教育王國
標題: 今日我個未確診ADHD嘅仔係學校爬窗,比校長捉到! [打印本頁]
作者: wan_sosin 時間: 12-12-7 22:59 標題: 今日我個未確診ADHD嘅仔係學校爬窗,比校長捉到!
唉!個仔K2,今日係學校去完廁所,自己靜雞雞走去爬窗,剛好校長行過!又比校長訓話!之前都試過見校長了!
還好學校叫做體諒!CAC又未肯確診!唔知係唔係因為佢評估時都算合作,我仔係陌生環境會乖D,幾個陌生大人圍住,唔多敢亂來!
而家又要等幾個月,CAC話幾個月後再call我!
作者: 小草王道 時間: 12-12-8 07:03 標題: 引用：唉!個仔K2,今日係學校去完廁所,自己靜雞雞
原帖由 wan_sosin 於 12-12-07 發表
唉!個仔K2,今日係學校去完廁所,自己靜雞雞走去爬窗,剛好校長行過!又比校長訓話!之前都試過見校長了!
還好 ...
加油呀媽媽。唔好灰心呀。
作者: lillymarie 時間: 12-12-8 07:31
wan_sosin 發表於 12-12-7 22:59 
唉!個仔K2,今日係學校去完廁所,自己靜雞雞走去爬窗,剛好校長行過!又比校長訓話!之前都試過見校長了!
還好 ...
作者: wan_sosin 時間: 12-12-9 20:33
回復 lillymarie 的帖子
剛一個月前見了醫生!今次件事,我無搵過姑娘,其實我無諗過可以打返去問!係唔係可以的?有無幫助?
多謝你嘅關心!
作者: lillymarie 時間: 12-12-9 20:38
wan_sosin 發表於 12-12-9 20:33
回復 lillymarie 的帖子
剛一個月前見了醫生!今次件事,我無搵過姑娘,其實我無諗過可以打返去問!係唔係可以 ...
作者: wan_sosin 時間: 12-12-9 21:19
回復 lillymarie 的帖子
謝謝!我明天打去同佢哋講!
作者: 小草王道 時間: 12-12-10 01:19
wan_sosin 發表於 12-12-9 21:19
回復 lillymarie 的帖子
謝謝!我明天打去同佢哋講!
作者: wan_sosin 時間: 12-12-10 16:41
回復 小草王道 的帖子
今天問了姑娘,佢話如果我唔介意轉去精神科,佢可以幫我問醫生,寫紙轉介,姑娘好好人,仲安慰我,叫我唔好比自己太大壓力!佢話先天問題,唔一定關乎我哋嘅管教,叫我盡了力就好了!
姑娘問咗醫生後會覆我,轉精神科要年幾兩年,我都同姑娘講,想早d排,唔想等問題更大才處理!姑娘話就算比佢訓練,最重要還是家人幫佢!
去到呢步我都覺得算係咁啦!
作者: wan_sosin 時間: 12-12-10 16:43
回復 lillymarie 的帖子
真的要很多謝你!否則我又只係等!好多嘢唔識,要多多向你們這些媽咪請教!
作者: 小草王道 時間: 12-12-10 18:01 標題: 引用：回復+小草王道+的帖子
今天問了姑娘,佢話
原帖由 wan_sosin 於 12-12-10 發表
回復 小草王道 的帖子
今天問了姑娘,佢話如果我唔介意轉去精神科,佢可以幫我問醫生,寫紙轉介,姑娘好好人, ...
作者: wan_sosin 時間: 12-12-10 22:49
回復 小草王道 的帖子
CAC只係做評估,精神科先係做治療.
作者: HopeLJ 時間: 12-12-11 00:13 標題: 回覆：今日我個未確診ADHD嘅仔係學校爬窗,比校長捉到!
想請教一下，精神科會有什麼冶療給幼兒？
作者: wan_sosin 時間: 12-12-11 00:18
回復 HopeLJ 的帖子
聽上次醫生同姑娘講,會做行為治療,如果無幫助,用考慮用藥物.
作者: faye525 時間: 12-12-11 00:37
我真係覺得, 藥物+行為治療一齊做, 成效真係大好多!!!!!!!
齋行為治療, 小朋友坐唔定, 聽唔入耳, 冇耐性聽, 好難教得到
齋藥物, 小朋友係靜到落黎, 但係又唔趁機教好既, 真係食藥都浪費
作者: HopeLJ 時間: 12-12-11 09:49 標題: 回覆：今日我個未確診ADHD嘅仔係學校爬窗,比校長捉到!
