教育王國
標題: 沙田培橋的優點與缺點 [打印本頁]
作者: chanivan 時間: 12-11-30 21:43 標題: 沙田培橋的優點與缺點
]本人只知培橋是英普, 一條龍直資, 想知道它的 優點與缺點
謝謝
作者: wing.2bb 時間: 12-12-6 13:41
Help Push!!
作者: amychan13 時間: 12-12-6 13:43
中學成績一般, 及嚴重染紅.
作者: woostock 時間: 12-12-6 13:49
amychan13 發表於 12-12-6 13:43 
中學成績一般, 及嚴重染紅.
點樣嚴重染紅? 比d實際例子。thanks
作者: COE1205 時間: 12-12-6 14:20
amychan13 發表於 12-12-6 13:43
中學成績一般, 及嚴重染紅.
點染紅?點紅法?
作者: happyvv 時間: 12-12-6 14:23
我都想知
作者: ccycsy 時間: 12-12-6 14:31
amychan13 發表於 12-12-6 13:43
中學成績一般, 及嚴重染紅.
作者: jswailam928 時間: 12-12-6 14:33 標題: amychan13 的帖子
我都好想知？
作者: JadeW 時間: 12-12-6 15:35
本帖最後由 JadeW 於 12-12-6 15:36 編輯
回復 amychan13 的帖子
中學點樣先算成績一般?
點樣先算優異?
請給具體實質數據支持.
學校你覺得佢點紅法?
請舉實際例子!
作者: patrickBB 時間: 12-12-6 15:44
回復 amychan13 的帖子
沙田培僑書院成績點樣一般呢? 可以講清楚嗎 ?
點嚴重染紅呢 ? 有幾嚴重 ?
有實際例子嗎 ?
作者: 坎蒂絲媽 時間: 12-12-6 16:12
回復 amychan13 的帖子
成績點樣定好定唔好呀??
點解你會覺得嚴重染紅呀?
何以分享一下MA???
作者: angelinama 時間: 12-12-6 16:20
中學部(中一)剛剛在本周二拿了校際朗誦節冠厙咗喎, 所以我都想知中學點樣成績差法喎??!!
作者: wing.2bb 時間: 12-12-6 16:23
回復 amychan13 的帖子
Can you raise out more solid supporting of your comment?
作者: lazyqueen80 時間: 12-12-6 17:05 標題: 回覆：沙田培橋的優點與缺點
一有人問培橋，緊有d唔知係咪用家嘅人走出黎講d無證無據嘅野，大家有權唔鍾意呢間學校，但自由討論嘅時候都請尊重下間學校嘅老師、家長、學生。唔該！呢d咪真正嘅洗腦，一聽到培橋就話染紅、成績唔好、品行唔好等等，唔分析、唔睇事實、只知因為憎而憎。請去學校睇下佢嘅學生同埋數據先講，再分析。我係準用家，希望為小朋友揾龍校，一讀可能十二年，所以我都做左好多資料搜集。
作者: DiamondHill 時間: 12-12-6 17:18
在這裡說什麼, 總有支持及反對,我收到朋友FORWARD比我今年OPEN DAY 時影下小一教學內容, 我看後, 本人覺得有染紅色彩, 這是本人感受, 不用質疑我!
也不用回應我.
作者: monkichi_mama 時間: 12-12-6 17:32
回復 DiamondHill 的帖子
DiamondHill,
沒有人質疑你.
大家只是想了解多些, 所以給意見時最好有實例說明吧了.
因我也是準用家, 所以很想知道你說的小一教學內容有染紅色彩是什麼.
請問可否POST出來給我參考? 謝謝 !
作者: patrickBB 時間: 12-12-6 17:54
要看你應為什麼是紅 ? 紅是好是壞 ?
如果講中國國情, 中國文化是紅的話, 培僑書院一定有這些紅,尢其培僑有中國藝術科, 教詩詞、歌、童搖、相聲、京劇等等
同一樣事, 放在不同學校,因為偏見,感覺都會不同.
作為家長, 因為自己偏見影響其他小朋友, 點做身教呢?
批評都要有事實根據.
己所不卻 勿施於人!
作者: woostock 時間: 12-12-6 17:55
DiamondHill 發表於 12-12-6 17:18
在這裡說什麼, 總有支持及反對,我收到朋友FORWARD比我今年OPEN DAY 時影下小一教學內容, 我看後, 本人覺得 ...
