教育王國
標題: 囡囡係學校唔開心! [打印本頁]
作者: echo_ngau 時間: 12-12-4 01:16 標題: 囡囡係學校唔開心!
小女今年一年班,最近周不時就話係學校好唔開心,冇同學仔同佢玩。大驚!因小女性格小八卦,主動型的,追問囡囡點解?囡囡就解釋,事由早之前在課室有一次默書,佢前邊的同學仔就擰轉頭來抄佢個答案,阿囡就話咗比老師聽,之后個同學仔就開始唔同囡囡玩了,最緊要係囡囡同其他女仔一起玩,佢都要走過去推開阿囡,不比一起玩!!
本來囡囡同我講咗之后,我都教佢算了,唔緊要了。但連續這樣(推開阿囡,不比阿囡同D同學仔玩)己經有成個月了。搞得我都好唔開心。我不指意阿囡系學校成績點樣,但是基本的開開心心上學都冇。我真是好擔心。我應該點微呀?或者應該教阿囡點做呀?有冇媽咪教下路呀?唔該哂!!!
作者: 小露比* 時間: 12-12-4 07:49
班入面咁多同學仔,同每1個玩,果個都走去推開嗎
作者: Yanamami 時間: 12-12-4 07:55
本帖最後由 Yanamami 於 12-12-4 07:55 編輯
呢d野女仔堆常有, 小圈子排擠是非埋堆杯葛...etc, 唔止P1, 一直升上去仲越來越多. 識下隔離班既同學, 甚至同男仔玩, 都OK la. 無理由全級同學都听佢話既.....呢d事小朋友要學下解決.
作者: 梁媽媽 時間: 12-12-4 08:44
我都知有時係要比佢地自己解決/ 面對, 但因你女才小一, 開學幾個月, 有冇機會向老師反映一下呀? 我知道好多學校的家長都可以放學後打下比老師的, 因為你女才進入小一幾個月, 以前在幼稚園的世界會友善好多, 而家一入到小學就比人咁對待, 我會打比老師 "傾" 下羅, 講下比老師聽亞女呢排話返學唔開心, 以免太過影響亞女學習 / 適應的情緒, 我相信好多班主任都唔會嫌你架, 家校合一丫嘛, 你向老師反映下, 等老師在學校幫你留意下都好。
作者: Kalongmama 時間: 12-12-4 08:49 標題: 回覆:囡囡係學校唔開心!
我仔仔內向,上小一擔心佢唔識主動結識同學。
朋友教路帶D小食請同學仔食,可以令佢多D機會認識同學。

作者: Mighty 時間: 12-12-4 11:04
完全不賛成用小食!!
作者: JoeyJoey 時間: 12-12-4 11:20
如果我係你,我會叫囡囡唔需要介意,仲會建議佢不如小息時做功課或睇圖書!
小朋友久而久之,就好快淡忘,到時又玩埋一堆.
作者: cpcog 時間: 12-12-4 12:36
本帖最後由 cpcog 於 12-12-4 12:38 編輯
I am worried about my daughter's social skill too. I found out that she is always alone at school even she claims she has a few boy friends. In fact I don't mind her playing with boys but I am scared that the boys won't want to be her friends later. (it is common for children to divide into boys and girls once they reach a certain of age. sigh...) It means she would be left out totally then...
I know adults can't do anything to help while it is somethings they must learn and deal with by themselves. :(
Teachers said she has no problems in class and no children complain about her. However, they might not notice the condition outside the classroom.
作者: kin818kin 時間: 12-12-4 12:50
你要同個女講佢無做錯,不用怕惡人,只要自己不存惡心,對人真誠,其他同學遲早都會知道佢為人,無須擔心。
你亦都要教個女自我保護,不可讓對方得寸進尺,如果對方太過份一定要懂得求助。
作者: Meikin 時間: 12-12-4 13:26
其實還是初小, 又唔洗咁擔心喎, 不過要留心觀察下, 如果發現小三以後情況仍沒改善, 又或是仇人多朋友少, 那就要看看是甚麼問題了.
