教育王國

標題: 點樣令到一個interview唔肯講野嘅bb答老師問題呢？ [打印本頁]

作者: gllam 時間: 12-12-5 02:45 標題: 點樣令到一個interview唔肯講野嘅bb答老師問題呢？

唔知點解，對住的士佬、保安、侍應佢都會講野，但係一見老師問問題佢就粒聲祁唔出。有咩計？

作者: kaitathk 時間: 12-12-5 06:39 標題: 回覆：gllam 的帖子

見多d

作者: ccdenc 時間: 12-12-5 08:00 標題: 回覆：點樣令到一個interview唔肯講野嘅bb答老師問題呢？

同小朋友講答完老師问题有玩l具，万試万靈

作者: RBaBa 時間: 12-12-5 08:28 標題: 回覆：點樣令到一個interview唔肯講野嘅bb答老師問題呢？

去下playgroup

作者: bocopo 時間: 12-12-5 08:33 標題: 回覆：點樣令到一個interview唔肯講野嘅bb答老師問題呢？

點解佢咁驚老師呢

比老師鬧過？

作者: lsm219 時間: 12-12-5 08:34 標題: 回覆：點樣令到一個interview唔肯講野嘅bb答老師問題呢？

起初我仔仔都唔肯講無論In PN and K1 初期講真起初覺得同佢去真係有D浪費時間同有怨言但如果父母都唔幫佢同支持佢其實對小朋友影響重大於是我調整自己心態帶佢去多D In 一見佢有緊張情緒就叫佢慢慢做失敗了就吃佢再來過！帶佢去In 我已没大期望一定入到那間kg只要佢enjoy, relax 同完成所有tasks 我已覺得佢好叻！好能係咁他在後期的In 都表示好好有心儀學校已收了讀K1. 其實小朋友在這段時期特別需要父母的愛和支持如果In 得唔好被父母責備小朋友會好有錯敗感以後問題就大. 希望我的分享可幫到手！

作者: breadbb 時間: 12-12-5 09:06 標題: 回覆：點樣令到一個interview唔肯講野嘅bb答老師問題呢？

我估可能係佢心目中老師係唔好既野 or好惡 or 會唔會你地不經意比左壓力佢話
一陣記得答老師問題？定係其實佢無接觸過老師？

作者: gllam 時間: 12-12-5 09:15

佢又唔係驚喎，佢個樣好似諗緊：我又唔識你，我點解要話你知我叫咩名？問咁多野做咩？(所有佢都識，只係唔鐘意答) 如果個interview係好似pg咁唱歌玩遊戲佢會好D, 投入D. 但係大部份interview都係落口供咁，佢唔ok.

我從來都無比過壓力佢，佢都無比人閙過，性格係慢熱型，同埋太多野諗。

有無計？

作者: kbi 時間: 12-12-5 09:24 標題: 引用：佢又唔係驚喎，佢個樣好似諗緊：我又唔識你

原帖由 gllam 於 12-12-05 發表
佢又唔係驚喎，佢個樣好似諗緊：我又唔識你，我點解要話你知我叫咩名？問咁多野做咩？(所有佢都識，只係唔 ...

我們囡一樣，面試時好怕羞，要問幾次至答人，仲要超細聲。但係入去in之前同之後，又會周圍同人打招呼同拜拜，人人都讚佢好乖，好叻，以為佢in得好好。

不過如果佢interview係有英文同圖像，佢又會好d。LH用英文見，又叫佢認動物，佢鍾意，見得好好。MS考字母，又係佢至愛，見得好好。其他.....

所以一切都是緣分。

作者: gllam 時間: 12-12-5 09:47

有反緊PN, 對佢自己學校嘅老師係超like成日提住要同x老師玩。
我都好似Ism219咁用愛心鼓勵佢，但係一見到老師開口問問題，佢就點咗穴咁，唔答。
去interview入學校之前係門口都跳晒笑笑口，我有同佢講「你睇下幾多小朋友，一陣老師會同小朋友傾計，你同老師傾下計好唔好，佢就大大聲話：好！
點知永遠都係唔出聲，到完喇走喇又跳賓賓咁。點解呢？

作者: bocopo 時間: 12-12-5 09:48 標題: 引用：佢又唔係驚喎，佢個樣好似諗緊：我又唔識你

原帖由 gllam 於 12-12-05 發表
佢又唔係驚喎，佢個樣好似諗緊：我又唔識你，我點解要話你知我叫咩名？問咁多野做咩？(所有佢都識，只係唔 ...

