教育王國

標題: 父母都由朝到晚返工,小朋友成績都很好的請分享及指教? [打印本頁]

作者: candytsy 時間: 12-11-27 13:20 標題: 父母都由朝到晚返工,小朋友成績都很好的請分享及指教?

眼見同學仔成績好的都是媽媽不用上班的FTM,有父母返工由朝到晚小朋友成績都好好的嗎?請分亨及指教下?

作者: marcuscyrus 時間: 12-11-27 13:26

candytsy 發表於 12-11-27 13:20
眼見同學仔成績好的都是媽媽不用上班的FTM,有父母返工由朝到晚小朋友成績都好好的嗎?請分亨及指教下?
...

如果本身孩子能力過人，就冇得指教了

作者: candytsy 時間: 12-11-27 13:38

marcuscyrus 發表於 12-11-27 13:26
如果本身孩子能力過人，就冇得指教了

言下之意是除非孩子能力過人,否則都係要FTM跟到足先可以有好好的成績?!唉!難怪咁多人放棄高薪厚職回家教小朋友,

作者: Rainy 時間: 12-11-27 13:39

成績好好意思係全級考第幾? 還是班中頭三名就算?

作者: marcuscyrus 時間: 12-11-27 13:43

candytsy 發表於 12-11-27 13:38
言下之意是除非孩子能力過人,否則都係要FTM跟到足先可以有好好的成績?!唉!難怪咁多人放棄高薪厚職回家教小 ...

都唔一定，我只想說，有些孩子本身聰明受教，專心自律，又對自己有要求(10個冇1個)，咁佢地成績一定好好啦。如果我係工作好忙的父母，我諗我唔會要求自己小朋友要好好成績啦，我都比唔到支援比佢

作者: smallfoothk 時間: 12-11-27 14:07

我自己是由朝到晚返工,看別人文章,如有親屬/大哥哥姊姊幫手,放學去親屬家中補習,父母回家才接回最好,教友都可以幫一幫,分享他們成功經驗,有時有past paper,有些教友免費上門補習都不錯,補習社是好方法,找一間適合孩子的,上門私補也好找一間適合孩子的,如果小孩子又懶,又貪玩,又不專心,就難教...

作者: marcuscyrus 時間: 12-11-27 14:11

我意思是，就算有些父母都工作忙的孩子能得好成績，可能不全是父母功勞，孩子本身性格也有影響

作者: candytsy 時間: 12-11-27 14:32

Rainy 發表於 12-11-27 13:39
成績好好意思係全級考第幾? 還是班中頭三名就算?

班中頭三已經算好好

作者: grace_xian 時間: 12-11-27 14:36

班中第五的來分享:

雖是全職番工但番工後的所有時間給了他, 跟學習跟功課跟默書, 不是不辛苦的, 最緊要辛苦都有回報

作者: 仔仔錫錫你 時間: 12-11-27 14:44

有良好DNA,資優當然好；但我更相信小朋友如有克苦的性格一樣能夠拿取好成績

作者: candytsy 時間: 12-11-27 14:46

grace_xian 發表於 12-11-27 14:36
班中第五的來分享:

雖是全職番工但番工後的所有時間給了他, 跟學習跟功課跟默書, 不是不辛苦的, 最緊要辛 ...

多謝分亨!可分亨下你一周的時間安排嗎?回家后有多少個鐘同小朋友跟功課及應付每周的中英默書?有課外活動嗎?小朋友通常幾點可以上床瞓覺?

作者: candytsy 時間: 12-11-27 15:03

仔仔錫錫你發表於 12-11-27 14:44
有良好DNA,資優當然好；但我更相信小朋友如有克苦的性格一樣能夠拿取好成績 ...

我都相信,因為自問自小都冇人跟功課,但讀書都係一直班中三甲,因為知道無人可以幫要靠自己,耐何今時今日的小朋友為何不可以?難道物質太豐富,不知掙錢的辛苦?我都好想知如何可以培養小朋友克苦的性格?

