見"心理學家"、"物理治療評估"又係做咩呢, 同之前"職業治療評估"有何分別？
唔好意思，我覺得好亂呀
咁你係邊度睇私家呀, 佢同你之前講O既咁多次評估有咩分別呀
作者: rainbow*~ 時間: 13-1-26 09:00 標題: 回覆：2bbma 的帖子
我是在小兒2012年7月小一的健康檢查時同醫生講話我覺佢有呢個問題，佢就幫我排10月第一次見政府的心理學家，見完第一次後再排同年的12月做評估，評估後即日寫轉介信去醫院的兒童精神健康科排期見醫生，當我去交預約信時，同時再做了問卷及初步見了醫生，再排到2013年5月再返醫院覆診
作者: rainbow*~ 時間: 13-1-27 09:33
2bbma 發表於 13-1-25 11:54 
不好意思，請問你係邊度睇心理學家？心理學家係如何評做?
同點樣排政府？
...
我係政府睇的,記得當天9:00去到,入去見一見心理學家,之後佢就話要幫小朋友做評估,我就要填一份問卷,內容都係關於小朋友日常我行為,仔仔當天由9:30做到12:00,內容包括,智力同注專力的評估,推理問題.過程我不可參與,只在房門口等,問反仔仔點評估,佢話佢係用電腦作答WOR~~~
作者: rainbow*~ 時間: 13-1-27 09:42
我而家都等緊睇精神科醫生,我真係希望佢可以幫到哥哥及我們一家,因對住一個ADHD既小朋友,真係好辛苦,每天醒來又開始作戰,好聲好氣,又唔會聽你講,係到要搞到大家都唔開心,佢先可以叫停一停.放學回來,咩都說不知道,手冊永遠都係欠功課,有時做咗又唔交,次次都話搵唔到,個書包有幾大
咁都話搵唔到,叫佢做功課,溫書就一定頭痛,肚痛,急屎急尿,一個鐘推一個鐘,就算真係溫,都係拎住本書發夢,日日老師都打來投訴,講真,我真係覺自己都開始有情緒病,
作者: rainbow*~ 時間: 13-1-27 09:42
我而家都等緊睇精神科醫生,我真係希望佢可以幫到哥哥及我們一家,因對住一個ADHD既小朋友,真係好辛苦,每天醒來又開始作戰,好聲好氣,又唔會聽你講,係到要搞到大家都唔開心,佢先可以叫停一停.放學回來,咩都說不知道,手冊永遠都係欠功課,有時做咗又唔交,次次都話搵唔到,個書包有幾大咁都話搵唔到,叫佢做功課,溫書就一定頭痛,肚痛,急屎急尿,一個鐘推一個鐘,就算真係溫,都係拎住本書發夢,日日老師都打來投訴,講真,我真係覺自己都開始有情緒病,
作者: dobbybabie 時間: 13-1-27 12:21
回復 swk0201 的帖子
請問可否pm Dr關的資料我啊?同埋有冇做埋測試評估等等?阿仔這兩日有冇吃藥?反應怎樣?我也很想看私家,因為阿仔六年班了.就快呈第三次分了.Thank
作者: swk0201 時間: 13-1-27 23:23
本帖最後由 swk0201 於 13-1-28 00:28 編輯
回復 2bbma 的帖子
第一次先見姑娘,手册,默書.....作記錄(開file),同你一樣,
職業及物理評估,應該吾糸全部小朋友都要做,
糸我小朋友有些問題,我講左,佢地先安排
我小朋友可以平路行行下都PK,平行好似比同年差,教極都跳吾到繩,一下一下先得,拍波, 踢波都差人很多很多(吾好拿D勁人比), 生活上手腳有點不協調(紐毛巾成日都水滴滴,教左好耐,差不多見物理治療師時先有進步),但學校D野佢做到,老師曾經話佢絶對沒問題,沒有不協調,但行樓梯就成日跌水樽,撞到同學,老師話佢玩,所以都成日罰佢.
評估結果:職業---(小朋友同職業治療師做,家長不可觀看,只知有叫佢抄寫,詳細我吾清楚) 沒大問題,但抄寫速度於他的年齡範圍剛剛好合級,算是合級之中最慢那種,教了家長在家做一些訓練.
物理----左邊手腳能力很強,有些運動體能比同年更強,左右合併沒問題(當日物理治療師會叫他做一些動作成個過程都用左個幾鐘,一邊做記錄,佢地有計分表), 但右邊很弱,要在家做一些訓練,(例如:測試單腳站立,我當時在場,我在心中幫他數,左邊由一數到六開始少少郁,右邊數到三以左搖右擺)
心理學家做評估:為小朋友做智力,專注力,過度活躍的測試,做轉介,(當日心理學家都話要藥物治療就要轉介過政府精神科),同家長單獨會面,傾下小朋友問題,之後又到小朋友單獨會面,做D抄寫,讀字,默字,玩下玩具之類從旁觀察,再計分計出評估結果
私家:我帶左報告及最新學校的信,寫比小朋友糸學校情況,醫生同我傾佢在家問題,之後又獨立同小朋友傾(醫生話佢大要獨立見)
心理學家做評估不會開藥,我理解心理學家主治心理情緒,用傾講方式
結論:學校做到吾等於沒問題,父母要留意佢日常生活,二者都要留意
作者: swk0201 時間: 13-1-27 23:42
本帖最後由 swk0201 於 13-1-27 23:59 編輯
回復 dobbybabie 的帖子
有星期五早上吃了半粒回校(佢番半日直至年假),老師話佢乖,但沒詳問,因剛吃藥,都要比多些時間老師去觀察
星期六早上吃了半粒回校上課, 沒有找老師, 下午三點吃了一粒, 呢粒就勁多好多,因上跆拳,平時上致中四,五師兄,下致K2
師弟,佢都聊人講野,成日比亞SIR 話多咀,多手多腳,我見他上左半堂,好叻沒多咀,下半堂我離開課室,亞SIR話佢比之前乖左好多,勁讚佢
星期日早上吃半粒,全程觀察,沒多咀,師兄唱歌,講笑,佢都沒答咀,只是很好笑時,佢先同大家笑下,沒笑到吾知自己做緊咩,
手腳也定左,沒亂搞野,但不肯是藥問題定佢見到最崇拜的師兄而有點緊張,平行力有點不好,留待下星期再觀念
下午沒吃藥,行為不算過分,有時小朋友都會有正常的百厭,可以接受
但晚上好地地就糸吾肯去練琴,有點脾氣,(當時自己都點火火地),最終佢都沒練,明天等佢放學,再試下傾傾
吃了三日藥,沒有副作問題出現,但佢本身有些不舒服,吃過敏藥,感到佢有點累
星期五第一次吃藥,佢有少少抗拒,後解釋及安撫佢一陣先肯吃,(當時醫生話呢隻叫聰明豆,但都算是藥,可以協助佢聰明D去控制自己)小朋友雖然小三但都很介意別人知佢吃藥,我就同佢講,吃聰明豆糸佢同醫生秘密,但媽媽擔心所以都會通知班主任,佢先吃,怎知一回校我交左信醫生信及交帶佢吃左半粒藥,怎知回校不到二小時在課外活動時,就有一位高年班的老師問佢糸咪今日開始吃藥,之後同他講了一些安慰叫他加油的說話,但小朋友回家好吾開心,佢覺得班主任講佢囉,為由又安撫他一輪
星期六返學順便解了下,原來那位老師日後都會幫手協調佢,班主任後來知佢好介意吃藥問題,答應以後會小心D字眼,會用聰明豆代替藥呢個字
日後如真的要吃藥而小朋友很介意,要同學校好好溝通,
作者: tcsljc 時間: 13-1-28 06:57
提示: 作者被禁止或刪除 內容自動屏蔽
作者: tcsljc 時間: 13-1-28 07:01
提示: 作者被禁止或刪除 內容自動屏蔽
作者: lillymarie 時間: 13-1-28 07:35 標題: 回覆：迷茫(專注力不足過度活躍) 很長氣....
