教育王國

標題: 中學生記缺點, 係咪人之常情??? [打印本頁]

作者: helenting 時間: 12-11-28 16:15 標題: 中學生記缺點, 係咪人之常情???

升咗中一只係短短2個幾月, 亞仔早排已經被老師因為失交功課而記了一個缺點, 今日收到電話因為上課忘記關掉手提電話而被老師沒收電池再記多個缺點...
前後已經記了兩個, 真係人都癲, 救命吖~~~

作者: mc 時間: 12-11-28 16:42

回復 helenting 的帖子

你仔的中學是否很嚴厲？但在短短兩個月內記兩個缺點，這是否太過不近人情呢？你有沒有和老師談過？你仔除了交功課大頭蝦外，在課堂上的表現如何？我覺得你真有必要去學校一趟，好好了解個仔在學校的情況，都不是記不記缺點的問題，而是由小學到中學都需要一個適應期，在適應期已經給老師視為麻煩的學生，這樣會令孩子無心向學的。

另外你可以看看應怎樣幫下你個仔，例如他有沒有同學仔？可以互相交流下今天有甚麼功課？用他可以記得的方式把要交的功課記下，甚至可以在家裡列一張大表，每天都寫下要交功課的期限，列明功課類別和範圍，放在當眼處，最好是每天上學出門口前再檢查一次。孩子失誤越多，又被老師罵，又給記缺點，他只會越來越沒有信心，越做越錯，你都要用兩手準備去幫下他。

作者: littleflowers 時間: 12-11-28 17:00 標題: 回覆：中學生記缺點, 係咪人之常情

欠交功課有多少次?應該不會只欠3幾次就記缺點的，至於電話，開學前應該有家長會說明使用規則的，所以應該跟小朋友了解吓欠功課的問題，唔記得熄電話就應該係大頭蝦啫，叫佢小心啲就得啦

作者: 黃巴士 時間: 12-11-28 17:19

家長再向班主任了解清楚. F.1開學不久, 有否豁免機會?? 欠多少次功課而記缺點???

作者: lovecupid 時間: 12-11-28 19:52

睇緊D小朋友，升中一同中二係學壞危險期。
記多幾個缺點可能會令小朋友唔鍾意返學。日後好麻煩，扣操行分亦可以導致留級
好多學校都有將功補過，洗底計劃。做義工服務消缺點。
搵佢班主任傾吓。

作者: helenting 時間: 12-11-29 14:30

多謝大家嘅回覆~~
亞仔間學校欠交5次就會記一個缺點架啦, 其實好容易囉~~
至於電話, 其實亞仔日日都有熄/教震機, 嗰日應該係忘記咗, 但老師話校規講明係學校內一響/展露都一定會記, 我真係無說話好講...

作者: 沙律媽 時間: 12-11-29 15:47

回復 helenting 的帖子

佢吔成日留咗d書/功課係locker

作者: 黃巴士 時間: 12-11-29 16:27

本帖最後由黃巴士於 12-11-29 16:55 編輯

多數都係唔記得帶, 多過唔記得做.:;pppp:5次QUOTA好快用完.

作者: 亞力士 時間: 12-11-29 19:01

http://hk.news.yahoo.com/blogs/j ... 4%A7-145119690.html

作者: KWT 時間: 12-11-30 08:27

我仔間學校更嚴格,遲到記2個缺點,那怕是1分鐘都要記2個(學生証熨卡).這幾日天雨綿綿,一是不知原因大塞車,一是撞車又塞車,十日之,內,已經有2次遲到,即記了4個缺點,解釋無用,塞車不是理由,記缺點已經習以為常,你選擇在這間學校讀書,就要接納學校的管理手法.無奈!

真正無奈的是仔仔已經接受小小事情都要記缺點事實,再多記缺點,也無動於中,很有平常心.記缺點已經失去原先起警惕小懲戒作用.

作者: mc 時間: 12-11-30 11:00

回復 KWT 的帖子

那都要向家教會反映一下，明白學校想孩子可以嚴格遵守上學準時的原則，但是缺點變成了家常便飯，孩子只會不當一回事，這樣就失了懲罰的原意。何況真的是有理由，是事實的遲到，又真的不能怪學生吧？當然如果這間學校是這樣的話，唯有早多些出門口，寧願早些到學校附近坐等上學。

作者: celiamum 時間: 12-11-30 13:36

其實...正常情況下....學生手冊或家長手冊內...都已經羅列有關的守則....各位家長要提醒小朋友要守校規....
當然..如果遇到D老師處事手法有商榷的地方，就一定要向校方了解清楚啦...要小朋友明白事非黑白...唔係做老師的一定係啱囇的...

