教育王國
標題: 沙田英藝家長請進 [打印本頁]
作者: yukichchan 時間: 12-12-5 15:31 標題: 沙田英藝家長請進
剛交了留位費, 報讀明年沙田英藝新校的nursery上午主流班。仔仔今年共 in 了七間幼兒園, 兩間有Offer, 分別是沙田嘉德麗和沙田英藝。兩間都交了留位, 但會選英藝。這兩間也是最認真面試的兩間, 感覺學校要求高, 程度好, 老師也有善。但英藝較近屋企, 可親自接送, 校舍也較理想。
有無明年上午主流/國際班的家長? 我們可趁機認識下啊!
作者: Joannelinco 時間: 12-12-5 16:17 標題: 引用：剛交了留位費,+報讀明年沙田英藝新校的nurs
原帖由 yukichchan 於 12-12-05 發表
剛交了留位費, 報讀明年沙田英藝新校的nursery上午主流班。仔仔今年共 in 了七間幼兒園, 兩間有Offer, 分別 ...
作者: Jasmin映 時間: 12-12-5 16:32
本帖最後由 Jasmin映 於 12-12-5 18:41 編輯
沙田英藝也收了囡囡上午國際班,我囡是1月大B,第一批IN的,一早已交了留位費,呢間本來係我最心儀的,我住大圍,馬鐵一個站就到,真係好近,又全英普環境,大圍同沙田市中心呢邊真係好少有,上堂3個半鐘比人多,課程又深一年,所以當初只留了英藝,放棄了其他馬鞍山區既offer,包括嘉德麗,但新校好多未知數開唔開得成裝修唔裝修得切都成問題等等,又聽說除了九龍塘校,其他分校包括大埔校都大地震,一年轉幾個老師,行政混亂..越聽越擔心..唯有搵定後著..於是再積極報其他學校..暫時留了金巴倫道迦南..樂基未知結果..其實我個人真係幾鐘意英藝,好後悔當初無報埋九龍塘分校...但聽說要$6000學費真係好甘..唯有退而求新校..但讀新校真係一場賭博..萬一讀得唔好下年又要再係壓力之下考過K1...真係好煩..
作者: yanpig0621 時間: 12-12-5 16:33 標題: 回覆：沙田英藝家長請進
係Lu 點睇國際班定主流班？面試時老師有問我想入主流定國際班，我答國際班，但留位信無寫係咩班
作者: Jasmin映 時間: 12-12-5 16:35
好似話面試時答國際,就會俾翻國際,有改動會電話通知,不過最好打電話去問問啦..佢地信真係唔寫架,我都係打去問先知..
作者: KittenKitten 時間: 12-12-5 18:22 標題: 引用：剛交了留位費,+報讀明年沙田英藝新校的nurs
原帖由 yukichchan 於 12-12-05 發表
剛交了留位費, 報讀明年沙田英藝新校的nursery上午主流班。仔仔今年共 in 了七間幼兒園, 兩間有Offer, 分別 ...
作者: Shana.S 時間: 12-12-5 18:40
Hi, 英藝都收左我仔國際全日班，佢係超細B我地只in了這間，同意樓主沙田呢頭真係好少呢颣學校，我地都係住大圍，一個馬鐵站真係好吸引！個人認為學校只提供一個基本環境，最緊要都係靠屋企擺心機去教！所以新校對我來講無有怕！
作者: catherine2011 時間: 12-12-5 21:21 標題: 回覆：沙田英藝家長請進
收左我仔讀全日班，副校全日無分國際同主流，因為一半時間係國際班禁上堂，一半係主流班禁上堂，不過我仔係細b,得呢間收,所以都無咩好簡
作者: fong82_fong82 時間: 12-12-5 22:55 標題: 回覆：沙田英藝家長請進
亞仔3月B，收左AM主流，如無意外（除左意外樂基收的話）都應該讀呢間做同學仔
作者: Kampor 時間: 12-12-5 23:05
小女一月BB,收左AM主流,以交留位費,但未確定入讀!
