教育王國
標題: 新油天 VS 英華 [打印本頁]
作者: vwfw 時間: 12-11-29 12:05 標題: 新油天 VS 英華
我們有運抽到新油天 (20 marks- old boy),英華已參加第二次面試, 現正等待第三次面試的結果。有一個弟弟。
我們和兒子喜歡英華多D. 但出生率越來越高, 2年後弟弟抽新油天機會低。英華也是很難入.我們不知道運氣會否再來。
若哥哥讀緊, 弟弟入學面試英華會加分, 但仍需要承擔風險. 新油天是保證,0風險.
如果我真的放棄英華, 我覺得很對不起哥哥。我很掙扎。
作者: LOVELY-BABE 時間: 12-11-29 12:14 標題: 回覆:vwfw 的帖子
哥哥入新油天,弟弟入硬,世襲呀!

作者: atirw 時間: 12-11-29 12:16 標題: 回覆:新油天 VS 英華
英華

作者: Cutemom0808 時間: 12-11-29 12:20
最怕兒子大了blame你
作者: 四隻貓 時間: 12-11-29 12:24
如果0甘難得考到英華, 除非經濟問題, 否則我唔會因為細佬, 要哥哥放棄英華.
講真, 入油天都係想入間好既英中.....0甘一早有間英中一條龍既英華, 點解要係油天六年後再搏過??
作者: Kitty1230 時間: 12-11-29 12:33
本帖最後由 Kitty1230 於 12-11-29 12:43 編輯
宜家問呢D問題, 太早自尋煩惱了, 英華收左先問啦~
如果, 真係有能力、真係Top, 讀緊新油天時, 幾時插班、幾時升英中, 都吾成問題囉!!!!!!!!!!
作者: TaTa83 時間: 12-11-29 12:41
vwfw 發表於 12-11-29 12:05 
我們有運抽到新油天 (20 marks- old boy),英華已參加第二次面試, 現正等待第三次面試的結果。有一個弟弟。 ...
樓主,我同你情況差不多,不過我好少少,我得一個仔,如果yw收,我一定捨新油了,哈哈~
講返你情況,睇到細佬資質未?因為如果哥哥能夠入到yw最後150人,一定係叻仔,個人覺得去邊到讀都一樣咁叻,反觀如果細佬資質一般,就應該為細佬諗多d,因為幾年後真係好多人爭.....
yw三月先放傍,你仲有大把時間慢慢考慮~~
作者: MamaQueen 時間: 12-11-29 12:55
見到你的post, 真的好想喊. 我是油天舊生, 可惜抽不到, 而我個仔一間直資offer都沒有.
作者: virgokaren 時間: 12-11-29 13:00
手持油天,等英華放榜,羡慕!
俾我會揀英華,升中一條龍,名校。
作者: mk3288 時間: 12-11-29 13:15
到底英華中學在全港英中排第幾位?
作者: fion_yinyin 時間: 12-11-29 13:18
回復 Kitty1230 的帖子
絕對同意﹗收左至算啦
作者: Jane1983 時間: 12-11-29 13:20
一定選英華,小朋友個個自己努力,點可以犧牲亞哥去為細佬買個保險。
或者,細佬仲勁呢!
作者: 喵媽 時間: 12-11-29 13:21
註冊咗油天先, 到YW收咗先決定, 到時放棄都未遲!
作者: bonnielhp 時間: 12-11-29 13:25
樓主和我的情況一模一樣,不過,現階段不會多想,真真正正在25/12收到第三次面試結果,而又真的在3月取錄時再作打算!
作者: miffy 時間: 12-11-29 13:28
提示: 作者被禁止或刪除 內容自動屏蔽
作者: tung0409 時間: 12-11-29 13:33
真咪樓主以為要繼續等英華, 就唔可以註冊油天呀?
所以咁煩? 但上面有人已答左啦, 一定註冊左油天先, 有英華offer先算
其實就算放棄英華, 到時細佬都可以用old boy20 marks 博自行收,都唔係完全冇機, 慘得過有些人真係沒有old boy 分, 但大那個又有直資/私小收, 細那個得10分, 那些先叫做大大煩惱啊...
作者: bonnielhp 時間: 12-11-29 13:40
同意,在我case,我們是首名/宗教/適齡=20分,
若然細佬兩年後只得15分,我仲煩!
既然係咁,乾脆唔好諗,到時真真正正有offer在手先想!
作者: hadwinboy 時間: 12-11-29 14:20
假設兩間都收, 我會以我仔仔的意願行先, 因是佢去讀不是我 (況且英華一條龍band 1 中學). 除非佢揀了一間唔讀得的, 例如, 佢話過想讀女拔 (唔要男拔).
作者: OSCAR-SHIRLEY 時間: 12-11-29 14:30
你個小朋友咁叻又咁好彩,真係好恭喜你!兩間學校都係非常好的學校,亦是我心儀的,可惜我抽唔到油天,英華都係要等下月25先知,但都知機會唔大,因入得圍個個小朋友都叻。即然有間收梗係注冊先講啦!
作者: 仔仔錫錫你 時間: 12-11-29 14:49
其實講咩都無用,正常人會先註冊油天再等YW result. 我絕對唔相信如一面倒說油天好,你會唔in YW;亦唔信調轉的話各下會唔註冊油天。所以最終問左=無問!
anyway 上年我都有相同問題,我選了舊油天(我那對是兄妹),但最後都放棄油天選了另一村校方便接送。 如果我係你,我會選YW ,但最緊要係收你先。
作者: terryctf 時間: 12-11-29 14:55 標題: 回覆:vwfw 的帖子
我會揀油天喎!兩間同時擁有既或然率太低,算妳大仔中了頭獎但細仔被羲生了,政府政策不變將來只有愈來愈難考,手掌手背都係肉我會叫大仔去選擇,反正佢一定幫細佬而且為此自豪重點會怪妳!補充句純小弟個人立場。

