教育王國
標題: 12月細囡,5間all reject,自行又無,repent k3?or定繼續大抽獎? [打印本頁]
作者: joannechow1031 時間: 12-12-7 10:26 標題: 12月細囡,5間all reject,自行又無,repent k3?or定繼續大抽獎?
有冇人好似我咁諗? 好唔好比佢去一條龍幼稚園repent k3? 定繼續大抽獎, 抽到咩, 就叩門, 讀住先, 到p1再repent? 定繼續比佢升, 唔好repent, 好迷網, 多謝大家意見. 
作者: 仔仔錫錫你 時間: 12-12-7 10:50
一條龍幼稚園repeat k3? 聖字派? 係就值得, 如果唔係, 應視乎小朋友現在能力去決定. by the way, 5間all reject 唔等於能力低, 只可以話應該係慢熱果隻.
作者: cheung_wp 時間: 12-12-7 10:59
政府派位一生人只有一次！ ·
作者: hadwinboy 時間: 12-12-7 11:11
如果是一條龍, 值得.
By the way, 提一提你要係1月中前決定. 一旦進入了大抽獎階段, 神先難變.
作者: wiskylo 時間: 12-12-7 11:21
如果己經讀緊龍校又有心儀的睇有無p1 offer, 有的就大抽獎2選1如果你個間龍校有得抽的話, 如果龍校無p1 offer的小朋友又唔係局得型的與學校傾下repeat k3, 細b叩門真係好低機會
作者: joannechow1031 時間: 12-12-7 11:30
多謝大家意見, 小囡不是讀龍校, 所以諗住轉到龍校repent k3), 今年都去大抽獎先, 如果太差叩門又唔得, 咪repent k3, 等讀多年, 下年在龍校直升龍校p1, 或者到時再叩門! 唔知咁諗好唔好!
作者: MrBeast 時間: 12-12-7 11:34
hadwinboy 發表於 12-12-7 11:11 
如果是一條龍, 值得.
By the way, 提一提你要係1月中前決定. 一旦進入了大抽獎階段, 神先難變. ...
作者: CoffeeCake 時間: 12-12-7 11:35
龍校有咁易比你插班入?
作者: 已刪除用戶 時間: 12-12-7 11:35
但小朋友已經自行左喇WOR, 仲有無得再黎一次呀?
作者: MrBeast 時間: 12-12-7 11:37
回復 joannechow1031 的帖子
衡量一下小孩的學術和自理能力再決定。
作者: tung0409 時間: 12-12-7 11:38
你沒有提及你小朋友的能力到底是達到水平。
有些12月細囝/囡, 可以好smart,有些就真係仲差少少
如果係屬於幾ok的, 我就唔Repeat 了, 要小朋友學多一年已經識哂既野佢會好悶
但如果仲要多少少時間的, 就建議你找龍校repeat
不過明年仲緊張,加油!!
作者: joannechow1031 時間: 12-12-7 11:53
小囡其實能力不差, 成績屬中上, 其實k1時諗過比佢repent, 因為好多好的幼稚園都係叫大囡, 但老師都覺得唔駛比佢repent, 因為亞囡學校如果細仔或能力追不上的小朋友, 學校也會建議佢重讀一年, 但老師話佢水平無問題, 仲話:如果佢要repent, 咁好多小朋友都要repent, 所以打消了k1repent念頭, 亞囡都鍾意學嘢, 剛剛香港校際誦頌節普通話幼稚園5-7歲, 攞A grade, 英文表演差少少, 欠一份就MERIT, (得79), 同埋好多學校小一都好多功課, 比佢讀多D會唔會追得無咁辛苦呢, 咁大家有詳寶貴意見, 謝謝!
作者: fion_yinyin 時間: 12-12-7 11:58
點解暫時無學校收就強調自己個小朋友係年尾出世？好多幼稚園老師都講去到k3時，大細仔/女已經無大分別嫁喇
作者: hadwinboy 時間: 12-12-7 12:03
fion_yinyin 發表於 12-12-7 11:58 
點解暫時無學校收就強調自己個小朋友係年尾出世？好多幼稚園老師都講去到k3時，大細仔/女已經無大分別嫁喇 ...