作者: Jasmin映 時間: 12-12-6 00:29
如果樂基收我都可能會轉軚...始終名氣大啲..亦穩陣啲..但大圍去駿景園搭車連行路或等車搭巴士都至少20分鐘...9:00上堂..始終要返工..變左無得每日接囡囡返學放學..相反英藝返8:30..又近,我每日接佢返學放學都問題不大...唉..不過樂基真係收先再諗啦~
作者: Shana.S 時間: 12-12-6 00:52
原來N全日冇分國際定主流, 朝早又返8:30,宜家先知，真係唔該晒，咁全日班放學放幾點呢？學費係米大概要7K？
作者: candylove111 時間: 12-12-6 10:02
提示: 作者被禁止或刪除 內容自動屏蔽
作者: yukichchan 時間: 12-12-6 10:20
好似國際班的小朋友多啲喎, 果陣老師都有問過我想報國際定主流。佢話國際係全英普, 但普通話老師識聽和講廣東話的。不過最後我都係報左主流班, 想仔仔較易適應新校和較有歸屬感, 始終有香港老師做班主任會親切和細心一些。
我又無咩擔心新校的問題, 其實我好遲先報名呀, 十一月頭先打去問會否再收application, 當天即前往大埔交表, 上兩個星期先interview完。不過, 大埔分校我有好好的印象, 校舍比我想像中大好多, 設施齊備, interview中老師好nice, 亦給仔仔玩了多個遊戲, interview一點也不求奇, 甚至比樂基的安排還要好, interview後老師還會比返comment家長。之後仲有機會同大埔校的校長傾左幾句, 知道佢會兼任沙田新校校長 (但她正懷孕, 明年應會放產假), 亦知道沙田校的老師會有一些從其他分校調配過去, 而另一些會是新請的。我老公都好鍾意呢間學校, 因為近 (我地住沙田圍, 一個馬鐵站), 可自己接送, 又有新校舍。之前參觀過嘉德麗幼兒園, 被佢地的細小空間和霉味嘛得怕怕, 所以新校舍一定比較好。
我也等待樂基的消息, 但不抱太大期望。如返樂基要搭校車, 學費加車費會同英藝差唔多。另外亦等緊榮光的消息, 此校就在屋企樓下, 校舍新, 口碑好又有學卷, 但佢只收2X人, 成數唔高。如再無新驚喜, 我地就會係英藝的同學仔啦!
係喎, 你地有無去過現場睇過? 當日老師話沙田校不是在溱岸的樓盤/會所裏, 而是在車公廟站隔離。我搭巴士經過見到車公廟站出口的左手邊正在裝修, 見佢的牆身和玻璃門, 似係新校舍, 地點真係好方便。
作者: yukichchan 時間: 12-12-6 10:23
回復 candylove111 的帖子
我問過老師, 學費會係九龍塘校和大埔校之間。如間學校的學費加埋除二, 就大約係$4,800, 都幾貴架!!!
有無人知道主流班同國際班的學費有無分別?
作者: Joannelinco 時間: 12-12-6 10:23
打電話問左, 我仔係國際下午班!!! 佢係9月細b
作者: Jasmin映 時間: 12-12-6 10:59
好開心聽到大家既分享,令我都有多啲信心,學費方面,多數人預計在$4000-$5000之間,會貴大埔校少少,但點都唔會去到九龍塘校咁誇張,我覺得合理,全英普外籍老師,地點又就腳,火炭新開果間Joyful心怡天地都開價$4,500-$4,800啦...唔好忘記,英藝係每日上課時間3個半鐘,心怡得3個鐘,計翻條數,心怡係貴啲添..不過英藝收12個月學費,因為暑假好短,係一間出名谷既學校,雖然首批面試勁多人,因為同日有大埔小朋友IN,但我都好滿意大埔英藝既面試安排,等候期間係校園勁多野玩,小朋友一啲都唔悶,兩位老師面試亦幾認真,無因為見左咁多小朋友而無耐性無心機,因為我果日IN下午4點半,編號排到58X...我果日都有搵大埔校校長傾計,果日佢仲係答我未知沙田邊位校長,原來佢會兼任?但懷孕中?=.=""...咁開頭行政一定亂七八糟...我無去過現場呀,因為3月先入伙,諗著而家都睇唔到啲乜,原來已經見到校舍啦?如果真係一出閘就到真係超正,當時大埔校長話佢地要3月先收到個場,不過發展商會間好晒課室廁所有晒基本配套,佢地收到場只需做內部粉飾,如貼牆紙鋪地下,預裝修兩個月,地方至少6000尺,校長話會有6間課室,有室內同室外既活動空間,5月會俾到家長參觀校舍...到時實地參觀左我先會最後決定讀唔讀..