Wan & Faye @ thank you
作者: ChattyST 時間: 12-12-11 12:36
6歲前算係幼兒, 未必會開藥
作者: wan_sosin 時間: 12-12-11 15:41
回復 ChattyST 的帖子
謝謝!因為姑娘話要等成兩年,所以到時都有6歲啦!
作者: wan_sosin 時間: 12-12-11 15:46
回復 faye525 的帖子
心理上真係唔想要去到食藥!但都知道實在有時唔到可以唔想.
最緊要唔好連食藥都無幫助!
不過我仲要等好耐,而且個仔得4歲幾,所要都係要自己好好去教!
作者: faye525 時間: 12-12-11 23:24
回復 wan_sosin 的帖子
食唔食藥都一定要好好教~~
但係預左會花俾一般人更多心機同時間, 會好勞氣同辛苦~ 仲要經歷失意, 因為可能好一排又差一排
條路真係唔易走既!!
加油!!!!!!!!!!!
小朋友仲細, 要趁機好好調教下習慣~~
因為睇醫生, 除左開藥, 都會極力主張家長要俾一大堆規則同習慣小朋友同家長一齊遵守.
D規則其實講就好易架~ 要持久成功去做就唔係講咁易~~
小朋友大左先黎調教返, 就真係難好多好多架啦!!!
作者: wan_sosin 時間: 12-12-12 00:24
回復 faye525 的帖子
你講嗰D,我而家都好有同感,成日鬧完,忟完,喊完又再黎過!
CAC評我我仔係活躍加反叛,我個仔係喜歡試下錯咗會點,成日刻意答個錯嘅答案!
我本身係好有規律嘅人!所以屋企已好有規律,呢點朋友都係咁講我!不過對住一個唔理規則嘅仔,真係發癲!
CAC轉介了我去上3P課程,我都會努力學習!
條路真係難行!還好有你們支持!
作者: kck_88 時間: 12-12-12 20:53
提示: 作者被禁止或刪除 內容自動屏蔽
作者: wan_sosin 時間: 12-12-12 22:40
回復 kck_88 的帖子
我記得小小啦!你個小朋友都係4歲,是嗎?
你幾個月前去了CAC,咁應該差不多夠半年吧!如果都快了,就等評估咗先啦!
我個仔時好時壞!你話佢"逃學威龍"真係好好笑!亦好貼切!
我個仔係"智犯",佢會諗方法等人唔知佢曳,e.g.偷糖食,佢每粒咬小小,然放返入袋,佢以為咁做就無人發覺!
係學校就會等老師行轉背先曳!
咁你個仔而家點呀!你話佢好了一點,係邊d地方呀?做過d乜佢會有進步?
作者: 小倩 時間: 12-12-13 01:48 標題: 回覆：wan_sosin 的帖子
打去講明情況，book快期~
如果有學校書面証明，應該會提早見 
作者: kck_88 時間: 12-12-13 09:16
提示: 作者被禁止或刪除 內容自動屏蔽
作者: kck_88 時間: 12-12-13 09:43
提示: 作者被禁止或刪除 內容自動屏蔽
作者: lillymarie 時間: 12-12-13 09:54
我聽了許多理盧幼慈女士的講座CD和DVD，她的方法是從行為治療出發。我試過幾招真的頗有效。有興趣可以google一下。
作者: wan_sosin 時間: 12-12-13 22:03
回復 小倩 的帖子
我講就講咗,個姑娘話既然醫生寫咗佢活躍同反叛,醫生都知架啦!姑娘原本叫我上完3P先再決定是否轉介,我都同佢講想快D,睇下姑娘問完醫生點樣回覆,再睇下要唔要搵學校幫.多謝你的意見!
作者: wan_sosin 時間: 12-12-13 22:16
回復 kck_88 的帖子
我囝囝由兩個月大已經返教會到而家,經文同聖經故事識唔少,不過佢竟然懷疑神的存在!我每天早晚同佢一齊祈禱架!
佢唔似許多自小返教會嘅小朋友,好易相信神同祈禱!
我個仔自小我哋就咁形容佢"天使嘅面孔,魔鬼嘅.....!"好在佢個樣真係幾得意!雖然唔係話要著重外表,不過人之常情都會加小小分!
我都聽唔少話呢D小朋友有D係好聰明!但如果教唔到,有唔好嘅行為,真係幾聰明都無用,只係將來犯錯會更叻!
