教育王國

標題: 覺得欠咗個仔！我好吾好搬呢？ [打印本頁]

作者: alicesang 時間: 12-12-10 22:58 標題: 覺得欠咗個仔！我好吾好搬呢？

本帖最後由 alicesang 於 12-12-10 23:10 編輯

各位，真係幫幫手，我大仔現在兩歲多，另細仔一歳，因本人同老公家人都住元朗，好愛此地！
我身邊朋友好多搬出沙田，九龍為仔女某好前途，而我只係面試去試咗一間九龍塘名幼，4千人收百多人，當然rejected我仔，但我好友個仔係大B，收咗佢，我仔同佢仔一齊長大，我由一年前個仔會認字就陪閲讀圖書，現在我仔仔兩歲四個月認到過千英文字，我本一心只想入番元朗爸爸有世襲分的小學，那小學近60%入band1中學，我個心一向咁諗，但朋友同我講原來有多10分都未必入得到，唉！咁就大鑊，我以為入梗先吾apply多間出面幼稚園！我心灰到極點，條路吾知點行，我好吾好搬出去呢？

作者: 瑩希媽媽 時間: 12-12-10 23:04 標題: 回覆：alicesang 的帖子

元朗邊間?如果無宗教都會有機會入到!

作者: Jane1983 時間: 12-12-10 23:21

吳使panic，留心吓幾多分入到。

你又鍾意元朗，又有家人住在附近，都吾係話搬就搬

作者: 巴不得爸爸 時間: 12-12-11 00:24

當然不用搬啦!元朗也有很多好的中,小學校,學位亦沒有像市區競爭激烈.

作者: ssw128 時間: 12-12-11 01:24

回復 alicesang 的帖子

你自己諗清楚, 元朗係咪會係一個雙非集中地囉.
咁你地個區有無機會唔夠學位呢!?

比資料你自己諗啦!
如果你嗰個係2010 BB, 對比今年既派位, 學位只會更不足.
與其第日後悔, 不如及早決定係咪去第二區住啦!

我真係諗唔到我地呢個咁既政府可幾點樣起北區整多一萬或者幾千個學額出嚟呀!
唔通到時D雙非想去邊區就邊區???

雙非問題

作者: Yanamami 時間: 12-12-11 07:11

本帖最後由 Yanamami 於 12-12-11 07:15 編輯

Daddy係畢業生+同區+首名子女=?分, 唔止10分o卦. 元朗我唔熟, 但有朋友仔女係果度讀中學, 好似都有幾間不錯的. 也可跨去北區? 鄧顯都係北區啊.

作者: pandean 時間: 12-12-11 08:44

適齡10分，首名子女5分，加上爸爸世襲那10分，你兒子是25分啊！就算不是那麽高分我也覺得不應該為了他選個小學就搬離自己喜歡的地方。

作者: 瑩瑩老豆 時間: 12-12-11 09:01

alicesang 發表於 12-12-10 22:58
各位，真係幫幫手，我大仔現在兩歲多，另細仔一歳，因本人同老公家人都住元朗，好愛此地！
我身邊朋友好多 ...

25分=除了必收生外差不多都必入了

作者: mic_woho 時間: 12-12-11 09:03 標題: 回覆：覺得欠咗個仔！我好吾好搬呢？

如果我冇記錯，首名子女5分，同爸爸世襲那10分，係二揀一，即是加埋適齡嗰10分，總共得20分。
去年我囝囝都係得20分喺自行收生階段入到我嘅母校。

作者: OB-father 時間: 12-12-11 09:26

'現在我仔仔兩歲四個月認到過千英文字'<-----唔駛擔心,你個仔好明顯係天才中天才,好好培養,小學大把學校收

作者: itbaby 時間: 12-12-11 09:38

alicesang 發表於 12-12-10 22:58
各位，真係幫幫手，我大仔現在兩歲多，另細仔一歳，因本人同老公家人都住元朗，好愛此地！
我身邊朋友好多 ...

元朗好的小學多的是,中學也不錯,若然你兩夫妻都不想搬,就一心一意幫囝囝入老公的小學吧!坦白講,這幾年的私小和直資競爭好大,仲一年比一年大。若以津校計分(假設沒有宗教分)計,你囝囝都有20分,細仔到時仲必收。

作者: kp_sin2001 時間: 12-12-11 12:29

無謂搬了..你都有25分, 基本上90%入緊, 你搬出去得返15分, 未必入到心儀啦..或者你可考慮市區出名既直資小學, 真係考到先再想都未遲啦..