作者: grace_xian 時間: 12-11-27 15:46

candytsy 發表於 12-11-27 14:46
多謝分亨!可分亨下你一周的時間安排嗎?回家后有多少個鐘同小朋友跟功課及應付每周的中英默書?有課外活動嗎? ...

我收工六點三, 我會煮飯, 仔自己繼續做功課, 七點前開飯, 吃完功課基本上做完, 現在小五就晚一些, 我便check功課, 錯了就叫他改並且同他解釋,

週二吹長笛, 週五小童軍或游泳, 週六奧數、英文,

因二週才默一次書, 所以會在改完功課那一週默書,基本上默三四次已搞掂, 但每晚都真係好忙, 十點鐘上床睡覺前, 要做網上功課, 每日一篇、i-learner, 有時間仲會看一小本英文書(可惜英文不太好

有時他不開心, 我叫他上朗文音樂網站聽下音樂, 或者玩小校園的遊戲, 要upup哄哄才可以, 總之一週真係好忙碌

作者: nicolelouie 時間: 12-11-27 16:16

本帖最後由 nicolelouie 於 12-11-27 16:22 編輯

我小朋友小二, 英小成績考過第一, keep住5名內, 兩公婆都係全職, 小朋友不是資優, 容易分心, 踢一踢動一動, 現在的小朋友不像我們小時候. 好難自動波.

要他成績好, 本人的經驗是........先要自己讀熟佢的書.....唔係講笑, 我會找好課文重點, 加上平日跟功課, 了解他的弱點, 考試時重複溫習. 利用搭車等位排隊的時候串生字, 及反複講解課文內容. 生字考試前提早溫好, 臨近考試則溫內容, 文法.

父母是小孩最好的老師, 你能隨時隨地指點或跟他討論, 比起臨考試前坐定定谷佢, 較為讓他容易入腦.

除了返學, 學畫畫, 小提琴, 踢波, 游水, 英文grammar班. 六點回家, 改功課, 吃飯沖涼, 練半至一小時小提琴, 十點瞓, 好鬼趕......

佢考完試, 我都識背佢d 書......我e+同佢一齊再讀過小學 !!

作者: candytsy 時間: 12-11-27 17:30

原來在職成績好的,都要父或母其中一方早收工跟得足,睇來我這類八點收工的父母都要另尋出路!現在準時收工的私營公司已經見少買少.唔怪得我囡晚晚要十一點先可以瞓!原來個個在職爸媽都好辛苦的,我自已都係每晚收工一邊吃我的飯,一邊睇功課,温每周中英默書,講解唔明白的課文,網上功課,課外活動已經很少都放在周六日,但都感時間不够用.

作者: marcuscyrus 時間: 12-11-27 17:37

candytsy 發表於 12-11-27 15:03
我都相信,因為自問自小都冇人跟功課,但讀書都係一直班中三甲,因為知道無人可以幫要靠自己,耐何今時今日的小 ...

今時唔同往日，我父母接近文盲，我家姐冇心機讀書，而我相反，自細對自己都有要求，一直未跌出過級五名，年年都拎獎學金，但以前個個父母都要搵食，個個幾兄弟姐妹，高下好易分到出黎，但依家任何一個小朋友讀書，背後都有一team 人support，家長，補習老師，如果冇support比到個小朋友o既，我諗我唔會對佢作出要考到頭幾名的要求啦，依家初小成績隨時係以0.0x分高下

作者: ELJCHL 時間: 12-11-27 23:54 標題: 引用：原來在職成績好的,都要父或母其中一方早收

原帖由 candytsy 於 12-11-27 發表
該帖被管理員或版主屏蔽，或作者被禁止/刪除

我都係要返工，放工7pm返屋企睇工課，我女小六，工課起碼10樣，攪完10點瞓！佢都算自覺做功課，無補習，星期五學畫畫，sat學游水，每日都好急趕，我自己都好忙，宜家仲要預備升中，佢級名次約20，都算ok！

作者: momama 時間: 12-11-28 01:02 標題: 回覆：父母都由朝到晚返工,小朋友成績都很好的請分享及指教

老師叫家長唔好改功課，要俾佢地錯完改正先學得後。試想每晚八九點解釋錯乜，可以有幾多入腦，只不過條照填答應吧！

作者: Yanamami 時間: 12-11-28 07:59

marcuscyrus 發表於 12-11-27 17:37
今時唔同往日，我父母接近文盲，我家姐冇心機讀書，而我相反，自細對自己都有要求，一直未跌出過級五名，年 ...