作者: yukichchan 時間: 12-12-6 11:15
回復 Jasmin映 的帖子
多謝你的詳盡分享呀!!
仲會有戶外空間?? 咁樣好好喎!! 我知道他們注重提供一個spacious environment比小朋友, 所以唔擔心地方問題。
但願校舍能如期交收, will pray for it!!
作者: Jasmin映 時間: 12-12-6 11:40
主流班平啲架,不過好似只係差幾百蚊~
作者: Jasmin映 時間: 12-12-6 11:58
回復 yukichchan 的帖子
係米真係有戶外空間,同埋有幾多真係到時先知..不過當日校長係話有,我問佢校舍會唔會有大埔咁大,佢話無,只係大埔既一半左右,但勝在有戶外空間,我相信好有可能係分左啲溱岸既平台,但分到幾多真係唔知,可能得少少都唔定,溙岸咁貴=.="..但有戶外空間真係幾好,樂基都無呢!
作者: fanmama 時間: 12-12-6 12:16
我囡11月尾細b, 收左國際am
家住大圍唔洗搭馬鐵行過去就得,超方便....
暫時得呢間收, 實比佢讀.....
作者: Joannelinco 時間: 12-12-6 12:29
我都係11月先決定報埋呢間, 好快就有得in, 去大埔in果日我係有驚喜既... 當日既安排好好, 等半個鐘就in, 大埔校舍好完善, 有波波池有sir滑梯, 等果半個鐘阿仔玩得好開心, 如果無呢d野.. 我不敢想像bb既耐性.....
作者: gray198189 時間: 12-12-6 12:31
我個仔又係有嘉德麗同英藝收左, 兩間交曬留位費, 但仲未決定到邊間
因為我住沙田, 去嘉德麗一程車十分鐘到, 去英藝就要轉馬鐵, 但我自己唔鍾意嘉德麗個校舍, 另一方面又擔心新校行政亂....十五十六中
樂基都有IN, 但太多人爭, 機會不太=-=
作者: Toeyyipbb 時間: 12-12-6 12:32
我b係9月尾細b收左am但未問收國際or主流
,各位mama可否講下大家點簡國際or主流呢?我想佢英文底打好d,但又怕外籍老師打比我時唔明講乜(但好似有普通話老師識廣東話)請教教我............
作者: Kampor 時間: 12-12-6 13:08 標題: 回覆：沙田英藝家長請進
我都係好遲先知沙田開新校，寄信第二日就收到電話叫星期六去面試，自己都有些意外！面試當日安排好過康傑多多聲，雖然係勁多人，但只係等左廿分鐘就可以面試。老師係香港老師，有禮貌、耐性，因為小女全和一粒聲都無出過，但老師竟然讚小女小肌好好、又可以自已安坐玩玩具（我真係O晒咀）然後老師同我傾計，過程氣氛好好！p.s.面試完，在走廊見到一個高層（唔知係校長定主任）同一個大陸男人（同我同一間房面試的）打招呼，叫佢做校董！當時諗連校董都要親自帶女來面試？
作者: Goodway 時間: 12-12-6 14:00
我個仔係細B, 暫得哩個 offer (可以一定讀), 交咗留位費, 國際 am class =)
nice to meet u all
作者: lau47 時間: 12-12-6 14:24
我昨天已寄留位支票，我女9月出世，收咗佢全日班，我住大圍撘一個站就到，真係最方便呢間，我打去大埔校問全日班學費，佢話大埔校今年係$5800交12個月學費加$3000雜費，沙田校會差唔多。
我呢個係細b，只得呢間有offer，睇完大家的分享，對呢間學校認識多咗，都幾鍾意呢間學校，唯一擔心係學費唔平!
