教育王國

標題: 男女校與淨女或男校，有咩野利弊?請比D意見我，唔該! [打印本頁]

作者: wwyee 時間: 12-12-4 11:52 標題: 男女校與淨女或男校，有咩野利弊?請比D意見我，唔該!

我自己都係男女校出黎，衹知道會好早就會談情說愛，其次既係會容易無心機上課。
而家到女女要升中，六年級睇好多愛情小說，上堂會寫紙仔，
有時見佢寫D野會提下D男生，所以好怕佢一上中學拍拖。
我有提過讀女校好，少D男女監'介問題，讀書會專心。
佢個反應係女校好多都攪基。
你地簡學校時有無諗過或有同樣問題呢?
你地小朋友有無自己決定讀淨校呢?你地有反對嗎?同埋係咩野理由呀

作者: winniebb30 時間: 12-12-4 12:52

本帖最後由 winniebb30 於 12-12-4 12:54 編輯

我係女校畢業的, 唔係好贊成讀女校, 因為我成長的過程中好少接觸男性, 畢業後一接觸男性就驚為天人, 唔係好識得睇男仔, 導致第一段婚姻失敗.
不過咁, 可能我呢d case只係好少數, 不過而家資訊咁發達, 就算讀女校都唔代表難識到男仔, 所以我覺得呢個唔應該係選擇讀女校或是男女校的原因. 應該睇校風同埋啱唔啱你個女讀.

作者: smallfoothk 時間: 12-12-4 12:52

想得太多了,唔通男女校冇攪X嗎?淨女校放學見有男朋友等候,或男校放學去識女仔,手拖手,如唔小心造了人仔比攪X???(這問題不用答)講錯匆插

只想男女校與淨女或男校入學機會率好過....,

作者: wwyee 時間: 12-12-4 13:00

就係而家D青少年諗咩，我地都估計唔到，係青春期就有好多呢D野發生至

其實以校風，淨女校真係差極有限，除非鄰近又有間男校啦!

作者: winniebb30 時間: 12-12-4 13:08

回復 wwyee 的帖子

咁咪選擇女校囉

作者: fion6406 時間: 12-12-4 13:23

smallfoothk 發表於 12-12-4 12:52

只想男女校與淨女或男校入學機會率好過....,

同意。
我讀男女校，也有讀完7年中學讀埋大學仍然都未拍過拖的男性或女性同學。我弟弟男校，我妹妹女校，都無交友問題。睇每個人性格啫....
我大仔升中，可能未到青春期，基本上對讀男女校/男校都無乜所謂，都係憑我灌輸俾佢既概念，佢會識話報男校競爭細D。

作者: Yanamami 時間: 12-12-4 13:31

參考下:

http://www.edu-kingdom.com/forum ... 7%E5%A5%B3%E6%A0%A1

http://www.edu-kingdom.com/forum ... 7%E5%A5%B3%E6%A0%A1

作者: STH920 時間: 12-12-4 13:39

我都係讀男女校的, 感覺會對兩性的看法和接觸平衡些. 我都係畢左業先拍拖. 依家我仔仔選中學, 都係持平心態幫佢選, 當然我亦希望他入男女校多些.

反而我細佬以前讀男校的, 他就忠告我千萬不要俾個仔讀男校.

作者: mhv_woman 時間: 12-12-4 13:50

本帖最後由 mhv_woman 於 12-12-4 13:51 編輯

少年十五二十時, 作為家長其實都經歷過.
中學時期身體開始發育, 對異性有興趣係好自然的事情, 好多事情不要以為禁止打壓就可以改變

作為家長, 只可以盡量降低發生問題的機會, 讀齋校就可以降低中學時期談戀愛的機會

而且比起男女校, 抽到機會比較高
另外, 假設有一半是男女校, 一半是齋校, 如樓主所言, 如果齋校會變同性戀, 豈非全港有一半人是同性戀

作者: e12340 時間: 12-12-4 14:13

I argee......

作者: readers 時間: 12-12-4 22:30

回復 STH920 的帖子

為什麼不要讓仔仔讀男校？

作者: readers 時間: 12-12-4 22:37

我個女不想讀女校，我會尊重她意見，始終是她去上學不是我，心深處也覺得讀男女校身心成長比較平衡，我以前也讀男女校，也沒有在中學拍拖，男孩子的豪爽和大氣量倒值得沾染。

作者: LOVELY-BABE 時間: 12-12-4 23:06 標題: 回覆：男女校與淨女或男校，有咩野利弊?請比D意見我，唔該!

