教育王國

標題: 如果在小一生書包發現，自己偷偷地執書包時放玩具 [打印本頁]

作者: sumyau1012 時間: 12-12-5 23:06 標題: 如果在小一生書包發現，自己偷偷地執書包時放玩具

如果在小一生書包發現，自己偷偷地執書包時放玩具，你地會點做。我女在書包內偷偷地放入一盒印仔，一盒顏色筆（不應該帶返學）。我唔知應唔應該取回，不給她帶。如果取回，我又怕連一d自主都唔俾；帶又怕被老師罵。

作者: Yanamami 時間: 12-12-5 23:23

"連一d自主都唔俾......" 呢個唔係自唔自主既問題嘛.....佢可以揀出街著乜衫, 但番學就要著校服. 可以揀帶乜snack番去食, 但唔可以揀鍾意几時食就几時食. 同樣, 學校係個學習既地方, 唔應該帶玩具番去(顏色筆OK la 或者show & tell 要帶野番學校先好帶). 要教佢小學唔同幼稚園la. 要守規矩, 佢明左道理就OK. 咪靜雞雞羅番出o黎, 佢下次又帶. 佢要學自主/ 有主見, 唔係呢個情況下.

作者: HaYi 時間: 12-12-6 01:09

我個都經常, 如果我見到, 會同佢說學校會收左的, 後果自負... 佢想帶的要知啦,

作者: redkoni 時間: 12-12-6 03:47

sumyau1012 發表於 12-12-5 23:06
如果在小一生書包發現，自己偷偷地執書包時放玩具，你地會點做。我女在書包內偷偷地放入一盒印仔，一盒顏色筆（不應該帶返學）。我唔知應唔應該取回，不給她帶。如果取回，我又怕連一d自主都唔俾；帶又怕被老師罵。

「你覺得不應該帶返學」與「學校規定不准帶返學」有很大分別。一盒印仔及一盒顏色筆，可能與同學仔小息時或飯後一起畫畫呢，其實小朋友只是小一生，「偷偷地」有點明知故犯的意思，如果帶印仔及顏色筆並非觸犯校規，家長是否想得太多？當然，如果觸犯校規便必須明確糾正，根本與小朋友自主扯不上關係。

作者: sumyau1012 時間: 12-12-6 07:01 標題: 回覆：redkoni 的帖子

校規無講，只是老師叫家長不應給小朋友帶其他野返去，影響學習。我女帶返去都只會小息時玩，但我怕影響上課時專心

作者: ANChan59 時間: 12-12-6 08:21 標題: 回覆：如果在小一生書包發現，自己偷偷地執書包時放玩具

老師最唔想是惹人犯罪！

作者: miriam 時間: 12-12-6 09:11

你想 "主動" 教小朋友唔應該帶玩具返學校, 定係由老師 "主動" 打電話或寫手冊通知你唔好再畀小朋友帶玩具返學校, 二者選其一.

今日你畀佢帶, 其他同學見到跟住帶, 到時老師問點解帶時, 相信其他同學會好老實講出係你小朋友帶先囉.

作者: 犖犖 時間: 12-12-6 09:39

本帖最後由犖犖於 12-12-6 09:39 編輯

點解帶玩具返學講到好似罪大惡極咁呢？
只要唔係上堂時玩，有乜關係？

我個小一仔每天返學都會帶一本小說或者一本畫簿係小息或午飯時用。

作者: Mighty 時間: 12-12-6 10:01

不経意地提一提他不可帯玩具回学校、会比没収的、但不要取去、譲他在学校承受被老師話or没収玩具的「枝」味。　如楼上講、不是罪大悪極。

作者: longlokma 時間: 12-12-6 10:05 標題: 回覆：犖犖的帖子

玩具和書簿不同，不可一慨而論。一般小學是不容許學生帶玩具回校的，除非特別情況，如考試后等。建議先了解校規，校規不容許的事情當然不應該讓孩子做，即使校規没清楚說明但家長覺得不恰当的也不應縱容子女去做，這和自主不自主無關。

作者: 犖犖 時間: 12-12-6 10:24

longlokma 發表於 12-12-6 10:05
玩具和書簿不同，不可一慨而論。一般小學是不容許學生帶玩具回校的，除非特別情況，如考試后等。建議先了解 ...

