教育王國

標題: 有問題嗎? [打印本頁]

作者: kc1016 時間: 13-1-13 11:00 標題: 有問題嗎?

小兒3.5歲,

言語:
1.5歲開始講嘢, 表達都OK, 有時表達比較簡短

認知:
- 無問題, 不用教佢, 自己常睇書已懂串字
- 老師都話佢識字力強

體能:
- 剛開始懂踏單車, 去公園琴上琴落都無問題
- 行樓梯都可以一隻一隻腳行, 不過佢鍾意你拖住

行為:
- 因日日都有機會坐MTR, 好鍾意講地鐵站名, 有時係屋企走來走去, 因自己都會講地鐵站名
- 由2歲到開始, 喜歡拿玩具來轉, 唔係自己個人轉, 不過佢又唔係特別喜歡玩車, 無睇車輪
- 皮氣大, 喜歡同你玩反話
- 不過又無固執要行死一條路
- 有時喜歡行近牆邊, 感統老師話佢鍾意視覺自我刺激

溝通:
- 同大人都無問題, 會主動過來叫我哋玩
- 在校老師說比較靜, 不主動
- 叫十次有一半都有反應, 老師話慢D
- 幾個不同大人take care佢都得, 會去不同屋企住

眼神:
- 一半一半啦

自理:
- 自己去廁所
- 自己可以食飯, 不過懶
- 回家自己take off鞋, 會放好
- 會收玩具

你哋覺得有無問題呢?

作者: wilyun 時間: 13-1-13 22:38

咁你擔心啲乜？就咁聽又唔覺有乜問題囉！

作者: kc1016 時間: 13-1-13 23:07

回復 wilyun 的帖子

最擔心就係
1) 佢知我唔比佢轉東西, 佢一見我行開無望住佢又轉,
2) 社交同大人熟人就OK, 但同小朋友好似唔係大主動,
3) 好易皮氣和大喊, 不過近日stop佢, 好快停

我有同佢玩感統, 有一陣係無轉, 但近日又轉番. 好煩.

作者: fishcowcow 時間: 13-1-13 23:37

你意思你囝未作作任何評估?

作者: ac520 時間: 13-1-13 23:50 標題: 回覆：fishcowcow 的帖子

未

作者: fishcowcow 時間: 13-1-14 00:03

回復 ac520 的帖子

想問下你係樓主? (我見個bk name不同)

作者: wilyun 時間: 13-1-14 00:12

回復 kc1016 的帖子

我覺得可能係佢感統問題，需要啲特別刺激啫，唔使太憺心。

作者: kc1016 時間: 13-1-14 00:15 標題: 回覆：fishcowcow 的帖子

我未同佢做評估

作者: kc1016 時間: 13-1-14 00:16 標題: 回覆：wilyun 的帖子

真的嗎？希望係甘啦，真係好擔心

作者: fandd 時間: 13-1-14 00:29

或者嚟呢度比較吓!

http://www.fhs.gov.hk/tc_chi/hea ... hild_oty_child.html

作者: fishcowcow 時間: 13-1-14 00:45

我見你有上緊感統, 咁感統導師有咩意見?

作者: kc1016 時間: 13-1-14 00:58 標題: 回覆：fishcowcow 的帖子

佢玩其他搖搖床，吊高等的嘢都無問題，專注坐低玩又得，導師都係覺得佢特別鍾意用眼自我刺激。

作者: kc1016 時間: 13-1-14 01:00 標題: 回覆：fandd 的帖子

我睇你條link,好多都做到，可能係同小朋友主動溝通就麻麻地。

作者: littleape0129 時間: 13-1-14 09:52

你們好，我很想問一問意見。
小女2歲半，現在讀N班，老師其實都沒有話她什麼，但我總是覚得她很怕羞，唔知是否正常。
她說話絕對冇問題，對答及認知都好好，但她不太喜歡跟小朋友玩，一羣小朋友唱歌跳舞，她也沒有跟。但她又十分喜歡同表姐（7，4歲）玩。老師話佢似乎係慢熱及需要安全感。
她跟家人眼神接觸冇問題，陌生人就好似差D，要提吥佢望住人。去K1面試，1對1老師問問題ok,她會答，group in 就一定唔得，因為永遠唔會跟做動作。去到生保地方有D驚，一定要 stick with 我或爸爸。在街有人同佢 say hi, 佢都有答。
咁嘅情況，是否正常？唔該晒。