我有個朋友做社工，他讀男校出身，他叫我為仔仔讀男校無疑會專注些，但始終在社交人際関係上怎也不及男女校般均衡發展！所以他贊成男女校會好些

作者: bing-jing 時間: 12-12-5 00:48

讀單性學校，做父母會比較容易掌握小朋友在青春期的感情變化

至於交朋結友，其實亦唔限於學校 : 聯校活動、義工服務、教會聚會 ....... 都有機會結識異性，既然係，咁點解唔比讀書個陣可以單純 D 呢？

作者: chanwendy 時間: 12-12-5 11:22

我自己讀女校, 對女校唔反感, 女校的女仔會比較獨立, 硬淨好多. 有冇同性戀同拍拖就間間學校都有, 我讀書時都有聽見, 但真係為數唔多, 讀到書的大部份都係入到大學後才拍拖的. 我都識人讀男女校, 但去到廿八九歲先第一次拍拖, 更加識一個三十幾歲都仲未拍過添. 不過如果女女抗拒女校, 就唔好迫佢喇, 否則佢會因為唔鍾意學校而無心向學的.

作者: mhv_woman 時間: 12-12-5 11:51

當年小犬都唔鍾意讀齋校, 但係我堅持一定要佢讀, 佢成日話要轉去同區的男女校

最近再問佢同一問題, 佢話千祈唔好轉, 佢不知讀得幾開心

作者: dlh525 時間: 12-12-5 13:09

雖然我小朋友不是今年考中學, 但我都有問過佢意向, 佢偏向男女校, 佢解釋男仔玩起上來爽快啲(我小朋友好運動型, 喜歡球類運動, 跑跑跳跳), 而且我自己都是讀女校, 我覺得你所擔心既問題, 那裡都會發生. 好睇小朋友性格同你如何引導佢, 始終佢係6年用家, 我都會尊重佢意向的.

作者: YanYan0116 時間: 12-12-5 13:13

我只是想, 女生入女校, 少d人爭.

作者: hadwinboy 時間: 12-12-5 15:40

我讀 band 1女校, 當年同性戀情況有, 是公開的秘密, 在校內一對一對的. 到畢業了有些變回異性戀, 也有些繼續下去. 另一方面, 也有同學一早就拍拖仲攪大埋個肚. 我也很早拍拖 (中二), 拖手仔是附近的英皇仔 (應是男校). 所以, 讀男或女或男女校都冇問題, 最緊要是家庭教育. 到而家我個仔(升小一), 佢由細到大都同女仔相處得較好, 也一早表態只讀男女校(或女校), 所以除非DBS 收, 不然的話都會揀男女校給他. 不過會早少少灌輸定正確的性知識給他.

作者: cellon 時間: 12-12-5 18:00

wwyee 發表於 12-12-4 11:52
我自己都係男女校出黎，衹知道會好早就會談情說愛，其次既係會容易無心機上課。
而家到女女要升中，六年級睇好多愛情小說，上堂會寫紙仔，
有時見佢寫D野會提下D男生，所以好怕佢一上中學拍拖。
我有提過讀女校好，少D男女監'介問題，讀書會專心。
佢個反應係女校好多都攪基。...

「女校好多都攪基」？
令千金可能未清楚甚麼是「攪基」。

作者: Pennydorathy 時間: 13-3-3 17:06

本帖最後由 Pennydorathy 於 13-3-3 17:14 編輯

我小五時已鍾意一個男生，我們正想開始發展，遭到爸爸和他家人的阻撓，這次令我感到...。我女兒小二開始已有男同學鍾意她，可能她玩得，她清楚知道不應該太早談戀愛，因為我時常和她講，她現小六，她好想讀女校，我故意問她會否擔心識吾到男仔，她安慰我不用太擔心，因為同學們有兄弟，課外活動又可以，讀大學有....
其實吾驚識吾到，只怕吾識揀。所以我們做父母的要多關心她們的成長，認識她的同學朋友，讓她暸解自己幾時需要男朋友和那類才適合她。我有些朋友們和同學結了婚，她們的青少年時期一起渡過，直至現在還很恩愛啊！

歡迎光臨教育王國 (/)