教育王國
標題: 一歲bb發展問題(評估完啦!!!) [打印本頁]
作者: lazywife 時間: 13-1-18 05:16 標題: 一歲bb發展問題(評估完啦!!!)
本帖最後由 lazywife 於 13-6-21 16:23 編輯
我個仔滿一歲、只愛飲奶、對其他食物完全抗拒、會嘔番出黎、認知上有如幾個月既bb,完全唔識任何指示、下星期見健康院、應該點同姑娘要求轉介評估?我好擔心
作者: methy 時間: 13-1-18 09:09 標題: 回覆：lazywife 的帖子
照直講你睇到既野，姑娘亦會做測試，如果明顯問題，姑娘實會轉介，但如果小朋友免強pass到測試又差d,姑娘就會話留意住先，歲半再睇下點。我當時就係咁，但我相信自己既觀察，要求姑娘轉介去醫院睇兒科醫生，做詳細檢查。我記得當時姑娘唔太肯。我就堅持：我由阿仔6個月已經覺得有d野，而家阿仔1歲都未坐得穩，唔好話企，我真係好擔心呀（肉緊d).
跟住就轉介左喇。
作者: lazywife 時間: 13-1-18 19:01 標題: 回覆：一歲bb發展問題
感謝你回應、我都係明顯見到個囝有問題、我已經寄左表去邁步、打算預約做評估、想問下係咪一樣可以轉介政府cac嫁、同埋同健康院轉介係咪可以同時進行?唔該曬!
作者: methy 時間: 13-1-26 12:11 標題: 引用：感謝你回應、我都係明顯見到個囝有問題、我
原帖由 lazywife 於 13-01-18 發表
感謝你回應、我都係明顯見到個囝有問題、我已經寄左表去邁步、打算預約做評估、想問下係咪一樣可以轉介政府 ...
同一時間等見醫院體能智力中心姑娘，再等6-9個月見醫生，再安排排服務。
作者: lazywife 時間: 13-1-29 09:22 標題: 回覆：一歲bb發展問題
我已經約好左明天做評估、好緊張、希望情況唔係太差
作者: llam1210 時間: 13-1-29 13:52 標題: 回覆：lazywife 的帖子
很明白你心情。不用擔心。你好叻已找到方便幫仔仔。祝福你！
作者: lazywife 時間: 13-1-29 21:23 標題: 回覆：一歲bb發展問題
我有信心面對\只是我老公到依家都唔知、因為我好驚佢反應e打算明天評估完先講、健康院話佢发展正常、好矛盾
作者: Hopesforlife 時間: 13-1-29 21:48
加油呀媽媽！希望一切順利！
作者: lazywife 時間: 13-1-30 13:07 標題: 回覆：一歲bb發展問題
終於評估完、俾左轉介信我、我頭先約左下個月見姑娘交文件、整個評估过程好順利、亦都學左好多技巧、而bb情況係社交同感统問題、大肌肉好緊、小肌肉正常、算踏出左第一步!'
作者: methy 時間: 13-1-30 13:51 標題: 回覆：lazywife 的帖子
之後＂對症下藥＂，配合治療師一齊做訓練，小朋友好快追返。
作者: lazywife 時間: 13-1-30 14:46 標題: 回覆：一歲bb發展問題
我依家應該揾咩訓練佢、除左學左d技巧係屋企訓練佢之外、我睇過協康果d,好貴又唔知是否適合、step分店又離我好遠、超唔方便、係等見政府醫生呢半年、可以做d咩?
作者: lazywife 時間: 13-1-31 08:54 標題: 回覆：methy 的帖子
麻煩你、可否提供一些屯門區做訓練既機構俾我、協康好遠、step更遠、我自己又揾唔到
作者: Hopesforlife 時間: 13-2-1 00:35
我囝囝未做評估，但我已開始帶佢做訓練。在領思做PT，協康做OT，其實真係幾貴！下星期會照腦超聲波，其實都好擔心！不過我知道我要堅強D，去應付！大家加油！希望大家dB都會快d進步！
作者: lazywife 時間: 13-2-1 06:49 標題: 回覆：Hopesforlife 的帖子
我只希望真係揾到幫到佢既訓練、我想努力d睇多d評價、唔希望揾錯左、拖慢佢、評估結果主要係話佢感統同社交溝通問題、建議揾職業治療師、但又無叫我揾言語治療師、唔知道係咪要揾埋?我今個月中見姑娘、再問下方向!我相信我們孩子只係慢d,唔係唔得、愈早訓練一定追得番
作者: lazywife 時間: 13-2-16 02:35
前幾日見左姑娘、好nice,問左一連串bb生活上既習慣同情況、之後就話要等半年至九個月先有得見醫生、係呢段等待的時間、我要積極努力揾訓練俾bb
作者: happybigbear 時間: 13-2-17 18:25 標題: 回覆：一歲bb發展問題(見左姑娘了)
如果要屯門區的話，我見過蝴蝶邨東華三院雷XX好似有感統班，亦有言語治療師，我未試過這些班，未知質素如何，你可去問一問先。
另外，良景協康有「青蔥計劃」，屬私人自負盈虧性質，好似無OT, 但有「幼兒家居訓練」。水邊圍協康和海富協康好似有感統訓練班，你上網站查下。
仲有，井財街基督教服務處好似有一個叫「心橋」的服務，可能有單對單OT.