可能我地一開始就解釋給囝囝知道他有甚麼病，他細細個已習慣有病就食藥，所以唔抗拒。
我吩咐佢不要同人講佢食藥，因為別人未必會明白理解。班主任我會通知，因為需要老師幫忙觀察食藥後的效果。不過，我囝囝食一日一次的藥，不需要學校餵藥，加上行為正常，老師好快已忘記囝囝的病。
作者: dobbybabie 時間: 13-1-28 11:36
回復 swk0201 的帖子
真是唔好意思見到你的留言才知你己覆我,Sorry
非常感激我會打電話去問下.
作者: 2bbma 時間: 13-1-28 11:44
SWK0201
"但抄寫速度於他的年齡範圍剛剛好合級,算是合級之中最慢那種,教了家長在家做一些訓練"
我個仔都好唔鐘意抄寫, 寫字又太用力, 咁有咩訓練可以幫到佢呀
我上星期見家長，同學校再傾過個仔，佢話今年無咗撥款去幫呢類小朋友
佢叫我地比封醫生信佢，由學校轉介會快好多喎
作者: 2bbma 時間: 13-1-28 11:48
rainbow, 係呀，同佢地做功課温習真係好攞命呀，我覺得好大壓力，平日做功課都做到10點11點，想將啲温習攤開温都温唔到，結果又係要星期六日先温，每個星期咁作戰，真係好痛苦呀
作者: dobbybabie 時間: 13-1-28 12:10
回復 2bbma 的帖子
上星期四在政府做評估時,見有本關於ADDH的書,都有提及他們写字慢,我仔都是合格比正常慢,醫生話是手小肌肉弱,但我識兩個手肌弱的仔同學,佢手肌弱不願写但要写就好快,我覺得我仔是腦輸出慢,好多熟悉的字他都會写錯,那本書另有提及遺尿問題,我仔今年六年班了,今年先聞唔到佢的睡褲有尿味.三,四年班仲有遗尿,你地小朋友有這問题嗎?
作者: swk0201 時間: 13-1-28 12:24
遺尿,沒有,他很N1班已介尿片,便便返學前以識通知大人帶佢廁所.
另外學校標籤問題,我又沒擔心,佢吾吃藥,沒去看醫生,學校都會標籤佢吾乖,壞學生,吾受教, 但依家標籤佢吃藥學生,以往問題,是自己控制吾到,不是壞不是不想受教.問題在於父母怎看.
我都有叫他吾想人知,可以不用告訴同學,好朋友,但老師要知道因為老師同媽咪要幫他,協助他做得更好
作者: dobbybabie 時間: 13-1-28 12:58
我细仔的中文老師仲叫我快的看私家和吃薬,(因為她做咗大仔的班主任兩年,非常喜愛大仔,愛屋及烏)一般老師都想佢地吃,因為好教的
作者: rainbow*~ 時間: 13-1-28 13:14 標題: 引用：rainbow,+係呀，同佢地做功課温習真係好攞
原帖由 2bbma 於 13-01-28 發表
rainbow, 係呀，同佢地做功課温習真係好攞命呀，我覺得好大壓力，平日做功課都做到10點11點，想將啲温習攤 ...
好在我仔生性樂觀，佢知班主任不喜歡他，但他說，不要緊，我做好自己law。
作者: dobbybabie 時間: 13-1-28 14:30
回復 swk0201 的帖子
我己預約了醫生,但要二月七號先有.
作者: swk0201 時間: 13-1-29 16:27
本帖最後由 swk0201 於 13-1-29 16:29 編輯
回復 dobbybabie 的帖子
我預約時比你快少少,星期五打去預約本可以比到下周二,但我有事,所以改星期四,我知DR.有幾間私家醫院掛牌
記得早點找學校出封信內容將小朋友在學校程況記下,我去見醫生前,學校社工姑娘幫我打了封信記下小朋友的程況,帶埋功課,成績表等.. 比醫生睇
加油!
