教育王國

標題: 究竟英普好定英粵好？ [打印本頁]

作者: tofee 時間: 12-11-29 14:54 標題: 究竟英普好定英粵好？

有人話英普好，中文會容易學好；但又有人話英粵好，因小一interview都只是用廣東站溝通。
咁其實邊樣對考傳統直資會有幫助？

作者: tofee 時間: 12-11-29 19:20 標題: 回覆：究竟英普好定英粵好？

Any comments?

作者: Ononma 時間: 12-11-29 20:57

我都好想知，我兩個小朋友都係英普，但見佢地中文比其他讀廣東話班的小朋友差好多。

作者: Jane1983 時間: 12-11-29 21:08

兩文三語班最好

作者: marcuscyrus 時間: 12-11-29 21:25

返學讀英普，日常用廣東話
我兩個仔都是這樣，冇問題

作者: tofee 時間: 12-11-29 23:01 標題: 回覆：marcuscyrus 的帖子

想問吓小朋友讀中文字會否不懂廣東話發音？

作者: ohdearcarol 時間: 12-11-29 23:12

marcuscyrus 發表於 12-11-29 21:25
返學讀英普，日常用廣東話
我兩個仔都是這樣，冇問題

朋友都係咁講, 叫我揀英普, 但我最終都係決定英粵, 我驚如果佢地返學用普通話學既野, 返到屋企我又用廣東話同佢溫習, 咪好奇怪囉, 會唔會影響溫習呢?

作者: Ononma 時間: 12-11-29 23:20

我完全不憧說普通話，覺得真係會影響溫習。

作者: Jane1983 時間: 12-11-29 23:23

早d有普通話環境對小朋友係好好，令佢潛移默化吾抗拒。

作者: marcuscyrus 時間: 12-11-29 23:25

就認字溫習方面，孩子的學校是從k2才開始引入英普班，k1是英+廣，所以英普之前就已經建立了足夠的廣東話詞彙，再加上我們在家是完完全全的廣東話家庭，所以就算k2要用普通話去學習詞彙，他們也不會出現用普通話學了就不懂廣東話的情況，同一字詞他們能以廣/普讀出來。我自己的普通話還可以的，有時孩子跟我說起普通話，我都會用普通話去回應，英語亦然。我認為如果在打好母語的基礎後引入英普學習環境，效果更佳。

作者: ohdearcarol 時間: 12-11-29 23:29

我囝囝而家讀緊既n班,每日有少少英文, 少少普通話, 佢一D都唔抗拒, 仲成日想教我講..我係屋企主打粵語加少量英文, 暫時唔想要佢handle三種語言咁多, 等佢打好D英粵基礎再講...話時話我D普通話都係有限公司, 要惡補定先.

作者: Ononma 時間: 12-11-29 23:32

我大女高小啦，一路以來中文都係學普通話，現在佢會聽會講普通話，平日又用廣東話。

好處係吾似我，點學都pick up 吾到普通話。
壞處係，中文比人差，我估係頭幾年吾太明。

所以細囝我吾理，學校用普通話，我照用廣東話同佢溫習，當學二種語言。

作者: marcuscyrus 時間: 12-11-29 23:39

仲有一樣野好重要，就是盡早開始中文閱讀，小學的中文真的不能死記，要從少儲彈藥，未認到字就多講故事，慢慢再伴讀，繼而佢自行閱讀。

作者: bobosasa999 時間: 12-11-30 05:28

回復 marcuscyrus 的帖子

Marcuscyrus, 有經常看你的帖子，記憶中你大兒子是考直資的，那他interview小學時是用廣東話嗎？

作者: marcuscyrus 時間: 12-11-30 05:49 標題: 回覆：bobosasa999 的帖子

廣東話為主

作者: aaronmok 時間: 12-11-30 13:49 標題: 回覆：Ononma 的帖子

想請問細仔幾年級？返屋企用廣東話教他明白嗎？我而家就係煩惱緊入唔入普英幼稚園好？因我普通話都係識少少

怕到k2、3嗰時自己教唔到！

但又好想佢早學普通話。thx a lot!

作者: tofee 時間: 12-11-30 13:54 標題: 引用：想請問細仔幾年級？返屋企用廣東話教他明白

原帖由 aaronmok 於 12-11-30 發表
想請問細仔幾年級？返屋企用廣東話教他明白嗎？我而家就係煩惱緊入唔入普英幼稚園好？因我普通話都係識少少 ...

係呀，真係唔知點簡！
如果學校教普通話但屋企用廣東話溫習，會唔會mix up

作者: oooasis 時間: 12-11-30 13:58

我絕對中意英粵，英普我唔中意。
唔關學習語言或者考小一事。

我只希望女兒咁細個入學，去適應一個陌生環境時，起碼學校有一種語言佢係可以得心應手，表達到自己，理解到老師。

作者: kkchow523 時間: 12-11-30 16:54

我兩個細路都暫時唔識粵語,因為我係屋企同佢地用普通話同英文溝通,雖然廣東話係我的母語.
大學畢業到今天十幾年,係很多不同國家工作過,隨著工作經驗的增加及接觸面的擴展,我覺得廣東話只係一種方言,係全球化及大中華化的今天,國語及英文遠遠重要過一種方言,所以,我選擇先教育他們英普,而廣東話,只要做到日常溝通即可,這個很容易,只要幫他們報一間以粵語為主的幻兒園就是了.

作者: desmond100104 時間: 12-11-30 17:14

我覺得要睇小朋友語言發展情況, 如佢巳經對大部份比較複雜的廣東話句子指令都理解後, 可引入其他語言
如現階段還未完全掌握/理解到廣東話句子, 不建議引入普通話令他混亂, 尤其是父母都要出外工作, 不是太多時間在家教導孩子的情況下

作者: Ononma 時間: 12-11-30 18:46

AaronMok:

囝囝聴得明廣東話，但溫習時，佢會同一句，或同一段話普通話和廣東話夾雜讀出來。

作者: aaronmok 時間: 12-11-30 18:50 標題: 引用：AaronMok:囝囝聴得明廣東話，但溫習時，佢

原帖由 Ononma 於 12-11-30 發表
AaronMok:

囝囝聴得明廣東話，但溫習時，佢會同一句，或同一段話普通話和廣東話夾雜讀出來。 ...

thx!

作者: dotty6 時間: 12-12-1 07:18 標題: 回覆：究竟英普好定英粵好？

呢个post好有用！我个女只不過係将讀n班，身边个个都揀英普只係得我揀英粵，感覺好似自己揀错，又驚日後佢比人差！但因為我同先生返工忙，賓姐姐凑，講野已經慢，我係諗住佢學好母語再响k1 k2转英普！希望冇錯.你們的分享对我好有用！

歡迎光臨教育王國 (/)