作者: CoffeeCake 時間: 12-12-7 12:06
fion_yinyin 發表於 12-12-7 11:58
點解暫時無學校收就強調自己個小朋友係年尾出世？好多幼稚園老師都講去到k3時，大細仔/女已經無大分別嫁喇 ...
YES 其實今年好多人全軍覆沒,包括坊間認為有優勢的超大仔/女.
作者: 小黑咪 時間: 12-12-7 12:12
去龍校repeat K3都唔代表你可以入龍小, 好似民生小學係睇K2時既成績黎收生既.
作者: MrBeast 時間: 12-12-7 12:14
小學老師會話細B要到小一二才追到，不過其他人幾時追到不代表自己的會同一時間追到，可能早d可能遲d。
作者: BigPig 時間: 12-12-7 12:19 標題: fion_yinyin 的帖子
細仔細女要小一尾小二先拉近
作者: joannechow1031 時間: 12-12-7 12:19
咁其實等大抽獎(我係12NET), 但現在形勢都好難估計, 如果派得好, 就讀上去, 派得太差咪叩門, 叩門都成功就讀住先, 等下一年再考私校/直資或都叩津校門重讀P1? 咁方向可以好些嗎? 多謝大家. 
唉, 諗到頭都痛!!
作者: atirw 時間: 12-12-7 12:29 標題: 回覆：fion_yinyin 的帖子
點會無分別？剩係在小學校長老師中就有分別！你個係米細仔／女？若不是，不會明！
作者: atirw 時間: 12-12-7 12:42 標題: 引用：小囡其實能力不差,+成績屬中上,+其實k1時諗
原帖由 joannechow1031 於 12-12-07 發表
小囡其實能力不差, 成績屬中上, 其實k1時諗過比佢repent, 因為好多好的幼稚園都係叫大囡, 但老師都覺得唔駛 ...
作者: puibb 時間: 12-12-7 12:46 標題: 引用：咁其實等大抽獎(我係12NET),+但現在形勢都
原帖由 joannechow1031 於 12-12-07 發表
咁其實等大抽獎(我係12NET), 但現在形勢都好難估計, 如果派得好, 就讀上去, 派得太差咪叩門, 叩門都成功就 ...
2: 如收,幾時apply, interview and 出result?
要睇時間做決定,因如話出年六月後先收生,咁無得選擇,一定要參加派位。
作者: LOVELY-BABE 時間: 12-12-7 12:47 標題: 回覆：12月細囡,5間all reject,自行又無,repent k3?or定繼續大抽獎?
如果想repeat應是一早鋪排好，我有三個朋友，他們的仔女分別10月、11月同12月，他們的小朋友不約而同重讀低班，理由是年紀小能力略遜，但他們一早已度過低班repeat好過高班，仲要是去了另一所學校repeat（怕產生自卑），你有冇想過小孩到了K3才打算要她重讀，再加上你給她去了多所學校面試，K3的小孩已有一定認知能力，她不多不少也知道明年上小一，但現在要repeat的話會傷害了她弱小心靈！
既然你認為女兒不是技不如人，幹嗎要她留班？
明年競爭還大呀，請三思！
作者: Anyacala 時間: 12-12-7 12:50 標題: 回覆：12月細囡,5間all reject,自行又無,repent k3?or定繼續大抽獎?
如係我睇下派咩津小 ，讀左先考好小一成績插考名小
作者: 已刪除用戶 時間: 12-12-7 12:53
fion_yinyin 發表於 12-12-7 11:58
點解暫時無學校收就強調自己個小朋友係年尾出世？好多幼稚園老師都講去到k3時，大細仔/女已經無大分別嫁喇 ...