我報上午班，最係收我全日班，我都要再三考慮一下!
作者: catherine2011 時間: 12-12-6 14:50 標題: 引用：原來N全日冇分國際定主流,+朝早又返8:30,宜
原帖由 Shana.S 於 12-12-06 發表
原來N全日冇分國際定主流, 朝早又返8:30,宜家先知，真係唔該晒，咁全日班放學放幾點呢？學費係米大概要7K？ ...
作者: catherine2011 時間: 12-12-6 14:52 標題: 引用：回復+yukichchan+的帖子
係米真係有戶外空
原帖由 Jasmin映 於 12-12-06 發表
回復 yukichchan 的帖子
係米真係有戶外空間,同埋有幾多真係到時先知..不過當日校長係話有,我問佢校舍會唔 ...
作者: yukichchan 時間: 12-12-6 15:05
回復 Toeyyipbb 的帖子
是的, 當天面試時你選什麼班就係什麼班了。
其實主流同國際各有各好處, 如在家以廣東話溝通, 選主流班會合適些, 一來兩文三語全面些, 二來用廣東話學中文, 對日後的語文發展有幫助。試想想, 除非你諗住第日比佢讀國際學校, 否則都係以廣東話溝通多, 所以有良好的母語表達能力好重要, 也能幫助小朋友更勇敢和有效的表達自己的意見/情感, 所以我為仔仔選了主流班, 希望他可更易適應他的第一所學校, 為將來的學習打好基礎。
當然, 國際班以英普作主導, 時間和內容一定會比主流班多些, 小朋友接觸和學習此兩種語言的機會會多些, 基礎會更鞏固些。
但都係果句, 想仔仔發展全面些, 所以就算當天老師問左我兩次選邊班, 我都係為仔仔選了主流班。每個小朋友的性格不同, 應先看看那班制對小朋友合適些。不要迫他太快學習, 只要讓他讀得開心, 必定能有所學習和成長。
加上學校收咁貴學費, 我相信無論國際或主流, 都應該不錯的, 放心吧!!
作者: yukichchan 時間: 12-12-6 15:07
回復 catherine2011 的帖子
咁即係我估既地方無錯, 正呀!!!
作者: tobeylili 時間: 12-12-6 15:48
我都是住大圍, 女兒係2月B, 沙田好時光同英藝都收了上午主流班也交了留位費,我會選擇此校, 來年仲會IN 多3間.. 經過大埔既interview, 對此校感覺唔錯, 未知到最後會否決定留底, 但都希望認識大家日後多點交流!
作者: Jasmin映 時間: 12-12-6 15:51
其實主流定國際呢個問題我都諗左好耐,真係各有各好,各有利弊,無話邊樣好啲,自己要取捨..對N班小朋友來講,最開頭最重要係要適應學校生活..老師同聲同氣,一定更快適應,我都認同先學好母語,對表達自我,邏輯思考方面都有利,所以我係屋企都係同個囡講廣東話,都係睇中文書,除左菲律賓姐姐,屋裡面包括爸爸媽媽爺爺麻麻姑姐等都只係同個囡講廣東話,所以我相信我囡廣東話唔會有問題,而我自己英普只係半桶水,真係好希望個囡能真正學好兩文三語,所以返學我希望可以俾多啲英普環境俾佢...
作者: Joannelinco 時間: 12-12-6 16:18
Jasmin映 發表於 12-12-6 15:51 
其實主流定國際呢個問題我都諗左好耐,真係各有各好,各有利弊,無話邊樣好啲,自己要取捨..對N班小朋友來講,最 ...