因為我地都係準用家, 現階段都係資料搜集中, 可否講下小一的教學內容, 好等我們這班準用家考慮考慮。
作者: JadeW 時間: 12-12-6 17:56 標題: 回覆：DiamondHill 的帖子
有人喜歡，都實有人吾喜歡！
但所回應的內容就代表了個人的意見，回應的態度就代表個人的修養。
希望你找到你鍾情的學校，而你鍾情的學校亦同樣接受你。
最緊要吾好吾鍾意又讀就得啦！
作者: JadeW 時間: 12-12-6 18:06 標題: 回覆：woostock 的帖子
你想知教學內容，可在培僑書院專頁問，列出你的具體問題，其他家長才知道你想知什麼，再去回答你！
作者: lazyqueen80 時間: 12-12-6 19:00 標題: 回覆：沙田培橋的優點與缺點
其實咩叫染紅 ？係咪小小中國文化都唔接觸得？校方講明中文用內地教材，但已翻譯成繁體文，同時解釋左原因，因為呢套書文字優美。講返培橋優點先，我末係正式家長，所以只可以分享朋友小朋友嘅個人感覺，同埋網上資料加個人睇法。由我大仔入幼稚園後，開始睇小學資料，但我住九龍，所以唔識呢間學校，直到朋友小朋友上年話考到，問我地識唔識先知呢間學校，我又上網睇下資料，評價好壞參半，但對於換校長之後似乎評價高左，搵下溫校長嘅資料，知佢係過往中學推全語文效果好好，我又去研究下咩係全語文，即係你學果種語言你要有果種語言嘅環境，透過閱讀學習語文，於日常生活可以運用，重寫作。咁我自少培養仔仔閱讀都係想要呢d,所以揀培橋。到開學兩個月後，問朋友女兒嘅情況，佢話比想像中校方對紀律要求高，同埋家長係要跟小朋友學習進度，上網溫習，但佢個女好鍾意返學、睇書同溫習，純粹朋友講。缺點，睇校務報告同展望都知，校方好清楚自己問題，寫出學校改善方向。上次仔仔第一次面試，家長要等小朋友一個鐘，校方安排左家長答問大會，家長嘅問題，三個副校大大方方答，有家長問國民教育，其中一副校話有，一早就有國民及德育組，重視小朋友德育，學校需要教國程，例如南沙群島，作為菲律賓政府點睇，中國政府點睇，小朋要學分析。有家長問收生要求，副校話揀S. M. A. R. T 嘅小朋友，佢有逐個字解釋(好似校務報告有寫），另一個副校就講一條龍上中學，同埋學校有拔尖補底，不過內容唔係好記得晒，因差唔多接面試完嘅仔仔，呢個家長答問大會，個個家長聽完有唔同感受，而我好欣賞校方咁開放任家長問。
作者: MATTHEWLOK 時間: 12-12-6 19:35 標題: 引用：其實咩叫染紅+？係咪小小中國文化都唔接觸
原帖由 lazyqueen80 於 12-12-06 發表
其實咩叫染紅 ？係咪小小中國文化都唔接觸得？校方講明中文用內地教材，但已翻譯成繁體文，同時解釋左原因 ...
我都有聽呀！我覺得培僑是一間好有heart的學校
作者: lazyqueen80 時間: 12-12-6 21:41 標題: 引用：要看你應為什麼是紅+?++紅是好是壞+?如果講
原帖由 patrickBB 於 12-12-06 發表
要看你應為什麼是紅 ? 紅是好是壞 ?
如果講中國國情, 中國文化是紅的話, 培僑書院一定有這些紅,尢其培僑有 ...
作者: PoohsBaby 時間: 12-12-6 22:31
Agree. Pui Kiu College is becoming a very good school. The new Principal has 'heart' to improve
the school.
作者: ccycsy 時間: 12-12-7 11:38
lazyqueen80 發表於 12-12-6 19:00
其實咩叫染紅 ？係咪小小中國文化都唔接觸得？校方講明中文用內地教材，但已翻譯成繁體文，同時解釋左原因 ...