我聽既係去到小4,5至無大分別WOR
作者: 已刪除用戶 時間: 12-12-7 12:56
joannechow1031 發表於 12-12-7 11:53
小囡其實能力不差, 成績屬中上, 其實k1時諗過比佢repent, 因為好多好的幼稚園都係叫大囡, 但老師都覺得唔駛 ...
我自己估, 如果已JOIN左自行, 都返唔到轉頭出年再黎, 咪照抽獎LOR
然後讀住小一先, 出年9月再考心儀既, 同時, 4,5月考插小2
我聽過有CASE係小朋友本身讀緊小一, 9月再考心儀小一, 然後去到4,5月同新校校長傾, 是否適合直上小2, 校長安排做插班卷後決定俾小朋友上小2的
作者: evawa 時間: 12-12-7 13:01
回復 Charlotte_mom 的帖子
你呢個方法好好. 我學到野了. 謝謝你 !
作者: fion_yinyin 時間: 12-12-7 13:03
本帖最後由 fion_yinyin 於 12-12-7 13:05 編輯
我個小朋友係十一月出世的，點會唔明白？
但我留意到d若細仔細女無學校收，父母第一件事就諗係年紀既分別呢，唔會有其他原因學校唔收嫁咩？咁如果大仔唔收呢？又因為係年紀大所以唔收啊？
仔仔由k1開始我每年都問班主任佢追唔追得上，3年3個班主任都話去到k3其實大仔細仔已經無乜大分別。老師仲話留意到若屋企keep住日日有溫習，其實一年過後有溫習同無溫習既差異可以好大的。中文老師仲話我仔仔上中文堂會教人地tim，代表佢有自信喎。所以我真係覺得唔係全部因為細仔/女所以學校唔收的，要諗下真正既原因係乜。
作者: fion_yinyin 時間: 12-12-7 13:06
年尾出世呢個事實無得改變嫁啦，但唔好成日"形"住同"賴"d改變唔到既事實law，要對自己既仔女有信心
作者: dlee_ca 時間: 12-12-7 13:21
I take 大抽獎
作者: hl2003 時間: 12-12-7 13:23
是否重讀k3，都要考慮小朋友的情感，特別是女孩，兒童階段心智成熟一般高於男孩。
作者: MrBeast 時間: 12-12-7 13:35
本帖最後由 MrBeast 於 12-12-7 14:57 編輯
joannechow1031 發表於 12-12-7 11:53
小囡其實能力不差, 成績屬中上, 其實k1時諗過比佢repent, 因為好多好的幼稚園都係叫大囡, 但老師都覺得唔駛 ...
樓主有冇想過如成績中上，為何一個offer也沒有呢? 性格?運氣?
我有位朋友，由K1問老師問到K3，都話佢小朋友冇問題，追到，最後和校長商談後才決定repeat k3，其實呢個小孩如不repeat也應能應付不太谷的小學但一定會很辛苦，run the risk of 完全失去自信。
我不是建議你一定去repeat, 但你需做個reality check, 看看現時的能力可否入到你target的小學，如有幸入到有沒有時間資源去support 你的小孩。
其實你自行有冇派位?如冇你是還可選擇今年唔玩抽獎，出年再來的，打去edb問清 detail
作者: itbaby 時間: 12-12-7 14:59
joannechow1031 發表於 12-12-7 11:53
小囡其實能力不差, 成績屬中上, 其實k1時諗過比佢repent, 因為好多好的幼稚園都係叫大囡, 但老師都覺得唔駛 ...
我唔係話你小朋友成績差,所以考不到小學,而係競爭越來越大,好多小朋友都係無 offer,因為好多家長唔想受制於大抽獎吧。
作者: 喵媽 時間: 12-12-7 15:11
如果K3先repeat, 對小朋友有影響, 思想成熟既會唔開心!
而最重要個個老師都覺得冇學習問題喎!
會唔會同你囡囡傾下, 了解佢既想法先?
女仔一般早熟D叻D, 所以細女相差可能不太遠!
如果係仔, 我都贊成做大仔, 不過我會一開始就做, 唔會K3先repeat!
