教育王國

標題: 無知媽媽查詢入學資料 [打印本頁]

作者: 流浪貓 時間: 12-12-6 00:00 標題: 無知媽媽查詢入學資料

我阿仔剛於今年10月出世, 請問佢應該幾時要讀n班, 幾時要讀k1, 剛和丈夫搬家到牛頭角(剛結婚), 唔知附近有咩全日班幼稚園(課程可以深一點), 我剛住這裡不久, 不知道這裡的情況, 可以請附近的媽媽教教我嗎? 請問什麼是細b, 請問點樣先可以做到大b呀? 這裡有好多字眼我都仲未睇得明, 希望各媽媽可以教吓我

作者: chanwendy 時間: 12-12-6 14:32

如打算報 N1, 13 年一開學就要留意各學校的報名日期, 如直接讀 K1 就遲一年先報囉. 而家仲有好多時間比你去認識你的區, 最簡單係去幼稚園一覽睇吓有咩學校, 再逐間睇吓囉.

作者: 流浪貓 時間: 12-12-6 15:19 標題: 回覆：無知媽媽查詢入學資料

多謝你呀，咁請問咩叫大B咩叫細B呀？

作者: 流浪貓 時間: 12-12-6 15:20 標題: 回覆：無知媽媽查詢入學資料

多謝你呀，咁請問咩叫大B咩叫細B呀？

作者: ginababe 時間: 12-12-6 15:26 標題: 回覆：無知媽媽查詢入學資料

8月31日或之前出世叫大b，之後出世叫細b。如果你想bb做細b就13年報Pn，做大b就14年先報pn

作者: 流浪貓 時間: 12-12-6 16:40

唔好意思呀, 請問PN 同N班係唔係同一樣野嚟架, 請問咩叫NET呀? 我而家先開始爬文, 但係裡面有好多字眼睇唔明

作者: rosebb 時間: 12-12-6 17:34

net是外藉教師。pn同n都係同一樣野，即係幼兒班。

我舊居在牛頭角，現在在觀塘，如果深些，你可以考慮德福幼稚園，有全日班。牛頭角大部份幼稚園都係有學劵，所以都係唔會程度太深。

作者: rosebb 時間: 12-12-6 17:36

http://www.chsc.hk/kindergarten/
你可以參考呢個website

作者: harriet121 時間: 12-12-6 22:27 標題: 引用：我阿仔剛於今年10月出世,+請問佢應該幾時要

原帖由 流浪貓 於 12-12-06 發表
我阿仔剛於今年10月出世, 請問佢應該幾時要讀n班, 幾時要讀k1, 剛和丈夫搬家到牛頭角(剛結婚), 唔知附近有 ...

我都係由唔識，周圍問到識少少！比心機！如果你BB咁細，不如開始去排下救世軍！我以前就唔識去！

作者: 流浪貓 時間: 12-12-6 23:30 標題: 回覆：無知媽媽查詢入學資料

好多謝咁多位媽媽回覆我，請問救世軍係咩嚟存，EK又係咩嚟架

作者: harriet121 時間: 12-12-7 00:04 標題: 引用：好多謝咁多位媽媽回覆我，請問救世軍係咩嚟

原帖由 流浪貓 於 12-12-06 發表
好多謝咁多位媽媽回覆我，請問救世軍係咩嚟存，EK又係咩嚟架

救世軍有好多分校，你睇下你嗰區有冇，有救世軍三個字的幼稚園都去攞住form排定隊留位，一般真係排年幾兩年有多，學費平，自理能力佳，水準很不錯，最重要係唔洗interview.
EK咪就係呢個forum. Education Kingdom

作者: chanwendy 時間: 12-12-7 10:57

救世軍 sell 自理能力, 所以學術冇太高要求, 同埋唔點 in, 只係排 no., 排到你係咁二見下家長問吓簡單問題就得, 但每年只收五十個左右 (可能間間不同). 所以好多人一有出世紙就去排.

歡迎光臨教育王國 (/)