作者: Danny3101 時間: 12-12-11 12:54

你搬屋都唔等於你能入到你心義的學校.

是否應該有兩手準備.
其實 25分巳好大把握

況且所謂爸爸曾就讀的傳統小學
我又唔覺得元朗較有歷史的小學在同區有幾叻
每間小學都有入入到 Band 1 ka la.
是不是你的小朋友才最重要

作者: 大件仔 時間: 12-12-11 14:54

有25分一定唔搬, 唔通搬左屋就一定入硬名校, 到時咪一樣要運氣, 反而仲哀呀, 有25分都有7-8成機會呀, 不要放棄

作者: relay 時間: 12-12-11 17:48 標題: 回覆：覺得欠咗個仔！我好吾好搬呢？

我早幾年住元朗亞仔得15分，分析後搬了出九龍讀幼稚園，現上小學了！平心講九龍大抽獎幾會多D，因元朗D老牌小學收好多親朋好友（不便透露），但如你有25分，理論上原區都ok

作者: yy0601 時間: 12-12-11 21:49 標題: 回覆：覺得欠咗個仔！我好吾好搬呢？

應該係20分，除非仲有宗教分

作者: marcuscyrus 時間: 12-12-11 22:36

舊生+適齡=20分，如果該校無宗教，應該都有機會，還有同區，叩門，搬出黎亦未必大機會過你現在那間

作者: alicesang 時間: 12-12-11 23:21

多謝各位意見！

作者: hinhei 時間: 12-12-12 00:01 標題: 回覆：覺得欠咗個仔！我好吾好搬呢？

仲有，就算叩門，出面同元朗一定元朗易叩，你你咁叻，唔洗擔心

作者: tracybut 時間: 12-12-12 00:04 標題: 回覆：覺得欠咗個仔！我好吾好搬呢？

我同我老公，我细佬，我老爺都係元朗人，大家亦都係鐘聲舊生，但我仔都唔知入唔入到。不過我覺得元朗好學校都好好，冇必要搬。我妹在郷中，我基元，细佬白约𨌺亦一樣大學畢業，而且唔使禁遠返學！

作者: mansum92 時間: 12-12-12 13:27

20分入名校唔一定入到不過15分就一定入唔到而且幼稚園同小一派位根本冇關係除非你打算考直資如果唔係一定博20分

作者: 聰 時間: 12-12-12 15:00 標題: 回覆：覺得欠咗個仔！我好吾好搬呢？

個囝咁細已經認得過千字，天才中的天才，隨便比間學校佢讀簡直浪費，快快搬去名校區比佢接受優質的學習，否則你何只欠佢一世，仲破壞佢一生。

作者: may273815238 時間: 12-12-12 23:38 標題: 回覆：覺得欠咗個仔！我好吾好搬呢？

過千單詞=簡直係天才啦，keep住大把學校收啦，使咩煩

作者: mch411 時間: 12-12-13 20:59 標題: 回覆：覺得欠咗個仔！我好吾好搬呢？

教小學d老師都未必識過千英文字，考英基跳year one 啦

作者: 林嬌嬌 時間: 12-12-13 22:17 標題: 回覆：alicesang 的帖子

不用羊群心理！驚入唔番，考埋天水圍直資李宗德，2手準備。

作者: JKMom 時間: 12-12-14 01:30 標題: 回覆：覺得欠咗個仔！我好吾好搬呢？

千個字。。。。。。好勁。去考其他學校吧。
因為2歲4個月可以做到，係超級資優。我都唔知自己識幾多個英文生字。點數學左千個?係唔係讀字卡甘，所以你計到幾多個字?

作者: lojo11 時間: 12-12-14 08:26

讀得好, 做學校第一, 搵中學無難度, 唔一定搬屋... 比多D信心自己啦..