我個仔就係行"蠱惑"嗰D,一歲已經識將我對拖鞋收埋係佢BB床下面黎"整蠱"我!
作者: wan_sosin 時間: 12-12-13 22:33
回復 kck_88 的帖子
你嘅方法係好好的!不過我個仔有D地方係唔可以咁!我都試過唔答佢,但佢會更癲,最慘係佢會用破壞嘅方法,總不能比佢拆咗間屋!同埋佢如果要做一樣嘢,點都要做到,佢唔會比其他轉移到佢去第二樣嘢到!
有時讚佢做得好都無用!佢會唔接受,因為佢知如果接受咗我哋讚佢,佢就再無機會做佢想曳嘅嘢,佢會拒絕我哋讚佢,佢會自己話"我唔乖架,我點都係曳架啦!"佢試過問我哋,有乜理由要乖?
所以有時教佢,我會用"後果"來警惕佢!佢做錯就一定有後果!不過,雖然佢唔接受稱讚,我都仍會讚佢嘅!
作者: wan_sosin 時間: 12-12-13 22:35
回復 lillymarie 的帖子
謝謝!我會去睇下!
作者: kck_88 時間: 12-12-14 14:44
提示: 作者被禁止或刪除 內容自動屏蔽
作者: wan_sosin 時間: 12-12-14 15:26
回復 kck_88 的帖子
咁你EQ都好高!我都未必可以時時咁冷靜!睇怕再要訓練下自己!
聽音樂無論點都係好嘅!最少應該會平靜D!祈禱我都會好努力,就真係要比時間!我都係最擔心上小學!所以要把握這兩年唔夠嘅時間!
還好雖然我個仔反叛,但同我關係都好好!因為如果佢無嘢嘅時候,我都會同佢玩到癲架!玩到比我老公話埋我!
作者: kck_88 時間: 12-12-14 17:44
提示: 作者被禁止或刪除 內容自動屏蔽
作者: wan_sosin 時間: 12-12-17 00:35
回復 kck_88 的帖子
唉!之前回覆你時,剛打完,bk就down咗!
我認同他們要安靜時間,所以我每天會讓囝囝有安坐訓練.
但小朋友亦要有玩嘅時間!管教之餘,亦要有親子關係!我唔想因為管教而失卻關係,因為日後,關係嘅根基好重要,等小朋友大點時,更自主時,關係基礎相信無咁易讓小朋友越走越遠!
所以我會認真時認真,遊戲時遊戲!其實我肯同個仔玩,反而佢會聽我話多D!因為玩嘅時候,佢會覺得我似朋友,當然當佢犯錯時,我會做回媽媽!
我自己諗,兩者平衡啦!冷靜時會諗,雖然呢d細係難教,但基本唔係佢哋嘅錯!佢哋亦好需要得到父母嘅愛,佢哋有時因為曳,係出面已經唔易有人愛到佢哋,係屋企點都要有返d溫暖!可能我本身自少都缺少愛,其一嘅原因係我亦唔係討人喜歡嘅小朋友,所以唔想我個小朋友都係咁!唔怕同你講,我個仔係領養嘅,我好想比個溫暖嘅家比佢!
作者: kck_88 時間: 12-12-17 08:36
提示: 作者被禁止或刪除 內容自動屏蔽
作者: wan_sosin 時間: 12-12-17 23:57
回復 kck_88 的帖子
唔係架!而家好多人申請領養架!我識嘅朋友都有幾個!
其實個個媽媽都有愛心嘅!我係我仔身上亦得到唔少愛嘅回饋,佢會成日同我講"好愛我!"
我係FTM,我仔1.5yrs.我無做嘢到而家,最少等佢上小學,到時睇睇搵唔搵到part time.當初領養時,都無諗住做FTM,點知機緣巧合!我無嘢做,我老公叫我係屋企睇下個仔幾個月先再做嘢,發覺我自己湊個仔,個仔真係會好D,學嘢快D,情緒好D!就決定唔做嘢留係屋企啦!加上個仔越大越唔放心比人湊,因為佢好易出事,都係自己睇返好D!
朋友都同我講,如果唔係我自己湊,個仔嘅情況可能比而家更差!
不過我仲有許多改善空間,有時因為壓力,容易情緒失控,我個仔只返半日學,大部份時間都要盡力去控制佢,所以真係好累!