作者: swk0201 時間: 13-1-29 16:52
本帖最後由 swk0201 於 13-1-29 17:28 編輯
吃了幾日藥(早上先吃,回家看情況先吃,因為佢返半日),在學校情況未知,應該沒大件事發生否則,我電話都沒這麼安寧,
呢二天8點幾吃晚飯佢胃口好似差少少,平日佢糸一個垃圾筒,晚飯比平時少吃1/4碗,佢用好大個膠碗吃飯,我可以接受,糸有點奇怪...再觀察下先
學校11:45-12:15午餐,放1:30佢竟然話好肚餓,吃了成件腿蛋治又吃一小碗河粉,佢肯吃時就比佢吃,
星期五至昨天手册還是寫不齊,但好過未吃藥之前,白雪雪,昨晚再同佢傾,要佢做好D,今日話抄齊,明天放學看下有沒有紅筆欠字,先確定
佢真氣死人,星期一被老師罰企,因找不到那本功課簿而沒做,回家為由開本新簿補做(之前在學校作了7篇作文,現在要從每篇作文中抽出不識的生字用作作句子,佢都偷懶每篇只抽一組共作了七句,見每篇都要寫日期題目,每一篇吾計作句都有10個-14個,我由佢作一句), 但昨天他沒告訴我被罰企,今早提佢回學做好D,佢先講但佢好似沒事咁,叫佢回校同老師講應該考完試那天全部已交回學校,結果放學又話老師找到那本簿比番佢拉,救命,
比佢休息左幾堂沒補習,昨天吃了藥,補習姐姐話好左少少,頭二十分鐘還肯合作,溫普通話只讀拼字沒寫字,20分鐘後隻手就開始多,再來開始有少少忟加少少脾氣,話下氹下就補左一小時,姐姐話佢好過考試前那段時間,不會吾抽吾采,用個背脊向住姐姐,下堂試下要佢寫下字看看情況先(因為佢見醫生前他超嚴重吾願抄寫作文,依家作文仍是死症)
剛才他也不肯做週記,話吾識,但識得去找野玩,連家姐部壞電話都吾放過,我用左少少駡佢的語氣,我又比佢知我吾開心,所以入房,佢先肯寫那份週記,吾理佢作成如何,肯作就是好開始,吾好再關門大吉,先可以幫佢
其實我都十五十六想九月轉校,找間輕鬆D學校,我怕佢沒能力再頂下去,默書考試功課...
haha ... 腦中突然想起n年家計會首歌
追得到未必好,追吾到....
作者: dobbybabie 時間: 13-1-29 23:49
回復 swk0201 的帖子
今天和二個看Dr何的家長傾，佢地建議Dr何，說政府的精神科e生都是他訓練的，又改了约何e生星期四二点，我仔旷星期五唔記得带常識新書，又俾老師罚抄課文，抄了成個半鐘，英文老師又要佢將比賽作文抄到正稿，又一個鐘多４Ｏ分鐘，唉，好可怜，完全沒時間看書，今天检查他的數學書，發現新簇簇，問他老師沒叫你們做吆？佢回答說好悶，唔想做，我再問，咁你當時做紧麼，佢話睇住的同学做，唉
作者: rainbow*~ 時間: 13-1-30 09:12 標題: 回覆：迷茫(專注力不足過度活躍) 很長氣....
今天早上哭了，因真的很痛苦，每朝都要發晒癲，又叫又駡他才施施然吃早餐，施施然換衫，又唔知快遲到，又未梳頭洗面
巳一早叫佢起身，但永世就拖拖拖，坐係度發夢，激死
作者: 2bbma 時間: 13-1-30 09:23 標題: 回覆：rainbow*~ 的帖子
rainbow 同你一樣，朝朝早都係我急佢唔急，唉…
作者: swk0201 時間: 13-2-1 00:21
本帖最後由 swk0201 於 13-2-1 00:21 編輯
回復 2bbma 的帖子
sorry ,我看漏了你的問題,
我諗最好經職業治療師評估看過較好,因抄寫慢原因有很多
我小朋友是執筆太低,提醒他,很快又寫寫下隻手又執得很低,及手碗用力不當,治療師叫我去買執筆膠,因文具店的我試過不好用,很快就鬆套不住枝筆,治療師介紹梨型鉛筆膠(領X兒童發展中心)購買
平時練畫1.圈圈, 2.將8字打橫好似眼鏡咁(由右上向下上番左上再去番右下),重覆重覆在上面畫,於同一個字不停咁重覆, 及紐毛巾, 以上都是訓練手碗轉動
作者: swk0201 時間: 13-2-1 00:43
本帖最後由 swk0201 於 13-2-1 00:44 編輯
今日好開心,放學後,大少除了中文份工作紙沒耐性做,拖拉一陣不用發火最終都肯合作,學琴時特意叫miss 選首難D比佢學,很合作沒發脾氣及忟憎,之前Miss 怕了他要一首歌分幾次教,很久未試過一堂學二首歌,帶佢去公園玩一陣,回家又肯串左8個生字,又肯練琴,奬他到樓下打波順便做埋物理治療的訓練
長期吃藥總擔心有副作用,有如此效果,比我再選我都再選吃藥
當然吃藥之外,都要教他,讚他,暫時我只懂這些,但近日佢D脾氣好左好多,同家姐相處都少左吵架,有時家姐話佢,不像未吃藥前第一時間發顛,打梳化,大聲罵家姐
其實小朋友在學校都好慘,成日因佢問題引致被老師罰
佢今日自己講,好開心可以參加活動我沒欠功課,小息又不用罰企
聽到都心酸,在學校沒得玩,回家又要趕功課又沒得玩,電視又沒得睇
作者: dobbybabie 時間: 13-2-1 17:25
回復 swk0201 的帖子
我仔昨天终于看了何医生,開了C字頭的18mg,今早俾了佢吃笫一顆,四点一放學回來我即問你觉点啊?佢話真是專心好多,平日八卦上堂望人出晒神有一分鐘,現几秒己可叫自己的魂魄回來,中午的飯唔好吃,吃得好少,剛才蒸了燒賣給他,仲没叫佢做練習,暫時成果令人鼓舞,
作者: rainbow*~ 時間: 13-2-2 09:11 標題: 引用：回復+swk0201+的帖子
+我仔昨天终于看了何
原帖由 dobbybabie 於 13-02-01 發表
回復 swk0201 的帖子
我仔昨天终于看了何医生,開了C字頭的18mg,今早俾了佢吃笫一顆,四点一放學回來我即問 ...
作者: dobbybabie 時間: 13-2-2 09:49
回復 rainbow*~ 的帖子
係第一次就開(私家)因我仔肯定踩界,資源問題政府好大機會唔开薬.仔沒過度活矅,只是專注力不足.仔昨晚十一点瞓,佢仲話沒打咁多呵欠.好似就沒睡唔着.刚才九点吃,現做緊功課,等陣要謄中文作文,看下會唔會快的
作者: Anita0423 時間: 13-2-3 12:36
我兒八岁,也有以上大部份问題,学習情况不錯,分享如下:
1. 諗D花臣, 把学習扮成遊戲, 营造快乐氣氛eg 藪学教度量行,就先把家中柬西鬥快搬出未, 500g, 1kg, 2 kg...., 学串字, 就鬥快填洞洞 eg ele_ _ ant, 順便教埋phonic.
Note: 要学校先調適功課,宁願学少D, 但学精D
2. 老師可在測試時把孩子抽離, 独立考核+現场鼓励, 我兒最初常交白卷, 現在冇此情况
3. 作文=天級困难, 可先以 mind map 晝出来, 再用口頭形式, 一人一句作出来, 如果靚仔喜欢畫晝就更好玩.
ie 千万不要動氣, 最緊耍好玩
最後, 如果你 *做足各式訓練 + 以上心得* , 都吳work 或一時时work, 耍考慮专注药. 經过兩年考慮, 我兒开始吃Ritalin. 很感恩他進步立見, 抵消副作用, 家校都滿意.