作者: yauman76 時間: 13-1-14 11:14

littleape0129 發表於 13-1-14 09:52
你們好，我很想問一問意見。
小女2歲半，現在讀N班，老師其實都沒有話她什麼，但我總是覚得她很怕羞，唔知 ...

你小朋友喺我地眼中係好正常, 如果你仲擔心, 建議你去CAC或私人機構做評估.

作者: wilyun 時間: 13-1-14 15:41

回復 littleape0129 的帖子

我都覺得你女女無乜問題,係怕羞啫!

作者: littleape0129 時間: 13-1-14 18:27

回復 yauman76 的帖子

Thanks! 可能因為我見佢成日唔同小朋友玩，見人哋玩都躲在我身后，所以擔心。另外，佢又極度跟我，公公婆婆爺爺嫲嫲都唔跟，佢哋話帶佢去玩，佢第一句就答要爸爸媽媽一齊去。有時我哋真係要放低佢，佢會喊，但喊一分鐘，我哋出門口後就收聲。基本上都成日見，唔知點解就係唔跟佢哋。
我有諗過去私人評估，但好貴，唔想隨便去，想聽下大家意見。thanks!

作者: littleape0129 時間: 13-1-14 18:30

回復 wilyun 的帖子

Thanks! 佢真係超級怕羞。其實係咪佢識玩模仿遊戲就唔會係自閉？但佢又真係唔鐘意同唔熟嘅人玩，會唔會係社交問題？

作者: lalababe520 時間: 13-1-14 19:09

大家的小朋友也很叻啊, 我仔3歲半都只說外星話

作者: wilyun 時間: 13-1-14 21:27

我仔都係一樣,仲外星話... 惟有等...

作者: yauman76 時間: 13-1-14 21:54

littleape0129 發表於 13-1-14 18:27
回復 yauman76 的帖子

Thanks! 可能因為我見佢成日唔同小朋友玩，見人哋玩都躲在我身后，所以擔心。另外， ...

呢D都係2歲幾正常小朋友嘅行為, 怕羞D啫, 唔駛咁担心, 到佢大D, 你想佢"痴"你都幾難. 如果係A仔, 唔會咁易揍架.

作者: idak 時間: 13-1-14 23:04 標題: 回覆：yauman76 的帖子

無錯！同佢出半日街要休息1日，都未必得！

作者: wilyun 時間: 13-1-14 23:33

回復 littleape0129 的帖子

係機會微啲，好似就算有眼神接觸都未必一定無自閉一樣，只係機會低啲！

作者: kc1016 時間: 13-1-15 12:40 標題: 回覆：有問題嗎?

今日我帶佢去做感統，導師都話佢係慢熱，所以去到新地方第一次做評估，可能未必太準，不過佢係有玩眼自我刺激行為，所以導師教咗我幾個要佢用眼多些的專注遊戲，因佢無智力問題，所以而加為有由行為入手，和報d社交班比佢同小朋友多互動，希望有改善啦。

作者: Stone媽媽 時間: 13-1-15 12:47

我個仔都只係小量外星話加唔識表達

作者: kc1016 時間: 13-1-15 15:12

回復 kc1016 的帖子

我係協康做感統評估.

作者: tam_bb 時間: 13-1-16 15:09 標題: 引用：你們好，我很想問一問意見。小女2歲半，現

原帖由 littleape0129 於 13-01-14 發表
你們好，我很想問一問意見。
小女2歲半，現在讀N班，老師其實都沒有話她什麼，但我總是覚得她很怕羞，唔知 ...