作者: wan_sosin 時間: 13-1-9 00:16
回復 lillymarie 的帖子
謝謝你之前嘅意見,CAC今日回覆,話醫生已寫信轉介精神科!
佢哋都覺得,我仔會產生意外!所以要認真處理!
事實我都成日擔心佢出事!不過就算點睇醫生都要自己睇實架啦!佢到而家都無大件事都要感謝神的祝福!
作者: lillymarie 時間: 13-1-9 10:14
wan_sosin 發表於 13-1-9 00:16
回復 lillymarie 的帖子
謝謝你之前嘅意見,CAC今日回覆,話醫生已寫信轉介精神科!
作者: wan_sosin 時間: 13-1-9 22:20
回復 lillymarie 的帖子
好有用的意見,謝謝!
我個仔越大越鍾意犯險,尋日先同我講,想知跳落樓係點?
佢班主任話佢要睇下兒童心理!
作者: lillymarie 時間: 13-1-10 06:18 標題: 引用：回復+lillymarie+的帖子
好有用的意見,謝
原帖由 wan_sosin 於 13-01-09 發表
回復 lillymarie 的帖子
好有用的意見,謝謝!
佢有沒有等候的耐性呢？肯不肯排隊？
作者: wan_sosin 時間: 13-1-10 16:52
回復 lillymarie 的帖子
是的,小朋友都好奇!班主任和我擔心的是他的好奇是往危險的方向去,也不會太理後果!CAC的姑娘說他要建立道德觀念,單單靠懲罸來阻止他的話,等他大了就行不通了!
如果有吸引佢嘅嘢!佢都可以排隊的!耐性一時時!那次去CAC評估,叫他排圖畫次序,好明顯就無心機做,睇都唔睇,求其移一兩幅圖就算數!叫佢講返個故事,佢就亂作!但平時佢玩砌圖,佢又可以做得好好!
不過,暫時佢沒有專注方面嘅問題!如果指引住佢,佢會做到!可以講佢只係HD,所以如果有嘢吸引到佢,佢還算可以安定到!佢最明顯係自制力弱,衝動!還喜歡倒亂別人的東西!因此會不計後果!
佢智能,體能都達標!所以身邊有些人會不覺得佢有問題!要經常同佢相處先發覺佢有乜唔對路!
作者: lillymarie 時間: 13-1-10 17:04
聽妳講都覺得佢比較衝動，似是“想做就去做”那種。
ADHD有三個部分：
專注力弱
過度活躍
過分衝動
可考慮努力建立他的EQ，EQ好的小朋友最大的特性是能夠延遲滿足。
作者: lillymarie 時間: 13-1-10 17:17
另外，其實睇兒童心理學家，主要都是在媽媽身上入手。因為小朋友那麼細個，傾唔到的，而最影响他的人是媽媽。我當年為了幫囝囝，真是挍盡腦汁之餘還幾乎扭曲了我自己的人格，可以話係成個人變哂。
不過，個囝交在我手中就點都要教養到底，妳話係咪？
作者: wan_sosin 時間: 13-1-10 22:29
回復 lillymarie 的帖子
係呀!我都覺得有呢個仔,我個人都唔同咗!有好嘅,亦有唔好嘅,唔好嘅係,有時會發咗癲咁!加上我係FTM!我老公都知我唔容易!而家幫多咗我手!
你講得好啱!我哋係父母,小朋友唔只需要我哋,我哋更加係佢唯一直接嘅幫助,去做訓練只1hr.,返屋企仲有23hrs.自己仔女,自己就要好盡力!小朋友亦極之需要我們的愛!
你講嘅EQ,等我花些時間睇下先!我係過去暑假都有幫我仔報EQ班,但可能只係好簡單基本嘢!對我仔未算好有幫助!
而家同佢學緊體操!我覺得對佢講都唔錯!我係小童群益會亦留了名,佢有幼兒班嘅活動就會call我,佢話而家人數太小,人數夠就會開班,佢話係用小組互動嘅方式教導佢哋.
作者: lillymarie 時間: 13-1-11 12:48
回復 wan_sosin 的帖子
做體操好呀！尤其他那麼喜歡冒險又充滿活力，或許體操可以滿足到他呢！我以前都好顛，本來以為自己溫柔良善，囝囝把我內心猙獰的一面暴露了出來，因為對着他可說是用盡了我所有的愛心和耐性，發現原來唔係好多咋！
| 歡迎光臨 教育王國 (/) |
Powered by Discuz! X1.5 |