重點其實是：「...校規沒清楚說明但家長覺得不恰當...」。難道大家都想兒童都不會玩只去學習（學校課程）麼？

另外，我相信如果學校明文不準帶玩具回校，但又容許考試後帶，那只是權力的體現而已，並沒有替學童著想。既如是，那帶玩具和帶小說在學校眼中根本是沒分別的。

作者: Charlotte_mom 時間: 12-12-6 10:24

印仔顏色筆, 我覺得係踩界case, 我會叫女女自己問老師, 可唔可以帶, 老師俾guideline, 咁大家清楚啦, 如果老師講話唔建議, 家長更加應該提醒小朋友tim

如果女女自己都唔敢問, 即明知唔岩啦, 更唔應該帶

作者: MonkeyGirl 時間: 12-12-6 10:28

如學校手冊無寫明, 你可打給老師叫他上課時講下, 玩具唔見咗, 後果自負 .. 好小事.. 小一生可自己諗諗應唔應該帶.. or u can ask your child , the reason to bring the toys..對正下藥

作者: marcuscyrus 時間: 12-12-6 10:39

我覺得都要提醒下佢，返學只帶必須的物件，除了校規問題，亦都要正視書包重量，雖然帶多少少印仔唔會重得幾多，但呢度一d o個度一d，就重左架啦。
我地學校可以帶棋類/書小息時kill time，另外我仔會多帶一本佢自己用的記事簿，其他唔關事的野佢都唔會帶lu

作者: CANCAN142 時間: 12-12-6 10:48

樓主唔須要睇到咁嚴重的。既然發現左，可選擇同佢傾，把會可能發生的野話佢知，例如：小朋友會唔專心上課(某程度上會掛住掛住)，老師也曾講過唔好帶，
同學借來用，用用下冇手尾唔見左(告知唔會買番比佢)...........告知這些會發生的後果，佢自己都有責任，比個自主權去衡量，其實正正是一個好好的教材。
唔知你是否認同！

其實小朋友系要有d實際的事情，你先可以解釋比佢知，佢地先領略到錯定對，下下都是大人話我唔岩，條氣當然唔會順啦！小小錯，再解釋對這處理方法，我覺得可以的。我地大人怕佢在校比罰，其實我有時覺得小一、小二學校還會多些諒解佢地還小，錯，唔會好罰，會解釋，放心啦。

作者: mymelody2003 時間: 12-12-6 10:51

我囝囝小一時也試過, 我會先了解他的用意, 然後才向他解釋及下次想帶其它物件時可否先問我既批準等; 但機會只會比一次, 再犯者會keep起一個月才還給你, 其間不會再買.

作者: longlokma 時間: 12-12-6 13:05 標題: 引用：Quote:longlokma+發表於+12-12-6+10:05+玩

原帖由犖犖於 12-12-06 發表
重點其實是：「...校規沒清楚說明但家長覺得不恰當...」。難道大家都想兒童都不會玩只去學習（學校課程）麼 ...

學校便是學校，是學習知識和守規矩的地方。家長應在選校或入學前了解學校制度及要求，而不是每每根據自己意願及理念去挑戰學校制度。如真是不滿所讀學校某些制度，除非獲得大部分家長認同支持作出挑戰或爭取，否則應考慮讓自己孩子轉讀能配合自己的學校。

作者: sumyau1012 時間: 12-12-7 07:37 標題: 回覆：CANCAN142 的帖子

好認同你的說法，我個人認為，小息時玩下都好應該。我女上堂時應該唔敢攞出來，最怕就上堂時心掛掛。但我又唔想佢無得選擇，最後我女只帶顏色筆。我都係想在學校既生活係開心，唔單止學習，也有快樂

作者: sumyau1012 時間: 12-12-7 07:46 標題: 回覆：mymelody2003 的帖子

你既做法，好值得參考，多謝分享

作者: tws2010 時間: 12-12-7 08:04

回復 longlokma 的帖子

Very agreed with you. Schools are places for discipine, they are not fun places...I remember I onced interview a job at Immigration many years ago. The officer asked me what if the officer discovered I have my ring put on during duty and if officer asked me to take it off, what's my response. At that time, officer told me under no circumstances, I have to take it off. Order is order. Discipline is discipine.

歡迎光臨教育王國 (/)