教育王國

標題: 叫佢唔望可以點訓練？ [打印本頁]

作者: llam1210 時間: 12-12-9 22:44 標題: 叫佢唔望可以點訓練？

明明佢聽到，好像是選擇性收聽。佢找你就望你，你叫佢不一定望。有什麼方法可在家訓練？如要出去做訓練有什麼可針對呢個問題？

作者: jjcow 時間: 12-12-10 10:18

llam1210 發表於 12-12-9 22:44
明明佢聽到，好像是選擇性收聽。佢找你就望你，你叫佢不一定望。有什麼方法可在家訓練？如要出去做訓練有什 ...

你要搵啲同佢有切身關係，或者佢鍾意嘅野，每次做之前，都先叫佢個名。
例如我仔鍾意食野，我每次攞野出嚟佢食，都會講：XXX ，食包包。

等佢習慣咗有人叫佢個名先。之後，你每次叫佢，可以開始輕輕用手撥一下佢個頭向住你...

係要逐少逐少拆開嚟教架！咁你同佢都會易啲有成功感。唔好太心急。

考慮到佢第日返學嘅需要，我係屋企都係叫佢全名！

作者: pyalisa 時間: 12-12-10 19:06 標題: 回覆：叫佢唔望可以點訓練？

留意下佢比d 乜吸住。

作者: jjcow 時間: 12-12-10 22:06

llam1210 發表於 12-12-9 22:44
明明佢聽到，好像是選擇性收聽。佢找你就望你，你叫佢不一定望。有什麼方法可在家訓練？如要出去做訓練有什 ...

其實你個仔有啲似我個仔個陣時。
再補充一點，你初訓練時記得要係佢前面叫佢，咁會容易少少。

我仲記得佢初返 N 班時，有一日，老師問我究竟係屋企點叫佢，叫佢乜名... 我即刻騰晒，心諗，死啦，俾老師發現咗添。

後尾我教老師點叫佢（我無講阿仔咩事，淨係叫老師行佢前面叫），過咗半年，老師話佢開始識回應。我依家一叫佢，佢就會應我同過嚟喇

作者: llam1210 時間: 12-12-11 02:48 標題: 回覆：jjcow 的帖子

想問一下你用咗幾耐？我現在也大約係用呢種方式但成功率不高。好似唔知自己叫乜名咁。我怕佢返學完全收唔到老師的指令同學唔到

作者: llam1210 時間: 12-12-11 02:55 標題: 回覆：叫佢唔望可以點訓練？

同埋問下你仔係個個人叫佢都會回望回應？還是只有你叫佢才回應？好想佢好似你仔咁就叻啦！我想問埋你有冇配合其他外面的課程去學習而改善呢個問題？

作者: jjcow 時間: 12-12-11 10:26

llam1210 發表於 12-12-11 02:55
同埋問下你仔係個個人叫佢都會回望回應？還是只有你叫佢才回應？好想佢好似你仔咁就叻啦！我想問埋你有冇配 ...

都要成年呀。佢睬我同老師，但同學都仲係當人透明。不過上咗 K1 兩個月左右，佢開始留意同學仔啦，依家都有同同學仔打招呼。
雖然依家佢回應好咗，知道你叫佢，但有時都唔係即刻嚟，佢有時要做埋或玩理手上的野先會過嚟，但都會應咗我先。

不過我呢兩日有份工作好趕。詳情我下星期再同你分享。

建議你搵下有關地板時間嘅資料。好有用。

P.S. 其實效果最好嘅係你自己訓練。聽家長講努力試的課程好有用。我自己無時間上，但我買晒阿黃太啲書刨，自修

歡迎光臨教育王國 (/)