作者: ballbe 時間: 12-12-7 15:18
Repeat K3係咪對派位有幫助呢??
出年競爭比今年還要激烈,你真的想再來一次這樣的經歷嗎?
我認識的超大仔,超大囡今年的申請也好不到那裡去
其實現在才是第一階段申請,越後期越多位放出來的,不用太擔心
作者: pluto_yuen 時間: 12-12-7 15:24
其實每個小朋友嘅能力都唔同，对待細B/大B唔需要一開始設一個標準俾佢哋。
而且好多龍校K3都唔收生，一生人又只可以一次自行派位，repeat 係咪值得真係要諗清楚。
作者: atirw 時間: 12-12-7 15:33 標題: 回覆：fion_yinyin 的帖子
可以咁講我這個中上細仔今年出去同人掙P1 位，九成都比其他參加者差，但若他出年才同人掙p1位，佢七成表現會好過其他人。你可以咁講，佢今年的表現的確是不夠別人好，所以人地唔收佢，而人地真係無睇佢的年齡。（但我深信是有的）
作者: 四隻貓 時間: 12-12-7 15:37
Charlotte_mom 發表於 12-12-7 12:56
我自己估, 如果已JOIN左自行, 都返唔到轉頭出年再黎, 咪照抽獎LOR
然後讀住小一先, 出年9月再考心儀既, 同 ...
進可攻退可守. 都識人係細b, 讀住津校小一先, 之後再做大b 去心儀學校考小一, 最後入到神級學校.
0甘樣仲好啦, 已經學緊小一課程去考小一, 點都成熟過K3既小朋友, 又唔駛係幼稚園學返相同既野.
如果小一成績好標青又可以考慮去心儀學校插班小二.
好似全面好多喎.
作者: joannechow1031 時間: 12-12-7 16:38
多謝大家寶貴的意見, 看到競爭咁大, 所以想亞囡重讀一年, 比佢大個d, 競爭力會好d, 不過也聽到大家講小朋友的感受, 自己升唔到班, 自信心會否受到打擊! 我都同幼稚園老師傾過, 佢叫我第二輪大抽獎, 甲乙部都揀返第一次自行間學校(係女校, 因為還有個妹妹), 唔得叩門幫我亞囡寫信, 咁我都覺得老師已好盡力幫忙! 一切交由天父安排! 
作者: cwclsh 時間: 12-12-7 16:55
人家只不過道出自已背景情況, 換轉寫5月中仔無offer想repeat, 你會否覺得別人撒賴呢? 她文字上從來沒有"賴"的意思出現過, 似乎看者反對這字眼偏激了點.
以我觀察, k3真的已拉近許多, 不只是個別的. 看著由K1差距很大, 但一年一年的進步. 但當然...細的要比較smart先追到大仔, 因別人也有機會比自已同月的更smart!
作者: Jane1983 時間: 12-12-7 17:48
無offer可能係因為只報5間，又係hot的學校，所以爭吾到，吾代表小朋友吾叻。
作者: healthybaby 時間: 12-12-7 21:33 標題: 回覆：12月細囡,5間all reject,自行又無,repent k3?or定繼續大抽獎?