作者: harris33 時間: 12-11-29 16:06
回復 vwfw 的帖子
請問樓主有宗教信仰嗎?
作者: Mayandrew 時間: 12-11-29 16:11 標題: 引用:回復+vwfw+的帖子
請問樓主有宗教信仰嗎?
原帖由 harris33 於 12-11-29 發表
回復 vwfw 的帖子
請問樓主有宗教信仰嗎?
Yes, just mentioned this in another thread. Religious background is one of the key factors we should note.

作者: cacatam 時間: 12-11-29 16:28
路過,朋友仔仔舊年情況類似,不過係華仁vs英華,end up佢揀咗華仁,因為有個細兩歲嘅細佬跟住,佢覺得到細佬考小一個陣競爭一定仲大,所以揀咗華仁,因為必入~
作者: vwfw 時間: 12-11-29 17:04
我老公說,即使英華可進入第三次面試, 不要讓兒子去. 如果3月真錄取了, 更難作出決定.
原因 #1: 弟弟
原因 #2: 申請直資/私校:遊戲是越來越難玩.
原因 #3: 老公最鍾情華仁, 他認為入大學機會率比英華更好. (是真的嗎?)
我希望面試先,收先算 . 但他不同意。第三次面試需要爸爸和媽媽一起參加,如果我沒有比他更好的理由, 他真不參加面試.
。
作者: Jane1983 時間: 12-11-29 18:56
回復 vwfw 的帖子
你先生鐘情華仁,但都吾係你個網wor。
作者: Jane1983 時間: 12-11-29 18:59
佢會吾會係考慮經濟因素?
如果學費負擔係問題,咁佢可能有道理。
作者: cacatam 時間: 12-11-29 19:27
我朋友最終揀華仁、放棄英華嘅情況,完全無經濟嘅考慮,完全係考慮到細佬兩年後會更難考;以佢所知,即使哥哥讀緊,弟弟並無任何保證,所以最終選津小,因為弟弟必入~ 睇今年競爭激烈嘅情況,佢地似乎選擇得對~ 
作者: 巴不得爸爸 時間: 12-11-29 19:54
本帖最後由 巴不得爸爸 於 12-11-29 21:25 編輯
我覺得兩間學術水平都很好,最重要看小朋友的學校成績。如杲成績好,在新油天都可去理想的中學。相反成績唔好,在英華小學也很難直升英華中學。
作者: healthybaby 時間: 12-11-29 23:39 標題: 引用:真咪樓主以為要繼續等英華,+就唔可以註冊油
原帖由 tung0409 於 12-11-29 發表
真咪樓主以為要繼續等英華, 就唔可以註冊油天呀?
所以咁煩? 但上面有人已答左啦, 一定註冊左油天先, 有英華 ...
我就係你講既大女讀直資,細仔得十分,最慘係阿仔在阿女間學校只是後備生

