教育王國

標題: ADHD/專注力/自閉/亞氏保加針灸治療 [打印本頁]

作者: veroshea 時間: 13-1-15 14:24 標題: ADHD/專注力/自閉/亞氏保加針灸治療

想問下有無JM帶過小朋友去針灸治療ADHD/專注力/自閉/亞氏保加等, 可否分享下效果? 針左幾耐幾多次, 有冇食中藥協助等?? 我上網睇過, 台灣好似幾普遍用針灸治療, 而且效果好似都唔錯, 我小朋友本身專注力比較弱, 但又唔算太嚴重, 所以都係唔想俾佢食藥, 始終治標唔治本..

我星期六帶仔仔針左一次, 醫師話暫時無須要食中藥, 真係好想可以幚到佢..

作者: vicky1011 時間: 13-1-18 23:35

係lor，我都係想瞭解下，但是針邊度？腦或舌頭？我好驚唔得時點算.

作者: veroshea 時間: 13-1-21 15:23

主要針頭, 手同腳, 大約20針...

作者: 小倩 時間: 13-1-22 16:32 標題: 回覆：ADHD/專注力/自閉/亞氏保加針灸治療

我仔怕痛，唔肯試

作者: veroshea 時間: 13-1-24 10:14

回復小倩的帖子

我仔初初都好驚, 上星期六針第三次開始無再喊但當然臨落針之前仍然好驚, 頭一二次都見佢無咩特別唔同, 第三針之後好似真係乖左, 一叫即停, 唔之係心理作用定係咩原因呢? 又或者係心理因素可能佢想快D乖唔駛再去針, 哈哈~

作者: szesze.betty 時間: 13-1-24 10:35

我女兒是自閉症，現已六歲多，剛開始針了１６次左右．原本她的發音很少，現在開始多了幾個音，還有說話時比以前夠氣．

我女兒對針灸不抗拒，沒有大喊，只是扭計的依依呀呀，待針２０分鐘，不是太久，都可以一試．

施針位置是頭，雙手，雙腳和下巴．約三十幾針．

作者: 小倩 時間: 13-1-24 14:40

回復 veroshea 的帖子

你喺邊度做? 貴唔貴?
我淨係同佢貼天灸, 少少熱佢已經呱呱嘈

作者: veroshea 時間: 13-1-24 17:20

回復小倩的帖子

我仔係仁濟醫院中醫診所針, $120一次, 主要針頭, 手就針過一次, 腳醫師話佢唔算嚴重, 可以暫時唔駛針, 不過我見好多小朋友都有針手同腳. 每次留針一個鐘, 每星期要針兩次, 醫師話大約針三個月, 暫時也無須吃中藥. 希望有用..

作者: 2bbma 時間: 13-1-25 09:15

我都有帶佢睇過中醫，但個醫生話無針對呢類病o既方法，不過話佢要build up 個身體。
如果想針，請問應該點同醫生講呀?

作者: veroshea 時間: 13-1-25 10:35

我只係講專注力弱醫生巳經知道, 果度好多小朋友針, 我見有D係情緒問題, 有D係表達問題(因為我去果間D小朋友針坐完要坐係後診大堂度等)所以留意到, 見醫師收據上寫五遲五軟, 你試下問下你個醫師.

作者: 2bbma 時間: 13-1-28 12:20

我轉咗另外一個中醫，佢話有呢類治療呀(不過要$200)，E+仲有好多小朋友來做梗TIM
不過我同阿仔講，佢係都唔肯，唔知點氹佢好

作者: bubufafa 時間: 13-1-30 16:28

中醫醫證不醫病
五遲：立遲、行遲、齒遲、髮遲、語遲，屬肝腎不足、心氣不足
五軟：頭項軟弱傾斜；口軟唇弛，咀嚼乏力；手軟下垂，不能握舉；足軟弛緩，不能站立；肌肉鬆弛，活動無力，屬脾腎兩虧、氣血虛弱

作者: keroppigrace 時間: 13-1-31 13:24 標題: 回覆：ADHD/專注力/自閉/亞氏保加針灸治療

寶寶懷疑是專注力不足，有無醫生介紹去check下?

作者: veroshea 時間: 13-2-1 11:02

2bbma 發表於 13-1-28 12:20
我轉咗另外一個中醫，佢話有呢類治療呀(不過要$200)，E+仲有好多小朋友來做梗TIM
不過我同阿仔講，佢係都唔 ...

我諗無咩小朋友會肯, 都係唯有氹.

作者: veroshea 時間: 13-2-1 11:09

keroppigrace 發表於 13-1-31 13:24
寶寶懷疑是專注力不足，有無醫生介紹去check下?

你試下叫醫生同老師寫紙你去健康院安排排期,不過你要要等一年半載, 如果經濟許可, 可以打電話去協康會或基督教服務處問他們有咩途經可以做評估, 我果時問過, 中心簡單45MINS評估約400, 心理學家詳細評估約3000, 如要連詳細報告大約7000, 呢個係4年前既價錢, 希望幚到你.

作者: keroppigrace 時間: 13-2-1 23:23 標題: 回覆：veroshea 的帖子

多謝你，如係呢個價錢都ok

歡迎光臨教育王國 (/)