這些就叫了解, 理解後才對學校作出的評價, 其實我作為培僑的家長, 有時見到一些完全是道聽途說或根本不是培僑家長的人在胡亂評批學校(先聲明不是作出批評我們作為家長就接受不了,而是在批評的時候一定要有事實根據才能為人所接受).
我的小孩在培僑讀了幾年書, 自問真的不覺得有什麼染紅, 每次派發的教材我都會全部看一次, 教材所教的文章大都是描寫四季景色, 人物心裡, 世界名人及德育方面, 文字真的很精美, 朗誦起來很好聽, 如果這也叫"染紅", 那學校應該採用什麼教材去教小朋友學習語文和寫作? 讀三字經, 唐詩染紅了什麼? 樂器有中樂, 又染紅了?
人一生中會遇到很多不同的事情, 我個人覺得不能人雲亦雲, 自己要有判斷力, 否則祗會將自己圈在一個很小很小的地方.
作者: happyvv 時間: 12-12-7 11:43
ccycsy 發表於 12-12-7 11:38
這些就叫了解, 理解後才對學校作出的評價, 其實我作為培僑的家長, 有時見到一些完全是道聽途說或根本不是 ...
thanks for your info. 請問數學科係咪都用普通話教?
作者: DiamondHill 時間: 12-12-7 11:49
相信自己的選擇吧! 每人把呎無可能是一樣........
作者: ccycsy 時間: 12-12-7 11:54
回復 happyvv 的帖子
數學科用普通話教.
作者: ccycsy 時間: 12-12-7 11:59
DiamondHill 發表於 12-12-7 11:49
相信自己的選擇吧! 每人把呎無可能是一樣........
當然相信自己的選擇, 因為我是培僑學生的家長, 自己的感受就是事實的根據!
作者: happyvv 時間: 12-12-7 13:50
ccycsy 發表於 12-12-7 11:54
回復 happyvv 的帖子
數學科用普通話教.
咁會否很吃力?
作者: ccycsy 時間: 12-12-7 14:37
happyvv 發表於 12-12-7 13:50
咁會否很吃力?
數學課方面, 在剛開學的幾個月內老師會兼用廣東話進行授課, 目的就是讓學生能有一個過渡期適應, 之後便全面用普通話授課. 家長可以放心, 小孩學習語言是很快的, 他們會聽得懂.
作者: JadeW 時間: 12-12-7 16:01 標題: 回覆：ccycsy 的帖子
我覺得優點係資源很充足，例如：圖書館及每班都有很多不同的書，每星期小兒會拿到2本不同的英文圖書，中文暫時是一個月一本，給小孩閱讀！
不單止注重培養學術，亦注重體藝音樂。注重既意思吾係叫家長自行出外修讀有關課程，而是在校內有專業導師教授，樂器、體育、藝術都是專科專教。例如：小兒在幼稚園的運動一向不太好，不太會拋波接波，單腳企等都很笨拙，但上小學後，老師竟然在這三個月間教會他接空中拋波，前滾番，呼拉圈等，動起來也變得靈活很多了。
作者: lazyqueen80 時間: 12-12-7 17:35 標題: 引用：我覺得優點係資源很充足，例如：圖書館及每
原帖由 JadeW 於 12-12-07 發表
我覺得優點係資源很充足，例如：圖書館及每班都有很多不同的書，每星期小兒會拿到2本不同的英文圖書，中文 ...
希望小朋友可以全面發展。我朋友個女讀緊，佢話中文偏深，請問家長覺得呢？同埋我唔識普通話，我個仔靠上堂學得唔得？要唔要揾人補普通話？一班兩個班主任係咪對小朋友真係好d？
作者: 海豚仔 時間: 12-12-7 18:13
本帖最後由 海豚仔 於 12-12-7 18:13 編輯
睇過一,二年級既課本, 再對比傳統學校既課文, 培僑中文真係好深
作者: babycreamy 時間: 12-12-7 18:28 標題: 回覆：JadeW 的帖子
同意呀，我就係鍾意佢地上午上中英數，下晏就會活動d，有performing arts。我想小朋友吾會掛住讀書law...