我個女同你小朋友差不多。返緊半日n班，唱遊時唔肯同其他小朋友一齊圍圈坐，只肯站在助教旁邊。見到陌生人時，大人就一時時，有時肯叫人；但見到BB或其他小朋友就躲在我心口。

前排幼稚園面試，單對單in就冇問題，肯答老師問題。但group in（小朋友坐前排、大人坐後排）就打死都唔肯自己坐，只肯坐我大腿上。

帶佢去公園或上playgroup，佢一定攬實我，有其他小朋友在場，就唔肯玩玩具、sir滑梯⋯⋯到人哋走哂、或者playgroup下課了，佢就正常番。其實我都好擔心佢是否社交有困難（阿氏保加症），定係純粹慢熱、為人敏感、不合羣？

作者: littleape0129 時間: 13-1-16 18:47

回復 tam_bb 的帖子

我哋囡囡簡直完全一樣，去playgroup 或group interview for school 完全唔肯自己坐。如果我坐後面，佢每5秒轉頭望吥我，驚死我走咗去。答問題又係望住我，唔望老師。我就係驚佢有亞氏保加或社交問題。
你囡囡幾大？有冇做過評估？

作者: bbqiu 時間: 13-1-16 20:09

試下做密集，睇下有冇改善？

作者: HopeLJ 時間: 13-1-16 21:35 標題: 回覆：有問題嗎?

Kc 照字面我覺得你個仔無乜問題wor

作者: HopeLJ 時間: 13-1-16 21:36 標題: 回覆：有問題嗎?

Littleape 我都覺得你女好正常wor

作者: HopeLJ 時間: 13-1-16 21:39 標題: 引用：回復+wilyun+的帖子 Thanks!+佢真係超級怕

原帖由 littleape0129 於 13-01-14 發表
回復 wilyun 的帖子

Thanks! 佢真係超級怕羞。其實係咪佢識玩模仿遊戲就唔會係自閉？但佢又真係唔鐘意同唔 ...

咁你可以只針對社交這點，參加社交訓練小組，很多地方都有的。

作者: kc1016 時間: 13-1-16 21:54

回復 HopeLJ 的帖子

衣幾日, 日日都帶佢去公園玩, 老師話今日叫佢畫畫立即有反應, 仲畫得幾好, 我仲係老師面前問佢:

- 今日食咩水果? 佢即刻答火龍果.
- 我話去公園哥哥跑甘快你會講咩呀? 佢話哥哥等埋我呀?
- 我話有好多小朋友喎, 你會講咩呀? 佢話可唔可以一齊玩呀.

老師話都知其實佢係講到, 希望慢慢同佢溝通多D啦.

我而加幫佢參加咗D社交班, 聽日開始, 新年就參加D密集班, 希望有改善啦.

作者: tam_bb 時間: 13-1-17 05:38 標題: 引用：回復+tam_bb+的帖子我哋囡囡簡直完全一樣

原帖由 littleape0129 於 13-01-16 發表
回復 tam_bb 的帖子

我哋囡囡簡直完全一樣，去playgroup 或group interview for school 完全唔肯自己坐。 ...

我囡囡26個月大。佢面試答老師問題／同陌生人傾偈時，好睇心情，有時會肯望住人好正常咁，有時又好怕羞咁。佢考其中一間幼稚園時，心情大靚掛？！3位老師都讚佢，其中一位更話「呀~ 佢都唔怕生寶喎~」我心諗「係佢呢刻心情靚，表現好啫⋯⋯」

我冇帶佢做評估⋯⋯請問邊度有得做？我D親戚朋友見親佢，都話佢只係超級慢熱⋯⋯阿女見到親戚（唔常見，一個月或幾個月才見一次），最初攬實我，但warm up半小時至一小時就好D⋯⋯咁是否都是有社交問題？我可以點幫佢？

作者: tam_bb 時間: 13-1-17 05:39 標題: 引用：Quote:原帖由+littleape0129+於+13-01-14+

原帖由 HopeLJ 於 13-01-16 發表
咁你可以只針對社交這點，參加社交訓練小組，很多地方都有的。

請問邊度有社交班？

作者: wilyun 時間: 13-1-17 15:31

回復 tam_bb 的帖子

協康同好多其它機構都有架~但可能要大個D的小朋友,選擇先會多D!

