教育王國

標題: 又一邨學校同啓思附幼，讀邊間 [打印本頁]

作者: tigerbaby10 時間: 13-1-16 15:01 標題: 又一邨學校同啓思附幼，讀邊間

兩間都是愉快教學，又一邨收全日班，而啓思附幼收下午班。原本非常唔願意俾小朋友讀下午班，因覺得午睡對小朋友健康發展好重要，但是又聽得太多考小學競爭如何激烈，讀啓思起碼有小學backup。真是好難的選擇。
大家可否幫我出出主意。多謝。

作者: Doublej 時間: 13-1-16 17:01 標題: 回覆：又一邨學校同啓思附幼，讀邊間

我哋都收了啓思下午班。雖然啟思有啟小backup，但啟小學費貴到阿媽都唔認得。朋友個仔正讀小學，他說物有所值。入咗啟小，睇怕我兩公婆都要打多份工囉，我都考慮讀唔讀。正在等其他result再說...

作者: tigerbaby10 時間: 13-1-16 17:07

Doublej 發表於 13-1-16 17:01
我哋都收了啓思下午班。雖然啟思有啟小backup，但啟小學費貴到阿媽都唔認得。朋友個仔正讀小學，他說物有所 ...

我都聽聞啓思小學教得好好，所以好猶豫。阿仔現在每個下午要訓3個幾鐘... 返下午班唔知會點。

作者: Doublej 時間: 13-1-16 17:15 標題: 回覆：又一邨學校同啓思附幼，讀邊間

我哋阿女之前下午都瞓好長，但自從前幾個月開始日日帶佢去公園玩，之後就改了瞓覺習慣，朝朝瞓到9點幾10點。小朋友瞓覺時間唔會太難改，不用擔心。

有得玩，佢哋乜都得。

作者: samchan2179 時間: 13-1-16 20:22

又一邨全日幾好

作者: sarubuta 時間: 13-1-16 23:06

咁你要想想是否喜歡啟思小學，中文為主的IB school，學費好貴。同埋，讀啓思附幼也不等於考到啟思小學，都係要interview 同埋未必實收，所以唔肯定是否真的可以當升小backup。

我唔太認識又一邨亦冇報，只是聽人說是很好的happy school, 老師有愛心，校園大。你報得又一邨，又心大心細作比較，我相信你知到又一邨的好處。可以將兩間學校的好處唔好處用張紙列出來，比較o下，或者會有答案。

感覺上啓思附幼的兩文三語好像比又一邨強，學校website 的升小情況亦好似幾理想（除啟思小學外，也有一些出名的私校直資，但唔知確實考到的人數）

而你心儀哪一間／哪一類小學？啟思小學/IB學校的心儀之選嗎？

又如果啓思附幼是上午班，比較又一邨全日班，你會否二話不說就confirm 揀啓思附幼？如果係，就揀啓思啦

小朋友現在有沒有返PN? 如果沒有，不如試試調整作息時間，看看能否適應下午班生活？

申報：有啓思附幼AM offer

作者: wa923 時間: 13-1-16 23:10 標題: 回覆：tigerbaby10 的帖子

又一邨全日，下午有英文故事時間

作者: tigerbaby10 時間: 13-1-17 09:53

sarubuta 發表於 13-1-16 23:06
咁你要想想是否喜歡啟思小學，中文為主的IB school，學費好貴。同埋，讀啓思附幼也不等於考到啟思小學，都 ...

多謝你詳盡的答覆。又一邨出名老師有愛心，而小兒初初讀N班時，因個別老師的照顧不當，有些不愉快經歷，驅使我去報又一邨，因這段經歷使我認為對於小朋友，老師的愛心比學術水平重要。另外我係working mom, 都想俾小朋友讀全日班。而我又有幾個同事小朋友讀啓思小學，他們一致評價非常高，都認為物有所值。而這幾年似乎入讀啓思小學的競爭也激烈好多。所以我報讀啓思附幼，將來是會考慮啓思小學的。
其實有個自私想法：如果讀又一邨，將來都有好大機會考入啓思，咁我就讀又一邨了，因為係全日班，老師又caring，但就驚日後考唔入。

作者: Doublej 時間: 13-1-17 19:00 標題: 回覆：又一邨學校同啓思附幼，讀邊間

如果你唸住好大機會報讀啟小，我覺得應讀啟幼，因為對小朋友來講，要由幼稚園升小學，環境適應也會感到壓力，而且可以同自己一齊玩開嘅朋友升上小學，你話幾開心呢。

如果有人幫手照顧，我就唔會讀全日。起馬如果有同學病都唔會咁容易中招。有時小朋友想學跳舞，或者夏天去遊水都唔洗等星期六日去。如果沒人照顧就冇計啦。

作者: Parisienne 時間: 13-1-22 17:35

本帖最後由 Parisienne 於 13-1-22 17:37 編輯

啟小幼好好，但知道今年am一班四十幾人，雖然聽說加多老師。唔知pm多少人？建議問下學校。
幼稚園部不是直升小學，只是有得優先面試。今年好多唔收，或最多再比多次2nd in 機會同校外生一齊見。不過理念相同，校舍和課程教法都有聨系。
啟小今年正式成為lB學校，學費雖貴但口碑好。

作者: tigerbaby10 時間: 13-1-23 10:00

Parisienne 發表於 13-1-22 17:35
啟小幼好好，但知道今年am一班四十幾人，雖然聽說加多老師。唔知pm多少人？建議問下學校。
幼稚園部不是直 ...

多謝回覆。又一邨全日班20人一班，3個老師，相比之下啓思附幼一班真係多好多人。我係會考慮俾小朋友讀啟小的，如果唔係這個原因，我一定選擇又一邨全日，因我自己要返工。但讀啟幼又唔一定收入小學，真係唔知點撿。

歡迎光臨教育王國 (/)