作者: ilj 時間: 12-12-7 18:42 標題: 回覆：沙田培橋的優點與缺點
提示: 作者被禁止或刪除 內容自動屏蔽
作者: mirage 時間: 12-12-7 19:24
培橋書院是苗正根紅的愛國學校，是優點也是缺點。
作者: aleelee 時間: 12-12-7 19:29 標題: 回覆：沙田培橋的優點與缺點
數學是中數?,因為佢地係英小，以為係英數！
作者: JadeW 時間: 12-12-8 21:39 標題: 回覆：ilj 的帖子
英交程度我覺得都不錯。小一要每天看書寫讀書感想，日記寫作，教拼音+文法，按主題教授英文校本課程。小一到現在文法教了article, singular/plural, past tense, personal pronouns, concept of verbs, nouns, adjectives. 評估有一部份是要小朋友用正確的標點及大小寫以過去式寫5句句子。考的文法不是很深入，是基本的知識為主，小孩大都可以應付。
有關普通話教中文，學校教的很好，很標準的讀音，但進度也算快，三個月內教完所有拼音。如沒有基礎，應也可跟上，但要父母協助跟進。如父母吾識，最好宜家報下課程，易些適應當然最好。
作者: JadeW 時間: 12-12-8 21:47 標題: 回覆：lazyqueen80 的帖子
暫時覺得小一中文課程的課文的確有些深，不是字深，而是文體深，吾太似香港的中文課本。例如：會有好多陽光像金子，月亮是彎彎的小船，影子像小黑狗呢類比喻既文體。
我仔開學一個月後已經停左上普通話班，因學左大半年，學校教左一個月已經追過左，之後亦跟到就冇再上，只靠學校教既都跟到冇問題。
作者: sillyding 時間: 12-12-11 17:10
英文/中文口語能力好, 但可惜學術方面, 到新校長出現才開始有點好轉, 但已讀幾年的學生, 到底日後能否與其他學校學生於公開試競爭, 很是保留! 希望尚有時間改善! 不要害了那些孩子! anyway, 一直都沒有做功課/讀書壓力, 那些不想理會子女讀書成效的家長最愛!
作者: miuchung 時間: 12-12-11 17:22
死勒，比人話我係不理孩子成績的家長添﹗
作者: A-Mum 時間: 12-12-11 17:41
回復 sillyding 的帖子
有需要講到咁 mean 嗎？！
我地讀咗幾年，兩位校長我都好尊敬架，不但無害過我個小朋友，反而幫佢增值咗好多。學校少壓力，唔代表無嘢教無嘢學。如果覺得自己小朋友係要高壓先肯學嘢，咪揀第二間學校囉，呢套教法唔適合你，都可以適合其他人嘛。
作者: ckagi 時間: 12-12-11 18:09 標題: 回覆：沙田培橋的優點與缺點
其實好老實講，好與唔好，真係好個人的，我話好，緊有人話佢唔好，緊有人話呢間仲好，嗰間仲好，手上有offer 的，有權揀，無offer 的講乜都無用，其實每個家長都係報哂咁多間架喇，中左兩間以上你先會去揀邊間好邊間唔好，如果得一間中嘅話，你都唔會唸其他，即刻去交留位費啦，唔中嘅講乜都無用，最重要係揀一間你認為適合你小朋友便是，我個人覺得pk 是一間幾好嘅學校，雖然我最後都無揀佢，但係我唔揀佢嘅原因，係因為我覺得另一間更加適合我個女
作者: ckagi 時間: 12-12-11 18:13 標題: 回覆：ckagi 的帖子
重點不是好定唔好，而係適唔適合，起初我都係好着重邊間好邊間唔好，但經過小女今次入學經驗後，我觀點改變了，係適合定唔適合
作者: lazyqueen80 時間: 12-12-11 22:25 標題: 引用：英文/中文口語能力好,+但可惜學術方面,+到
原帖由 sillyding 於 12-12-11 發表
英文/中文口語能力好, 但可惜學術方面, 到新校長出現才開始有點好轉, 但已讀幾年的學生, 到底日後能否與其 ...
作者: JadeW 時間: 12-12-11 23:18 標題: 回覆：sillyding 的帖子
已經有公開試成績結果，吾使估估下！又講害到人咁！
作者: chanwingyin 時間: 12-12-11 23:21
any comparsion for 福小 ?
作者: patrickBB 時間: 12-12-12 09:17
sillyding 發表於 12-12-11 17:10
英文/中文口語能力好, 但可惜學術方面, 到新校長出現才開始有點好轉, 但已讀幾年的學生, 到底日後能否與其 ...