作者: wilyun 時間: 13-1-17 15:32

回復 kc1016 的帖子

加油呀!

作者: kc1016 時間: 13-1-17 16:56 標題: 回覆：wilyun 的帖子

Thanks, 大家努力，上完堂再同大家分享啦

作者: kc1016 時間: 13-1-17 16:59 標題: 回覆：HopeLJ 的帖子

我相信佢唔係大問題，但佢成日轉嘢和與小朋友互動差都係個要我注意的地方，可能之前我成為哥哥而煩惱，而加就要比多d時間細老，我相信一定會無問題的。

作者: kc1016 時間: 13-1-17 17:02 標題: 回覆：tam_bb 的帖子

我大仔小時唱遊又係唔動，而加咪又無問題，只不過佢唔鍾意跳蔗。

作者: kc1016 時間: 13-1-17 20:38

回復 tam_bb 的帖子

今日去咗第一次社交班, 姑娘話細老的溝通和理解係完全無問題, 只要多些教佢同小朋友講嘢就應該有改善, 另細老鍾意轉嘢, 佢話比多D難些的嘢佢做和教佢多D自理, 慢慢來.

作者: tam_bb 時間: 13-1-18 11:22 標題: 引用：回復+tam_bb+的帖子今日去咗第一次社交班

原帖由 kc1016 於 13-01-17 發表
回復 tam_bb 的帖子

今日去咗第一次社交班, 姑娘話細老的溝通和理解係完全無問題, 只要多些教佢同小朋友講 ...

請問你小朋友上的社交班，是否小朋友自己上堂，家長不可陪同？一班幾多人？

作者: kc1016 時間: 13-1-18 12:11

回復 tam_bb 的帖子

自己上, 家長外面等, 2對4.

作者: kc1016 時間: 13-1-18 12:28 標題: 回覆：kc1016 的帖子

細老一入去都無喊，姑娘拖佢去玩佢見到我都無問題，走仲錫晒兩個姑娘，話下星期再來添。

作者: littleape0129 時間: 13-1-18 18:05

回復 kc1016 的帖子

請問社交班幾$？一星期一堂嗎？2.5歲有冇班可上？

作者: littleape0129 時間: 13-1-18 18:07

回復 kc1016 的帖子

要唔要先做評估先可參加社交班？thanks

作者: kc1016 時間: 13-1-18 19:56 標題: 回覆：littleape0129 的帖子

不用做評估。

作者: kc1016 時間: 13-1-18 19:56 標題: 回覆：littleape0129 的帖子

我pm資料你啦

作者: kc1016 時間: 13-1-19 22:44

今晚家姐來了我家吃飯, 細老不小心踫到個頭, 然後大喊, 家姐馬上問佢咩事喊, 然後捉住細老的手, 教佢拍下心口, 拍下頭, 說: "我踫到個頭, 所以喊", 跟住帶細老去我和婆婆面前, 叫他話比我哋聽發生咩事, 其間家姐再捉細老的手做動作, 細老馬上就可以講番, "我踫到個頭, 所以喊".

家姐教我應多些教他表達情感, 可改善他的皮氣和表達. 希望同你哋分享.

作者: Catonmama 時間: 13-1-21 11:57

回復 kc1016 的帖子

請問你小朋友幾大呀? 可唔可以pm 社交班d資料俾我呀? 我小朋友18個月, 佢鍾意同照顧佢o既人(父母,婆婆)玩, 其他人佢唔係點理, 上pg都唔會點理其他小朋友, 唔知社交班有冇幫助呢?

作者: kc1016 時間: 13-1-21 20:18

今日同2個仔去迪迪尼, 細老好多嘢講, 又四圍同D哥哥姐姐拖手, 又話好開心, 因為去迪迪尼, 玩飛船又問我驚唔驚暈唔暈, 好攪笑.