作者: Shana.S 時間: 12-12-6 16:19
我地十月底in的，等左個幾鐘等到阿B都瞓左，老師唯有問下我地野，最後阿B都冇醒，老師話咁要再搵日帶過來考下佢D反應，我地話不如落去食下野等佢醒左再上番來。老師又ok wor, 到下午上番去時D人已經走晒咁済，老師好好咁又響校務處拿番D玩具出來入課室再in過我地，D校工姨姨響出面已經掃緊地了~哈哈
作者: Toeyyipbb 時間: 12-12-6 17:02
回復 yukichchan 的帖子
多謝你咁詳盡講解好感動,我會再好好諗下先.....你講得好岩,簡邊一班應該都教得好既
作者: Toeyyipbb 時間: 12-12-6 17:09
回復 Jasmin映 的帖子
咁你簡左國際定主流呀?其實我同你都差唔多,平時賓姐同亞b講英文,我就一半一半(因為半桶水),老公就廣東話,所以想比英語環境亞b多d.....
多謝你講左我想問既野
作者: Jasmin映 時間: 12-12-6 17:22
本帖最後由 Jasmin映 於 12-12-6 17:25 編輯
回復 Toeyyipbb 的帖子
一開頭就揀左國際,後尾諗諗下又驚揀錯,仲打過電話去大埔問應唔應該轉,果時話要轉仲轉到架,記得當時個職員好nice,同我傾左好耐,佢叫我唔洗咁擔心,小朋友適應力好強,就算屋企少講英普,返一陣學好快就會適應,佢話以大埔英藝來講,都係英普國際班比較受歡迎的,佢仲話萬一開左學真係想轉可寫信要求,情況許可既都會盡量幫家長安排,所以我就無轉囉..之前成日打去大埔問野,我覺得啲職員態度都係非常之好的...
作者: catherine2011 時間: 12-12-6 17:51 標題: 引用：+本帖最後由+Jasmin映+於+12-12-6+17:25+編
原帖由 Jasmin映 於 12-12-06 發表
本帖最後由 Jasmin映 於 12-12-6 17:25 編輯
回復 Toeyyipbb 的帖子
我都覺佢地職員好nice!
作者: Toeyyipbb 時間: 12-12-6 17:53
回復 Jasmin映 的帖子
明白晒~~~咁我聽日打去問問先,其實之前仲諗緊"think"定英藝,而家我有決定了
作者: Shana.S 時間: 12-12-6 18:54
回復 catherine2011 的帖子
唔該晒呀！~~~~
作者: pure_carol 時間: 12-12-6 19:50 標題: 回覆：沙田英藝家長請進
am 主流班，如無其他am offer應該呢間了。因為好想囡讀am
作者: Goodway 時間: 12-12-7 00:13
我揀國際班係因有朋友仔仔讀劍鳴國際班，佢話讀國際班個小朋友會自自然然識英文&普通話，而且6歲前係學外語最好時機，不過中文就要自己跟緊d... 好彩我係FTM，可以同佢睇多d中文書 ^^
作者: alp0805 時間: 12-12-7 23:18
我個仔宜家十個月, 英藝收左國際pm班, 暫時得呢個offer, 地點超近非常吸引
作者: janicew 時間: 12-12-16 08:52 標題: 回覆：沙田英藝家長請進
我想問通常幾時遞表架
我女今年二月出世
作者: LC0826 時間: 12-12-16 23:42
我對 b上星期係大埔分校見，等了個幾鐘都未有得見，等到忍唔住走去問職員仲要等多久先有得見，見完叫係出面等五分鐘就知收唔收，最終收了我兩個b,感覺收生好容易，因見多人被叫去交留位費
作者: acepno 時間: 12-12-17 09:31
提示: 作者被禁止或刪除 內容自動屏蔽
作者: jechoi 時間: 12-12-18 22:11
請問pm班上課時間係由幾點至幾點嫁？
作者: lau47 時間: 12-12-19 16:48
should be 1pm - 430pm
作者: kgm 時間: 13-1-2 12:17
大家好，我是新手媽媽，剛收到電話叫我孖b星期六去面試（我是報N班）想問面試通常要小朋友做d咩呢？
作者: melun 時間: 13-1-24 20:55 標題: 回覆：沙田英藝家長請進
我都係上午國際班,11月b，我住大圍，校舍地點好但學費都好貴下，比咗留位，但仲考慮中，因仲有靈光pn offer。
作者: sophie_chan 時間: 13-2-2 18:13
我都係住大圍, 唔想BB去咁遠返學, 英藝收左下午國際, 原本我揀主流班, 但後來再同校長傾, 我話想BB學好英文, 咁佢話主流班就有1個小時英文, 20分鐘普通話, 其餘時間廣東話, 而國際班就大部份時間英文, 我BB聽得明英文, 所以最後轉左國際班. 大埔INTERVIEW的安排好好, 校舍超大, BB玩到唔捨得走. 黎緊仲有3間見, 到時先再諗LU. 