我覺得要睇個別小朋友，我細仔十月尾出世，行為Bb,但能力幾好，面試同大b成績差唔多，根本唔洗點谷都得都自動波做得好。但大女八月出世，我覺得佢比同年起碼細半年，做咩都慢半拍 ，想谷都谷唔起，到而家小五開始成績有d進步，唔知係唔係遲熟呢！
不過我覺得小朋友大大下能力就會拉近。小學最重要係培養學習興趣和良好的生活習慣。
作者: fion_yinyin 時間: 12-12-7 21:53
本帖最後由 fion_yinyin 於 12-12-7 21:55 編輯
出年做大女都唔代表一定有學收姐，況且怡家至係十二月， 好多(自私?唔了解自已仔女?)既人仲hold住幾個位嫁。
作者: fion_yinyin 時間: 12-12-7 22:05
回復 cwclsh 的帖子
有人以為別人偏激罷了。好多人提到細仔/女無學收時都會提埋年紀個事實。提黎做咩呢? 因為已經改變唔到? 因為唔關後天訓練既事? 信下幼稚園老師啦， 真係能力要repeat 或差好遠幼稚園老師會講你聽嫁啦。 大家都係鐘意間幼稚園至報名同埋讀足三年嫁姐。
作者: guorong 時間: 12-12-9 21:44
我的例子应该可以比你参考下。我的小朋友系对龙凤胎，11月尾的，旧年我们也是考了好多学校，只有一间私校收，一间waiting.我们决定重读K3。我的小朋友其实都唔差，我们读YXXK幼稚园，阿女年年考试都在前10，仲有期末摞奖。但我们也是从K1开始就考虑比佢地重读一年，老师也是说无必要。我自己系中学老师，觉得小朋友入读小一系一个好重要的开始，如一开始便不如人，会令佢地好无自信，同时也咨询过医生，医生话小朋友的年龄差距，大仔同细仔要去到10岁左右才完全无分别。加上朋友的仔也是细仔，佢小一到小四都跟得辛苦，到小五才好D。这些都令我们决定重读。 今年我们再考小一，小朋友到目前有2间收左，阿女除左女拔外，全部都有second in,相信迟下仲有学校会收。旧年好多朋友劝我们不要浪费一年，同埋今年出生率高，竞争大。但我认为，年龄的差距真系一个好重要的因素。至于重读K3，我拣左一间有学券的幼稚园，课程浅，小朋友返学开心，因佢地比其他小朋友大，相对能力强D，衣家好有自信，对他们去小一面试帮助好大。
如你有什么仲想问的，可pm我。
作者: BBvivian 時間: 12-12-10 10:12
如果大仔/女和細仔/女無分別，點解有D幼稚園小學講明收到8月底出世吖。
朋友喺絕大部份家長夢寐以求既小學任教十年，好早已同我講定，校長唔鍾意收細仔/女，因為要比好多額外的協助(詳情唔講得)。
唔一定唔收，除非面試表現十分突出，或有關係人士。
唔好問我邊間，我一定唔講，費事人哋學校惹麻煩。
回應只喺想某D曾經回應樓主既父母知道，唔好以為人哋細仔/女考得唔好，家長就一定拿自己嗰個喺細仔/女做藉口。
想問大家，10個月前，自己個小朋友在學習能力、語言表達、自信心方面，同依家有無分別！﹖答完全無嗰D家長，才質問樓主吧！
多從人家角度想一想，世界會美好D，回應都合情理D！
作者: fion_yinyin 時間: 12-12-10 10:34
我自己係年尾出世，我兩個仔仔都係年尾出世。我自己係中學教師，我奶奶係小學教師，我奶奶話細仔控制小肌肉能力可能弱d，但唔代表學習能力比人弱。我奶奶見過好多細仔係小一都可以考全班頭幾名，所以佢叫我地問幼稚園老師，如果仔仔ok就無須要特別repeat一年
我唔係否認細仔可能會係能力上差小小，但係除左年齡問題外，細仔唔收可能仲有其他原因的。例如我仔有一個學校唔收，就係因為佢一題普通話題都唔識，咁我就會知道佢既弱點，唔係成日諗住佢係細仔俾人唔上law
多從其他角度想一想唔收既原因，唔係只係諗d改變唔到既事實。做父母既積極d，可能對小朋友更有幫助
作者: wittymom 時間: 12-12-10 10:54
回復 Charlotte_mom 的帖子
8月出世(早產)算吾算細仔?
好似話有cut off day 係每年8月31日?
