教育王國

標題: 中一女生上学放学补习等需要佣人陪伴吗 [打印本頁]

作者: dreamerJ 時間: 13-1-6 18:34 標題: 中一女生上学放学补习等需要佣人陪伴吗

请问有经验的家长，你们的女孩多大开始独立上学放学，去补习社等。在不请佣人的情况下，独自去离家较远的直资学校，放心吗？

作者: 瑄婷 時間: 13-1-6 19:09

我兩個女六年级已經自己坐巴士返放學！

作者: bmuimami 時間: 13-1-6 19:14 標題: 回覆：中一女生上学放学补习等需要佣人陪伴吗

視乎環境

作者: dreamerJ 時間: 13-1-6 19:28

如果没有兄弟姐妹陪伴一起上学，是不是比较不放心？

作者: Yanamami 時間: 13-1-6 19:45

有多遠? 通常小朋友初獨自行動, 會以手機報平安.

作者: cy.muimui 時間: 13-1-6 21:22

我覺得視乎附近環境, 如地方係大路比較旺就無咁擔心；相反知道學校附近比較靜就走既時候與同學相伴比較好。另外要教佢地唔好貪快抄少人行既路,當然亦要有手机以便不時之需。

作者: dreamerJ 時間: 13-1-7 00:05

谢谢大家的建议。我的女女正在上小六。9月份将就读直资中学（估计离家较远，还没确定哪间中学）。如果请佣人陪同返学放学（尤其是刚升上中学的几个月），会不会被同学仔取笑长不大？

作者: MC1128 時間: 13-1-7 01:31

dreamerJ 發表於 13-1-7 00:05
谢谢大家的建议。我的女女正在上小六。9月份将就读直资中学（估计离家较远，还没确定哪间中学）。如果请佣 ...

小女唸中一，學校離家不遠，她自行乘巴士上下課。你可以今年開學前教曉女兒如何乘車上學，傭人陪伴不是長久之計，升中後學校活動超多，放學時間難料，假期亦不時回校，每每安排傭人，費時失事，學校的活動範圍亦愈來愈大，她總要學會自行乘搭公共交通工具，俾啲信心

作者: orangebb 時間: 13-1-7 09:49

本帖最後由 orangebb 於 13-1-7 12:08 編輯

回復 dreamerJ 的帖子

我覺得都係要睇環境, 如果環境較複雜, "初期"帶下都無問題, 再實地教識佢如果遇到咩情況又點, 咩情況又點, 如等幾班車都上唔到又點? ............如果(初期)都驚同學笑, 咪唔好咁揚, 離遠跟下唔好出聲囉 ! 然後再逐步放手, 最緊要叫佢咩都要以"安全"行先, 千其唔好搏, 幾趕都唔好衝燈, 行小路等.

我小朋友返學都遠, 最初2星期都有帶(去程), 發現好多之前估都估唔到嘅問題, 都係要實戰過先知, 再教她方法拆解........(最常見係巴士脫班過時, 火車迫到企都無位企等.)

作者: wyl 時間: 13-1-7 10:55

建議暑假時親自帶女兒到學校兩三次, 最初一次由你帶她,第二次由她帶你行, 如果她仍不熟悉便再帶多她一次, 直到她完全明白為止。小朋友好聰明，學一兩次就會識路，給她手機讓她向你報到，問題不大，不用擔心。

作者: dreamerJ 時間: 13-1-7 12:24

多謝大家熱心的解答。很有幫助。我打算按你們的建議來做。

作者: little_yolky 時間: 13-1-8 13:56

回復 dreamerJ 的帖子

除了擔心交通安全問題, 仲要小心色狼及搶嘢, 一個女仔11/12歲, 都有啲危險的。

作者: dreamerJ 時間: 13-1-8 16:04

此外法律規定16歲以下的青少年不能獨自被留在家。不知道相關法律有沒有規定多大不能獨自上學？

作者: MC1128 時間: 13-1-8 17:59

dreamerJ 發表於 13-1-8 16:04
此外法律規定16歲以下的青少年不能獨自被留在家。不知道相關法律有沒有規定多大不能獨自上學？ ...

法例根本沒有明文不准獨留十六歲以下兒童在家,請參考:

大律師陸偉雄表示，據現行《侵害人身罪條例》第212章27條，若父母或監管人明知及故意對16歲以下所看管兒童或少年人虐待或忽略，包括沒有提供足夠的食物、衣物或住宿等，在高等法院或區域法院一經定罪，可被判監禁3至10年。而法官判刑時需考慮不同因素，包括是父母或監護人故意或無意獨留兒童在家，及獨留兒童在家有否構成生命危險等，「如果家長出街買豉油或看醫生，法官會看情況酌情處理，刑罰亦會較輕。但如果獨留小朋友幾日，自己去旅行或遊玩，又無給飯兒童食，那樣就一定會坐監。」

重點在於,家長的安排是否明顯對兒童構成危害

作者: prmama 時間: 13-1-9 13:25

阿仔今年中一，學校係屋企附近，我會同佢行到學校附近才走，等佢唔會俾同學笑。我同佢行不是因安全問題，而是不想太早放手，令他有無王管的感覺，同佢齊行我會問他學校的事，他會講他與同學的相處怎樣，是一段很好的親子時間，放學就自己走，我又要返工，放工回家又要做家務，他又多活動，那有這麼多時間傾計，同他返學就可以傾計，所以我覺得如果可以的話同佢一齊返學，那怕是一段小路程，我不知可以與他行多長的日子，到他不想再同我行先算。

作者: HY412 時間: 13-1-9 15:33

阿囡 P.4 暑假已獨自坐小巴返/放學, 放學後再自行坐巴士去畫苑. 畫完畫已是傍晚, 所以我會係巴士站接她回家.

阿囡而家 F.1, 返學同放學街上都有好多學生, 我覺得都會安全, 因為書包太重, 亦想佢多睡一點, 我搵左單程保母車返學, 可考慮.

外出補完習如果已天黑, 真係會有D 擔心...

坐巴士要教佢盡量唔好坐樓上, 如真係要坐樓上都唔好坐後面, 搵個隔離位係女士...等等...

作者: kooku2004 時間: 13-1-20 08:51

回復 MC1128 的帖子

MC1128,

你的回覆真係好, 謝謝!

若多一些像你一樣有誠意回應的家長, 世界更美麗!

作者: kenken1 時間: 13-1-21 09:55

提示: 作者被禁止或刪除內容自動屏蔽

作者: cissie 時間: 13-1-23 01:55

小5開始自己返學放學。

作者: yovin 時間: 13-1-23 04:15

回復 kenken1 的帖子

獨立可能換來很大代價 , 我中一時差點被人從後抱走 , 至今仍難以放下!

作者: Waiking 時間: 13-1-26 17:09

有人陪好D

歡迎光臨教育王國 (/)