例如..小女的中學...
**學生如於一個月內欠交功課十次或以上將被記缺點一個；若兩個月內累積欠交功課滿十五次，也會被記缺點一個。**
**學生於早上及下午須準時回校。於每學期遲到六次或以上，將被記缺點。如上午遲到超過30 分鐘或下午超過15 分鐘，且無合理解釋，亦會被記缺點。**

雖說，佢地有機會習以為常，但多少都仍起到警惕及小懲戒的作用.
另外，學校亦有將功補過的安排，同學要做義工.....這未嘗唔係一個好好的磨練及經驗嗎?

作者: catmervin 時間: 12-11-30 16:38

如果不記缺點,請問各位家長認為怎樣可以有效警戒學生欠交功課的問題?是否只叫學生補交即可?人人都無做補交,能培養責任感嗎?或者幾多次欠交功課記缺點少合理?
而且,該校欠交功課的問題嚴重嗎?家長要了解一下。如果欠交功課成為風氣,這間學校好極有限。
我認為,記缺點是校政,並非憑一個老師的能力能改變既定的政策。我反而關心學生欠了功課,老師除了記缺點,還會不會跟進,例如向家長了解一下為何子女欠功課,關心一下學生,屢次欠交,是學習上的問題?還是適應上的問題?抑或是品格上的問題。
純粹個人意見,不喜勿插。

作者: helenting 時間: 12-11-30 17:28

其實我並非怪責學校記我亞仔缺點唔啱, 我原意係想問下, e+d中學生係咪好容易就會被學校記缺~~

作者: 杰杰媽媽 時間: 12-11-30 22:18

講真真係好易，欠多幾次功課就記啦！

仲要一年咁計，好易有幾個，不過好多學校都有洗底服務。等佢地為自己做既事負返責任。

我仔學校都可以洗底。

作者: JustAParent 時間: 12-11-30 23:57

helenting 發表於 12-11-29 14:30
多謝大家嘅回覆~~
亞仔間學校欠交5次就會記一個缺點架啦, 其實好容易囉~~
至於電話, 其實亞仔日日都有熄/教 ...

OK啦, 都唔算嚴吧. 我讀了二十幾年書, 未欠過一份功課

正經答你, 其實你仔學校真係唔算特別嚴, 我知道一些女校也如此. 至於電話, 真有需要帶返學嗎 ? 使用機會很低吧.

作者: cmvfamily 時間: 12-12-1 15:18

回復 helenting 的帖子

其實我都有個大頭蝦的仔，我好明白你的心情。
請問學校有洗底服務嗎?
記得多缺點會趕出校嗎?

作者: helenting 時間: 12-12-1 20:51 標題: 回覆：中學生記缺點, 係咪人之常情???

學校有得洗底的，剛剛過咗個星期係學校校慶，仔仔做了導賞員便洗了一個缺點，依家仲有一個就要靠守行為兩星期黎洗了！

作者: cmvfamily 時間: 12-12-2 11:50

回復 helenting 的帖子

請問守完行為後，是否可以洗缺點呢?

作者: helenting 時間: 12-12-3 11:24

回復 cmvfamily 的帖子

係吖! 可以洗到一個缺點~

作者: helenting 時間: 12-12-3 11:29

回復 JustAParent 的帖子

初初諗住仔仔自律, 所以就無話唔俾佢帶返學校, 但e+咁樣, 為免仔仔又再因為忘記熄電話而再被記缺點, 我已經同仔仔講咗唔可以再帶電話返學校啦!

作者: cmvfamily 時間: 12-12-3 14:10

回復 helenting 的帖子

咁都好D~我阿仔係一隻大頭蝦，成日都唔見野，寫咗手冊都係咁，罸極都無乜改善

作者: bb613 時間: 12-12-3 16:41

回復 helenting 的帖子

Hi, 我亞仔同你個仔同一間中學, 他也記了兩個缺點, 一個是未認真完成功課, 而不上報給老師, 第二個是欠帶/交/簽名共四次, 又記一個缺點. 有沒看校規, 都幾嚴.
我也很無奈, 我亞女的中學欠交留堂補做記名, 十五次才記缺點.

作者: helenting 時間: 12-12-5 17:13

回復 bb613 的帖子

可能係男校嘅關係啦, 真係都幾嚴, 不過我都buy嚴嘅, 就係因為咁, 所以呢間學校先有良好嘅校風麻~~

為有我哋努力d提醒我哋嘅仔仔啦~~

作者: bb613 時間: 12-12-5 17:40

回復 helenting 的帖子

唯有長氣d提多佢地幾次

歡迎光臨教育王國 (/)