教育王國

標題: delete [打印本頁]

作者: 晞晞爸b 時間: 13-1-14 11:36 標題: delete

本帖最後由晞晞爸b 於 16-11-5 15:20 編輯

Delete

作者: Babycheriehk 時間: 13-1-14 11:55 標題: 回覆：唉! 收到信排 8:30 + 10 AM interview...換做係你會唔會去IN

如果係我，我會去!就算早D起辛苦都係一日啫。去多D面試，比佢試下唔同面試既環境同形式都好。同埋試都未試過點知唔得呢?可能好好呢!唔買六合彩點會有機會中，或者買左六合彩唔對又點知自己中唔中?同埋以我所見，好叻好醒又唔一定收，冇乜表現又唔代表唔收，比個機會同信心比自己小朋友!

作者: 小小山 時間: 13-1-14 12:02

住新界點解要報北角嘅幼稚園? 如果收你, 又話遠, 又話早.

如果無意思讀, 不如唔好去in.

作者: maggie_devilkin 時間: 13-1-14 20:09 標題: 回覆：唉! 收到信排 8:30 + 10 AM interview...換做係你會唔會去IN??

時間上我會call的士，等小朋友可以瞓多D。上年我in 衛理堂N1,有玩具玩又似上playgp,阿囡無發過脾氣。10：00 SPK in得快，小朋友應該挨得住

作者: pc629 時間: 13-1-14 21:38

報得又唔撞時間，諗唔到點解唔去。都係摶大包圍啫係咪？

作者: Jane1983 時間: 13-1-14 21:42

pc629 發表於 13-1-14 21:38
報得又唔撞時間，諗唔到點解唔去。都係摶大包圍啫係咪？

Agree，除非報果陣吾sure，收都未必讀就吾去。

作者: lokhei1012 時間: 13-1-14 23:33 標題: 回覆：晞晞爸b 的帖子

唔係嘛，住新界去港島讀幼稚園？！？！我"鄧"個小朋友辛苦咋！！！

作者: 晞晞爸b 時間: 13-1-14 23:55

maggie_devilkin 發表於 13-1-14 20:09
時間上我會call的士，等小朋友可以瞓多D。上年我in 衛理堂N1,有玩具玩又似上playgp,阿囡無發過脾氣。10：00 ...

謝謝你的建議！請問衞理堂好嗎？好似好少人談論呢間學校...另外如果衛理堂同spk二揀一去in，你會揀邊間？謝謝！

作者: 晞晞爸b 時間: 13-1-15 00:02

pc629 發表於 13-1-14 21:38
報得又唔撞時間，諗唔到點解唔去。都係摶大包圍啫係咪？

因為驚8:30 am太早，小朋友未瞓醒狀態不佳之餘發脾氣及扭計到時可能有反效果，8：30 am in 得唔好之餘，連帶影響第二個10：00 am嘅面試

倒不如集中精神好好準備10；00嘅interview

作者: 晞晞爸b 時間: 13-1-15 00:08

本帖最後由晞晞爸b 於 13-1-15 00:09 編輯

另外我曾經試過去年11月初嘅一個星期六，全日連趕三場面試（Victoria, km & 又一村）另加york講座，大人及小朋友果日到最後都好累，果日到第三個interview 嘅時候仔仔已經好辛苦

作者: 晞晞爸b 時間: 13-1-15 00:12

lokhei1012 發表於 13-1-14 23:33
唔係嘛，住新界去港島讀幼稚園？！？！我"鄧"個小朋友辛苦咋！！！

...

如果spk有offer嘅話（俾我發下夢先，呵呵），我會搬出來市區住

作者: smile2hala 時間: 13-1-15 00:45

我都讚成IN 10:OO AM 的, 你住新界去到港島IN~8:30AM , 先不用說間學校好不好~剩係要小朋友咁早起身返學都唔點啦~過往經驗所知, 小朋友訓足D精神好D~狀態會好D, 集中精神IN 10:00AM會好D

作者: carson_ma 時間: 13-1-15 01:48 標題: 回覆：晞晞爸b 的帖子

你仔仔黎喎，為左讀spk搬屋值嗎？
咁遠去考衛理堂，收左你會搬？

作者: 晞晞爸b 時間: 13-1-15 06:16

smile2hala 發表於 13-1-15 00:45
我都讚成IN 10:OO AM 的, 你住新界去到港島IN~8:30AM , 先不用說間學校好不好~剩係要小朋友咁早起身返學都 ...