作者: cjj123 時間: 13-2-2 22:29 標題: 回覆：沙田英藝家長請進
我啱啱搬去沙田，上個星期先知佢地沙田開分校，即刻打電話去問又有位，我星期一先寄form,今日interview後就即收。係下午國際班。
作者: yukichchan 時間: 13-2-7 17:17
各位好, 原本一心諗住讀英藝的上午班 (主流班), 上月得知樂基(駿景園)也收了兒子, 是下午國際班。現正心大心細中, 個人覺得樂基名氣大一些, 口碑也很好, 但下午班實在大大影響了小朋友的作息時間, 也可能影響到他的吸收及學習, 如要讀下午班, 只好讓他慢慢適應。兩間的地點離家相若, 都要搭短途校車, 但因我和老公都要返工, 平日白天兒子會由奶奶看顧。她希望我們為兒子選擇英藝, 因係上午班, 較配合她的照顧, 地點也較方便 (因我家無車去駿景園, 一定要搭的士來回)。
如果係你地, 你會點揀?
作者: winlui 時間: 13-2-14 12:58
我會選英藝am, 因會以小朋友作息時間為先, 而且也要顧及老人家方便接送返學.
作者: yukichchan 時間: 13-3-2 16:43 標題: 回覆：沙田英藝家長請進
收到英藝的信，要交$4,050作上學期書簿雜費及校服費，如在15/3前唔交錢就會被列作後補生。我今天去睇過新校舍附近，知道其位置，但仍做緊內部裝修，未能入內。各位，你們會交錢嗎？
作者: chopin999 時間: 13-3-2 19:22 標題: 回覆：yukichchan 的帖子
因亞囡得一個offer，所以會比，但吾太願意，第一，仲未知學費幾錢，第二，亞囡12月先入學，要比全份上學期雜費，但因得一個offer，唯有照比！
作者: emilywks 時間: 13-3-5 09:35
12月都要比全份上學期雜費?要打去問問好d喎，應該按比例收!我個仔10月返，我打去問，佢都會問小朋友幾多月開學?
作者: hebe2010 時間: 13-3-5 10:09
yukichchan 發表於 13-3-2 16:43
收到英藝的信，要交$4,050作上學期書簿雜費及校服費，如在15/3前唔交錢就會被列作後補生。我今天去睇過新校 ...
有冇相可以SHARE下?
作者: yukichchan 時間: 13-3-5 18:11
回復 hebe2010 的帖子
無影相呀, 因為.......實在無野好影...... 只係見到個門口, 開左門, 裏面見到間左啲房 (應該係班房/校長室之類), 但有工人做緊野.... 無得入去....
作者: adatsui 時間: 13-4-12 14:19
我都念緊
作者: jess725 時間: 13-4-22 23:44
最後都交了$4050，請問幾時知道學費？
作者: bin 時間: 13-4-23 00:15 標題: 回覆：沙田英藝家長請進
confirmed 學費 3890
作者: GraceSMchan 時間: 13-4-23 20:04 標題: 回覆：沙田英藝家長請進
請問開左未呀？想去睇弟
作者: yukichchan 時間: 13-4-25 11:41
未呀, 仲做緊內部裝修
作者: yukichchan 時間: 13-4-25 11:41
回復 bin 的帖子
比我想像中平喎, 我以為要四千幾.....