如果佢只係慢熱，你就可以多啲帶佢去街，上pg，令到佢見到咩人都可以講一餐

作者: qooqoobaby2010 時間: 12-12-5 10:05 標題: 回覆：點樣令到一個interview唔肯講野嘅bb答老師問題呢？

性格點可以一時3刻改變，做家長唯有帶佢出多d去，見多d，鼓勵多d. 時機未到，要講既時候就會講，俾多d耐性

作者: cycream 時間: 12-12-5 10:17

我見樓主你係另一個post話考4間, 有1間未in, 1間幾好既有offer, 2間唔睬老師. 咁即係唔係間間都唔睬人啦. 我仔都係選擇性睬人, 我地最心儀同想back up既kg都有offers, in between果d就唔睬人/唔係好睬人, 都係waiting囉. 我覺得係阿仔係度揀學校, 所以隨緣啦!

作者: JYP 時間: 12-12-9 08:42

提示: 作者被禁止或刪除內容自動屏蔽

作者: naughtybj 時間: 12-12-9 08:45 標題: 回覆：點樣令到一個interview唔肯講野嘅bb答老師問題呢？

提示: 作者被禁止或刪除內容自動屏蔽

作者: ta__ta 時間: 12-12-9 10:44 標題: 回覆：gllam 的帖子

in 得好唔好好睇小朋友當日狀態，仲有就係 in 佢的老師，始終interview 是互動的。有時小朋友就係唔鍾意 in 佢的老師都冇辦法。

我同意小朋友都會揀學校和老師。

作者: tobaby2010 時間: 12-12-9 10:45

見多d人同practice 下，if not, maybe this is his character. 有d 成績好去同uk cambridge 考入u 面試都failed. 但並不代表他唔醒。

作者: golfmama 時間: 12-12-9 11:00

不外乎：

1）利誘佢 ﹣ 答問題有玩具

2）恐嚇佢 ﹣你唔答問題無書讀，要去菲律賓讀架了

；嘩你睇下， O個個小朋友唔答老師問題比佢媽咪掉左落垃圾筒呀（唔好真係掉呀）
3）動之以情 ﹣﹣ 你係好叻家嘛，咁樣媽媽會唔開心。。。
4）勸服佢 ﹣ 不停同佢講要佢答問題（一日講到自已個攰為止）
5）訓練佢 ﹣係屋企同佢玩INTERVIEW 遊戲

作者: gllam 時間: 12-12-9 16:28

cycream 發表於 12-12-5 10:17
我見樓主你係另一個post話考4間, 有1間未in, 1間幾好既有offer, 2間唔睬老師. 咁即係唔係間間都唔睬人啦. ...

我諗你認錯人了，我除咗讀緊間pn可直升之外，今年考K1(主要係龍校)的都係全軍覆沒。我同意，小朋友也會自己揀學校，見interview個老師無咩笑容佢就回敬反佢haha
無辦法啦，P1又要上戰場啦😥

作者: Jane1983 時間: 12-12-9 16:50

回復 gllam 的帖子

無所謂啦！讀非龍校名幼都要打小一戰，盡左力，平常心就好。

作者: Nanasha 時間: 12-12-9 17:07 標題: 回覆：點樣令到一個interview唔肯講野嘅bb答老師問題呢？

會唔會係你唔覺意比左壓力佢呀？
同佢講係玩得唔得？

作者: gllam 時間: 12-12-9 17:18

回復 Nanasha 的帖子

你個B(icon photo) 好得意！^^我自己又覺得無喎！哈哈！小朋友諗咩真係好難估，我會綜合咗D意見，帶多D佢出街見下多D人

作者: ohdearcarol 時間: 12-12-9 20:58

我估你小朋友同我果個差唔多, 有D慢熱, 你知啦! 而家D幼稚園, 邊有時間俾你warm up? 你都未準備開始佢已經話ok, 遲D會有消息.

我覺得大多數小朋友都喜歡取悅大人, 所以我每次in完, 就算in得麻麻, 都會比較誇張咁大讚佢, 佢以為自己真係好叻, 下次自然會信心大增.

同埋我會同佢講, 個老師好lonely, 好想有小朋友同佢傾下計, 頭先有小朋友肯同佢傾計, 佢好開心, 話個小朋友好叻叻

, 跟住我個囝就會話, 我都叻喎, 我都同老師傾計. 入到去就會好D.

作者: melody228 時間: 12-12-9 21:08 標題: 回覆：點樣令到一個interview唔肯講野嘅bb答老師問題呢？

其實我小朋友都係咁架，佢鐘意間學校環境先會講野！我覺得去多啲面試係可以改善呢個情況的，至少我小朋友work。但另一方面，你小朋友都係揀緊一間佢鐘意的學校啫，千祈唔好太勉強同俾壓力佢~

作者: chacolmom 時間: 12-12-9 23:38

practise practise practise
my daughter interviewed at 4 KGs and went from not talking at all at the first interview to answer all questions at the last interview!!

歡迎光臨教育王國 (/)