初步傾向係咁，但亦都想知多少少衛理堂嘅情況（升小及學校本身嘅名聲好唔好，etc),如果值得去試嘅，會去in 埋

作者: 晞晞爸b 時間: 13-1-15 06:21

carson_ma 發表於 13-1-15 01:48
你仔仔黎喎，為左讀spk搬屋值嗎？
咁遠去考衛理堂，收左你會搬？

冇話值唔值嘅，收咗（如果咁好彩）就搬，畢竟為咗小朋友，咩都值嘅

作者: JessieToys 時間: 13-1-15 07:32

我都唔明, spk 對女仔來講確係好好, 但係對男仔來講, 一來少男仔, 二來又升唔到上小學, 三來課程係偏淺, 究竟有乜野咁吸引, 令到樓主搬屋都要讀... 我覺得如果只係講德育, 應該唔使一定要spk啩?! 好多學校都做得好好啦~

作者: bb8608 時間: 13-1-15 08:40 標題: 回覆：唉! 收到信排 8:30 + 10 AM interview...換做係你會唔會去IN

其實我覺得要自己了解清楚想要 d
咩？！唔係咩學校都 in ，當上 playgroup 玩下或當 practice . 好多時個小朋友有可能越in 越驚！一

作者: maggie_devilkin 時間: 13-1-15 09:05 標題: 引用：Quote:maggie_devilkin+發表於+13-1-14+20:

原帖由 晞晞爸b 於 13-01-14 發表
謝謝你的建議！請問衞理堂好嗎？好似好少人談論呢間學校...另外如果衛理堂同spk二揀一去in，你會揀邊間？謝 ...

我本身住港島區，兩間揀我會揀衛理堂，比較上是happy school, 學校大配套多，老師同姐姐都俾人感覺溫柔。SPK超細仔in到的機會低，可以下年做大仔in反而成功率大D,加上咁多人爭，又要自己入去又in得快。其實兩間in曬都無衝突，你慢慢考慮啦

作者: cmir 時間: 13-1-15 09:16

for SPK, they won't accept small kids....

作者: marcuscyrus 時間: 13-1-15 10:13

手上有offer嗎?比較一下現有的offer，如心儀度>衛理堂----去in，否則只去spk

作者: xxariesxx 時間: 13-1-15 16:39 標題: 回覆：唉! 收到信排 8:30 + 10 AM interview...換做係你會唔會去IN

我會諗下住一晚酒店

作者: keio 時間: 13-1-15 18:02 標題: 回覆：唉! 收到信排 8:30 + 10 AM interview...換做係你會唔會去IN??

我都覺得男仔沒必要因spk 而由新界搬去港島。又或者咁講，身住新界的男生去考spk 其實冇乜jetso, 反而高主教、蘇淅上小學先有優勢。不過相信樓主都已經考左吧！

作者: lymchau 時間: 13-1-16 11:35

try both, go there earlier! If he stills sleep, then give up the 830 one and let him sleep until 930 for SPK.

作者: Chickee 時間: 13-1-16 11:50

其實大埔都有間SPK, 唔駛去到港島咁遠。

作者: melonfans 時間: 13-1-17 10:18

本帖最後由 melonfans 於 13-1-17 10:20 編輯

晞晞爸b 發表於 13-1-14 11:36
借個位呻下..

唉..剛剛收到2封信for interview..

其實spk係間較淺嘅kg, 女仔直升小學就當然考慮. 我見你考嘅都係國際班.

以上呢兩間學校都吾係英文為主, 又遠, 你真的考慮嗎?

作者: 晞晞爸b 時間: 13-1-17 11:08

melonfans 發表於 13-1-17 10:18
其實spk係間較淺嘅kg, 女仔直升小學就當然考慮. 我見你考嘅都係國際班.

以上呢兩間學校都吾係英文為主, ...

謝謝..其實想問下(因為對香港果邊學校認識唔太多)..呢兩間有無類似等如九龍邊幾間學校?
I mean 如你所講..呢兩間都唔係以英文為主既話...SPK是否等如九龍呢邊既又一村?(學術上來講?)

北角衛理堂好似有學卷..會否好似九龍呢邊既德貞(學術上來講?)
因為成日見到BK好多父母讚SPK...對呢間學校好好印象(暫時未見過有任何負面comment)...所以對SPK都好有興趣...

以上比喻 (i.e. 北衛~德貞??? SPK~又一村???)(純粹以學術方面來講) 如有錯誤請各位指正..謝謝

作者: melonfans 時間: 13-1-17 11:43

晞晞爸b 發表於 13-1-17 11:08
謝謝..其實想問下(因為對香港果邊學校認識唔太多)..呢兩間有無類似等如九龍邊幾間學校?
I mean 如你所講.. ...

其實你諗住考咩小學, 就target 咩 kg. 如果要搬屋, 我會考慮小學派位或小學地區太遠而搬, 吾會為咗幼稚園!

我相信讀SPK, 大多數會因為升小學. 正如MS, PC, 龍校嘅KG, 就好難同私立KG 比, 當然吾洗煩升小學, 所以咁多人考.

