教育王國

標題: 昨天到CAC遇到沒有愛心的物理冶療師 [打印本頁]

作者: sharonso2 時間: 13-1-9 14:43 標題: 昨天到CAC遇到沒有愛心的物理冶療師

阿仔5歲, 自去年9月睇完醫生, 昨天排到做言語及大肌肉評估.

先做言語評估 - 結果比同齢慢半年至一年, 又因為較硬頸, 唔主動同小朋友玩, 被懐疑有輕微自閉.

大肌肉評估 – 冶療師帶佢入房後, 阿仔已被其他玩具吸引着, 不是太留心佢要求做的動作.

1. 如腳跟提起, 但阿仔就做咗腳趾提起, 佢要講4-5次及扶着阿仔, 阿仔才做到. 其間佢都唔太客氣, 如: 你有無留心聽我講呀, 其他小朋友一陣就做完啦, 你Lee D 仔真係教死人!

2. 然後拋波 – 阿仔開頭又做唔到, 間唔中話: 我想玩玩具, 心不在焉, 佢就大叫 “喂!”, 嚇到佢跳起, 最後才做到, 佢又話 : 我唔係鬧你呀, 你要做快D先得㗎, 唔係我收工, 你又無得玩,
佢話阿仔的問題唔關能力 (大/小肌肉)事, 而主要係 channel 問題, 成曰駁錯線. 似自閉, 仲要係幾嚴重個幾隻.

評估其間仲有不說話要聽, 作為一個母親, 眼見佢講這些說話真是有點難受!!
如果阿仔沒有問題就不用評估啦. 之前有
去step & 理工做評估, 姑娘的態度十分好, 又有耐性…

另外我覺得阿仔的專注力有問題多過自閉,
我都係舒發下姐, 遇到個無愛心的冶療師.

作者: why-me 時間: 13-1-9 18:19 標題: 回覆：昨天到CAC遇到沒有愛心的物理冶療師

點解你唔開口話個治療師？叫佢態度及語氣好啲？我係你一定鏟到佢上天花板再即場投訴佢

佢都痴線！咩叫難教？唔難教冇問題都唔使嚟打攪佢啦！佢出緊份糧邊個俾佢？你點可以任由佢蝦你哋！所有大小肌、言語、行為，甚至佢所謂的channel 都係源於個腦出現問題，自閉症都係。你要保護個仔，維護自己專嚴！

作者: sharonso2 時間: 13-1-10 10:33

呴果一刻我只想叫阿仔, 不如唔好做落去, 調頭走就算! 但無諗過同個位阿姐講請佢態度好d, 或投訴佢.

我係反應慢的人, 每每都係過後先想到應對.

你說得對 - 我要保護阿仔, 下次再有人話佢, 我要反擎!!

作者: shuna 時間: 13-1-20 20:10 標題: 回覆：昨天到CAC遇到沒有愛心的物理冶療師

投訴佢可令佢上司知佢工作態度有幾差，好好教佢，以免其他家長受到同樣傷害

作者: rosewong 時間: 13-3-9 08:47 標題: 回覆：sharonso2 的帖子

我曾經在藍田cac領教過一名梁姓女pt，真係非常非常離譜(與你所言相差無幾)，我本想點名寫信投訴的，但因為太忙無寫到

作者: methy 時間: 13-3-13 13:49 標題: 引用：我曾經在藍田cac領教過一名梁姓女pt，真係

原帖由 rosewong 於 13-03-09 發表
我曾經在藍田cac領教過一名梁姓女pt，真係非常非常離譜(與你所言相差無幾)，我本想點名寫信投訴的，但因為 ...

我暫時只領教過太hea既治療師，我同主住講返上堂情況，佢地留意完，個治療師的確好左好多，如果太過份，做家長真係要出聲，因為小朋友治療主要就係依靠佢地，太hea或態度唔好，都直接影響小朋友進度&心理。

作者: sand373 時間: 13-3-17 09:26

我都試過,我仔仔當場大哭

, 跟住佢就話仔仔唔聽人講用自己方法完成 task. 今日大家心情都唔好你再約個時間做. 之後第二日我打番比社工問可以轉第二個物理治療師....好可惜每個CENTRE得一個....所以我決定唔去做. 出去搵私家做.其實上我去呢D CENTRE 既小孩都小小問題....佢有咩理由唔識就小朋友去做assessment....

作者: LamMAMA 時間: 13-3-18 16:01

提示: 作者被禁止或刪除內容自動屏蔽

歡迎光臨教育王國 (/)