教育王國

標題: 而家d中學既冬季體育服係咪都係著短袖衫架？ [打印本頁]

作者: 小時候 時間: 13-1-5 14:44 標題: 而家d中學既冬季體育服係咪都係著短袖衫架？

我仔學校既冬季體育服係短袖衫、長褲加風褸，你哋學校係咪咁？如果係，冬天較凍既天氣得件夏季既薄薄短袖衫係上身真係會幾凍，點保暖呢？我仔有哮喘底，氣管又唔好，有時都幾驚佢會凍病…

作者: Yanamami 時間: 13-1-5 14:51

係禁. 我女會加件長袖黑色天蠶衣係PE Tee裏面, 外再著風褸上堂.

作者: 黃巴士 時間: 13-1-5 15:30

囝囝學校都係咁. 佢地雖然有件運動衛衣, 但上PE堂時一定要除. 所以PE堂時, 只有是短衫+風褸+夏天薄長衭.

作者: 安格斯媽媽 時間: 13-1-5 15:34 標題: 回覆：Yanamami 的帖子

但我仔話可穿校褸上堂，如果唔怕熱的話
但回想我當年穿排球褲仲凍

作者: Hanayori 時間: 13-1-6 01:30

我女都係短T、長褲加風褸, 學校講明唔准著長袖打底衫, 但上星期太凍, 呀女唔理照著, 佢話點都唔除風褸, 斷估唔會揭起衫風褸檢查喎.

作者: kcimum 時間: 13-1-6 11:02

係！我仔只著短衫及衭上堂！回校時加穿jacket運動套裝。其實上PE堂時做完熱身就唔會涷，回想我哋讀書時都一樣

你可以叫小朋友穿件長袖保暖內衣打底，一定夠

作者: 杰杰媽媽 時間: 13-1-6 18:01

9成中學都仲係短T+長褲+風褸就算,但如果真係UNDER 15度,我一定會叫個仔著件羽絨背心係中間, 又睇唔到,最多睇落肥左

我仔太瘦好怕凍,以前小學都係靠件95%羽絨背心/羽絨褸頂住。

作者: Jackieson 時間: 13-1-7 12:18

阿仔冬季體育服同夏季一樣係短衫&短only, 好凍...不過同我讀書時都一樣.
咁都有好處既, 慳d$

作者: heiB 時間: 13-1-14 09:46

回復杰杰媽媽的帖子

請問你件羽絨背心是什麼色的?我都加件羊毛背心在短運動衫內，點知學校話有顏色不可以。

作者: 杰杰媽媽 時間: 13-1-14 13:49 標題: 回覆：而家d中學既冬季體育服係咪都係著短袖衫架？

著入面鬼知你咩色，我仔件係--龍濤買，咩色都有，slim得黎好暖

作者: 沙律媽 時間: 13-1-14 15:46

我叫亞仔着長袖底衫打底, 死都唔肯, 話核突

作者: 杰杰媽媽 時間: 13-1-14 19:49

我仔上堂著埋風褸,冇人除褸,入面著晒長袖底+羽絨背心先叫岩岩好.

我地係著住pe衫返學,冬天入面唔著多D一定病

作者: Liontigerma 時間: 13-1-14 21:59 標題: 回覆：而家d中學既冬季體育服係咪都係著短袖衫架？

我個仔嗰間有長袖，但係佢唔會著，有啲小朋唔會同你著得多衫，一來唔靚，二來有啲男仔真係唔怕凍！

作者: peggy 時間: 13-1-14 23:19

我會加件雞仔X短袖保暖衫係短運動衫內

作者: JuiceMum 時間: 13-1-15 16:06

提示: 作者被禁止或刪除內容自動屏蔽

作者: Meikin 時間: 13-1-16 00:11

我仔同夏季一樣- 是背心, 其實有長褲及長袖pullover, 但由於上PE堂唔係打波就係跑步, 佢及同學多數嫌唔肯着, 次次我塞入佢書包, 最後都是完封不動攞返屋企, 哦極都冇計, 唯有望天保佑佢病少D啦.

歡迎光臨教育王國 (/)