真心希望幫到你地!
作者: rainbow*~ 時間: 13-2-3 14:27 標題: 引用：回復+rainbow*~+的帖子
係第一次就開(私家
原帖由 dobbybabie 於 13-02-02 發表
回復 rainbow*~ 的帖子
係第一次就開(私家)因我仔肯定踩界,資源問題政府好大機會唔开薬.仔沒過度活矅,只是 ...
作者: meldoy2216 時間: 13-2-4 15:41
回復 dobbybabie 的帖子
我想問是否要做一個詳細的專注力測試才開藥? 第一次診金多少錢? THX
作者: swk0201 時間: 13-2-5 00:45
回復 Anita0423 的帖子
作文真的是死症,不是一人一句問題,糸佢天馬行空,佢把口講得很好,但枝筆倒吊吾出墨水,因為很多字寫吾出,所以抗拒去做去想.
教完很快又忘了,有時教極吾入腦,除了你故事化
例如: 窮---->D人窮到沒屋住,要到山上掘個洞住,洞口語化,所以寫"穴",之後D人將身體塞入個洞穴裏,但洞好細,所以彎下身像個弓咁===>穴身弓===>窮
但不是每個中文字都能作出故事,用拆部件佢有時記地吾記地
但吃了藥,需不是全部改決到,但情緒脾氣好左,起麻在佢發忟發脾氣時很快calm down到,跟他講道理也比之前段時間容易
吃了藥差不多二星期,手册也寫齊,以往喜歡五樣寫一至二樣或是龍飛鳳舞,查書包有功課簿要問呢本簿要做咩?那本作業要做那頁?
因為現在番半日,希望能KEEP住番全日都能寫齊手册,不用每天要問要猜作知做咩功課
作者: Anita0423 時間: 13-2-5 00:52
回復 swk0201 的帖子
I'm still working on the 'composition'...I'll give him selected wordings after the verbal 'pre-work'. Do you think that helps?
作者: swk0201 時間: 13-2-5 01:08
本帖最後由 swk0201 於 13-2-5 01:11 編輯
其實參加課外活動,你地會吾會吃藥,亞sir話最好吾好比佢吃左上堂,佢吃左藥太靜,不像平日的佢,如果佢多咀叫五次先停,吃了藥叫二次就停,亞SIR令願要叫五次才停的他.
但見佢吃左真的專心又少多咀,佢好鍾意跆拳,我好想佢學好D,等佢可以有多D自信心
佢之前在學校在家裡為功課,溫習搞到好吾開心,又吾講出來
近日佢好多牢騷,講番之前糸學校被同學成日笑佢"被罰天王",成日被老師罰企,小息都沒得玩,好彩佢依家開心左,因為番半日有時間玩下,做野有好左D,少被罰
上星期放學,無拉拉話上上下堂個心覺得自己好"on居",嚇死我,以為D藥問題,後來先知,佢和同學玩時,同學的一元被他玩到隔鄰校,所以要賠,佢自己口快快話賠10元,二天後那位同學有追過他,還說如不賠要收利息,結果他真的拿了自己的零用賠了同學, 件事以交由教學處理.
老師問他是否這件事感到不開心,佢話少少,我問他是否因這件事所以感到"on 居",佢話有點, 真比他氣死,我擔心死還在想要不要通知醫生
作者: swk0201 時間: 13-2-5 01:19
回復 Anita0423 的帖子
如果有字提供,佢可以好好,但沒字提供,佢就寫不出,我小朋友糸記字問題,小三可以不懂--->顆,認,健,例....
但見到絶對識讀識配詞
(讀寫評估:報告讀,抄寫沒問題,但默字比同年較弱)
作者: lillymarie 時間: 13-2-5 04:04 標題: 回覆：迷茫(專注力不足過度活躍) 很長氣....
我囝喜歡打乒乓球，食藥對打波都有影響。囝話到晚上無哂藥時，會打得差些，準確性低了。游水本來學極都唔識，食藥後就懂了。我覺得ADHD亦影響著囝囝的運動協調能力，不只是多咀好動不專心那麼簡單。
作者: dobbybabie 時間: 13-2-5 22:23
回復 meldoy2216 的帖子
醫生沒做一個好詳细的評估,祗是問了我仔學習上的問題,跟住剩低小朋友同佢傾,大约十分鐘叫我再入醫生房(仔出)就話仔有麼問題和治療方法.我有將仔做数學粗心大意的地方指給醫生看.我上次開了七日薬,連醫費大約二千一
作者: max00mini 時間: 13-2-6 01:09 標題: 回覆：迷茫(專注力不足過度活躍) 很長氣....
囡囡一年級中英數全炒，重組句子照抄！雖然我很努力幫佢溫習，但徒勞無功，大家都好辛苦！
她算安靜，但不聽指令，完全學不到知識！上學期，班主任以為我冇家教，想責怪我，但我話比佢知，其實我女女都盡力了！下學期，就安排女見註校教育心理學家，確診了ADHD，排期了一個月左右，暑期開始食藥！藥物對學習有幫助，可以合格，數學除外，但令她軽了3磅！又為她找一較嚴格的補習社，每天在補習社，完成功課，溫黙書，做練習，7時半左右回家！讓她學習學習的態度，雖然辛苦但要堅持，告訴她，補習社小朋友也與你一樣，是正常的，她回家便可輕鬆下！
每步也有涙水與汗水交集，每種對別人理所當然的事，也得來不易！但我會陪伴你左右，直至你能自由自在飛翔！！
作者: Anita0423 時間: 13-2-8 11:00
回復 swk0201 的帖子
does this help: http://greenfieldhk.com
作者: swk0201 時間: 13-2-8 13:11
回復 lillymarie 的帖子
吾怪之得,佢學左成年有多乒乓球,都糸同開波機打,同人打成日接吾到球,
佢Daddy 話亞sir接受到就吾食,我就十五十六,又想佢食左學得好d,希望佢有機會比賽增強信心,又覺得每日連假期都吃又怕對佢身體長遠有傷害
好頭痕
作者: lillymarie 時間: 13-2-8 19:42 標題: 回覆：迷茫(專注力不足過度活躍) 很長氣....