我同意俾小朋友考得直資唔理極都有限. 爸爸媽媽係自原選擇呢間學校. 點解講到學校會害人 !
作者: sillyding 時間: 12-12-12 14:14
本帖最後由 sillyding 於 12-12-12 14:15 編輯
我沒有意思要傷害任何人或要中傷學校, 只是把一些情況說出來, 有時真相不是你我所說的便是絕對, 大家都可以有自己的意見, 是嗎? 我也不覺得自己的意見是絕對全面, 當然間間學校, 也有很多"特別的好"或"特別的差"的東西, 但我這樣說出來, 只是把我見到的, 在這裡提出一下! 我問心無愧! 有些事情都不能只是單單唱好罷! 況且我對此學校或今年升學是完全沒有任何利害關係, 我都只是付合題目所要求, 說出"正負"意見而已! 如果認為我的意見是"不知所謂", 就請不要理會, 家長們又何必動氣?
作者: JadeW 時間: 12-12-12 15:21
本帖最後由 JadeW 於 12-12-12 15:31 編輯
咁我都希望家長講野既態度最好可以去改善下, 亦尚有時間改善啦! 不要害了孩子!
我沒有意思要傷害任何人, 只是把一些情況說出來, 有時真相不是你我所說的便是絕對, 大家都可以有自己的意見, 不是嗎? 我也不覺得自己的意見是絕對全面, 當然人人也有很多"特別的好"或"特別的差"的東西, 但我這樣說出來, 只是把我見到的, 在這裡提出一下! 我也問心無愧!說不同的意見, 都有很多不同的方法! 而我認為好多家長表達自已意見時,好似覺得完全不需負任何責任的。而我因此,也改了一下家長所說的東西, 說出"自己的"意見而已!
如果認為我的意見是"不知所謂", 就請不要理會,大家都不必動氣?!
作者: 四隻貓 時間: 12-12-12 15:22
之前有一位培僑家長講得好好,原文找不到, 佢大概係話: 其實無論傳統定活動教學, 想小朋友學習得好, 家長都係要付出的. 只不過個方法唔同.活動教學有d無分無考試, 有些家長會覺得唔踏實, 無野可以跟進到. 教既范圍非常廣闊, 家長想幫忙溫習難度可能更大. 所以家長一定要想清楚, 唔好以為活動教學= 唔駛做好輕鬆.活動教學既家長可能更辛苦.
傳統學校既教法大家都經歷過, 詳情係非常了解, 所以想跟都跟得比較貼近, 有分數有名次, 肯背肯做就唔會衰得去邊. 活動教學就唔同, 俾你open book exam, 唔識分析同寫文, 你都可能唔合格.
最緊要知自己要咩, 揀0岩自己既野.
作者: ccycsy 時間: 12-12-12 15:42
其實有些家長是知道培僑辦學辦得怎樣的, 祗是心裡已認定她是一所"紅"學校, 所以反應特別大, 這種心態我們能理解. 但是在評論一間學校時所用的語氣和態度素質是否可以提升一下? 我暫時還沒聽過哪所學校害學生.
小孩在學校能否取得好成續的關健不在學校, 應該是學校和家庭配合教導他們, 他們在學校學習了知識, 回到家裡不溫習, 不預習, 不閱讀, 不運用, 成續能好嗎? 所以說家庭的角色相當重要!
我這樣說未必合你們的意, 但這話是真心的!
作者: patrickBB 時間: 12-12-12 16:10
sillyding 發表於 12-12-12 14:14
我沒有意思要傷害任何人或要中傷學校, 只是把一些情況說出來, 有時真相不是你我所說的便是絕對, 大家都可以 ...
依家唔係唱唔唱好既問題. 說出意見都應有事實為基礎.
你又唔係家長, 又同學校無關, 但係又講到學校害人, 家長不理會子女
讀書成效, 真奇怪!
作者: JadeW 時間: 12-12-12 16:35
本帖最後由 JadeW 於 12-12-12 16:36 編輯
回復 sillyding 的帖子
OOH 原來呢位家長係新會員黎嫁.......
吾知點解......我個腦又自動浮現左幾個字出黎添
作者: ii323 時間: 12-12-12 16:53
JadeW 發表於 12-12-12 16:35 
回復 sillyding 的帖子
OOH 原來呢位家長係新會員黎嫁.......
