教育王國

標題: 讀寫障礙會否能認字，但很難寫字?? [打印本頁]

作者: emilylam 時間: 13-1-10 18:13 標題: 讀寫障礙會否能認字，但很難寫字??

有冇人知?

作者: enlighten.ee 時間: 13-1-11 13:16

提示: 作者被禁止或刪除內容自動屏蔽

作者: veroshea 時間: 13-1-11 23:34

回復 emilylam 的帖子

讀寫障礙可分開讀障同寫障, 其實佢地都會認到字:

讀障==>無意思既字對佢地來說會比較難認, 例如: 呀,啊, 唉...等, 又好易將字詞自己連在一起, 如: 見到個"香"字...明明係"香蕉"都會讀左"香港"..同埋OUTPUT相對比較慢, 好似老爺電腦咁LOAD得慢, 其實佢識, 只係要LOAD好耐.., 但未必寫字會有問題..

寫障==> 係認讀方前面未必有問題, 但D字好似未可掌握到點寫, 成日會寫多點, 寫少橫, 倒轉寫等, 或者你會發現佢寫字好似劃圖畫咁, 同一個字寫十次, 可能每個字筆順都唔一樣.

TOUCH WOOD 如果咁唔好彩兩樣都中既, 可能認字同寫字都會好困難.

我知既大約係咁多, 如有錯漏請指出.

作者: hindip 時間: 13-1-12 08:07 標題: 回覆：emilylam 的帖子

可以的，但普遍讀寫障礙會在認知/ 文字處理層面上出現困難，中文而言學生會混淆字形/ 字音/ 字義/ 部件錯配，錯放。

而書寫技巧方面，可能會因動作控制，眼球控制，視覺敏感，視覺感知，手眼協調影響。

但動作控制，眼球控制，視覺敏感，視覺感知，手眼協調亦可能會影響文字認讀。

可否講下寫字時的情況 ?

作者: opkwan1 時間: 13-1-12 22:58

回復 hindip 的帖子

如果反轉字寫,K3 一星期出現幾次, 認中文則有邊認邊! 每個字也要多感觀方法讀, 算不算有問題?

作者: emilylam 時間: 13-1-14 23:34

我小朋友認字方面比寫字好，讀一篇文章大部分簡單的字都能讀到，偶爾容易先入為主，如樓上所講，見到個香蕉，會讀左香港，方面讀左方法。。。

至於默寫中文字，困難很多，常用字如:的，得，就，到，會，都，有。。。。經常唔記得點寫，小二了，常寫的字都唔係好記得!全字寫左金。

所以想知我仔這樣算讀寫障礙嗎？

作者: hindip 時間: 13-1-15 09:01 標題: 回覆：opkwan1 的帖子

回復 hindip 的帖子如果反轉字寫,K3 一星期出現幾次, 認中文則有邊認邊! 每個字也要多感觀方法讀, 算不算有問題?

反字是一般正常學習書寫會出現的情況，六七歲前是ok 的。但有些課程可以避免。如: handwriting without tears (R). 一般把筆順掌握正確就可以改善。

至於認字，有邊認邊及多感官都是很好的認記策略。只要記到便好，慢慢地詞庫豐富了便會記得快。會有邊認邊便可以用 mindmap / 故事形式教字 (如清，情，晴，青; 波，婆，坡，皮)。能認記字數可以倍增。

對於學字寫字困難的學生的關鍵是 "好玩" 及"成功". 兩者的背後的意義是超越我們很心理學覺度想像，且已被腦神經科學家肯定。

作者: hindip 時間: 13-1-15 09:16 標題: 回覆：emilylam 的帖子

我們學字的過程是要建立形音義的聯繫，在學前及嬰幼兒是建立義和音的聯繫為主。如: 見到實物香蕉，便能說出香蕉。當建立文字後，便把 "香蕉" 這兩個字聯繫上。

的，得，就，到，會，都，有都是較抽象的，而且部分在廣東話中也很少會說。由於義跟音的聯繫較弱加上，較後其在書面語上才用。所以會比較困難一點。

最重要是保持成功感及學習是愉快的經驗。因為這是一生受用的。

作者: hkgqueenie 時間: 13-1-20 18:07

回復 enlighten.ee 的帖子

我女4.5,認字（包括數字，中英字）都記得不好都不知店幫佢，寫就要跟住點才肯寫
Repeat k1

作者: hindip 時間: 13-1-21 08:15 標題: 回覆：hkgqueenie 的帖子

可以試試玩 wet-dry-try

http://www.youtube.com/watch?v=Jukn9cEeXek&feature=youtube_gdata_player

從仿寫儲成功正確經驗。

作者: sharonso2 時間: 13-1-22 15:10

我想請教下, 我阿仔5歲 K3, 佢認字及讀字都ok.
但要佢寫就很困難, 字體左右上下的大小不相配, 經常出界, 不願意做寫字功課, 經常發夢, 常忘記筆順.
填顏色到現在還會出界.
請問要怎樣才可改善??

作者: faye525 時間: 13-1-22 23:27

好明顯我小朋友有D讀障添....

而家小三, 都仲成日一見到因此, 就會直接讀左因為先(例子之一), 跟住先發現錯左, 再讀返岩

我自己既方法係, 不停咁做陪讀~~~ 過程辛苦, 駁咀多多, 好傷和氣~
不過真係會收到成效~~~~

歡迎光臨教育王國 (/)