教育王國

標題: 麗港城迦南VS think唔知點選邊間好（急） [打印本頁]

作者: yokiyau 時間: 12-12-14 09:51 標題: 麗港城迦南VS think唔知點選邊間好（急）

迦南同think都係pm班！唔知讀邊間好呀？

作者: kumiso 時間: 12-12-14 11:05 標題: 回覆：麗港城迦南VS think唔知點選邊間好（急）

梗係揀Think 啦

作者: tuelovefei 時間: 12-12-14 11:24

why think ar?

作者: phyllislau 時間: 12-12-14 11:43 標題: 回覆：yokiyau 的帖子

sure Think.... language is good

作者: yokiyau 時間: 12-12-14 14:17

但我自己英文唔得呀，驚唔識教佢做工課之類呀！

作者: phyllislau 時間: 12-12-14 19:21 標題: 回覆：yokiyau 的帖子

我大女讀Think .我都無同佢講英文，係學校上英文堂時係唔準講廣東話，普通話堂都係，同學之間都係，所以佢係學校學語言好好，老師非常細心。

作者: starry_night 時間: 12-12-14 21:32

回復 phyllislau 的帖子

請問上k1後既雜費多唔多？多唔多學生入直資？值不值得讀足四年？唔好意思要問甘多，因為好少家長上黎呢度

作者: phyllislau 時間: 12-12-15 13:42 標題: 回覆：starry_night 的帖子

基本上學費已經包括雜費，出外參觀費都包埋，學費X 10個月加上下學期書簿費。你計埋差不多等於12個月學費。

作者: yokiyau 時間: 12-12-15 16:39

回復 phyllislau 的帖子

可以再比多d意見嗎，我仲15，16緊呀！值得讀嗎？thx

作者: yokiyau 時間: 12-12-15 16:42

回復 phyllislau 的帖子

你囡囡係咪讀麗港城果間呀？

作者: phyllislau 時間: 12-12-15 17:19 標題: 回覆：yokiyau 的帖子

是的，我個人應為都值得，如果你想佢語言好些。因為如果底子打得好，上小學會無咁辛苦。同埋語言環境好重要，比個例子你，本來我大女n班係讀一間happy school. 廣東話的，上k1我諫咗think.但佢其他同學依然在那學校讀k1 to k3.佢地有d都係出面單對單比net教英文及普通話，但出來的結果都係無信心對其他人講，因為始終唔係每日講，所以如果揀間英普kg.其實都可以省下補習費。不過，think n 班係廣東話，你有無聽校長解釋點解？我覺得佢講得幾好。

作者: yokiyau 時間: 12-12-15 23:12

回復 phyllislau 的帖子

我個囝冇讀pn班呀，佢係出年細仔讀K1呀，想問下你囡囡而家英文係咪幾好呀？同埋學校所有野都係用英文架？列如比家長既通造等等？d老師有愛心嗎？你本身英文0K嗎？十分感謝你既回答呀！5該哂！

作者: phyllislau 時間: 12-12-15 23:56 標題: 回覆：yokiyau 的帖子

我個女的英文算ok. 她同外國小朋友玩及大人都聽得明同識答，普通話都是，我的英文都係一般，好多時我唔識讀或讀錯，佢會教返我。

作者: phyllislau 時間: 12-12-16 00:07 標題: 回覆：yokiyau 的帖子

老師很好，好有愛心同細心，有咩想問返老師，只要放學打電話返學校，佢地會同你講，或者email.佢地一定覆。佢地亦會主動打電話比你講小朋友係學校怎樣，唔駛等到見家長先知。呢方面，佢地真係做得好好，唔係好多學校做到。

作者: kumiso 時間: 12-12-16 00:21 標題: 引用：老師很好，好有愛心同細心，有咩想問返老師

原帖由 phyllislau 於 12-12-16 發表
老師很好，好有愛心同細心，有咩想問返老師，只要放學打電話返學校，佢地會同你講，或者email.佢地一定覆。 ...

我有聽過校長解釋點解n班用廣東話為主，因為小朋友太細驚佢地母語都未學好，就要聽其他語言，怕佢地會混淆！但以我所知有好多n 班已經係英普架喇，返黎個結果都係好好架播？我都唔知點好

作者: phyllislau 時間: 12-12-16 01:03 標題: 回覆：kumiso 的帖子

我個女n班是廣東話，k1英文加廣東話，k2 to k3 就英普，完全無問題，我覺得校長講得好係，如果你小朋友屋企語言是全英文或全普通話，揀英普無問題，如果屋企講廣東話，小朋友入學時才兩歲多，語言基礎才刚刚起步，如果佢連廣東話都未能表達得好，你就要佢學多兩種語言，對佢同其他人或你溝通都未必係好事，因為可能會mix up.而且詞彙真係少d.未必容易表達。。。普通話k1 or k2 先嚟學真係唔會遲，除非你係自己揍，放學後全講廣東話。

作者: iriskwokmama 時間: 12-12-16 01:21

回復 phyllislau 的帖子

想問係咪K1到K2可以間英粵或英普，到K3就轉哂英普（所有班別）？

作者: phyllislau 時間: 12-12-16 12:16 標題: 回覆：iriskwokmama 的帖子

yes

作者: melonfans 時間: 12-12-16 12:26

我吾知CANNON, 但係麗港城THINK升小一成績好出眾.

作者: iriskwokmama 時間: 12-12-16 15:34

回復 melonfans 的帖子

可否分享點樣出眾？

作者: kumiso 時間: 12-12-16 15:42 標題: 引用：我個女n班是廣東話，k1英文加廣東話，k2+to

原帖由 phyllislau 於 12-12-16 發表
我個女n班是廣東話，k1英文加廣東話，k2 to k3 就英普，完全無問題，我覺得校長講得好係，如果你小朋友屋企 ...

咁又係播！

作者: melonfans 時間: 12-12-17 09:11

iriskwokmama 發表於 12-12-16 15:34
回復 melonfans 的帖子

可否分享點樣出眾？

interview 有升小資料畀你, 你可以睇番. 學校web-site 依家吾知有無 post 出嚟, 你check 下!

歡迎光臨教育王國 (/)