教育王國

標題: 細b返n班 [打印本頁]

作者: tra5212 時間: 12-12-13 16:00 標題: 細b返n班

難怪咁多學校唔收細b讀n,我個1011仔，今個月插班返n，返一個星期喊足全程，要校長另外陪佢坐埋一邊，費時影响其他同學上堂，搞到我都勁唔好意思

有冇jm有類似情況？

作者: KTP 時間: 12-12-13 16:21

有細b喊足兩個月都有. 但有細b返n從來無喊過, 其實是看小朋友個性.

作者: 晞晞爸b 時間: 12-12-13 16:40

tra5212 發表於 12-12-13 16:00
難怪咁多學校唔收細b讀n,我個1011仔，今個月插班返n，返一個星期喊足全程，要校長另外陪佢坐埋一邊，費時影 ...

我仔仔都係10年11月細仔.都係12月3號開始插班
開頭幾日都有喊..老師好NICE同我講叫我放心.個個小朋友都係咁

見到仔仔返左幾日情況好左D(係笑住返學)
俾多D鼓勵小朋友
唔好太過要求他
當返學同其他小朋友玩下學下群體生活及規矩
見多D人都好

不過唔好彩..呢幾日可能俾其他小朋友野到..仔仔病左
無解啦..返學都遇左
唯有休息幾日先...

作者: tra5212 時間: 12-12-13 19:19 標題: 回覆：晞晞爸b 的帖子

hi 晞晞爸b,之前响隔離見過你，你個同我個一樣咁大，返第一個星期我可以陪所以佢冇喊，但呢個星期冇陪讀就喊，喊我預左，但係其他同學好投入咁上堂，佢就在旁邊喊，好擔心影响到同學

返多幾日又放christmas,到時又喊過

作者: 晞晞爸b 時間: 12-12-13 21:23

tra5212 發表於 12-12-13 19:19
hi 晞晞爸b,之前响隔離見過你，你個同我個一樣咁大，返第一個星期我可以陪所以佢冇喊，但呢個星期冇陪讀就 ...

Hi tra5212 你好呀!

你仔仔返邊間?有得陪讀咁好?

我仔仔(PN全日班)間幼兒園唔俾家長入去陪讀
我記得DAY 1 (3/12 果日) 我同我太太送仔仔去學校
8:30 AM 已到門口但唔俾入
9:15先俾入
後來知道原來所有新插班生(大約有4-5個)剛剛第一兩個禮拜開始返都係返兩個鐘ONLY (9:15AM - 11:15AM)
我同我太太一帶仔仔入去交俾老師之後即閃(老師話咁小朋友先唔會拖泥帶水 & 喊)
我仔仔第一日返2個鐘都無喊(好出乎意料)
老師話有D小朋友一開始果幾日會喊..有D唔喊但過多幾日會喊(我仔仔屬於呢類)

DAY 1 及 2 都無喊..DAY 3 及 4見到其它小朋友喊可能影響到仔仔情緒所以佢亦跟住喊.
不過老師話佢好快一陣就無喊

DAY 5 果朝一起身發現發燒38.9度即請病假去睇醫生
醫生得知我仔仔咁細個返學竟然鬧我話學校多病菌我唔應該俾仔仔咁細個就返學......
醫生話最少要休息一個禮拜並開左1星期病假仔俾仔仔
所以實質上我仔仔暫時呢1個月只返到4日乍
下星期一俾佢返.下星期五係CHRISTMAS PARTY
之後開始放聖誕假嚕

計返呢個月TOTAL只會返8日(我交左5800大洋呀....)
呵呵算啦最緊要仔仔鐘意返學多D出去同其它小朋友玩學識群體生活先

你仔仔喊好正常
你亦唔駛覺得唔好意思影響其它小朋友
我之前都好似你咁擔心如果仔仔喊會否影響其它學生
老師答我話唔怕
我相信個個小朋友都會經歷呢段過程.喊係正常及必然既
我地作為父母唔好鬧佢反而應該從旁鼓勵佢
唔駛驚影響其它小朋友
講真呢D肯收插班生既學校
個個月都有插班生佢地都好有經驗架

我呢幾日見到仔仔(仍然放緊病假)竟然响屋企自己揹住書包通屋行(未肯開口講野)
我都SENSE到佢好想返學同其它小朋友玩

我覺得最緊要多D鼓勵你既小朋友
俾佢覺得返學係一件開心既事
俾佢學習鐘意返學先

慢慢來.唔好太心急
有D野唔急得架

加油!