看怎樣好就怎樣辦吧。藥是幫孩子，不是必需的，若認為沒需要，不吃也沒問題的呀。
作者: tracytang 時間: 13-2-18 11:19
lillymarie 發表於 13-1-18 13:56
我囝以前睇兒童精神科何醫生，但唔平，第一次要$1800, 後來一個月一次要仟二, 三元連藥。
阿囝食咗藥後脫 ...
Would you please PM the Doctor's information to me? Thanks!
作者: tracytang 時間: 13-2-18 11:25
crazycat 發表於 13-1-19 10:41
我也是先到政府做評估，也只說專注力弱，(我覺得政府不是很嚴重的話, 不會說是adhd, 冇甘多資源呀) 但我要 ...
請問什樣做才可到政府做評估?
作者: HINandCHING 時間: 13-2-18 18:36
我個大仔而家六歲，讀緊一年班，兩歲時都留意到佢比同齡的小朋友的專注力弱，到左幼稚園時都係多嘴、答老師問題唔舉手、駁嘴、冇耐性、坐唔定；直至左小一，每日都收到老師的電話，唔識舉手等老師叫名、時常突然大叫、突然走出位、唔理風紀指示、主任副校長教訓都照樣駁嘴，所以大仔在學校日日每個小息及午休都要罰企同補罰企，加上又同佢爸爸攪離婚，成日嗌交，大仔在學校情緒好差，成日唔肯返學；我同學校講懷疑大仔有ADHD，但學校方面要求要有評估報告先會有其他的處理，如冇便會好似當佢平常學生一樣處理，為左快D有report，我去搵協康會排期做評估，11月頭開始排，都要1月中先有得做評估，剛剛農曆年前先有報告收到，證實屬ADHD混合型，今日攞埋份report及轉介信去俾學校及去醫院兒童精神科排期，都要排到8月先有得睇醫生，而家試用獎分卡，鼓勵佢儲到一定數量的卡換佢鍾意的娛樂(打機)，希望幫到佢
作者: swk0201 時間: 13-2-21 00:47
回復 HINandCHING 的帖子
8月有期很快,我要到下年2014年8月呀,為由看私家先,我好彩DR. 一次開左六十粒,因近年假時,不是日日吃,應該可以去到四月先再去見醫生, 因之前吃半粒,不見有什麼副作用出現,還肥左少少,但由20號開始每日二次每次一粒,希望不會有什麼特別事出現
上課及做功課半粒到見到成效,今日假期後第一日上課,已有七樣功課,唯獨中文做得很慢,成40分鐘,中間也有少少發脾氣,但很快穩定番,做左2小時包括少少改正,今日還有時間溫習少少英文,中文,比未吃藥差得遠, 第一日不敢開行油,所以佢練埋琴,由佢自由活動, 希望能keep 住.
(朋友話仔仔吃左藥,個腦轉數快左,講說話快左入正題,佢之前講野一大段說話,我聽完有時都吾知佢講咩,因為佢好鍾意用"之後" ,XXXX之後XXXX,XXXX之後XXXX,XXXX之後XXXX ,我成日都會聽完佢講野滿腦子之後,之後,....但中間D野就沒印象講左咩, 但很日發現佢講野清楚左,少左很多之後,之後,....)
作者: cocokan2004 時間: 13-3-6 01:03
本帖最後由 cocokan2004 於 13-3-6 01:04 編輯
回復 HINandCHING 的帖子
Hi, 我個仔2歲8個月, 上親PLAYGROUP都周圍攪玩具. 唔肯坐定定聽故仔. 聽歌又唔跟住做動作. 只做有興趣個D-食茶點同畫畫. 呢排仲成日大聲講野(唔知佢講咩或重複講卡通片對白). 平時生活都算識表達自己想點. Playgroup老師懷疑佢欠專注力及過度活躍, 如果搵私家睇, 佢睇唔睇咁細個?
作者: lillymarie 時間: 13-3-6 13:36 標題: 引用：+本帖最後由+cocokan2004+於+13-3-6+01:04+
原帖由 cocokan2004 於 13-03-06 發表
本帖最後由 cocokan2004 於 13-3-6 01:04 編輯
回復 HINandCHING 的帖子
作者: wingl410 時間: 13-3-6 13:57
我仔剛4歲, 12月曾見過何醫生, 話6歲才能確診但初步睇仔有過動特徵(CAC已話係, 並排緊政府精神科14年1月), 唉~ 佢而家日日響學校大叫(K1), 一興奮就郁手郁腳打到同學仔, 剛完成2個社交小組課程, 日常生活有改善, 但在學內情況一樣, 何醫生上次話初次應診唔建議用葯, 叫我上完D課程睇下點先. 用葯我怕副作用, 我仔已是瘦仔, 又怕負擔唔到葯費, 唔考慮用葯又日日都怕學校打黎又話亞仔今日做左乜曳野.....壓力好大
請問你地小朋友每月葯費支出大概幾多?
(睇你地D POST真係一路睇一路流淚, 因為好有共鳴, 同朋友傾只能得一時的言語安慰....)
作者: swk0201 時間: 13-3-6 23:41
本帖最後由 swk0201 於 13-3-6 23:51 編輯
下學期開課差不多11日,頭幾天還好,功課頭幾天6-7樣,一放學吃飽飽便吃10MG (仔仔叫聰明豆)(之前吃5MG,沒投訴有不適,過完年假還肥左,但10MG 有時話肚吾舒服,好多肚風,一時又話沒胃口,一時又話後腦脹下脹,有點痛) ,嘩真糸勁!二小時完成,可惜....到二月尾開始每日8-9樣功課,開始默書,學校補課,功課不願做,拖拖拉拉,又三至四小時才完成,情緒又開始臭臭地,但好過之前發脾氣時拿個背脊對住我地,依家佢會發忟憎但會出聲講:(成日補補補,溫溫溫可吾可以吾補呀?)為由同佢講道理,老師要你補課,為你好,吾溫習默書吾及格,老師又要留堂,你想吾想呀? 佢發完一陣脾氣,都算肯去溫.
吾吃藥,佢把口真糸幾煩.佢DADDY 有時都頂佢不順,發忟憎,好彩我還頂得順,只要不是發爛渣,我就當自己去左森林動物園,不停有動物交嚮樂聽
今日運動會,諗住吾糸上課沒吃藥,結果被老師罰,事因:捉蜜蜂,但仔仔話吾糸捉,糸同學大叫有蜜蜂好驚,佢見隻蜜蜂糸地下佢用腳踩,結果被老師罰完都吾知做錯咩!(又要事後教育)
有D心淡,2014先見政府醫生,今日問老師會否為仔仔排安D咩支援,但聽落暫時沒有,老師話要收集文件交教育署,再等教署安排支援,吓咁有排到等, 到有安排都小四,唉!