所以有危機架. 唔係真有實力而係有support team係背後既小朋友, 考果個分/名次唔係全都係自己, 係屬support team既. 上到中學會失方向.

作者: candytsy 時間: 12-11-28 09:27

Yanamami 發表於 12-11-28 07:59
所以有危機架. 唔係真有實力而係有support team係背後既小朋友, 考果個分/名次唔係全都係自己, 係屬suppor ...

我都聽過不少這個經驗的後果,但點樣先可以做到呢?真係天生性格的先可以?

作者: Phoebe0434 時間: 12-11-28 09:51 標題: 回覆：父母都由朝到晚返工,小朋友成績都很好的請分享及指教

我想分享其實找對方法幫小孩讀書才是成續好的重點！
我小女今年小二，剛派成績，全班第一，全級第四. 但小一只是全班頭十，全級頭二十.
但我發覺早期小一我太着緊了，我又急又燥地希望她多做一点課外練習，反令她不開心，小一考試時更為不懂一個字而哭出來打亂了自己！現在小二我隨其個性，她會要求做一点課外練習但不多而且她要求我在她旁她全程只讀出練習問及答很小寫，不罵了，開心温習. 真無想到結果是那麼好！

大家努力吧！

作者: marcuscyrus 時間: 12-11-28 10:25 標題: 引用：Quote:Yanamami+發表於+12-11-28+07:59+所

原帖由 candytsy 於 12-11-28 發表
我都聽過不少這個經驗的後果,但點樣先可以做到呢?真係天生性格的先可以?
...

Aim for long term. My son just had his first exam in the primary life. Support was given only upon request, most of the revision was done by himself, even I stay home all the time. Results were out, I was satisfied but very likely it won't be in a very high rank. Our first goal will be set in p4-p6 when we r going to prepare for the secondary selection

作者: Phoebe0434 時間: 12-11-28 12:57 標題: 回覆：父母都由朝到晚返工,小朋友成績都很好的請分享及指教

申報我是Ftm！無上補習社，但自己跟佢d功課.

作者: JJDBB 時間: 12-11-28 13:01 標題: 引用：申報我是Ftm！無上補習社，但自己跟佢d功課

原帖由 Phoebe0434 於 12-11-28 發表
申報我是Ftm！無上補習社，但自己跟佢d功課.

你女兒都好叻女！

作者: karenlyk 時間: 12-11-28 14:07

我都係在職媽媽,每日仲要返去煮飯,時間真係好緊迫

作者: Jane1983 時間: 12-11-28 14:13

有舊同事係好追求上位、工作為上的在職媽媽（吾係為錢養家），佢成日呻小朋友考吾到好學校。但吾好話check功課和溫書，佢一日同個仔相處的時間都無30分鐘。如果家長無投入，實在吾應該對小朋友要求咁多。

作者: mc 時間: 12-11-28 14:28

回復 Jane1983 的帖子

每個孩子都不同，要因材施教。當然可以做 FTM 是最好的，尤其是幼稚園階段，反而到了小學，家長的角色應變成輔助，可以在一旁加以提點，始終學習這條路還是漫長的，由小學，中學到大學，其實一切都要靠小朋友自己的意志力，勇於接受挑戰，勇於接受失敗或挫折，懂得跌倒後再爬起來，再接再厲的精神才是最重要。全職媽咪或在職媽咪都好，其實要好成績 (或者可以說可以真正發揮到小朋友的潛能)，真要先好好了解自己孩子的習性，再加以培養，最重要是培養他們可以自己懂得學習，而不是因為被迫才學習，由小學開始做起，令他們明白到交齊功課、考好成績是為了他們自己，而非父母，讓他們明白要比較的不是別人，而是自己，今天的自己要勝過以前的自己。

作者: Phoebe0434 時間: 12-11-28 15:01 標題: 回覆：JJDBB 的帖子

多謝！我最高興系佢學懂唔識唔緊要，最重要系定，今次佢做得好好，有好幾題都是覆卷時慢慢想出來. 她還懂安慰同學，下次努力，我第一次取第一都不等於次次我第一.