作者: 小諾諾 時間: 12-12-13 21:43

作者: elysegirl 時間: 12-12-13 23:48 標題: 回覆：細b返n班

我仔都係10年11月細B，12日3日揷班重只有佢一個，而加一見到校服就喊

作者: leica80 時間: 12-12-14 00:08 標題: 回覆：細b返n班

一樣係返左個幾禮拜，無喊，只係坐唔定周圍搞野，未識講野，仲係bb話！仲未習慣，要慢慢黎適應！

作者: awinyee 時間: 12-12-14 00:16

12月B學校話12月放太長假, 叫我地1月先插班, 等小朋友易D習慣

作者: 阿早! 時間: 12-12-14 00:22

我仔係1012B，出年一月返學，未有時間諗佢到時會點，而家主要係我唔捨得佢大得咁快

。

作者: twllc 時間: 12-12-14 09:06

回復 tra5212 的帖子

我孖仔今年年頭都係咁(佢今年2月份先返pn)，好彩果陣有幾個細仔都一齊入學，所以喊都冇咁覺。

你有冇試過揾人代你湊佢返學? 我當時一開始由我同先生帶，喊到九彩，之後改由我同姐姐帶，又係喊。最後由姐姐帶佢地返學，就好快冇喊。同埋要佢地一入課室即閃，否則佢地喊得仲耐。

其實你間學校將你仔仔隔離，好似唔係幾好。小朋友只要有人講故事、或玩遊戲，好快會將注意力轉左過去唔記得喊。將佢隔開，冇野吸引佢，佢咪仲更加唔收聲。

只係返左學一星期，唔洗咁擔心。如果你仔仔鍾意聽故事，你買本"莎莎上學去"同佢講，希望令佢了解返學係點。

作者: tra5212 時間: 12-12-14 13:01 標題: 回覆：twllc 的帖子

thanks twllc!
其實唔係我湊返學，係99湊，我都知我湊喊得仲勁，之前學校第一本書係上學去，我同佢睇到佢都識背哂，其實佢明不過未做到，叫佢返學唔喊佢會答你好呀，但曰日行到學校門囗就唔肯入，呢2曰喊少左，只係99走喊一陣，不過唔合群，同學排隊佢唔行，要校長特別照顧

惟有慢慢黎
唔怪得校長舊年問我會不會下學期先插班，當時我只是諗唔好咁遲返學，但依家要面對放聖誕後又喊過仲有新年

作者: misstobo 時間: 12-12-14 22:36

喊係一個正常既情緒:)

作者: 好有問題 時間: 12-12-15 16:09 標題: 回覆：細b返n班

我個b都係12月開學，雖然佢返學無喊，但係放學返家後情緒大變，成日扭計發脾氣，成日要我陪住佢，有爸爸喺到就成日話唔要媽媽、唔要工人姐姐！瞓覺就成日紮醒搵爸爸媽媽！唉，呢個情況好唔尋常咁

作者: tra5212 時間: 12-12-15 17:12 標題: 回覆：細b返n班

我知喊好正常，但99心痛，問我做乜要佢咁細個返學，仲話再咁喊就唔好返

作者: Vlone778 時間: 12-12-15 17:21 標題: 回覆：細b返n班

其實想問點解一足2歲就要插班呢?

作者: tra5212 時間: 12-12-16 00:59 標題: 回覆：細b返n班

因為n一定要足2歲，如果唔插班就直入k,唔讀n,或者讀下學期n,讀半年，不過要學校有位先得

作者: 蛇佬 時間: 12-12-16 01:11 標題: 回覆：細b返n班

各位請問仲知唔知邊到有得插班呀，因為我小朋友都係1011細仔

作者: tra5212 時間: 12-12-16 11:55 標題: 回覆：蛇佬的帖子

上幼稚園個網chsc.hk
睇下屋企附近邊間有2-3歲班，再打去問有冇位

作者: Lovely_Babybaby 時間: 12-12-17 09:16

插班又無得陪上堂,小朋友咁細真係好驚架.
我仔8月B,9月開學陪返左一星期,
到佢自己返都有成日飲啜話要搵媽咪.
11月B更加啦,其他小朋友個個都熟晒,
得佢自己新黎,乜都唔識,會好驚架.
不過小朋友適應得好快,加油.

歡迎光臨教育王國 (/)