神槍手 / 定係WAITING緊的心急人呀?
作者: sillyding 時間: 12-12-12 17:00
我摰親及朋友孩子都讀此校, 他們的成長/學習/家長會過程都清清楚楚....... 當天我見到個理念, 亦贊成入讀, 只是事與願違....... 想轉校的話, 其他學校只可以接受留班....... 去家長會, 很多家長竟說新校長太注重學業成績...... btw, 我已說新校長改好了, 只是以前的學生會怎樣呢? 我極度同意, 此校是有快樂學校生活, 但最終都要同其他學校學生公開試競爭, 難度不應看重學業成績?
你們說我態度有問題, 我都只是把自己見到的情況及感受說出, 正如你們覺得有幾好, 我亦專重不會去攻擊! 看baby-kingdom的都是家長, 說說自己意見, 看了這麼多年, 一直沒有留過意見! 就此題想說說自己的意見, 竟然引起此校家長如此不滿及攻擊.......... 我再重申, 我所說的都是真實感受, 覺得"不知所謂"就不用理會! 又何必繼續研究我的文字呢? 你們好好介紹此校的事情給新家長知道罷!
作者: sillyding 時間: 12-12-12 17:09
本帖最後由 sillyding 於 12-12-12 17:10 編輯
回復 JadeW 的帖子
此想法真神奇, 我就是因為第一次想說說意見, 我才需要register, 一直以來只看不說, 是不用register的呀!!
作者: JadeW 時間: 12-12-12 19:35
本帖最後由 JadeW 於 12-12-12 19:59 編輯
回復 ii323 的帖子
真係好好奇！
作者: JadeW 時間: 12-12-12 20:31
回復 JadeW 的帖子
咁講開又講啦！我阿哥個仔讀xx名校，我都睇住佢番學／放學／家長會咁，但我阿哥又吾理個仔讀書，以為名校就會教好個仔，結果驚覺佢個仔讀吾店！要轉校，其他學校都要佢留班！我就話我阿哥囉，個仔係你既，你吾教指意人地教你個仔吾做功課吾溫書你都冇問題，仲好意思話學校有問題，阿哥你究竟有冇問題呀！
作者: woostock 時間: 12-12-13 09:28
sillyding 發表於 12-12-12 17:00
我摰親及朋友孩子都讀此校, 他們的成長/學習/家長會過程都清清楚楚....... 當天我見到個理念, 亦贊成入讀, ...
sillyding,
可否具體講一下你摰親及朋友孩子咩原因要轉校? 跟唔上學業? 太多功課或是其他原因?
作者: patrickBB 時間: 12-12-13 09:37
我真係唔明, 唔係家長既人係都要講到好似第一身咁, 講到尾都係道聽途說 !
學校係一個環境, 努力都係要靠自己囉 !
可能佢既摰親及朋友都係不理會子女讀書成效的家長. 但係都無理由一竹篙打一船人.
真奇怪!
作者: mirage 時間: 12-12-13 13:54
本帖最後由 mirage 於 12-12-14 11:05 編輯
我信身體力行 ，他朝曾主席、吳人大、眾愛國人士的兒孫們都湧到愛國學校讀書時才考慮這些小學。
作者: irisricky 時間: 12-12-13 17:24
四隻貓 發表於 12-12-12 15:22
之前有一位培僑家長講得好好,原文找不到, 佢大概係話: 其實無論傳統定活動教學, 想小朋友學習得好, 家長都 ...
嘩，你好眼利!個POST係我出嘅! 係培橋專頁果邊出架!不過我怕自己讀得太多所以就CANCEL左!!