其實我都唔明點解佢係學校會甘靜???

作者: tam_bb 時間: 13-1-21 21:17 標題: 引用：今日同2個仔去迪迪尼,+細老好多嘢講,+又四

原帖由 kc1016 於 13-01-21 發表
今日同2個仔去迪迪尼, 細老好多嘢講, 又四圍同D哥哥姐姐拖手, 又話好開心, 因為去迪迪尼, 玩飛船又問我驚唔 ...

我女在學校也很靜，但在家或熟人面前又好多嘢講。我覺得佢好怕／抗拒差不多年紀的小朋友。乘車時／在街上時，如果有其他小朋友在附近，阿女會眼啤啤咁望人⋯⋯如果人哋行近D，佢會避開／攬住我。

我唔知點教佢好⋯

作者: tam_bb 時間: 13-1-21 21:19 標題: 引用：Quote:原帖由+kc1016+於+13-01-21+發表今日

原帖由 tam_bb 於 13-01-21 發表
我女在學校也很靜，但在家或熟人面前又好多嘢講。我覺得佢好怕／抗拒差不多年紀的小朋友。乘車時／在街上時 ...

補充：「佢會避開D小朋友／攬住我。」

作者: kc1016 時間: 13-1-21 21:34

回復 tam_bb 的帖子

我果仔又無甘, 佢都有同小朋友say hello, bye bye, 拖手, 不過少有交流.

作者: kc1016 時間: 13-1-27 23:46

今日專登去寶琳大公園玩, 細老玩"千秋"不知玩得幾開心, 之後大仔同其他小朋友一齊玩追來追去, 細老都一齊玩, 仲抱住其他姐姐, 弟弟添, 最後都有同每個小朋友講bye bye.

雖然佢無主動同其他小朋友交流, 但起碼唔抗拒, 希望去玩多D和加社交班, 會慢慢有改善啦.

作者: kennyrita 時間: 13-1-28 15:10

kc1016 發表於 13-1-16 21:54
回復 HopeLJ 的帖子

衣幾日, 日日都帶佢去公園玩, 老師話今日叫佢畫畫立即有反應, 仲畫得幾好, 我仲係老師 ...

我個囡剛3歲, 你又d問題佢都有, 但佢理解真係唔掂, 佢返緊n班, 我問佢學校d野, 佢都未識答我

eg., 問佢今日食左咩生果, 佢就將佢唸起嘅生果答我, 但並唔係佢今日食過d食物黎

問佢今日午餐食d咩, 佢答: 飯, 再問佢仲有d咩, 佢答: 飯, 面, 粥等等

完全無互動, 佢上遊戲社交班又係, 都唔識同小朋友玩, 人地同佢玩, 佢根本都唔知發生咩事, ON居居咁, 玩遊戲又一舊雲。

唉, 我都唔知點教佢好??

佢大小肌又弱, 佢都係係12月先學識原地跳, 唔肯打千秋, 連有兜果d現在都唔肯坐了

作者: fishchow 時間: 13-1-28 23:10 標題: 回覆：fandd 的帖子

Thanks for the link, really useful!

作者: kc1016 時間: 13-2-18 00:19 標題: 回覆：有問題嗎?

分享：近日小兒參加了一個新年密集班，導師覺得佢好合作，係慢熱，觀察型。早兩日同佢公園玩有兩件事發生，我當時坐在一旁只是遠望聽不到佢講嘜，一，佢見到有個設施寫住危險，但有個小朋友玩緊，佢就主動同人講，手指指甘。二，佢見到有個小朋友喊，佢企住望咗一陣，然後走去吻人一下，雖然衣果行為有d比佢嚇親，但見佢好似主動咗喎。另今日出街食飯，我叫姨姨結賬，甘姨姨就來收嘢，佢居然同姨姨講我飲緊水，飲完先啦，之後我哋同姨姨都一齊笑。

我都同c6講好似這個星期又多咗嘢講同主動咗喎，希望佢不夠主動和同小朋友互動的行為會慢慢進步啦。

作者: monchhichi0313 時間: 13-2-18 00:42 標題: 引用：回復+tam_bb+的帖子自己上,+家長外面等,+

原帖由 kc1016 於 13-01-18 發表
回復 tam_bb 的帖子

自己上, 家長外面等, 2對4.

