教育王國

標題: 前路茫茫 [打印本頁]

作者: 小冬 時間: 12-12-19 23:03 標題: 前路茫茫

本帖最後由小冬於 12-12-20 00:38 編輯

小朋友四歲入兼收位，現已五歲，兼收老師初時話佢只係輸在起跑線，我都以為佢只係言語遲緩，我好努力咁教佢，追到同同齡小朋友差半年，平時見佢在學校、會所或其他公共地方同大人、小朋友都有雙向溝通，點知最近發現原來佢社交好有問題，佢常常被一名同是兼收位的小朋友打，個小朋友屋企有問題，老師已經刻意分開佢地兩個，但我仔仲唔識防佢，有時自己走去佢附近，果個男仔故意說些令他不開心的說話，仲話要打埋我個女，依家幼稚園就話有老師睇緊一些都搞成咁，第時小學我好怕阿仔成為被欺凌的目標，我有教阿仔唔好同果個小朋友玩，見到佢就要掉頭走，但好似無咩用，點解會咁架?我可以點做?係咪應該教小朋友惡一點就唔會被人蝦?

有次學校活動，有埋家長一齊的，我見有個女同學在父母前公然搶我小朋友個開心樂園餐玩具，個女仔自己都有一個，佢父母同我輪流話個女仔一句還給我仔，她都不肯還，最後要我搶回先得，我小朋友第時點算?家姐又唔會同佢一間學校，無人保護佢。

作者: lillymarie 時間: 12-12-20 05:06 標題: 引用：+本帖最後由+小冬+於+12-12-20+00:38+編輯+

原帖由小冬於 12-12-19 發表
本帖最後由小冬於 12-12-20 00:38 編輯

小朋友四歲入兼收位，現已五歲，兼收老師初時話佢只係輸在起跑 ...

其實妳已經見到努力成果，囝囝言語已追至差半年。繼續努力！

現在可開始建立他的自信心和assertiveness。太惡一樣不受人歡迎呀！有辦法幫囝囝的，去找找資料看看書啦！

作者: yookko 時間: 12-12-27 23:20

我個仔同學，應該係有社交障礙，同學話唔知佢講乜，佢又細膽，結果比人欺負，笑佢，其實小學環境就係這様，一定要教小朋友保護自己

歡迎光臨教育王國 (/)