教育王國

標題: 一個好簡單問題，點樣補英文？ [打印本頁]

作者: cy36baby 時間: 13-1-15 13:31 標題: 一個好簡單問題，點樣補英文？

仔英文弱，點好？

作者: overview 時間: 13-1-15 13:43

幾年班 ?

睇多d書, 英文報紙, 聽英文歌, 睇英文movie及tv, 跟住做小量習作,

作者: cy36baby 時間: 13-1-15 14:02 標題: 回覆：overview 的帖子

P1,打算每天串4個字再加一份補充練習，夠嗎？

作者: longlokma 時間: 13-1-15 15:45 標題: 回覆：cy36baby 的帖子

這樣死記作用不大。先從看書著手，揀淺易的看，先建立他的興趣和自信。

作者: overview 時間: 13-1-15 16:38

cy36baby 發表於 13-1-15 14:02
P1,打算每天串4個字再加一份補充練習，夠嗎？

咁樣塞入腦, 好快唔記得. 一定要令佢對英文有興趣.

作者: Jane1983 時間: 13-1-15 17:14

從興趣出發，找他希望的題材一起看書，會慢慢好起來。

作者: cy36baby 時間: 13-1-15 18:54 標題: 回覆：一個好簡單問題，點樣補英文？

謝謝大家，看來都是由閱讀開始

作者: irenelwl 時間: 13-1-16 09:37

回復 cy36baby 的帖子

我女也是小一, 英文也差, 因幼稚園時沒有同佢串字小一好多生字, 考試全要默寫,我心好驚,但又唔想嚇到佢抗拒英文
而家用長遠法, 比佢睇英文卡通 (佢自己揀的VCD)
再散步串字
同時要接受佢獨創的串字法
如N = 一座山, G = 美人魚, R=滑梯

不過佢咁串出黎我聽, 人是有生氣得多
但因我沒有迫他死記爛記, 所以未追到本來由幼稚園上來已有串字的同學
但比較剛上小學時, 他已進步了

他剛上初小有抗拒溫習英文, 現在起碼不抗拒, 才能慢慢把知識放入腦中
同埋我覺得串字之前, 一定要同佢溫熟個讀音同用法

作者: bittergourds 時間: 13-1-16 10:38

去出面上ORT，加上借英文書來睇，習慣返英文閱讀。

作者: cy36baby 時間: 13-1-16 14:20 標題: 引用：回復+cy36baby+的帖子我女也是小一,+英文

原帖由 irenelwl 於 13-01-16 發表
回復 cy36baby 的帖子

我女也是小一, 英文也差, 因幼稚園時沒有同佢串字小一好多生字, 考試全要默寫,我心 ...

我在幼稚園同小一上學期也太放鬆他，現在每天要串字，閱讀及做小小上學期練習入手。

作者: cy36baby 時間: 13-1-16 14:26 標題: 引用：去出面上ORT，+加上借英文書來睇，習慣返英

原帖由 bittergourds 於 13-01-16 發表
去出面上ORT，加上借英文書來睇，習慣返英文閱讀。

謝謝，現時學校有個reading scheme,會花些時間借書來閱讀，也會閲讀訂開的兒童報紙

作者: 已刪除用戶 時間: 13-1-16 19:51

我仔幼稚園好低要求,我對仔又無物要求,想佢有個快樂童年,

小一我對佢學業無物點理,以為佢搞掂,點知上次測驗剛合格,激c我,

我搵老師1:1同仔補英文,每晚我自己幚佢溫習+做練習,

今次考試有99分.

作者: cy36baby 時間: 13-1-16 21:56 標題: 引用：我仔幼稚園好低要求,我對仔又無物要求,想佢

原帖由 CALVEN 於 13-01-16 發表
我仔幼稚園好低要求,我對仔又無物要求,想佢有個快樂童年,

小一我對佢學業無物點理,以為佢搞掂,點知上次測 ...

我同你一樣情況，之前測驗仲可以，點知考試

，個人先醒晒，原來落後人地半個學期，而家要補底準備下學期既終極一戰！

作者: Jane1983 時間: 13-1-16 22:02

cy36baby 發表於 13-1-16 21:56
我同你一樣情況，之前測驗仲可以，點知考試，個人先醒晒，原來落後人地半個學期，而家要補底準備 ...

早發現，追番吾算好難！

作者: cy36baby 時間: 13-1-16 22:56 標題: 引用：Quote:cy36baby+發表於+13-1-16+21:56+我同

原帖由 Jane1983 於 13-01-16 發表
早發現，追番吾算好難！

希望可以，本身自己英文都唔好，怕教錯佢，試過上英文班作用唔大，真係唔知點入手所以來請教下

作者: irenelwl 時間: 13-1-16 22:58

回復 Jane1983 的帖子

有心唔怕遲, 而且咁早發現

我12月見家長, 班主任也說我女沒有小一程度, 但老師說家長肯面對問題, 成績一定追到

他說他教過一個學生小五才學英文, 每天要他課後留下來特訓, 英文都次次合格的

我女初開學時不肯串字, 英文1-10, 串不到, 測驗當然唔OK, 超低分
但我一直有堅持要他串, 不停搵方法去試他, 現在這個沒有問題了, 他肯開口串, 無論型式如何, 最重要是己接受了學習,

當然學校課程一浪接一浪, ,
她基本比人學慢了, 但最重要是我不怕他遲了識, 但不能讓他永遠唔識, 現在遲了半個學期, 到長假期又追下, 慢慢追回有,
唯有有教無類, 自己一有時間, 行路又好, 坐車又好, 都問下佢, 陪他一起唸, 用串字型式講下故仔, 咁樣佢都OK唔錯, 起碼有野記到,唔會係一張白紙, 我接受佢慢, 但要佢一樣要補番唔識的, 不會默了書便無左件事

我做家長會叫自己不要太心急嚇壞小孩, 抗拒了就難了
(我自己讀書時有抗拒英文這科, 這科成績一路不好)
不是完全不罵他, 由他, 縱他

而是要先了解原因

是D野太難佢搞唔點無心機, 還是他完全沒有做?