大家努力！

作者: Phoebe0434 時間: 12-11-28 15:03 標題: 回覆：mc 的帖子

十分認同！

作者: fionaso1009 時間: 12-11-28 15:36

本帖最後由 fionaso1009 於 12-11-28 15:43 編輯

本人大女P4, 我也是在職媽媽, 也要每星期上大陸工作, 每天朝7晚8才回家, 在P1-P3時我仍堅持回家每天查看功課, 但不太給予壓力, 只是當她做錯或不明白時, 我可以多些鼓勵她, 引導她查找, 不是説答案給她聽, 所以由P1全級排95名/全級115人, 每年有進步, 到P3時全級第27名。多鼓勵及支持她。

作者: hagupit 時間: 12-11-28 15:48

隣居小朋友, 上年全班考第三, 級名次唔知, 全級英文第一, 父母長時間工作, 學識唔高, 所以好少教佢, 但如佢成績低佢阿媽會緊張和駡, 放學就去課餘託管, 冇任何興趣班, 基本上佢係自動自覺的小朋友, 唔算聰明, 但留心上堂, 將勤補拙.

作者: 小藍莓 時間: 12-11-28 16:53 標題: 回覆：fionaso1009 的帖子

我都係在職，雖然每次也是全級十名內，在老師和別的家長眼中，我的小朋友是好學生，但背後的辛酸又有誰知？每次考試默書都是前一日才溫習，一年班可以，到現在三年班開始行不通了。成績慢慢退步。
現在，放學回家看小說，到7:00 我回家了才開始做功課。我把圖書證也收了，沒很大作用，會叫同學代她借書！
我吹漲了，有苦自己知！
不要羡慕名次考得好的同學，其實同樣地也會很難教的，只是外人看不到！

作者: fionaso1009 時間: 12-11-28 17:20

我好明白在職父母的難處, 初初大女升小一時, 眼看個個d分數咁高, 個個九十幾, 自己個女得七八十分, 好傷心, 有時教到喊, 但唔係個個一開波就考得好, 最重要教好小朋友品德, 比多d空間小朋友, 唔好因成績問題, 攪到大家關係唔好.

作者: JJDBB 時間: 12-11-28 18:00 標題: 引用：我都係在職，雖然每次也是全級十名內，在老

原帖由 小藍莓 於 12-11-28 發表
我都係在職，雖然每次也是全級十名內，在老師和別的家長眼中，我的小朋友是好學生，但背後的辛酸又有誰知？ ...

但是我們应鼓勵孩子看書，不過也应把功課做好！看课外長是可以吸收各種知識的，長遠得益比做補充練習更好！

作者: JJDBB 時間: 12-11-28 19:08 標題: 回覆：mc 的帖子

讚成

作者: yyy8182 時間: 12-11-28 20:53 標題: 引用：我好明白在職父母的難處,+初初大女升小一時

原帖由 fionaso1009 於 12-11-28 發表
我好明白在職父母的難處, 初初大女升小一時, 眼看個個d分數咁高, 個個九十幾, 自己個女得七八十分, 好傷心, ...