我細仔由幼稚園都小三都係"獨家村", 在學校自己班內很多主動跟同學埋堆交談, 即使去學校旅行, 佢都鍾意自己走去玩吹波波或看風景, 如果不是他平時在或在學校有跟哥哥或哥哥的同學玩, 我都以為佢是有問題. 我觀察多年, 發覺原來他是那種好有自己一套的人, 不啱傾就唔傾, 也不需要埋堆, 自己玩也自得其樂; 佢可以在小息同高幾年級的學姐share reading一本故事書 或 走去高兩年級班房找哥哥的同學傾BS Card/鉈鑼......終於小四以後, 他開始識到啱key的同班同學, 變佢口水佬, 連上堂有時都偷偷傾計添. 
作者: echo_ngau 時間: 12-12-4 19:11
囡囡果間是女校。好多F勸我遲D就會好了。小朋友的嘢好快過的,如果一路keep住咁樣,要我同老師溝通下,我又驚出動到老師就將成件事正式化了。老師如果同對方家長講返,個家長會好尷尬,我又覺得唔係几好意思。
作者: Jane1983 時間: 12-12-4 19:59
都一段時間,同老師傾吓,疏導吓。
比人杯葛同孤立,大人都難受,何況小朋友。
作者: nakoko 時間: 12-12-5 09:23
echo_ngau 發表於 12-12-4 19:11 
囡囡果間是女校。好多F勸我遲D就會好了。小朋友的嘢好快過的,如果一路keep住咁樣,要我同老師溝通下,我又 ...
凡事兩面睇,我就一定會搵班主任傾,等老師去同佢兩個傾下當中發生乜野事,待老師去化解,一上小學就被同學杯葛,不及時處理,女女就會漸漸變成被杯標籤,再講,我相信老師不會偏信一方的,即係唔會信晒你女所講前面同學偷睇佢而導致事件起因,所以你不需擔心老師會同對方家長講因為咁既原因,老師係同學與同學以及家長間的一度橋樑,而且呢件並唔係小事,一定要同老師傾下,你是女女的榜樣,有事一定要教她如何面對及處理,而不是做縮頭烏龜忍氣吞聲呢!!
作者: idy926 時間: 12-12-5 10:54
本帖最後由 idy926 於 12-12-5 11:00 編輯
同邊個玩都會比佢見到?給予安慰同精神支持,傾下點處理,等小朋友自已返去解決,對她成長有裨益;我女小一時都有個好好的同學,但吾知何故佢地互嬲了,個女仔叫其他人吾同我女玩,有些真係聽佢話,我女好嬲,傷心,同我申,仲喊,但我安慰佢,同佢傾,提議下,不如make多d 其他friend,佢點阻到咁多呢?
果然好快我女就好多其他朋友,足足兩年,我女再見果個女同學都面左左,相方家長碰到都無奈,因大家個女都係硬頸,順其自然啦....直至今年join BD party相遇,又自然一齊玩返囉。。。。我相信遲些不是個個都聽佢點,一路成長,思想較成熟的就吾會咁易比人左止同邊個玩㗎啦!
不過郁手郁腳推人這點我會同老師反映,因涉安全問題!
作者: karenlyk 時間: 12-12-5 13:10
我個女小一都試過同同學有小問題,佢覺得好唔舒服,我叫佢自己同老師講.,過咗幾日佢都冇行動,我就打電話俾老師,請老師留意但唔需要同亞女傾,留待亞女自己講.最後,老師過幾日有同佢哋傾,之後就冇事.
作者: cclbaby 時間: 12-12-5 13:29
試下同班主任傾一傾, 你可以叫班主任先同兩位小朋友了解一下發生咩事, 可能班主任解決到就唔駛煩啦﹗
作者: Haz-mama 時間: 12-12-5 13:39
找老師傾下, 未嘗是一件壞事, 因為"社交"或多或少都會影響小朋友的學業, 加上天天見面, 日日如是, 對小朋友心理也不太好吧! 最緊要改善小朋友之間相處態度, 如果你唔想老師找對方家長, 也可以直接叫老師跟那位同學傾下..
作者: sammilcm 時間: 12-12-5 14:55
找老師傾下. 而且要解釋比女兒知, 不是她的問題, 所以不用放在心. 我想依個是大多人一定會經過的階段, 父母都幫唔到D咩, 只可以從旁解釋, 人與人相處的問題, 是一個好深嘅學問, 大人都未必HANDLE得好. 要小朋友明白, 人有好多種嫁, 如果自己有POINT, 就要勇敢面對.
小朋友會好快唔記得, 唔好太擔心呀.
歡迎光臨 教育王國 (/) |
Powered by Discuz! X1.5 |