教育王國

標題: 如果有人提意你唔好帶個細路去拜年，你會唔會索性唔去呢 [打印本頁]

作者: muimui5 時間: 13-1-14 23:42 標題: 如果有人提意你唔好帶個細路去拜年，你會唔會索性唔去呢

C6個邊年年初一團拜，五家人一齊都算熱鬧融洽。今年較富有的叔父獨立別墅剛入伙，請大家去果度團拜。99昨日同我講果度成屋落地玻璃，花園又有斜坡，叫我留低過動的大B同工人在屋企，兩夫婦帶手抱的細B去，我想叫C6自己去好了。你哋點睇？

作者: ltdcorp 時間: 13-1-15 00:00

回復 muimui5 的帖子

我會查清楚是否真實, 如是真我以後都唔會去, 好過份, 我一定唔去, 叫C6都唔准去.

作者: idak 時間: 13-1-15 01:57

環境又真係幾危險, 好難估到小朋友會有乜反應, 都係叫你c6自己去啦﹗細b又可以休息, 唔洗比咁多人抱﹗

作者: muimui5 時間: 13-1-15 11:17

可能有点危險，我只希望唔好以後初一都去果度，攪到我個細路好似唔見得光咁。

作者: samantha_yuen 時間: 13-1-15 11:20 標題: 引用：C6個邊年年初一團拜，五家人一齊都算熱鬧融

原帖由 muimui5 於 13-01-14 發表
C6個邊年年初一團拜，五家人一齊都算熱鬧融洽。今年較富有的叔父獨立別墅剛入伙，請大家去果度團拜。99昨日 ...

我會不去！連老公也不去！

作者: Ellen8668 時間: 13-1-15 16:50

我都唔去, 咩野危險喎, 有工人單對單跟住麻, 一家都唔去

作者: mckm2007 時間: 13-1-16 00:36 標題: 回覆：muimui5 的帖子

如果係我，我會一家大細都會去，去見識下。去之前做啲功課同小朋友講下嗰到的環境，等佢有啲心理準備！

作者: Capricorn2521 時間: 13-1-16 10:19

我會睇吓奶奶出於關心，擔心定係吾喜歡，又衡量吓這些家人對孩子的接受程度。如果大家都接受小朋友，只係奶奶擔心小朋友受傷，我會解釋比奶奶知道，有工人跟住，沒有問題的，叫佢吾洗擔心。開開心心團拜。

作者: muimui5 時間: 13-1-16 11:48

我會吃團年飯後才決定。叔父多在內地，最少見亞囡的長輩，佢太太又係內地富太，都未見過面，若吃團年飯見佢唔係好nice我唔會搏。

我只係懷疑99怕亞囡會失禮，因為佢都叫過我哋唔好同亞囡去C6啲cousins約的Christmas party，話費事我哋食唔到嘢喝喎。

作者: why-me 時間: 13-1-16 13:41 標題: 回覆：如果有人提意你唔好帶個細路去拜年，你會唔會索性唔去呢

我都認為你奶奶係怕你大女失禮佢囉，咁多個大人點可能睇唔掂你個女呢？我係你，會叫老公自己去，因為係你奶奶叫你個女唔好去，並非佢叔父，所以都要專重佢，唔好令老公難做。

作者: crystal媽咪 時間: 13-1-16 14:59

其實係3個大人照顧2個小朋友，不過佢咁講我直頭唔帶小朋友，自己都唔去。
要有危險，家只有4幅牆都一樣可以撞到仆到。
我寧願佢拜年那天提醒小心勿跳勿跑

作者: pipi331 時間: 13-1-16 18:03

提示: 作者被禁止或刪除內容自動屏蔽

作者: opkwan1 時間: 13-1-16 18:35 標題: 回覆：why-me 的帖子

我都會叫老公自己去，其他人
全部唔去

作者: HopeLJ 時間: 13-1-16 21:30 標題: 引用：我都會叫老公自己去，其他人全部唔去 +

原帖由 opkwan1 於 13-01-16 發表
我都會叫老公自己去，其他人
全部唔去

X 3

作者: CMH 時間: 13-1-16 23:31

往積極方向想，應該相信小朋友的能力。我會將此作為一個Project，利用還有三個多星期時間，加緊訓練小朋友，動員全家扮演不同角色，為他模擬團拜時可能出現的不同情況，使他有充分的心理準備。

作者: wilyun 時間: 13-1-17 15:43

回復 muimui5 的帖子

我會問清楚點解唔比我個大仔去囉! 乜野叫做拜年? 就係一家大細, 齊齊整整, 開開心心咁, 去迎接新一年開始!! 唔係咁做囉, 如真係咁有危險, 咁不如成家人都唔好去喇!!

作者: muimui5 時間: 13-1-18 10:43

叔父太太唔係睇住亞囡長大，可能唔夠包容，99怕俾人話好難話對錯，總之我初一定同大B一齊。吃團年飯時如果有人俾說話我哋聽就一於以後唔去佢個豪宅。

作者: cat1028 時間: 13-1-20 23:51

叫老公自己去

歡迎光臨教育王國 (/)