作者: ASamSam 時間: 12-11-30 04:09 標題: 引用:我朋友最終揀華仁、放棄英華嘅情況,完全無
原帖由 cacatam 於 12-11-29 發表
我朋友最終揀華仁、放棄英華嘅情況,完全無經濟嘅考慮,完全係考慮到細佬兩年後會更難考;以佢所知,即使哥 ...
其實這幾年,雖然沒有百份百保證,但英華學生的弟弟入到英小的機會已是很高了。
最緊要都是睇小朋友適合邊間,若唔適合,入硬都無用,

作者: marcuscyrus 時間: 12-11-30 05:52 標題: 回覆:vwfw 的帖子
If he is smart and lucky enough to get yw, of course yw!!

作者: bonnielhp 時間: 12-11-30 08:06
回復 Jane1983 的帖子
她應該指是油尖旺中學網的華仁書院Vs英華書院
作者: vwfw 時間: 12-11-30 12:06
我是指”油尖旺中學網的華仁書院Vs英華書院”。
油尖旺中學網對男仔有利.
http://www.ycps.edu.hk/guest/secondary1011.htm
兩所油天升中資料是公開和高透明度的.
英華小學是一所magic school for boys. 在我申請入小一前,我朋友說有仔必申請這所學校,是值得的,即使只聽林校長的簡介會. 在開始時, 我只是半相半疑.
第一次聽林校長的簡介會, 她的魔杖一指, 我們著迷了. 一所有心, 有力, 有名,有良好學業成績的小學,
更重要的是英華小學接受和理解小男孩的調皮性格!!
仔仔在第一次面試後,他立即說”我想返回課堂再玩”. 英華小學的面試安排是很窩心的, 一早準備一個很大玩具吸引他們, 減少緊張. 他只是去英華小學玩耍. 相比其他學校面試,大人和小朋友只是緊張.
作者: cleokiko 時間: 12-12-4 02:25 標題: 回覆:新油天 VS 英華
好命人!揀邊間都無錯!
但英華3in都300否150人喎!咁你都考到,無理由唔讀嘛?真係好難考㗎!小朋友咁叻,唔好放棄!
錢更加不可能是問題,直資可以有津貼嘛!

作者: momama 時間: 12-12-4 08:00 標題: 回覆:新油天 VS 英華
鍾意英華,唔等如入到佢會跟得上或讀得開心。未知的未來,大仔憑乜怪阿媽?我一向的宗旨,係唔會全家遷就一個人。我唔特別了解或鍾意新油天,但若你認為有原因去揀,就揀,無需要講到父母要向細路交代咁大件事,只要話新油天係一間好學校就得。我細女K2,已經成曰講住想同家姐一齊返學,可惜當年抽中個爛燈盞

作者: momama 時間: 12-12-4 08:06 標題: 回覆:新油天 VS 英華
另提醒所有YW粉絲,多了解家庭資源是否能配合,因要參加一體一藝課外活動,接送都唔簡單。

作者: always_mama 時間: 12-12-5 00:22
你的小朋友真叻,真係好恭喜你!YW
作者: hoihoima 時間: 12-12-5 18:55
回復 momama 的帖子
You can choose weekdays or Sat for both 體 and 藝. So, the kid can still take school bus everyday after school.
作者: momama 時間: 12-12-5 18:58 標題: 回覆:hoihoima 的帖子
我知道,但一定要參加同自由選擇係兩件事

作者: akys 時間: 12-12-5 22:10
一體一藝是必須,但可以全部在外面學。所有的樂團,合唱團,校隊,拔尖班都可選擇不上,亦沒有人管。
歡迎光臨 教育王國 (/) |
Powered by Discuz! X1.5 |