教育王國

標題: 怎樣提高小朋友認字興趣 [打印本頁]

作者: rabbitsheasl 時間: 13-1-17 14:07 標題: 怎樣提高小朋友認字興趣

請問有咩遊戲可以提高小朋友認字興趣, 我試過識讀就蓋印仔, 也試過好似海豚咁識讀獎餅仔, 還有咩遊戲呢?

作者: Jane1983 時間: 13-1-17 14:33

小朋友幾大？有得4、5歲可以由興趣出發，陪佢看佢有興趣的topic，看得多自然記得，仲會識應用

作者: rabbitsheasl 時間: 13-1-17 15:16

其實我小朋友好細, 2歲幾, 現在讀 N 班, 學校只喺教咗幾個中文字.

喺我一直都無特別教佢認字, 我認為咁細唔洗認字住, 返學應該喺玩吓, 食吓嘢, 學吓自理, 學吓群體生活, 但最近發覺佢D同學仔已經識好多個字, 所以開始諗點樣教佢好.

作者: huba 時間: 13-1-17 21:46

只是2歲幾人仔，各方面的能力還在不斷發展中，而且不同方面的發展速度也會存在差異，不要作無謂的比較，給自己及孩子不必要的壓力。

關於提高認字興趣，建議由日常生活著手，例如在街上，公園，餐廳及車站裏都有很多材料可以用來給孩子認字，另外再加上用有少少文字的圖畫書來伴讀，相信慢慢地你會見到效果。

作者: lillymarie 時間: 13-1-17 21:55

我試過將家中的傢俬電器都貼上名稱。
又曾經想過教囝囝動詞，可玩抽字咭，例如見到“跳“就跳，見到“吃“就食塊餅。不過要預備好多，同時教小朋友時不能心急，免得嚇怕佢。有心理預備要教一千萬次才好。

作者: rabbitsheasl 時間: 13-1-18 09:58

Thanks all of you

作者: ha8mo 時間: 13-1-18 10:04

提示: 作者被禁止或刪除內容自動屏蔽

作者: sillydad 時間: 13-1-18 10:17

認字不難,小朋友好記性,2歲要懂的字的意思就難一點.不用急,可能佢D同學員都只是識讀,而不知意思.2歲,見得到的事物比名稱佢就可以了,如"萍果",但如果你要教他抽象的詞語,如"熱鬧"就難一點,要花一點心思.但我本人覺得小朋友應該先學講說話,再認字會學的更好.因為中文認一千個字,已有超過一千個詞語,因為中文是以組合字而產生詞語.所以不用急.學好講說話,再認字才會有效率.以上只是我個人的想法.

作者: iluvchun 時間: 13-1-18 17:03

兩歲幾就認字, 會唔會早左d?
而且每個小朋友長處唔同, 我身邊既小朋友同我個女, 大家都各有各叻既地方, 唔需要比較喎
n班都唔會教認中文字啦
除非你keep住日日都同佢溫, 否則你而家教到佢認幾個, 下個月佢已經唔記得啦

作者: rabbitsheasl 時間: 13-1-21 12:15

n班喺會教認中文字架, 有識得有一間幼兒園教詞語潻, 死未.

作者: rabbitsheasl 時間: 13-1-21 12:16

多謝各位回覆, Thanks

作者: deonice 時間: 13-1-21 13:54

我覺得可以睇下個小朋友性格係點....
有d可能會鐘意畫拼字遊戲...(即係唔同中文字亂拼，從而去教佢唔同字)
有d可能鐘意畫公仔既，你可能比佢學多d字係由象形走出黎....
有d可能鐘意玩既....就可能玩下剪刀石頭布去記下d字
純粹個人意見:p

作者: rchchan0505 時間: 13-1-21 14:38

多從生活入手，獎勵計劃盡量少用。

歡迎光臨教育王國 (/)