作者: 阿Yan 時間: 12-12-14 11:05 標題: 回覆：覺得欠咗個仔！我好吾好搬呢？

選學校，除了留意學校的程度和孩子的能力是否配合，學校的教學方法丶氣氛與孩子的性情是否相配也是十分重要。例如小兒也是聰敏好學，但不愛競爭，愛自由，並愛只為了求知而學，那我們便為他選上著重主動探究丶多角度思考分析丶協作及表達能力的學校。

作者: 阿Yan 時間: 12-12-14 11:15 標題: 回覆：覺得欠咗個仔！我好吾好搬呢？

你的孩子還少，繼續用時間了解其學習方法丶性情等再決定!孩子漸漸長大，其喜好和性情也愈來愈明顯。元朗確是一個好住的地方，環境是很適合兒童成長的。慢慢想，還有一大段時間呢!

作者: alicesang 時間: 12-12-14 14:46

本帖最後由 alicesang 於 12-12-14 15:02 編輯

個重點係我發覺自己培養佢愛看書，認字都吾及搵到間好學校重要。覺得自己開錯咗個頭。元朗係有好學校，我現在個情況係怕若派咗去天水圍或鄉村學校，你們應該意會到會怎樣！而我不是炫耀自己兒子認字叻，係我忽略咗個策略，即係我怪自己只係好單一咁認為愛閲讀成績一定吾差咁，但忽略咗師資，朋輩的影響，何況數理方面的成績不可與記性好相提並論，轉數吾得而無人啟發都無用！
我係有用簿記低兒子識幾多字，分名詞，動詞，形容詞咁，記到差不多一千個我已沒再記，我另外買有插圖1000字，4000字字典，佢好愛看，會叫我或任何來我家的親友考佢自己,不需看圖畫都識讀。每星期借六本圖書，重復看又看。我不是變態地狂叫佢認字的媽媽，係佢歲半時用ipad不時看字卡，其它game新download才玩幾日，但字卡apps佢可看完又看！我亦每天俾佢食飯看卡通ga！佢亦係一個超級開心果！請大家不要質疑我的付出!

作者: 阿Yan 時間: 12-12-14 16:37 標題: 回覆：覺得欠咗個仔！我好吾好搬呢？

建議留意他各方面的發展，如數理丶音樂丶藝術丶體能丶社交丶情緒等，並上資優教育論壇，看資優教育的書籍，以更了解清楚兒子所需。無論將來到哪間學校讀書，最重要有你這位盡心培育他丶愛他丶明白他的「伯樂」！
搬與不搬，每個家庭情況，要自己計算一下pros & cons. 加油!

作者: shadeslayer 時間: 12-12-15 21:05

本帖最後由 shadeslayer 於 12-12-15 21:10 編輯

OB-father 發表於 12-12-11 09:26
'現在我仔仔兩歲四個月認到過千英文字'

If he reads books and learn 1000 words from the books, it is much more useful than flash cards type word recognition.

作者: granddelsol 時間: 12-12-16 07:22 標題: 回覆：alicesang 的帖子

其實你小朋友識咁多字九龍塘名幼都應該會收，咁佢其它方面的發展如果？如社交，禮貌，說話能力？

作者: alicesang 時間: 12-12-16 12:59

我只係報咗一間九龍塘KG俾佢試下，吾收佢，當日沒有答老師自己叫咩名，有D怕羞，竟然九吾搭八介紹自己件衫隻公仔：係Elmo來架！其他拼圖，問圖畫都有做有答，根本吾會問咁深的「文字題」。其實佢好慢熱，怕陌生人。但係N班老師，嬸嬸都好錫佢，係N班好得人歡心，D老師話佢好「過濟」喎！但不會亦不肯好大聲叫人，笑笑口細細聲咁，會聞歌起舞。自理能力就一般，四個月前，剛返N班先戒到片，最近先差不多戒埋夜片，吃飯超慢，所以我仍餵佢，小食水果先俾佢自己食。tidy up就差D，吾多肯𢴇嘢，要一齊𢴇先得！

作者: alicesang 時間: 12-12-16 13:10

我就係怪自己報一間咁少，又無俾機會佢練習下，而我朋友個仔仔得咗，我才醒覺，「成功」原來可以咁近！我一點都沒jealous佢，真係只怪自己，尤其個仔仲傻傻地拿著書自己閲讀，同我講：「媽媽，開心，我乖！」唉！我仲怪埋佢爸爸，成日話交哂俾我理！

作者: mcdoris1976 時間: 12-12-16 23:55

你們好, 其實本人好明白這種心態，我剛好相反要搬去天水圍, 我個仔已讀緊小一在將軍澳, 所以我都想知元朗, 天水圍有什麼學校可以插班

歡迎光臨教育王國 (/)