真糸要好好考慮轉間淺D沒咁迫功課,默書的學校
都想問下,吃左藥上課都計半個月(DR.有個吃藥表比學校填),學校從未找家長傾過小朋友在學校情況,有經驗的家長,你地學校糸咪咁架?我約左15號覆診,我使吾使問學校拿回那份表交給DR.
作者: swk0201 時間: 13-3-7 00:01
回復 wingl410 的帖子
第一次用了2400連診金及60粒藥,姑娘講之後診金1200,藥另計,我約左3月15日覆診,先可以確定到
作者: lillymarie 時間: 13-3-7 12:33
swk0201 發表於 13-3-6 23:41
下學期開課差不多11日,頭幾天還好,功課頭幾天6-7樣,一放學吃飽飽便吃10MG (仔仔叫聰明豆)(之前吃5MG,沒投訴 ...
安排小朋友坐在最前，不那麼容易受其他同學影响，老師又可以給他多點注視。
對字體的要求可放低一點，改正或者考慮做少些。
老師好少會主動聯絡家長，收到電話都未必是好事。反而家長可以多和老師溝通，例如當功課太多，要做到半夜，或許可跟老師商量一下，讓老師知道孩子不是懶不肯做，而是做得慢。看看老師會否考慮稍為減免一些功課，尤其是抄寫。我總覺得大部份的老師都想幫學生，只是好多時不知道學生在家的情況。
作者: dobbybabie 時間: 13-3-8 19:01
各位好,好久沒写我儿的情况了,一月三十一看了何醫生吃C字頭薬１７ｍｇ写字快咗,二月七復診何醫生加到２７ｍｇ开了兩星期,但過年時間混亂,只吃了三日,二十一日復診何醫生話想試真的２７ｍｇ夠唔夠,一係吃埋手頭上的八日虊,一係开多一星期２７ｍｇ三月七覆診.因仔三月十四开始考最後一次呈分,我选二月二十八再去,今次加到３６ｍｇ仔完全沒副作用.溫書快咗,但中文評估跌到歷史新低七十幾,有的泄氣(我)二月十九在政府重測專注力,各項指標較弱,中下,去了油麻地排到２０１４十一月.
作者: lillymarie 時間: 13-3-9 09:35
dobbybabie 發表於 13-3-8 19:01
各位好,好久沒写我儿的情况了,一月三十一看了何醫生吃C字頭薬１７ｍｇ写字快咗,二月七復診何醫生加到２７ｍ ...
作者: swk0201 時間: 13-3-9 17:01
回復 lillymarie 的帖子
就糸想減下功課量,或默書範圍縮窄,但老師說暫時沒有野可以做,現等教育署.
另回覆dobbybabie
有70幾分,也不錯,我個小朋友,唉!在家溫得好地地,心中估佢英默最少有7字頭,結果12分,下週二又默,我估死得更慘,呢二日自己發高燒,沒同他溫習,我打定輸數個位數,沒法剩番星期六,日,一,佢應該沒法三日溫得切.
,
作者: dobbybabie 時間: 13-3-9 18:13
回復 swk0201 的帖子
那天我很泄氣因為覺得花了很多錢,但轉念又想他是一個會漏水的桶,正常的小朋友可能六年己装了八成滿的水,他邊學邊漏,可能才大半桶,吃藥可能令他漏少了水,或好彩开始不漏了,但都要時間装水啊,自己为什麼那麼短視,又打撃他的自信呢?連最親的人都沒鼓勵他,那還有人會義無反顧地令他健康成長吗?其實身邊很多例子都要一段長時間小朋友在学業上才突飛猛進的,家長在後面默默扶持.灌溉,大家努力加油!!!
作者: dobbybabie 時間: 13-3-9 18:22
回復 swk0201 的帖子
有時告訴自己,努力一分便一分.还有要想办法邦他,就像数學,不是隨便找一本练习叫他做,就有好成绩,要找類似学校題型,由浅入深,一分一分地追,有時要自己出題,我覚得自己是超級秘書.
作者: swk0201 時間: 13-3-9 18:58
我都明白,佢是一個超級大水桶,二日前溫熟的字,二日後佢可能當它是陌路人,12分,我沒罵沒罰,只是心裡好失望好漏氣,付出努力為何如此,又怕老師又要罰留堂.
超級秘書,為女女小學時曾做過,但仔仔沒法這套,仔仔追功課,追默書,已沒太多時間針對性操題,更可竟中英數三科
作者: lillymarie 時間: 13-3-9 20:15
swk0201 發表於 13-3-9 17:01
回復 lillymarie 的帖子
就糸想減下功課量,或默書範圍縮窄,但老師說暫時沒有野可以做,現等教育署.
默書，你會唔會先預默一次？即是未溫書前先默一次，找出不懂的字，然後集中溫習那些字。咁樣好似快少少。
作者: swk0201 時間: 13-3-9 20:40
本帖最後由 swk0201 於 13-3-9 20:52 編輯
回復 lillymarie 的帖子
已先插起不懂的單字重點溫,其實佢真是一個破爛大水桶,好多字學過又話沒學過,badminton writing classmates 上學期先默完,佢都可以不懂又要重溫,如何真的新教更花時間溫.
今次明明在家默串good,speaking,between,Visual Arts, classmates .....沒錯,還很熟,但回校默了goob,speating,Visuar Arts ,classmary......
單字錯每個扣3分,句子錯字每個扣4分,標點錯每個1分,結果扣下扣下剩餘12分+unseen 取得4分,16分破記錄
最搞笑佢叫Benjamin,佢可以寫自己名變成Benjanim,今次改完下次寫名又是如此
但問心講句,吃左藥我觀察佢某方面是有改善,如做功課快左,情緒好左,沒以前磨到十一,二點為做功課,沒少少事發晒脾氣,受教左, 好似星期五我發高燒(103.6),燒到自己都矇矇下,跟他講自己做功課,我要上床休息,如果媽咪退吾到燒要入院,佢真的自己做晒12樣功課,是否全對不理,留比老師改,如果錯,要改正那天的功課便比同學多,下次佢就會小心做
每星期都要默英文,中文,英默partA 插10個,part B 句子全默11句, 另二段插其中一段默
作者: lillymarie 時間: 13-3-9 20:52
swk0201 發表於 13-3-9 20:40
回復 lillymarie 的帖子
已先插起不懂的單字重點溫,其實佢真是一個破爛大水桶,好多字學過又話沒學過,badmi ...