一直以黎都見到好多對培橋嘅聲音，不過我一直覺得自己揀間岩自己小朋友嘅學校，唔係揀間最好嘅學校，對於負評好評都無乜感覺，所以無乜出聲，不過見你分享我嘅分享，我就分享下以下本人嘅經驗
小朋友K1嘅時候，我幫小朋友揀左間區內傳統及有名氣嘅幼稚園，小朋友係呢間幼稚園讀嘅時候，自問都跟足小朋友功課和溫習，但種種原因下，發現小朋友上學唔開心，唔係學校問題，係錯配嘅問題，即係學校嘅教學方式唔適合我嘅小朋友，大家做父母好清楚，有時唔係你唔教佢，係佢生性好動，你搵野綁住佢佢都會走會動(只係比喻)，所以要一個好動嘅小朋友入一間統傳學校係一個錯配，經過K1嘅經驗，好辛苦K2幫小朋友轉校。
去到新學校，活動教學，唔代表小朋友更加坐唔定，反而我小朋友比以前傳統學校讀書更定，因為搵岩佢嘅學習模式，小朋友好鍾意返學(鍾意嘅程度係放假都想返學)，老師對我呢個坐唔定嘅小朋友，用獎勵及鼓勵嘅方法，我嘅小朋友由情緒到學習比以前大大改善，而對於我作為家長，要跟嘅野比以前仲多左，因為以前只要陪小朋友溫書本同做功課，練下學校教嘅字，但轉左活動教學，要同小朋友一齊學習，例如教食物，佢返屋企就要搵食物圖片，而搵嘅過程中，我小朋友同我講要搵食物金字塔嘅圖片，一邊搵佢一邊教我邊D食多D邊D食小D，還有新學校重閱讀，中英文均重視，加上我地都鍾意同小朋友讀讀書，小朋友漸漸會主動閱讀，係閱讀，唔係攞住本書睇圖畫，會讀字。我小朋友轉學校後，K2嘅功課比K1舊學校嘅功課還少，到而家K3做嘅功課都係十分鐘之內完成(寫字功課，唔包括搵資料)，但佢地係學校會做小圖書，所以係屋企我嘅小朋友會自己攞D鍾意嘅書自己抄，而我地作為家長嘅，唔止跟功課、仲要陪佢地搵資料、陪佢地閱讀、陪佢學鍾意學字。由於功課唔多，小朋友可以學嘅野更多，例如我地訂左外國小朋友嘅雜誌，等佢知邊下香港以外嘅地方，帶佢地去超級市場邊買邊學計數，每日天公園玩一個鐘。仲有一樣，學校活動教學，好多時教一樣野唔係攞本書出黎講講講，佢地會做實驗，上個主題教落雨，老師用左個加熱水，有水蒸氣遇到冰(類似，我聽小朋友講)做實驗，我小朋友上次落雨時講我知點解天空會落雨，好多例子，都係小朋友透過活動學嘅。
我想講嘅係，無論傳統學校定係活動式教學嘅學校，小朋友都會學到野，要睇返小朋友性恪，而小朋友咁細，作為家長想小朋友學多D，讀邊類型嘅學校都係要跟(係小朋友面前又要扮唔跟，交返個責任俾佢)，我都知培橋未必係最好嘅學校，而我小朋友都未讀，但係作為父母，只可以從客觀嘅條件揀一間適合小朋友嘅學校。
我係透過身邊嘅朋友、小朋友嘅同學、同屋苑嘅人去了解呢間學校嘅，聽完佢地嘅意見，我覺得重閱讀同語言係我想要嘅野，而品德，我覺得唔會有一間學校係唔重視，只係要求唔同，同埋處理手法，所以我地放棄區內自行好多人想入嘅小學而揀培橋。
個人分享，岩睇就睇，唔岩睇無必要俾意見我
作者: JoJo 時間: 12-12-14 10:34
版主按: 請各位會員能冷靜及理性討論, 如因發違規回覆, 管理員會將該違規會員禁言, 以作冷靜, 敬請注意!
作者: TKO2040 時間: 12-12-14 18:01
我覺得不是CURRENT PARENTS, 都可以講某校的事情, 只要回應者相信事情係真的.
唔係真呢! O甘又掂? 網上討論預左家長自己去過慮, 而加又有甘多正面COMMENTS. 大家理性討論咪好囉.
CURRENT PARENTS有幾多會講自己學校負面既事情, 只有唱好多.
一個學校can't please everybody 就真.
作者: skwan2703 時間: 12-12-14 22:52
http://www.edb.gov.hk/FileManage ... pui_kiu_college.pdf
以上是培僑書院在2010-2011 的全面評鑑報告,也許可以幫助大家瞭解學校!
作者: miuchung 時間: 12-12-15 12:01
有留意培僑的家長一早就知呢個報告，一點都不新鮮，反而學校最近公開了公開試成績。
| 歡迎光臨 教育王國 (/) |
Powered by Discuz! X1.5 |