可以PM社交班資料比我嗎？

作者: kc1016 時間: 13-2-22 23:33

上了一個八堂的新年密集班, 然後返了兩日學, 今日家長日, 老師話細老返學開心咗, 從前問佢嘢唔多理老師, 今日全部都回覆, 唱歌做動作全部都肯做, 進步好多, 聽到真係好開心.

作者: llam1210 時間: 13-2-23 10:28 標題: 回覆：kc1016 的帖子

恭喜你，看來你仔都好有進步！

作者: wballp 時間: 13-2-23 17:15

樓主，你可以PM感統和社交班的資料給我嗎？謝謝

作者: BIGHEADJOHNNY 時間: 13-2-28 23:04

我也想要，方便pm我嗎?謝謝。

作者: kc1016 時間: 13-3-1 09:46 標題: 回覆：BIGHEADJOHNNY 的帖子

本帖最後由 kc1016 於 13-3-1 12:59 編輯

Please check pm.

作者: kc1016 時間: 13-3-8 21:18

今日我同哥哥講落街畫畫啦, 細老話哥哥你快D啦, 到哥哥回來時, 細老又話哥哥你幅畫好靚呀, 真係比佢笑死.

作者: HopeLJ 時間: 13-3-10 11:47 標題: 回覆：有問題嗎?

恭喜！小朋友有時d野一click 咗就進步神束。所以一個方法唔得，兩個唔得，唔洗氣餒，唔係佢地唔得，係未click 到，再試。

作者: kc1016 時間: 13-3-10 12:38 標題: 回覆：HopeLJ 的帖子

你講得好啱，大家都努力。

作者: cece-ko 時間: 13-3-17 23:44 標題: 引用：你們好，我很想問一問意見。小女2歲半，現

原帖由 littleape0129 於 13-01-14 發表
你們好，我很想問一問意見。
小女2歲半，現在讀N班，老師其實都沒有話她什麼，但我總是覚得她很怕羞，唔知 ...

我都想問下，因爲我個囡現在剛兩歲，情況跟你囡囡完全一樣:(

作者: cece-ko 時間: 13-3-17 23:50 標題: 引用：我pm資料你啦 +

原帖由 kc1016 於 13-01-18 發表
我pm資料你啦

請問你可唔可以比D資料我？我都想同我個囡報呀，謝謝！

作者: kc1016 時間: 13-3-26 23:43 標題: 回覆：有問題嗎?

近日幼稚園老師話細老多咗好多嘢講，問佢問題都馬上回答，我覺得佢主動咗好多同我吔講感受，但為一係佢仲係有自我刺激和眼部行為，如轉東西和玩手，點改善呢？

作者: kc1016 時間: 13-4-10 13:03 標題: 回覆：有問題嗎?

又update下先：
琴日放學老師問我放假去咗邊？點解細老返來唔同晒，講故事後問佢問題，咩都答到，又同同學仔玩，真係好開心。

我都發覺佢假期主動咗，會識講點做就開心，點做唔開心，開心個樣唔點，食嘢又主動比我食，希望繼續有進步啦。

現時的問題係，仲有轉東西，有皮氣會打人，有時都可好快停佢。

作者: kc1016 時間: 13-4-20 09:29 標題: 回覆：有問題嗎?

update下先：
仲有兩三個月四歲啦，而加仲係有時有些自我刺激行為，皮氣一時時ok, 有時打人，但講嘢同其他人溝通越來越進步。
而加返緊k1, 星期一返社交班，兩星期二1次感統，下月開始逢三五返協康am班。

請問大家有咩辦法可以改善皮氣和自我刺激行為呢？謝謝！

歡迎光臨教育王國 (/)