我女二樣都會有發生, 前者我要幫佢想辦法

後者我會指出他的問題, 也會責罵他, 他沒有尊重我的要求,我便不會達成他的願望

久而久之, 他習慣了便會自己黎

我女還未去到自動波, 但一直受到教訓, 起碼我現在放工前都看到功課已做好

若她偷懶沒有練習默寫, 便要他晚上完成後才能做電腦科的練習(他自己要求的練習, 因他很有興趣學電腦)

我女中文也不行, 這個除了練字, 唯有堅持他要做每日一篇及睡前閱讀, 希望這能改善, 但我相信不會突飛猛進

最緊要搵到套自己小孩受, 又吸收到的方法, 始終小孩個個唔同, 都是獨特的

作者: overview 時間: 13-1-16 23:04

本帖最後由 overview 於 13-1-16 23:07 編輯

你地讀既幼稚園係咪冇默書, 又冇功課 ?

我都係經歷過愉快幼稚園後所付的代價. 好彩好快小朋友都可以適應. 所以而家我都提朋友唔好單純愉快幼稚園, 因為上到小學會追得好辛苦.

作者: 已刪除用戶 時間: 13-1-16 23:08

overview 發表於 13-1-16 23:04
你地讀既幼稚園係咪冇默書, 又冇功課 ?

我都係經歷過愉快幼稚園後所付的代價. 好彩好快小朋友都可以適應 ...

無默書,只有簡單功課

作者: cy36baby 時間: 13-1-16 23:35 標題: 回覆：irenelwl 的帖子

我做家長會叫自己不要太心急嚇壞小孩, 抗拒了就難了
(我自己讀書時有抗拒英文這科, 這科成績一路不好)
不是完全不罵他, 由他, 縱他

而是要先了解原因

是D野太難佢搞唔點無心機, 還是他完全沒有做?

我常犯以上問題，但有時唔急又唔得。

作者: Jane1983 時間: 13-1-16 23:52

回復 cy36baby 的帖子

陪小朋友看書，看英文，同他一齊理解，一起討論。

家長吾需要好叻先可以培養到叻小朋友，識個由吾識字但有遠見的媽媽湊大的朋友，日日亞媽坐系隔離陪他聽英文台收音機。朋友英文不知幾勁！

作者: irenelwl 時間: 13-1-17 13:25

本帖最後由 irenelwl 於 13-1-17 13:26 編輯

回復 Jane1983 的帖子

真不能否認有父母陪著讀書好好多, 我妹妹最細到佢時我媽多很多時間,
佢讀小學, 我媽真係陪讀
得佢一個讀到大學

作者: cy36baby 時間: 13-1-17 15:04 標題: 引用：+本帖最後由+irenelwl+於+13-1-17+13:26+編

原帖由 irenelwl 於 13-01-17 發表
本帖最後由 irenelwl 於 13-1-17 13:26 編輯

回復 Jane1983 的帖子

父母陪讀可知小朋友進度，貼身追蹤，小朋友也較有親切感。

作者: irenelwl 時間: 13-1-17 15:27

回復 cy36baby 的帖子

但在職父母未必有充裕時間, 唯有盡力

作者: cy36baby 時間: 13-1-17 15:32 標題: 引用：回復+cy36baby+的帖子但在職父母未必有充

原帖由 irenelwl 於 13-01-17 發表
回復 cy36baby 的帖子

但在職父母未必有充裕時間, 唯有盡力

當然，父母對孩子只要盡力，結果有時不能預見。有時只有暗地支持佢，實際可做未必太多。

作者: coco209 時間: 13-1-17 22:47 標題: 回覆：一個好簡單問題，點樣補英文？

串英文生字係咪好重要？

作者: tws2010 時間: 13-1-17 23:05

回復 coco209 的帖子

I think so. Even you can write very good essays but with a lot of spelling mistakes, the examiners will definitely have a bad impression on you. Same for Chinese. Frankly speaking, I don't really oppose teachers asking kids to do penmanship. It's a good way to practice Chinese writing and English spelling.

作者: Jane1983 時間: 13-1-17 23:37

回復 coco209 的帖子

視乎幾多歲，太細就無謂逼佢，大d學校都要默書，順住行就得。

作者: cy36baby 時間: 13-1-18 00:16 標題: 引用：回復+coco209+的帖子視乎幾多歲，太細就

原帖由 Jane1983 於 13-01-17 發表
回復 coco209 的帖子

視乎幾多歲，太細就無謂逼佢，大d學校都要默書，順住行就得。 ...

我都讚成串字，如一日四個，等佢有多些"彈薬＂佢讀同寫。

歡迎光臨教育王國 (/)