教育王國
標題: 中一仔, 應否跟同學去街? [打印本頁]
作者: phoebepanpan 時間: 13-1-17 14:53 標題: 中一仔, 應否跟同學去街?
本帖最後由 phoebepanpan 於 13-1-17 14:55 編輯
我個中一仔, 放學通常留校玩下才回家, 間中同學們(男女都有)一齊去麥記食野, 間中會問我或講我聽去左食野.
通常我都比佢去. 但試過, 有次問我,我唔比要佢返歸, 佢好唔HAPPY.
回家後我問過佢有冇同學教佢唔好講比阿媽知, 去左先阿媽都唔知.
阿仔話有, 但佢都堅持阿媽話唔比. 唯有返歸. 我有讚佢咁做好岩. 佢D 同學唔岩.
但阿仔覺得點解唔比佢去食下野. 傾下計.
有同學叫佢放學後去公園玩咭牌. 我仔都知唔應該, 佢都冇去.
早排X'MAS 女同學約去溜冰. 我比佢去, 但唯一係我都跟去. 我幫佢KEEP 袋同埋如撞親我也可第一時間幫佢地處理. 因為我仔試過比佢人撞到企唔到起身.
點知, 個女同學叫我仔叫我唔好去. 我都明, 有家長小朋友玩得唔夠放, 阿仔真係叫我唔好去, 我知阿仔心態係怕D同學以後唔同佢玩.
但最終我都有去. D 同學(有男有女) 後期先知我係MOTHER， 因為我坐在一旁.
明天不用上課, 我嫂之前已講話明天帶我仔及姪仔去溜冰.
而家阿女同學又話, 一早去唱K, 再去溜冰. 我仔冇問我得唔得. 只係通知我一聲, 佢地有咁既安排.
我同仔講, 我話唔比去. 你都要去啦.
佢話: 係呀, 佢地一定要我去. 唔去唔得.
唉 ! 有女既 JM , 可唔可以話我知. 點解而家D 女仔咁主動???
點樣講, 解釋佢地先接受. 初中生唔應該周街去.
作者: hw1115 時間: 13-1-17 15:19
回復 phoebepanpan 的帖子
唉! 宜家好多F.1 仔女都喜歡三五知己一起去街街, 我就唔同意啦!
作者: cy.muimui 時間: 13-1-17 15:36
我覺得只係去四、五個鐘(連車程)我可以接受,但條件係要打兩三次電話同我聯絡,我打俾佢要接聽等,如果好似失踪咁就下次無得傾。 如果去超過大半日咁我會詳細瞭解吓行程,因為最唔鐘意係無目的四圍盪
作者: phoebepanpan 時間: 13-1-17 15:38
回復 hw1115 的帖子
我可能學生時期太乖, 身邊都有同學周圍去. 但我又好少跟一齊, 通常阿媽唔比. 久而久之就唔會再問可唔可以去街.
只係CNY, X'MAS 長假期偶然才會去下街.
點樣可以等佢地了解. 唔應該周圍去, 我最怕D 女同學埋身
,
作者: phoebepanpan 時間: 13-1-17 15:40
回復 cy.muimui 的帖子
佢地上次去MEGXBOX 溜冰. 我CHECK 話2:30PM 先新一場. 阿女同學話早D 去玩 12:30PM 集合.
我地1:30PM 先到. 幾個同學真係12:30PM 已到. 漫無目的咁四處行.
作者: hw1115 時間: 13-1-17 15:53
phoebepanpan 發表於 13-1-17 15:38 
回復 hw1115 的帖子
我可能學生時期太乖, 身邊都有同學周圍去. 但我又好少跟一齊, 通常阿媽唔比. 久而久之 ...
總之, 就唔批准.
作者: jk67jk 時間: 13-1-17 16:34
如果可以, 最好一步步收返緊, 真係唔好去咁多街。
身邊太多人話我知, 見過好多小學好乖巧, 因為上咗中一, 屋企人諗住大個仔大個女, 有少少社交生活都ok, 點知, 唔夠一年已經成個心散晒, 唔畀佢出街就發顛。
都係小心D好。
作者: BallBallMaMa 時間: 13-1-17 16:49
回復 phoebepanpan 的帖子
去街OK, 但只限長假期, 一定要預先講定去邊度, 去幾耐, 同邊個去, 做咩野, 有咩變動要打電話問過我
上個X'MAS, 阿女都有約小學同學睇電影&食午飯, 仲揍埋細佬一起去, 佢都好交带, 連細佬扭食ICECREAM都打來問我, 所以下次應有得再去
作者: 黃巴士 時間: 13-1-17 16:54
本帖最後由 黃巴士 於 13-1-17 16:58 編輯
AGREED!! 快些收緊.
平日一至五, 一定不可他/她與同學外出, 去食吓嘢都唔得. 始終都是在街留連. 放學便要回家.
