教育王國

標題: 直資私校考不到, 如何同小朋友解釋? [打印本頁]

作者: 200709 時間: 12-12-4 11:54 標題: 直資私校考不到, 如何同小朋友解釋?

想請教你們是怎樣同小朋友解釋呢?

作者: matthew_mama 時間: 12-12-4 11:56

我直接話佢知

作者: easybring 時間: 12-12-4 12:05

考不到, 唔洗講. 等到最後9月讀果間再同小朋友講: 呢間係最好最適合的小學.

作者: skmibb 時間: 12-12-4 12:11

easybring 發表於 12-12-4 12:05
考不到, 唔洗講. 等到最後9月讀果間再同小朋友講: 呢間係最好最適合的小學. ...

嘻嘻！我都冇同阿仔講邊間收佢，邊間唔收。

作者: puibb 時間: 12-12-4 12:12 標題: 引用：考不到,+唔洗講.++等到最後9月讀果間再同小

原帖由 easybring 於 12-12-04 發表
考不到, 唔洗講. 等到最後9月讀果間再同小朋友講: 呢間係最好最適合的小學. ...

Agree, 小朋友好單純,你到時暑假同佢講佢將會入邊間小學就得,再同佢去兜過圈,講多d 小學生既開心生活,與幼稚園不同之處如老師要求,課程既野等等就得啦！家長至緊要positive ！

作者: 200709 時間: 12-12-4 12:15

我都係話要等到6月, 但因為佢有D同學都係考果D學校而被取錄,所以小朋友問我點解佢咁耐都未知結果.

作者: mk3288 時間: 12-12-4 12:15

忽略。相信小朋友的能力，千萬不要打擊他們的自信心。家長自己不放棄，小朋友才會有樣學樣。

作者: 朱寶 時間: 12-12-4 12:18

我仔有問，考唔到我會話，個間學校同你唔夾，做唔到friend，阿仔好明白，會講，原來如此

作者: purplemelody 時間: 12-12-4 12:29

回復朱寶的帖子

我的答覆同你一樣

作者: sammilcm 時間: 12-12-4 12:34

我同呀女講, 間間學校要求唔同, 你已經好叻, 我地只係去玩下, 出年就會有一間啱你嘅學校比你番學, 佢好ok. 因為佢間間都話like. 而且自己已中咗, 佢已經當自己要讀果間了. haha

作者: 小曳人 時間: 12-12-4 12:50

本帖最後由小曳人於 12-12-4 12:51 編輯

阿仔無問結果，反而會問仲有幾多次面試！
我問佢想唔想同細佬一間學校，因為e+同佢報嘅學校，唔一定會收細佬，如果要同細佬一齊，就出年6月再in一輪！
佢話唔想細佬咁辛苦...
佢好明白呢個遊戲仲有排玩，未有定論！

作者: 喵媽 時間: 12-12-4 13:22

我照同仔講, 佢冇2nd in既都有一題唔識答, 亦有話比佢知好多小朋友叻過佢乖過佢, 叫佢之後要比心機同有禮貌!
因為佢係一個唔提醒住就唔會認真既人...

作者: Gloriasogashiwa 時間: 12-12-4 13:28

如實告之, 他不會在意, 仲問幾時再有interview。

作者: tung0409 時間: 12-12-5 10:46

小曳人發表於 12-12-4 12:50
阿仔無問結果，反而會問仲有幾多次面試！
我問佢想唔想同細佬一間學校，因為e+同佢報嘅學校，唔一定會收細 ...

哥哥好錫細佬呀, 兄弟情深!
聽到佢講唔想細佬咁辛苦, 即反應出哥哥玩這GAME都玩得好辛苦, 真鄧依家的小朋友慘...
加油!祝６月成功，兩兄弟一定讀到同一間

作者: carchu12 時間: 12-12-5 12:48

本帖最後由 carchu12 於 12-12-5 12:50 編輯

我同亞囡講過，你入去面試之同時，我地會周圍看看或同老師傾下，看看是否一所最適合的學校給亞囡，因為一讀就6年，想搵一間最好既。

Rejected就找些一些合理的理由，解釋給亞囡，大家不適合

作者: busybees211 時間: 12-12-5 13:11

每次我去同女女去in, 只係同佢講去睇下間學校適唔適合你, 從來無講個result俾佢知, 我地也沒有train過佢...