我都係在職媽媽，阿女今年小一，有八十分我已經好開心了

我都想阿女自動自覺做功課同溫習

作者: 小木偶媽咪 時間: 12-11-29 08:47

本帖最後由小木偶媽咪於 12-11-29 12:33 編輯

我係FTM,不過2年級下學期開始已經沒理囡囡學業上的事,包括功課溫習
佢放學就自動波攪掂所有野,直到睡前親子一下就睡覺
現在5年級,一直保持全級頭4名,條件係上課一定要留心,如果留心吸收晒老師講書
已經唔需要再點溫習,只要考試前再睇一次,就事半功倍

作者: candytsy 時間: 12-11-29 09:55

FTM的功效不但在於功課上幫助,日常起居的照顧和性格的培養都占好大學習提升的動力,試問一日都冇幾句,小朋友發展又何來知,自覺性格何來培養?我只有善慕FTM,就以上分亨可以見到FTM的和在職媽的不同,但香港這地方手停口停,FTM談何容易?

作者: CHIHIMNAM 時間: 12-11-29 15:39

回復小木偶媽咪的帖子

Im not FTM, but my job is quite flexible and easy to arrange time schedule.
Is it ok to share with us from your method, now my girl is P.1, I want her that will be more independent on studying, thanks a lot.

作者: rayeu160 時間: 12-11-29 15:39

我係在職mami, 2個囡岩岩先p.1, 我覺得由細培養佢地學習興趣, 養成佢地自動自覺, 先係治標既方法. 要教佢地, 書係佢地讀既, 唔係父母讀...如果咩野都係家長跟, 咁~~究竟係邊個讀書呢? (可能我一次過要照顧2個同age既小朋友, 一早就已經諗定點先可以令自己輕鬆d)

如果上堂唔專心, 我諗補習作用不大...試問,如果一日上堂. 7,8小時都吸收唔到學校既野. only靠補習, 又會唔會有用呢?

作者: SEI 時間: 12-11-29 23:13

回復小藍莓的帖子

Agreed !

作者: 瑩瑩老豆 時間: 12-11-30 00:03

candytsy 發表於 12-11-27 13:20
眼見同學仔成績好的都是媽媽不用上班的FTM,有父母返工由朝到晚小朋友成績都好好的嗎?請分亨及指教下?
...

咁又唔一定要FTM. 我囡自細(K2/K3) 開始教佢自動睇書, 放學要先做功課, 佢上左小學都會自動自覺先做好功課, 通常6點前一定做晒, 不過就唔多溫書, 平時我地兩公婆要返工, 係夜晚睇下佢做晒功課未, 係到測考才同佢溫.

作者: 小木偶媽咪 時間: 12-11-30 10:22

CHIHIMNAM 發表於 12-11-29 15:39
回復小木偶媽咪的帖子

Im not FTM, but my job is quite flexible and easy to arrange time schedule.

其實沒什麼秘訣,我只係做好一般媽媽負責,不過我覺得父母同仔女感情好,
對於佢地身心發展有莫大關係及影響深遠的,我地兩母女的感情好好
而家囡囡五年級,我地就好似一對好好朋友,咩都分享,仔女有唔開心做亞媽一定會開解唔出奇
但我遇到問題/不如意事/煩惱...我都會問她意見,聽佢分析,佢分析錯誤的話
我地就拆開再共同分析,好似好煩,但我們樂在其中,每日話題數之不盡
囡囡好滿足我唔當佢小孩,可以同我分享,分擔,
每日但求盡快做好功課溫習,期待我倆的小小親子時間
明白而家小學生好忙,每日都十多樣功課,又想他們出路好,所以眼見好多家長放學就催谷補習/興趣班
做錯功課又罵,分數唔合乎要求又罵,每日都罵多於讚,試問個小朋友何來有自己生產出來的推動力??
佢地跟本完全失去自信,分數唔係對自己既要求,只不過係對亞媽既交代
就算迫到個小學,長大到中學就唔會再聽,話之你,我很相信物極必反這個原理呢!
"用心聆聽多親子",可能就是我自己所謂的方法吧

作者: minamina 時間: 12-11-30 11:15

現今做父母真係難好多,要學懼取捨,把自己的空間多留給子女作有溝通的親子活動。眼見很多小孩都不是不可教,是家人推說不會教或是根本不理小孩。
要多了解子女的強弱項,正面強化他們,做錯的要匡正,小孩是張白紙,不能任得他塗鴉,給他一些指引及鼓勵,按能力給與合理要求。
自少要培養閱讀興趣,對中文不要忽略,因可幫助他們理解,將來才能應付自己做功課及閱卷......
年紀細,成績失手不要過份責備,讀書路還很長,要他們學會自己有信念努力地走。要欣賞他們的努力,教他們失敗乃成功之母,檢討失敗原因,鼓勵下次努力,增強自信才能再戰。

作者: rayeu160 時間: 12-11-30 13:54

回復瑩瑩老豆的帖子

yes...其實真係要從少培養的....我2個囡都係咁...