我囝囝食足藥，默20個生字亦只有14個啱.....日子久了，識字多咗就越來越好。但到現在有些字仍然唔識串，要弟弟教返佢。
仲有，佢地真的會“過目即忘”。所以要成日溫書，就算放暑假，我每日都要佢溫習和做少少功課。唔敢讓佢停下來，一停就忘記大半。真是辛苦命。
作者: swk0201 時間: 13-3-9 20:57
本帖最後由 swk0201 於 13-3-9 21:04 編輯
回復 lillymarie 的帖子
有呀,同佢溫習已用分音節,補習姐姐都會用phonic,有叫佢出去學拼音,佢吾肯.我女女當年間學校都好谷,所以沒為弟弟選,怎知弟弟呢間初初還好,二年班開始谷,還超越姐姐那間.唉!
朋友見到弟弟中英默書,都話多話深
暑假真不敢停,暑假都仍Keep 補習,一星期二堂,只是六月尾至七月頭放佢二星期休息,真的很累很辛苦
平日默書佔默書科的40%,考試當日又另要默書,佢間學校中/英文科總分300分,分語文(100),閱讀寫作(100),默書(50),聆聽(25),會話(25),書法(A,B,C等級分)
作者: lillymarie 時間: 13-3-9 21:07 標題: 引用：+本帖最後由+swk0201+於+13-3-9+20:59+編輯
原帖由 swk0201 於 13-03-09 發表
本帖最後由 swk0201 於 13-3-9 21:04 編輯
回復 lillymarie 的帖子
作者: swk0201 時間: 13-3-9 21:28
本帖最後由 swk0201 於 13-3-9 21:28 編輯
我都明白要慢慢來,但追學校的功課,默考真的很累,正搜集資料,下年九月想轉間輕鬆D學校,問過小朋友原校留班好吾好,佢非常抗拒原校留,但可以接受沒人知之下留班,咁即轉校唯一選擇
作者: lillymarie 時間: 13-3-10 10:00 標題: 引用：+本帖最後由+swk0201+於+13-3-9+21:28+編輯
原帖由 swk0201 於 13-03-09 發表
本帖最後由 swk0201 於 13-3-9 21:28 編輯
我都明白要慢慢來,但追學校的功課,默考真的很累,正搜集資料, ...
默書，若果溫三次和十次的結果差不多，要諗諗。
以前我囝做功課，我明白他被ADHD所累，必定有錯。我相信他已盡力，所以我會替他檢查叫他改好。因為等老師發回改正，一來他會因有好多功課而沮喪，二來他可能已忘記而要重新思考，變得用很多時間。問題是：你是否相信囝囝確實已盡心去做功課？
我囝囝當年食到好重藥量，數學測考仍會不小心錯一兩題。他是很努力那種人。我就明白這是他的限制。
作者: dobbybabie 時間: 13-3-10 18:50
回復 swk0201 的帖子
你儿子的學校英文默書真是好heavy,我仔荃灣小學小六都係默單字,大仔都係同一間小學畢業,學既同弟弟一樣,現在葵青band1B中學讀,成績頭百分之二十,內,我宁愿他看多些課外書,好過在默書裡打轉.舉例只是想說我仔間學校教得好像很淺但上中學都沒問題.細仔差過哥哥,是band1尾.你的是名校區內的名校吗?如果唔係,考慮下轉間学校,因為四年班多數唔轉了.
作者: dobbybabie 時間: 13-3-10 19:02
另我细仔同學有英文讀写障碍的,佢搵個專教英障的老師一對一,係如贵,但佢仔係這老師教的字先記得牢固,現佢校內英文評估都由不合格到現在八十分'.佢都要四年到先得.
作者: swk0201 時間: 13-3-11 21:47
回復 dobbybabie 的帖子
名校區? 嗯..是十八區最出名的貧窮區,曾有名校生因在這區暫時借校舍哭著說"龍蛇混雜的地方",應該知那區啦
在呢區近年多了人選的小學,首五間內,
剛收通知教署聯絡了社工,而社工推薦了仔仔需要幫助,下月會和我約見,亦幫手同學校相討仔仔的功課及默書看看可否昨天調適,最終結果要等科任討論完才知結果,希望有好消息.
也多謝各位媽咪意見,今日同補習姐姐談論過,我地在英默溫習方面主溫文章二段,留番時間去溫其他,不再花太多時間在默書上,因為仔仔成日海鮮價,同時仔仔也抗拒重溫又重溫方法
作者: rainbow*~ 時間: 13-3-12 13:58 標題: 回覆：迷茫(專注力不足過度活躍) 很長氣....
年假後老師又差不多又每天打來投訴，來去也是不交功課，亂做，今天，英文老師打來，說他英默時作弊又說家長應放多些時間落去，如果自己管教唔到，應揾其他人教。另外，我發覺仔仔現在會講大話
作者: estherangel 時間: 13-3-13 16:04
SWK0201, DOBBYBABIE, 可否PM 我你們看的醫生資料? 我要盡快帶仔仔去睇呀
作者: swk0201 時間: 13-3-21 23:47
本帖最後由 swk0201 於 13-3-21 23:50 編輯
回復 rainbow*~ 的帖子
講大話,我仔仔未吃藥前何指講大話,偷家裡錢都好多次,事後才知,佢腦諗D野好怪,因怕罵怕罰所以講大話,因想參與慈善活動購買文具, 但佢表達吾清楚,又怕家長不同意,咪自行提取(偷)家裡的錢. 為送禮物給心儀女同學,便自取家
姐的小飾品, 因為覺家姐D野靚所以要送比個女同學.
但吃了藥見過醫生,明白左佢的怪行為, 自己教佢的心態有所改變,暫時沒再出現那些行為,近日幾位老師又讚佢乖了專
心左, 做功課快左但有時會不太合作溫習,如那天抄寫功課多,會有少少(糸少少)髀氣忟憎.
我不懂如何教你教小朋友,只懂將經歷講出來
之前仔仔每日都有事發生被老師罰,引致同學都會有少少吾LIKE 佢, 佢會喜歡在同學面前吹噓自己點叻點叻, 但同學會
覺得佢成日講大話. 回家佢都有時講大話隱瞞在學校的事, 怕我知會罵他. 有時同老師講太話, 做錯事吾認, 佢成日行樓
梯排隊撞到人, 行行下跌東西物件, 停下拾回, 老師又會責罰佢吾專心或玩耍. 都是一句想逃避被罰及想人讚佢應同佢.