希望資料幫到你。
作者: lazywife 時間: 13-2-17 20:25 標題: 回覆：happybigbear 的帖子
我都去过蝴蝶邨果度、不过因位置太唔方便、應該唔考慮、反而良景我揾日親自去了解一下、比較方便、好感激你分享、我應該會由幼兒訓練著手e因為bb太細、其他專業訓練唔太適合!
作者: lazywife 時間: 13-2-18 20:30 標題: 回覆：一歲bb發展問題(見左姑娘了)
今日打左去良景協康、排左伴我同行、姑娘話要等半年至一年左右、因為bb始終細、好難話揾言語治療師呢種專業訓練、呢種小組形式最適合、不过我都會再揾其他受佢咁細玩既訓練!
作者: lazywife 時間: 13-3-3 18:25 標題: 回覆：一歲bb發展問題(見左姑娘了)
好興奮同大家講:我bb肯食奶之外既野啦、一個星期前開始、肯食三匙以上米糊、唔再嘔番出番、呢兩日更加可以一曰食三餐米糊、有時仲肯食幾啖粥仔、唔再嘔!同埋、工人持續同佢按摩手腳e已經可行到好幾步、無以前行得咁論盡、認知上面終於講第一句話·係奶奶、佢肚餓會叫奶奶!希望愈來愈進步!
作者: kellychan77 時間: 13-3-4 12:52
加油！！
作者: Hopesforlife 時間: 13-3-4 23:10
加油呀！
作者: lazywife 時間: 13-3-13 21:40 標題: 回覆：一歲bb發展問題(見左姑娘了)
BB之前病左、依家好番d,但唔肯食糊仔、變到好瘦、我又要開始擔心佢呢樣野、希望之後會好d,同佢了解左附近社區既幼兒服務、不过要排隊報名、希望到時排到!
作者: Hopesforlife 時間: 13-3-14 09:16
回復 lazywife 的帖子
我BB之前病完之後都食少咗好多奶，而且又好似唔記得哂訓練學d嘢。不過唔好擔心，只要佢身體ok，佢好快會回復狀態㗎啦！
作者: lazywife 時間: 13-3-19 17:25 標題: 回覆：Hopesforlife 的帖子
衰仔肯食粥啦!好開心、行得愈來愈好、只係仍然唔識講、我有信心再做埋訓練會好更多!好希望可以每次都同大家分享佢既進步、係其他人眼中輕而易舉既事、佢地都係大躍進、大家努力!
作者: Hopesforlife 時間: 13-3-20 13:34
見到你仔仔進步，好開心。我小朋友都有見過佢自己翻身，不過佢對手唔叻，所以未完全ok。坐都重係比較差，軟林林，我同佢都會繼續努力！
作者: lazywife 時間: 13-4-13 23:41
又過一個月啦...BB有大進步...可以每日食到三餐粥仔..雖然半碗左右..但都好滿意..
BB依家已經行得十分之好...平衡,坐低,跌低全部都好自然..唔再論盡啦...仲有幾樣野令我好開心
1)問佢燈燈..爸爸媽媽..會識得指...會望向正確方向
2)識拍手掌..自己做到某D事會開心笑同拍手...
3)今晚終於見佢識拜拜..真係手開合果隻...同埋有意識對正確既人...
4)成日發出聲音...雖然仍然唔知佢講咩...但總比無聲好..
5)教佢玩玩具..會自己學識左再玩...
6)好喜歡同家姐追逐..會因家姐搶野而唔開心喊....證明佢係好想同人玩...
呢幾樣野已經令我好驚喜....希望再過幾個月語言追到..同埋唔好成日病..呢D天氣好討厭..BB抵抗力差...好心痛....
作者: lazywife 時間: 13-4-25 10:07 標題: 回覆：一歲bb發展問題(好開心,有進步)
又識多一樣野、識用學習杯啜水飲啦!之前教極都唔識、呢幾日工人成日整個誇張啜水既表情俾bb睇、突然間識左!
、同埋提提大家、一有時間就按下bb手腳關接位、大小腿繃緊肌肉、可以令佢行得好d,無咁論盡!
作者: 波蘿包1 時間: 13-4-25 23:05 標題: 回覆：lazywife 的帖子
按摩肌肉係好有用 物理治療師都鼓勵按多d
我仔都按左3年
作者: lazywife 時間: 13-6-3 14:22 標題: 回覆：一歲bb發展問題(好開心,有進步)
好開心、二月見完姑娘、今個月終於可以見醫生評估啦、歷時四個月多d,我果時仲以為要等好耐、希望結果不太差!
作者: lazywife 時間: 13-6-21 14:28 標題: 回覆：一歲bb發展問題(好開心,有進步)
評估完畢、整體太約遲半年左右、情緒差、影響學習、不太專注、半年後覆診、建議上職業治療playgroup,希望追得番!
| 歡迎光臨 教育王國 (/) |
Powered by Discuz! X1.5 |