開左先例, 佢地會分辨唔到, 覺得是奉旨可以唔即時回家. 
至於解釋 - 當然是免誤交損友, 不要心散等. 其實他/她們是知道解釋合理的, 只是控制不來要去街.
校規都唔要解釋, 家規解釋吓咪要佢地FOLLOW囉. 話父母專制都係咁話.
作者: manwaimail 時間: 13-1-17 17:01
我大仔D女同學都好大膽， 我上次睇到佢不停SEND 相俾我個仔， 我問亞仔咩事， 佢話個女仔同人講暗戀佢， 但佢話唔鐘意佢。
好彩仔仔仲肯同我傾計， 遲D拍拖希望佢都問下我意見啦。仔大仔世界
作者: woodst 時間: 13-1-17 17:02
提示: 作者被禁止或刪除 內容自動屏蔽
作者: phoebepanpan 時間: 13-1-17 17:24
好煩. 都唔知點解D同學咁鍾意去街. 要落禁制令
作者: jk67jk 時間: 13-1-17 17:47
我同仔講, 我話唔比去. 你都要去啦.
佢話: 係呀, 佢地一定要我去. 唔去唔得.
我覺得哩一點, 好有問題。
乜叫做「佢地一定要我去. 唔去唔得」？
如果唔去, 便要「絕交」, 咁哩D朋友唔要就算。
真係要諗個令個仔順服的理由﹐唔好畀佢成日要去街。
佢咁易受到同學唆擺, 要梗硬黎, 你就更加要小心...... 
作者: phoebepanpan 時間: 13-1-17 18:59 標題: 回覆：jk67jk 的帖子
因我仔小學時D同學好清高，我仔曳自然冇咩人同佢做friend,但中學唔同，好多人同佢玩，所以佢好care 
研究清楚，原來同學們只去K，我仔K完就等我嫂同姪仔一齊溜冰，
都好D
作者: 黃巴士 時間: 13-1-17 19:16
回復 phoebepanpan 的帖子
唔好介意講.
始終是S1. 誘惑多. 我唔會俾他/她們單獨和同學去K房囉(EVEN都是唱歌, 但品流雜) 有父母在除外.
其實佢地大大吓自然會去街, 佢地依家唔須急著要求自主去街囉. 平時長假期一天半天去吓食LUNCH, BUFFET/睇戲/BBQ, 踩單車, 打波/運動都無妨.
但平時週六/日都經常叫去街的同學, 是否都要睇緊些, 他們都須看清楚是否真正是交友對象?
有些事易放難收囉. 
緊總好過鬆.
作者: phoebepanpan 時間: 13-1-17 19:48 標題: 回覆：黃巴士 的帖子
我老公明日放假，我會叫佢跟埋去，
作者: Yanamami 時間: 13-1-17 20:01
易放難收!
作者: BallBallMaMa 時間: 13-1-18 01:49
回復 phoebepanpan 的帖子
已經是中學生, 不會歡迎同學的爸媽跟著一起玩
如小朋友去K, 覺得品流複雜就不應給他去, 而不是叫爸爸跟去, 小朋友會給同學笑的
作者: cp3g 時間: 13-1-18 02:33
BallBallMaMa 發表於 13-1-18 01:49
回復 phoebepanpan 的帖子
已經是中學生, 不會歡迎同學的爸媽跟著一起玩
作者: phoebepanpan 時間: 13-1-18 08:57
如果佢地去下午OR 晚上我一定唔準,
而家約唱早場9:30 應該12:30 完. 之後爸爸接佢陪等表弟 2:30PM 溜冰.
作者: Yanamami 時間: 13-1-18 09:03
本帖最後由 Yanamami 於 13-1-18 09:16 編輯
The summer holiday before my daughter was promoted to F1, I told her that she's not allowed to wonder around after school; not allowed to go out with her classmates or go to their home UNLESS I know them or their parents PERSONALLY. She can only go out once/twice during school holiday (e.g. X'mas/ Easter/ CNY) or after exams......so far it works pretty well. It's better to have deals made before conflicts arise. She's F2 now.
作者: Meikin 時間: 13-1-18 09:09
唔好話中一, 我阿仔而家中二, 我都只係俾佢中一時去過一次同學仔屋企玩 (係做project先, 然後留低玩), 同埋今年聖誕假同同學去過一次宿營(有一位老師約埋幾位同學去鯉魚門渡假村), 其餘都好少俾佢出街遛漣. 我覺得其實要傾計, 要玩在學校成日點都夠, 週末/放學有時間都應該做下私人事或陪下屋企人.
作者: hw1115 時間: 13-1-18 09:43
昨晚, 有個同學打來, 叫阿仔還返一份嘢比佢, 我就比阿仔自己落樓去對面屋苑,
但對方是個媽咪來幫佢個仔拿. 大家覺得正常嗎 ?