但近期很少發生呢D事而被罰, 老師還讚他, 因他排第一位而行為有進步,引致早會排隊也有時被主任讚佢地班排隊的同
學好專心及整齊. 佢偷野,講太話都沒發生了,還主動分享在學校的事, 我覺得佢因為少被罰,人開心左,同學關係好左.
所以你要先了解小朋友點解要講大話?想逃避責罰?想要得到佢想要的野?還是在學太多責罰,想在媽媽身上得讚賞?
作者: rainbow*~ 時間: 13-3-22 16:25
回復 swk0201 的帖子
很開心你分享了你及你仔仔的經歷.
我看完你所寫的,我發覺我仔仔同你仔仔的行為思想很似,我有問他為何講大話,他不出聲,其實我知仔是不想給我鬧,我亦有檢討自己,其實自從確實了佢係ADHD後,我已很少鬧及打,但有時真的忍唔到,他們真係會挑戰你的底線.現在,我都會同自己講,他還沒有藥吃,忍下吧,到吃藥後可能會好些少.
另外,今天講了考試分數,都如我所料,全部唔合格,我明明有和溫習的,但總是不明為何會這樣,明明在家可以全部都識,但唔知點解,次次考試都慘不忍睹............我問他,他對我說都不知點解
作者: swk0201 時間: 13-3-23 16:46
本帖最後由 swk0201 於 13-3-23 16:49 編輯
回復 rainbow*~ 的帖子
先搞好大家關係最重要,小朋友肯講佢心底話,做父母先有得幫佢,
成績好100分每個小朋友父母都想要,但呢一刻成績是否是重點?
我小朋友小一輕鬆溫習式,默書每次8,9字頭,考試被寫作拖累二份合埋得6-8字頭都有,
小二英文還好,中文科拉鋸式, 默書海鮮價,有3,有6有9字頭,考試5,6,8字頭, (家嘈屋閉成日,顛老顛婆罵仔)
小三上學期頭英文還好,中文拉鋸加密集式,默書8,6,3字頭,測驗6,7,8字頭 上學考試直插谷底1,2,3字頭(顛老顛婆打仔,罵仔,小朋友出現對抗性行為,引致情緒出問題,)
小三下學默書第一次都講過,我地溫完又溫心中估佢不少於7字結果1字頭,今日不再洗腦式溫習,又回升英文5字頭,中文94詞語加課文只錯二個字
但佢情緒行為有改善左,大話少左,管教佢時,佢都肯聽,不像以往未講只叫佢個名,佢已發脾氣.
DR.教佢發髀氣時,先細細聲跟他講,我知你好吾開心,不如你去飲啖水,或者去洗個臉或心呼吸下先,我地先再傾,因為我都好吾開心,又吾想罵你.
講大話: 要了解佢心底諗咩,好似我小朋友為善事偷錢,就要同佢講:我明白你好想買那支筆又可做善事,支筆又真糸好得意喎,但媽咪好吾開心,因為你沒對我講清楚,(吾好用偷字眼),又沒告訴媽咪而拿了媽咪D錢,我非常吾開心
( 停一停)
等佢反思,後尾佢自己講對不起,又答應以後不會再做. 我又說好我相信佢,希望佢記得以後有事要同父母講,父母吾明,就要講到我地明為止.
見完DR二個月拉,佢在家拾到錢會放在我枱面,比錢他回校買小食有錢剩,會交回給我.
努力呀,讚賞多D小朋友,自己放鬆D,(吾好用死忍,你忍佢但自己心怨佢,終有一日爆煲,)
上次DICT 50分, 我跟他說: 嘩! 叻仔喎,比上次進步左好多,你要比心機,再努力呀!
(佢有少少吾開心,回答仲糸吾級格呢)
我答佢,今次差少少啫,咁下次默好D,咪可以平均分拉番高D囉
(佢就笑住口去溫下次的默書)
作者: rainbow*~ 時間: 13-3-26 18:11 標題: 引用：+本帖最後由+swk0201+於+13-3-23+16:49+編
原帖由 swk0201 於 13-03-23 發表
本帖最後由 swk0201 於 13-3-23 16:49 編輯
回復 rainbow*~ 的帖子
老師比佢參加田徑隊，話希望他從中學習紀律，誠實，守規則
作者: kck_88 時間: 13-4-1 06:40
提示: 作者被禁止或刪除 內容自動屏蔽
作者: swk0201 時間: 13-4-19 17:41
本帖最後由 swk0201 於 13-4-19 17:42 編輯
好耐沒上來,好開心,剛下測完.
考試期間小朋友答應話我不會交空白卷.
以往年年他都會在 中英卷 寫作部份總會欠做一些,數學文字題不做.
今次見到四份試卷好surprise超開心,因為他真的做到對我們的承諾,四科全做完全沒交白卷.他由上次考試科科得二,三十分,今次升回7,8字頭,勁開心.
仔仔加油呀! keep住!
不用8 ,九字頭,只要用心全做卷,成績合格我已滿意.
作者: swk0201 時間: 13-6-3 14:30
本帖最後由 swk0201 於 13-6-3 14:35 編輯
6月期考又到,仔仔又來料,不願溫習,D脾氣又出現,當然沒有未見醫生時那麼差,
五月發現在校吃藥,出了些問題,仔仔一星期有二至三次沒去到老師處拿藥吃,所以轉8小時那隻藥,吃了有一個月,學校沒說轉差(吾期望學校能提供正確信息,因我發現了老師誠信問題),但我就覺有問題出現,功課有時漏帶回家,手册龍飛鳳舞,有次成本手冊漏在補課課室,唉!星期六,日我特意比8hr他吃,我觀察佢好多嘴,成日插咀想講就講,我都吾知糸佢近排糸周期性差定真糸8hr不適合佢
作者: lillymarie 時間: 13-6-3 16:02 標題: 引用：+本帖最後由+swk0201+於+13-6-3+14:35+編輯
原帖由 swk0201 於 13-06-03 發表
本帖最後由 swk0201 於 13-6-3 14:35 編輯
6月期考又到,仔仔又來料,不願溫習,D脾氣又出現,當然沒有未見 ...
作者: lillymarie 時間: 13-6-3 16:03 標題: 引用：+本帖最後由+swk0201+於+13-6-3+14:35+編輯
原帖由 swk0201 於 13-06-03 發表
本帖最後由 swk0201 於 13-6-3 14:35 編輯
6月期考又到,仔仔又來料,不願溫習,D脾氣又出現,當然沒有未見 ...
| 歡迎光臨 教育王國 (/) |
Powered by Discuz! X1.5 |