作者: msquare 時間: 13-4-25 16:10 標題: 回覆：沙田英藝家長請進
Yukichchan, are u going to hkps?
作者: yukichchan 時間: 13-4-25 16:25
回復 msquare 的帖子
Yes la, they finally accepted my son transferring from p.m. to a.m. session and I will take their offer.
作者: msquare 時間: 13-4-25 18:46 標題: 回覆：沙田英藝家長請進
Hope i can switch to am too
作者: BB324 時間: 13-4-25 18:50
Intl class 學費係4480
作者: jechoi 時間: 13-4-27 20:05
yukichchan 發表於 13-4-25 16:25
回復 msquare 的帖子
Yes la, they finally accepted my son transferring from p.m. to a.m. session and ...
作者: pomanc 時間: 13-4-27 20:39
有冇英藝n1下午主流班同學仔呀?
作者: ally2011 時間: 13-4-28 00:50 標題: 回覆：lau47 的帖子
Me too !
作者: pomanc 時間: 13-4-28 22:40
想問下有冇係fb開沙田英藝group?
作者: Eunice0408 時間: 13-4-29 09:00
提示: 作者被禁止或刪除 內容自動屏蔽
作者: yukichchan 時間: 13-4-29 14:49
回復 jechoi 的帖子
Jechoi, 我講緊的學校是HKPS (Ascot), 不是沙田英藝。如你是問HKPS (Ascot), 我可以答你, 我是係交留位費時交埋封信的, 大約在一月中。佢地在上兩個星期左右打電話黎confirm可以轉a.m.
至於沙田英藝都有不少家長收到學校比佢地由p.m. 轉a.m., 你可上他們的facebook group 交流下
作者: jechoi 時間: 13-4-29 14:52
yukichchan 發表於 13-4-29 14:49
回復 jechoi 的帖子
Jechoi, 我講緊的學校是HKPS (Ascot), 不是沙田英藝。如你是問HKPS (Ascot), 我可以答 ...
作者: ceciliakyshk 時間: 13-5-4 12:48
bin 發表於 13-4-23 00:15
confirmed 學費 3890
主流3980, 國際4480
作者: che13 時間: 13-5-6 16:58
我想知如果讀下午n班學費幾錢呀?
因為間間冇位,岩岩打去問得呢間收咋...thxthx
作者: Sara1221 時間: 13-5-6 17:07 標題: 回覆：che13 的帖子
主流3980, 國際4480
作者: che13 時間: 13-5-6 17:22
Sara1221 發表於 13-5-6 17:07
主流3980, 國際4480
想問下而家報多數收唔收呢?
因為我問左好多間都話唔收,一係就爆哂...
得呢間話有位...
作者: 軒軒仔 時間: 13-5-6 18:46 標題: 回覆：沙田英藝家長請進
平放英藝全新PN 書，如未交書簿雜費的家長，有興趣請pm我！
作者: iantse26 時間: 13-5-7 06:41 標題: 回覆：軒軒仔 的帖子
有冇人知全日班學費幾錢？
作者: Sara1221 時間: 13-5-7 15:40 標題: 回覆：iantse26 的帖子
6880
作者: Sara1221 時間: 13-5-7 15:41 標題: 回覆：che13 的帖子
上兩星期報，收左
作者: iantse26 時間: 13-5-7 17:27 標題: 回覆：Sara1221 的帖子
我一早收咗，交埋留位費，但之前仲未知學費，所以冇交書簿費。
作者: BERNICEJUNE 時間: 13-6-17 00:54
有冇人知英藝全日班的返學及放學時間? 是不是同大埔一樣 7:30AM至6:3)PM
我只知上課是8:45AM , 是不是可以8:00左右放低亞B, 最遲6:30前來接放學?
價錢如何? 另外, 上課仍有沒有國際班及主流班之分?
作者: funghon 時間: 13-8-14 14:10
Sara1221 發表於 13-5-7 15:40
6880
| 歡迎光臨 教育王國 (/) |
Powered by Discuz! X1.5 |