作者: shsh3 時間: 12-11-30 16:32

回復 momama 的帖子

如果不改, 返到屋企做改正, 仲大件事.

作者: shsh3 時間: 12-11-30 16:36

我覺得主要都是小朋友本身的能力, 有能力的自己可以攪店, 如果不是, 你每天和她溫習, 也好不了多少.

作者: momama 時間: 12-11-30 19:47 標題: 引用：回復+momama+的帖子如果不改,+返到屋企做

原帖由 shsh3 於 12-11-30 發表
回復 momama 的帖子

如果不改, 返到屋企做改正, 仲大件事.

係呀，要大件事一輪，先至學得到，錯得少。

作者: sycheung8 時間: 12-12-11 11:06

我和先生都需要上班, 由於先生於深圳上班逢星期五才回來, 所以平時都要我收工回家後才幫他check功課及溫習, 好在仔仔都算自律的人...放學回家會先做佢識既功課...一些不會的中文題我都要求佢要先自行做左我回來再對....錯左再改, 希望能增強他的中文理解能力, 先生就會星期六及日幫佢溫一周所教的課本

作者: FBI2407 時間: 12-12-11 12:03 標題: 引用：我係在職mami,+2個囡岩岩先p.1,+我覺得由細

原帖由 rayeu160 於 12-11-29 發表
我係在職mami, 2個囡岩岩先p.1, 我覺得由細培養佢地學習興趣, 養成佢地自動自覺, 先係治標既方法. 要教佢地 ...

好對！

作者: overview 時間: 12-12-11 12:17

本帖最後由 overview 於 12-12-11 12:20 編輯

Yanamami 發表於 12-11-28 07:59
所以有危機架. 唔係真有實力而係有support team係背後既小朋友, 考果個分/名次唔係全都係自己, 係屬suppor ...

而加中學好多家長咪科科搵補習, 隊team愈來愈強勁

中學好多學校都唔多點教, 課程又多又趕, 根本只靠小朋友勤力, 成績唔會好. 不過始終好多都要小朋友自動波, 隊team係比方法你, 都要小朋友肯塞入腦, 同埋適當地演繹出黎.

作者: BBTWIN 時間: 12-12-11 13:38

marcuscyrus 發表於 12-11-27 13:43
都唔一定，我只想說，有些孩子本身聰明受教，專心自律，又對自己有要求(10個冇1個)，咁佢地成績一定好好啦 ...

"有些孩子本身專心自律聰明受教，又對自己有要求(10個冇1個)，咁佢地成績一定好好啦"

我夠係FTM, 又唔見我小朋友的成績頂瓜瓜. 佢地都只係中上, 皆因心散, 唔自律, 對自己丁點要求都冇. 只求每日都有吃喝玩樂的機會. 我等緊佢地開竅, 我相信一開竅成績就會起飛

作者: vincat 時間: 12-12-12 11:19

我係working mama, 日日返到屋企仲忙過返工, 基本上功課佢自己攪掂, 除左唔識做個d, 但我都會日日check佢做晒未, 唔會CHECK 啱定錯, 因為咁先知其實佢邊D唔識, 溫習重點出擊, 同埋成日同佢講, 我地日日要返工, 無咁多時間同你溫功課, DADDY, MAMI有時間都想留黎同你玩, 仲有唔該佢自己上堂要專心,唔係無人幫到你, 我唔要求佢自己溫習, 但如果上堂專心,真係差好遠, SO FAR佢都做到, 大家努力~

歡迎光臨教育王國 (/)