作者: hadwinboy 時間: 12-12-10 10:57
我大學讀過Child Development, 大細仔(尤其大近一年)係自理, 理解, 行為等等各方面係一定有分別, 但凡事總有例外. 自己那個咁岩冇分別是例外, 也不可否定了別人遇到的分別. 我個仔是12月出世的細b, 有offers, 一線及神級也有2nd in. 佢由K1開始老師已經話佢同大仔冇分別. 我會認為是我幸運, 因為我觀察到有些朋友個仔及同學仔一樣係12月的出世的, 真係會差一些. 而那上父母也不是什麼都沒有train 個小朋友的, 數學英文普通話樣樣有. 除了積極, 作為開明及有同理心的父母也很重要.
作者: itbaby 時間: 12-12-10 11:49
剛好聽到朋友一個好分享,同大家講吓。
佢自己個囡囡又個細B,媽媽想囡囡repeat多年K3,以便明年做大B去考小學,但幼稚園老師提佢一樣嘢: "無錯,明年你囡囡做了大B去考小學,但唔等於佢讀多一年幼稚園會叻好多,因為始終幼稚園的程度和小學不一樣,有可能只比今年好多少少,點解要repeat多年呢?小學的程度同幼稚園差一截的,請想清楚吧!"
作者: joannechow1031 時間: 12-12-10 12:15
好多謝大家的回覆, 細b/細囡已是改變不到的事實, 開這個提目只是收雜各方媽媽寶貴的智慧, 好明白這些都是善意的意見或提醒, 最終我都要過濾和消化 去決定自己小朋友的去向, 多謝大家, 希望無論大中細b都有理想offer! 
作者: fion_yinyin 時間: 12-12-10 14:27
本帖最後由 fion_yinyin 於 12-12-10 14:28 編輯
回復 joannechow1031 的帖子
我咪話奶奶講細仔D小肌肉控制能力差d既？當年幼稚園老師就教我買泥膠俾仔仔玩，等佢d手指有力d。so far 今年中文老師話仔仔d 字都ok齊整，成日拎到老師幾個印仔讚good。所以細仔/女唔係一個大問題，積極d啊，總有適合既學校俾仔仔/女女的。
仲有，我係年尾出世，我老公年頭出世，但會考成績我好過老公，haha。怡家至係小一入學，讀書讀廿幾年實會發揮到小朋友個人既優勢的。所以都係0個句，加油﹗
作者: virgokaren 時間: 12-12-10 15:09
教育界不嬲都建議三歲至好讀幼稚園，四歲至執筆寫字。
有冇人聽？
如果12月出世，我寧可佢玩多幾個月，遲d至返學讀書。
至於考小一，我覺得成功因素取決於小朋友是否out going，肯答人，合群再加家庭背景。多數都得，考學術另計。
作者: fion_yinyin 時間: 12-12-10 17:31
外國根本就唔鼓勵受緊學前教育既小朋友寫字tim啦。怡家小一入學要考串字、連環加數、listening。我地家長唯有迫住要.....唉......人在江湖.....雖然我都唔係好認同小朋友咁早就要識呢樣0個樣......最後就變左身不由己
作者: virgokaren 時間: 12-12-10 18:57
fion_yinyin 發表於 12-12-10 17:31
外國根本就唔鼓勵受緊學前教育既小朋友寫字tim啦。怡家小一入學要考串字、連環加數、listening。我地家長唯 ...
我地香港幾時至學到人地咁？
作者: Jane1983 時間: 12-12-10 19:23
virgokaren 發表於 12-12-10 18:57
係囉！幼稚園吾係要開心和玩的嗎？美國讀小學，放學都冇功課。
我地香港幾時至學到人地咁？
...
明白你講也，但”人在江湖，身不有己“， 邊個吾驚自己小朋友全無競爭力？
唯有盡力做到適可而止，吾好過度，令小朋友有充足的時間玩和有快樂童年。
作者: fefemom 時間: 12-12-10 23:23
joannechow1031 發表於 12-12-10 12:15
好多謝大家的回覆, 細b/細囡已是改變不到的事實, 開這個提目只是收雜各方媽媽寶貴的智慧, 好明白這些都是善 ...
| 歡迎光臨 教育王國 (/) |
Powered by Discuz! X1.5 |