作者: Doudoudou 時間: 13-1-21 10:46 標題: 回覆：唉! 收到信排 8:30 + 10 AM interview...換做係你會唔會去IN

好佩服你一直堅持到依家尼個moment 都係幫個小朋友搵間好既幼稚園，我19/1見埋最後一間個人都顛左九成，唔敢車望考出面d名幼，我老公有你一成咁上心已經偷笑！阿女一見我羅起個電話就問我："媽咪，搵學校呀？"阿女面試都面到好累，自己都比左好大壓力佢，校學有好吸引的遊樂設施都已經唔太想玩。有d家長唔明點解住新界都要出市區考，要知道元朗既幼園已經比d B6侵占，依家北區唔夠小學學額要分流到元朗屯門區，仲要個PK局長吳克儉要改善附近口岸方便d 雙非誇境上學，想像唔倒幾年後既環境會有幾惡劣！
我0911超大女見左8間都係暫時得區內兩間村校offer. 仲等緊四間放榜，其中一間係私校仲係要同好多B6 一齊上堂真係唔想。
晞晞爸，加油！
Btw,我個女都係叫晞晞！

作者: 晞晞爸b 時間: 13-1-21 11:44

Doudoudou 發表於 13-1-21 10:46
好佩服你一直堅持到依家尼個moment 都係幫個小朋友搵間好既幼稚園，我19/1見埋最後一間個人都顛左九成，唔 ...

真心謝謝你!

大家既小朋友都係叫晞晞...親切感多了一分

昨晚我老婆先鬧我話報咁多間來做O羊...仲要過海報香港D幼稚園(我星期六先去報完聖公會...)
唉...可能我太緊張自己既仔仔(第一次做人老豆..

)
越來越發覺自己好似越來越怪獸...報學校報左近10間...我老婆話我報上癮...
唉...天下父母心...有D野我同我老婆講佢唔會明白..佢比較樂觀知足..佢話

當年佢都係讀村校屋企無咁既錢讀私校咪又咁大....

其實報10幾間唔代表間間都會收(有1/3有offer 其實好好既喇)
有offer先算喇..唔咪當練習...

最慘係仔仔係11月尾出世超細B ..真係先天不足(好多好既私校如KV PC 連報都唔俾報..) + 後天失調(次次去interview同人地D大仔一比較...人地大仔真係醒目D...)
唉...做細仔父母真係有苦自己知...

我已決定下一個小朋友要揀月份生...千祈唔好再生細B...

其實我本身住開九龍..係呢兩三年先搬入錦田住村屋...我返工在九龍...所以我好想再搬返出九龍....始終錦田交通好唔方便...出入都要揸車(西鐵呢兩年好多人好逼...次次返工時間西鐵錦上路都上唔到車...逼爆車廂要等第2架先勉強上到)...可能我心態係遲早要搬返出九龍住(住錦田唔係長久)..所以我target既學校唔會係元朗...都係以九龍為主....

你講得很對...元朗幼稚園已經俾B6人霸佔...今朝先睇新聞話小一有香港小朋友家長有機會要跨區....真係慘...

你都努力加油!

我果日(星期六)報完聖公會..好巧合又係2/2去in..不過係下午...
我初步決定2/2果日應該唔會帶仔仔去in 齊3間..太辛苦...
我試過去年3/11果日帶仔仔(我帶佢入去in...我太太唔理.....) 又係一日行三轉(victoria, 劍鳴及又一村)
見到小朋友好辛苦..我都好辛苦
所以我應該來緊2/2俾佢in SPK (K1) 及聖公會 (K1)...
北角衛理堂我可能要放棄...因為8:30真係太早..唔夠訓我驚影響小朋友既情緒及表現...

in 完呢兩間我仲有3月頭既劍鳴(PN) & 學之園(PN)...
Victoria PN我可能要放棄算喇....因為我去年11月3號帶仔仔去in 佢既K1時...實地視察學校環境及老師etc...發覺呢間學校唔係我杯茶...所以應該唔會去IN (雖然去年10月幾已報左交左表)

前路漫漫...過完PN/K1 又要好快面對小一戰場.....唉...大家努力..吸望你.我及呢度所有家長既努力都最終有好既消息..人人既小朋友都入到心儀既PN & K1...努力再努力! 今年唔得既..明年再戰..加油!!!

作者: Chickee 時間: 13-1-21 11:50

回復晞晞爸b 的帖子

好少爸爸對仔女搵學校咁上心, 至少我老公唔係, 真係要讚一讚你。

祝福你囝囝最後可以入到心儀kg。

作者: twllc 時間: 13-1-21 12:01

回復晞晞爸b 的帖子

你同我一樣，只係角色掉轉左... 我老公又係乜都唔理，全部學校都係我填表交form，去 in時先要佢出席(冇計，因為孖仔)。佢地仲係12月超細仔，每年幫佢地填表都填到手軟。但去in時又俾老公阿之阿jor...

另外我仲有個細女係11月出世，今年以細囡身份報n1，又係一場苦戰...

作者: Chirley 時間: 13-1-21 12:50

回復 twllc 的帖子

嘩~~~你好勁呀...3個都係細B...
仲要男孖B 真係令人癲...因為男仔普遍都比較『活躍』D...
真係精力透支...
我一個囝都搞到我無晒氣力精神 ><

BTY 我好欣賞同贊同樓主既做法...
雖然我細個時都唔係咁...
但而家呢D情況唔多唔少都因為社會變晒...
我又好相信『物以類聚』,
有得揀, 又有邊個家長唔會俾佢地心目中最好既俾小朋友呢???
大家都加油喔...細B團!!!

歡迎光臨教育王國 (/)