教育王國
標題: 個囡整傷我，心比手更痛 [打印本頁]
作者: muimui5 時間: 12-12-23 15:28 標題: 個囡整傷我，心比手更痛
今個星期有項家居訓練是剪弧線，有練習紙提供。亞囡以前都有剪直線練習，佢几鐘意剪嘢，可能滿足到破壞欲。依個弧線幾日前做過佢剪得有點似樣。昨晚我話玩剪剪，佢主動埋位，我用合着的較剪沿線畫了一次，交俾佢剪，佢唔跟絛線在外圍亂剪，我正要指返條線俾佢跟，佢突然好興奮咁剪落我食指，損了0.5cm流血，我點話我痛受傷佢都係好得戚咁笑，我用紙巾止了血，好想佢做埋個練習，點知第二次佢都係對着我手剪落去，雖然只是切了表皮，但我忟得只有一把打佢，佢才靜了一陣。
已經五歲有多，佢還未知流血痛係乜嘢，以前撞我踩我都係唔明我叫痛，可以想像在偶然冇人看管下佢隨時會傷害別人或自己而唔識收手。我真係冇辦法唔憂心，佢幾時至有自律，幾時至知危險？
作者: djlove 時間: 12-12-23 20:00
我想問下佢上緊乜嘢班?
作者: HopeLJ 時間: 12-12-23 22:04 標題: 回覆：個囡整傷我，心比手更痛
下次她跌親撞親唔小心整親之類，即刻講"好痛",唔洗一定要流血嘅。要佢先明白"好痛"，先可以申然至同理心的層面。佢明唔明白好熱好凍肚餓肚飽未呀？
作者: bauhiniakan2000 時間: 12-12-24 00:06
你是否剪紙,髯
可以去吉之島買不會弄傷的膠較剪,以免你和囡弄傷,我在將軍澳吉之島買的,只須十元.
作者: muimui5 時間: 12-12-26 15:21
協助剪紙的技術當然要改善，前日做同一個練習時佢好咗好多，佢幾識睇人眉頭眼額，又知凍熱，就係我嬲佢知，我叫痛佢總係唔知，好驚佢整親其他細路。
作者: BeBe媽媽 時間: 12-12-27 00:11
我仔4歲幾，言語都好接近同齡，智能都暫時無問題。都明白咩叫痛，但又係時時經常整到身邊既人，無感覺…都識睇我眉頭眼額。可惜無同感心。唉…所以我都好明白你心情。 不過佢地都唔想既，唔係專登既。
作者: HopeLJ 時間: 12-12-27 21:26 標題: 引用：協助剪紙的技術當然要改善，前日做同一個練
原帖由 muimui5 於 12-12-26 發表
協助剪紙的技術當然要改善，前日做同一個練習時佢好咗好多，佢幾識睇人眉頭眼額，又知凍熱，就係我嬲佢知， ...
作者: viscattery 時間: 12-12-28 13:25 標題: 引用：今個星期有項家居訓練是剪弧線，有練習紙提
原帖由 muimui5 於 12-12-23 發表
今個星期有項家居訓練是剪弧線，有練習紙提供。亞囡以前都有剪直線練習，佢几鐘意剪嘢，可能滿足到破壞欲。 ...
作者: muimui5 時間: 13-1-1 15:11
亞囡跌倒知痛的，但敏感度是低少少。但語言好差，所以同佢講因果佢可能明唔哂。最憂心係佢唔知危險，可能唔知流血係乜事。
佢又心思思想攪電線電掣，好似昨晚咁凍，原本開暖爐俾佢房，但聽到佢在房入面發脾氣，入去一問工人話佢要拔插頭再插咁玩，阻止佢就發脾氣，於是唯有攞走個暖爐。攪乜都收埋其實長遠都唔係辦法，除了電視個廳已經冇乜電器。有時諗唔通攪到間屋好似精神病院隔離房咁得幾面軟墊先叫安全？冇自律真係唔知點攪！
作者: HopeLJ 時間: 13-1-3 23:44 標題: 回覆：個囡整傷我，心比手更痛
這本小冊子可能幫到你，我嘗試找找有冇link 俾你。
圖片附件: myphoto.jpg (13-1-3 23:44, 83.85 KB) / 下載次數 33
/forum.php?mod=attachment&aid=NTg0Mnw2NjY0YmJjOHwxNzQ2NDM1NzkwfDA%3D
作者: HopeLJ 時間: 13-1-3 23:48 標題: 回覆：個囡整傷我，心比手更痛
部份內容
圖片附件: myphoto.jpg (13-1-3 23:48, 86.28 KB) / 下載次數 31
/forum.php?mod=attachment&aid=NTg0N3wyZmVlYzkxY3wxNzQ2NDM1NzkwfDA%3D
作者: HopeLJ 時間: 13-1-3 23:52 標題: 回覆：個囡整傷我，心比手更痛
痛完便放下負能量，希望在明天，不要太擔心，也不能掉以輕心，努力！
圖片附件: myphoto.jpg (13-1-3 23:52, 42.2 KB) / 下載次數 19
/forum.php?mod=attachment&aid=NTg1MHwyMDc3YTMwMnwxNzQ2NDM1NzkwfDA%3D
| 歡迎光臨 教育王國 (/) |
Powered by Discuz! X1.5 |