作者: hw1115 時間: 13-1-18 11:21
回復 hw1115 的帖子
jk67jk 你有懷疑的原因何在？
而最大可能, 是對方家長懷疑自己小朋友講大話, 佢要親自証明份嘢在你仔那裡.
晚上7時多, 我只會覺得個媽咪不需要幫小朋友拿囉. 因這位媽咪識我仔仔的.
作者: phoebepanpan 時間: 13-1-18 12:01 標題: 回覆：hw1115 的帖子
可能阿媽買野順路取哩
作者: Glau 時間: 13-1-18 12:35
中學生活應該好忙, 有學會, 課外活動,補習......有時同學生日咪去玩下, 但有d無無謂謂就最好推左去. 再大d 就管唔到啦. 但最重要要有溝通同信任.
作者: piagetmum1 時間: 13-1-18 13:07
其實有些活動(如常去唱K，流連商場，煲電話粥)不管大人小朋友亦不應做，我會問阿仔若阿媽只顧跟朋友唱K，打牌，他覺得如何？
作者: 黃巴士 時間: 13-1-18 13:14
校內平日星期一至五都有很多活動是在校參加的 (如XX學會, 打波, VA, 樂器團....) S.1生沒須要自組"出街"活動囉.:;pppp:
作者: kitbebe 時間: 13-1-18 14:22
正常社交, 有何不可呢?? 我會著重佢去哪裏, 去得幾頻密, 去做什麼等, 互相溝通, 唔好管得太緊, 到時反叛仲難搞啦!!
作者: phoebepanpan 時間: 13-1-18 18:49 標題: 回覆：kitbebe 的帖子
agree with u, 最重要多溝通，間中去街可接受，阿仔話今日有一家長一齊，同佢地登記好就走，
作者: 杰杰媽媽 時間: 13-1-18 21:14
我完全唔比我仔自己去街---玩, 除左童軍活動/ 一定要去同學屋企做PROJECT/學校需要去買野(非上堂時間)。
好彩我仔係宅男黎,佢成日想以最快速度返屋企做晒功課打機,佢亦知我唔會俾佢自己出街玩,所以從來都冇問過我佢可唔可以同同學去玩, 但我知佢D同學成日唔係約埋去打波,就放假去邊個邊個屋企玩.
我仔就算放學/食飯時間要出學校買要用既野都會打俾我通知我先。
我自己讀書時都唔會自己出街, 所以我對我仔都好嚴,唔係需要性都唔好出街玩。係都到中四中五先講。
作者: Hanayori 時間: 13-1-18 21:25 標題: 回覆：中一仔, 應否跟同學去街
我个女同學大部份係小學直升，家長都認識，所以尚算放心. 但有好多規距，只可以留係同一个地點，唔可以四圍走，唔可以唱K，準時返屋企，特別日子先准出街，电話響要即刻聽.
不過比得佢去我就唔會跟，自己都后生過，唔想比朋友仔笑；都有試過比我拒絕，但佢知强權下反抗無效，暫時唔敢比面色我睇
作者: kychanhkg 時間: 13-1-20 00:38 標題: 回覆：中一仔, 應否跟同學去街
唔同意中一仔跟同學去唱K，試下安排多啲佢喜歡的課外活動，如運動，童軍或民安隊等等，等佢唔周身唔得閒，且有其他的朋友。
作者: jj7723 時間: 13-1-20 01:23 標題: 回覆：中一仔, 應否跟同學去街
中學應該好忙架? 我女中一, 日日都埋頭做功課, assignment, project, 個個都好忙, 無同學得閒去街! 放學個個都會趕返屋企, 未試過weekend 有同學約去街玩, 只會約做project。有次term test完, 成班去bbq, 有亞sir一齊去, 我先俾佢去。
作者: jj7723 時間: 13-1-20 01:26 標題: 回覆：中一仔, 應否跟同學去街
我就一定唔會俾去唱k, 品流複雜, 反而去打波有益身心活動我覺得ok。
作者: kenken1 時間: 13-1-21 10:05
提示: 作者被禁止或刪除 內容自動屏蔽
作者: lky3107 時間: 13-1-22 09:53
回復 kenken1 的帖子
試過同小六同學去打波, 但我送/接佢去球場.
我小朋友話小六時老師同佢哋講, 老師既小朋友己經中三, 但老師從來唔比佢自己一個人出街同同學去玩, 所以我小朋友覺得要大個d先可以同同學出街係好自然既事, 暫時都無要求過.
作者: cissie 時間: 13-1-23 01:57
I think you are overprotected.
作者: maylomaylo 時間: 13-1-23 11:32 標題: 回覆：中一仔, 應否跟同學去街
養兒一百歲，長憂99!
| 歡迎光臨 教育王國 (/) |
Powered by Discuz! X1.5 |