教育王國
標題: 觀塘藍田, 西營盤, 將軍澳 點揀好 ? [打印本頁]
作者: beywat496 時間: 13-1-11 12:03 標題: 觀塘藍田, 西營盤, 將軍澳 點揀好 ?
本帖最後由 beywat496 於 14-3-26 10:17 編輯
女仔邊區好 ? 報咩地址 ??
作者: geppetto 時間: 13-1-11 13:00
回復 beywat496 的帖子
當然中西區。
作者: beywat496 時間: 13-1-12 01:02
本帖最後由 beywat496 於 14-3-26 10:16 編輯
謝謝。 geppetto
最衰未有地鐵 !!!!
作者: 安格斯媽媽 時間: 13-1-12 06:05 標題: 回覆:beywat496 的帖子
我是觀塘網家長,觀塘選校一定有認識,我個仔中一用觀塘網選將軍澳校入到第一志願,家住將軍澳每天可以步行回校超方便,但十幾年前住過西環,讀書應該中西區好點,但學校多是半山,會唔會好多斜坡,但你話每天要行樓梯都幾慘喎,住環境都重要,還要看心儀中學交通是否配合,或有無把握成功,否則轉網又白費心機
比我會揀中西區,我自己返工係港島,都幾掛住西環街市,落街有野買,但我唔洗行樓梯呢!
作者: abcd0001 時間: 13-1-12 08:13 標題: 回覆:觀塘藍田, 西營盤, 將軍澳 點揀好
第一個問題都是banding!
如是b1 ,必是西營盤 > 籃田 > 將軍澳
b2/3 最差是西營盤!
作者: toscr 時間: 13-1-12 10:27 標題: 引用:+本帖最後由+beywat496+於+13-1-11+12:12+
原帖由 beywat496 於 13-01-11 發表
本帖最後由 beywat496 於 13-1-11 12:12 編輯
住 : 將軍澳
真係視乎你女兒的banding.個人意見:Band1A-1B,選外區,因為將軍澳Band1A-B的學生人數多過呢個Banding的中學.Band1C,選外區担心有跌Band風險,宜選將軍澳區,但自行可以搏他區.其他Banding的,則可選將軍澳,因有較多選擇.不用為女兒返學而搬屋.
作者: kathy_0246 時間: 13-1-12 13:00
回復 toscr 的帖子
好有道理,banding好重要,中西區女仔band 1生會好D,因為有英華,提反女和聖嘉勒這band1生學, 但中西區內可惜無Band 2 果層學校,如果女兒是band2就要跨區去南區或灣仔區了,所以選區都要認真考慮下。
作者: geppetto 時間: 13-1-12 15:36
回復 beywat496 的帖子
我在官塘區長大及讀中、小學,曾往過中西區。
覺得Band1/3 學校,中西區都比官塘區優勝。
中西區比較簡樸、無甘雜、無商場...
中西區比較優勝。
作者: almondlatte 時間: 13-1-12 16:53
其他區我唔熟,我只知千祈唔好揀將軍澳。
上年計將軍澳band 1同band2位唔夠,band 3位最多。今年我唔知。
就算最top的4間,全港排名也不高,區內童黨為患,街童夜青問題嚴重。
我想同大家分享,我最近見返我個仔的兩個小學同學,他們兩位都是在將軍澳讀中學,一個入了band 2, 一個入了band3。冇見佢地幾個月,由9月開學到依家,只是幾個月,看到他們的轉變很大。
讀band2的那一位,在學校讀英文班,學校想升banding,除了在差不多整個暑假也開了升中預備班外,正式開學後每科也分不同的班,使那位學生覺得很難適應,學習並不快樂。
Band 3的那一位轉變最大,也可以說是没有轉變。因為他除了不喜歡自己的學校外,說他的同學時常說粗口。我看見他雖然沒有在我面前說粗口,但言語間粗俗了很多。思想也變得很幼稚。不喜歡學校,不喜歡老師,不喜歡同學。只停留在小學的階段,沒有進步,沒有成長。
我深深的體會到一所中學對孩子的改變。
作者: CatEgg 時間: 13-1-12 23:56 標題: 回覆:beywat496 的帖子
有冇信心搬去西營盤就一定入到你講的三間中學?係就梗係值得搬!btw,英華呢幾年重建搬佐去深水埗。
作者: CatEgg 時間: 13-1-13 00:04 標題: 回覆:almondlatte 的帖子
其實點解將軍澳的中學會咁差?因為新市鎮?學校新?多公屋?依一個大區黎計,將軍澳得兩間band 1(將官,迦密,有冇數漏?)真係少得好過份。但係將軍澳唔的band 1 小學唔係少。
作者: 奥脫福 時間: 13-1-13 00:39
在小學果邊都有不少家長對TKO入面的一條龍學校甚有好感,
甚至可放棄其他私小或者大抽獎的機會。
對這些學校的水平我無評價,自問亦不認識;只是除非學校能將
學生隔絕於社區,否則在童黨為患,街童夜青問題嚴重的社區(
如樓上所講),那對學生的影響實不能排除。要放棄市區傳統學
校而選擇新市鎮的新一代學校,我自己就甚有保留。
作者: 安格斯媽媽 時間: 13-1-13 00:41
Categg
將軍澳已進步了有四間b1,還有宣基和景嶺,其中兩間還留學額給聯繫小學,只有五百几個位,但b1生有成千人,不夠容納區內b1生,而b2校都不夠,大部份b3校,還將部份學額分給觀塘校網
六年前只有一間英中,都是擔心升不到好中學,轉了出觀塘讀小學,兒子剛升中一由觀塘網順利派入將軍澳b1校,但區內b1生可能去b2了
作者: 杰杰媽媽 時間: 13-1-13 09:05 標題: 回覆:觀塘藍田, 西營盤, 將軍澳 點揀好
呢區新市鎮細路勁多,又多新移民,日頭都好多街童,d大人係唔會管制。所以由細到大都唔俾我仔落街玩。呢 d 好難靠學校去教,家長都唔合作好難教。所以中學既校風相對其他區可能都唔係咁好。
作者: 安格斯媽媽 時間: 13-1-13 09:25
觀塘公屋多也有不是新移民,但將軍澳更嚴重,還有不少南亞人,細時放假陪仔玩全是他們天下,相反西營盤較少
作者: 杰杰媽媽 時間: 13-1-13 09:30 標題: 回覆:觀塘藍田, 西營盤, 將軍澳 點揀好
假期我一係留係屋企,一係離開將軍澳
作者: 安格斯媽媽 時間: 13-1-13 10:22 標題: 回覆:杰杰媽媽 的帖子
行商場無問題,但唔會玩公園,細時拎搖控車落街玩都唔敢,一早可能比童黨霸佔露宿,公屋遊樂設施經常被惡意破壞,都幾恐怖
作者: joyjoyparent 時間: 13-1-21 13:55
回復 CatEgg 的帖子
我之前見到宣基出了一個中七5a 狀元, 我諗佢都應該幾好!
作者: 安格斯媽媽 時間: 13-1-22 07:22 標題: 回覆:joyjoyparent 的帖子
除宣基外,將軍澳官立同屆也出5A不過可能會考後轉了恆商,將軍澳也有好學校,但用將軍澳校網競爭太大,宣基同將中都有聯繫小學,所以學位不多,英中位不夠比區內b1生
歡迎光臨 教育王國 (/) |
Powered by Discuz! X1.5 |