當然, 結果考了3間無間收 ~ 收到reject信時, 我都有諗過係咪我地谷得佢唔夠? 但我都係相信我信念, 小孩子讀唔讀到書, 好大程度係天生的, 唔需要點谷.

但幸運地自行收了, 感恩!

作者: 小曳人 時間: 12-12-5 13:32

回復 tung0409 的帖子

係呀！我地一路只會問好唔好玩，就係無問辛唔辛苦
但一個鍾意玩問答遊戲嘅小朋友都覺得辛苦... 唉！
真係希望哥哥6月叩到間好學校！

作者: ilj 時間: 12-12-5 13:37 標題: 回覆：直資私校考不到, 如何同小朋友解釋?

提示: 作者被禁止或刪除內容自動屏蔽

作者: 四隻貓 時間: 12-12-5 13:41

我會如實告知. 同佢討論下原因.
我女好喜歡面試, 覺得好好玩. 所以佢聽到有2nd in 會好開心.但唔代表佢好想考到果間學校.佢只係喜歡參加面試.佢對面試結果失敗無咩失望.

最有趣係當佢知道SFA 最後唔收佢, 佢竟然係超級開心, 大叫"好野, 唔駛讀SFA"

作者: ysnmama 時間: 12-12-5 13:41

可以講。只要不是打擊他們便可以。漫漫長路，人生還有更多要面對。小小苦楚等於激勵。通常父母失落多於小朋友。只要父母能看開，就自然知如何跟子女坦白。

作者: 四隻貓 時間: 12-12-5 13:58

ysnmama 發表於 12-12-5 13:41
可以講。只要不是打擊他們便可以。漫漫長路，人生還有更多要面對。小小苦楚等於激勵。通常父母失落多於小朋 ...

同意呀, 總有要面對失敗的時候.
只要不是打擊他們, 不是因為reject 而怪責他們, 小朋友不會太難受的.
反而是家長的心情比較難以平伏.收reject letter 之後, 會懷疑自己的教育方法, 會懷疑孩子的能力.....
感覺真的很難受.

作者: hadwinboy 時間: 12-12-5 14:09

但樓主的意思是不是當考10間, 10間都reject 的時候, 一個offer 都冇的情況下如何同小朋友講呢. 我相信有offer 的 (就算得一個) 會比較容易同小朋友解釋(為什麼其他reject).

作者: fion_yinyin 時間: 12-12-5 14:25

我主張講實情俾小朋友聽。你唔講姐，但可能其他同班同學會講邊間邊間收左。

有d家長同小朋友講interview係去參觀學校，玩咩？參觀就唔會坐係到俾人問問題啦。你估你個仔/女傻嫁咩？

作者: Jane1983 時間: 12-12-5 14:29

看小朋友類型，除非系好低自信的小朋友，否則應該講給他知道，6歲都應該開始學人生道理。

作者: avaya 時間: 12-12-5 14:41

I have got 9 rejections. welll just tell them the school got lots of applicants and it is difficult to take all the students. There is nothing wrong with him/her. Let's look for another school that he/she may like. Just be positive. If you are not positive, you would spread all the negative energy to your kids as well.

作者: ha8mo 時間: 13-1-14 09:25

提示: 作者被禁止或刪除內容自動屏蔽

作者: mybabylove 時間: 13-1-14 10:52

依家未知結果，到6月派位先知，依家只係考試姐。

作者: 已刪除用戶 時間: 13-1-14 10:57

其實家長考咁多學校, 唔難發現, 原來每一間學校都有自己CULTURE, 亦有自己想收果類型學生, 所以"性格不合"既事情, 常有發生, 唔好覺得自己小朋友唔夠好, 直接同小朋友解釋, 學校/學生/家長大家都了解緊大家, 暫時仲未揀到最適合既, 不過媽咪會安排一間最適當既俾小朋友, 到時話佢知LOR

歡迎光臨教育王國 (/)