教育王國
標題: 一早嗌大交...蕭漢森VS德雅... [打印本頁]
作者: bryan_csy 時間: 12-11-26 11:03 標題: 一早嗌大交...蕭漢森VS德雅...
今早上網check下自行結果，發現蕭小收咗，就同老婆講蕭小收咗，不過我想仔仔讀德雅，....點知佢話有個妹跟尾緊係津校啦....
我:德雅小班，而且都有名過蕭小...
太太:蕭小係沙田都Ok，係無沙呂，一呂，沙胡咁出名啫
我:網上德雅評風極好，蕭小好壞參半..
太太:1/深水埗中學網男仔唔得，2/個妹未必 入得返德雅，3/唔做女校男生 (開始動氣
)
我:.............1)讀到間好學校升中可以考直資，2)哥哥讀緊點都有D優勢，呀妹個年仲多人爭，德雅有中學做back up，3)我唔覺有問題.........
太太:就係因為個妹嗰年多人爭，所以揀津小..
我:中學呢？
結果在不愉快的情況下雙方各自出門返工........下集今晚上演........
作者: OB-father 時間: 12-11-26 11:07
心平氣和,你太太都有道理
作者: MC1128 時間: 12-11-26 11:08
bryan_csy 發表於 12-11-26 11:03 
今早上網check下自行結果，發現蕭小收咗，就同老婆講蕭小收咗，不過我想仔仔讀德雅，....點知佢話有個妹跟 ...
作者: bryan_csy 時間: 12-11-26 11:10 標題: 引用：Quote:bryan_csy+發表於+12-11-26+11:03+今
原帖由 MC1128 於 12-11-26 發表
莫動氣，仲有時間商量。不過，我支持太太！
蕭小好咩？？？
作者: 猴子爸 時間: 12-11-26 11:10
回復 bryan_csy 的帖子
津贴学校不用学费，你老婆为你省钱，你应该多谢她才对。
萧小在沙田区的声誉不错，升中虽不至超强，但也不俗；德雅虽不错，但也不是那种不读会后悔10世那种学校。如果是一仔一女，我都会选萧小。
作者: bbb330 時間: 12-11-26 11:11
我都覺得太太有道理, 否則到妹妹升小時又要再玩類似遊戲, 人都顛
作者: mw7183 時間: 12-11-26 11:12
我覺得你太太岩,
作者: bryan_csy 時間: 12-11-26 11:16 標題: 回覆：一早嗌大交...蕭漢森VS德雅...
係唔係只可以註冊一間
(如果係咪得番2日決定？！)
作者: bighead9849 時間: 12-11-26 11:17
講真, 如果係仔入德雅, 又有妹跟尾, 就不如蕭小啦. 沙田又多英中.....仔讀德雅又接唔到中學.....
不過, 平心靜氣慢慢坐低再傾, 以和為貴, 無謂傷感情.
作者: hadwinboy 時間: 12-11-26 11:24 標題: 回覆：一早嗌大交...蕭漢森VS德雅...
蕭小沒有中學嗎? 若沒有, 沙田算強區, 蕭小是否夠競爭呢? 整體學術程度比沙呂等等如何? 但德雅深水埗, 要考慮往返學校車程嗎?
個人覺得女校男生問題不太大, 只是男生數量較少, 但不是唯一一個.
作者: fishmeow 時間: 12-11-26 11:26
大家都是爲子女好，同老婆坐底傾下list down 好壞處，compare下先！
作者: babeBBDoll 時間: 12-11-26 11:27 標題: 回覆：一早嗌大交...蕭漢森VS德雅...
我都覺得蕭小唔錯又有妹妹入埋，沙田多英中，德雅阿仔冇直升，妹妹有
可能你太太覺得兩個小朋友讀德雅開支比較大，
作者: cowboy2007 時間: 12-11-26 11:29 標題: 回覆：一早嗌大交...蕭漢森VS德雅...
太太好有道理喎！心平氣和
作者: tung0409 時間: 12-11-26 11:29
每個家庭都有自己考慮的原因, 但單憑有細妹跟尾, 又要哥哥讀德雅, 我都支持太太的決定, 有時做決定時都要考慮到小朋友的感受, 始終書係小朋友讀的, 校園生活是小朋友感受的。想回頭, 如果當年你父母安排了入讀一間女校讀小學, 你會有咩感受?當然是有少數是德雅讀緊的男生亦沒有問題, 但如果已有不錯的津校學位, 細女亦沒有100%sure win入回德雅的情況下, 太太的決定是可以尊重的。做女人對這些事好上心,可能你太太這些時間已受了太大壓力, 她的心情< 做男人的未必會明....以和為貴, 不要傷感情.
作者: MrBeast 時間: 12-11-26 11:30
不如平心靜氣後，諗下你們的target，再討論一下different options，eg:
1) 因有tn backup, 放棄蕭小，再在統一抽更心儀津小。
2）register 蕭小，6月叩更好小學門。
3).....
作者: MC1128 時間: 12-11-26 11:30
bryan_csy 發表於 12-11-26 11:16
係唔係只可以註冊一間
(如果係咪得番2日決定？！)
作者: babeBBDoll 時間: 12-11-26 11:33 標題: 回覆：一早嗌大交...蕭漢森VS德雅...
除左學费，校車費，雜費，課外活動費x2，咁可能你太太咁唸呢！點都好平心靜氣傾傾先
作者: 棉花糖媽媽 時間: 12-11-26 11:35
我都覺得你太太啱呀
一來沙田英中多, 二來深水埗男仔冇著數, 三來蕭小近屋企 (你應該住沙田區啦), 再者有妹妹跟尾, 又不用學費.......
我:.............1)讀到間好學校升中可以考直資 <---- 讀蕭小都可以考直資
今晚再同老婆傾下啦, 最緊要平心靜氣呀~ 大定都係為子女好, 唔好嚇親小朋友呀~~~
作者: lyhv 時間: 12-11-26 11:36
你住沙田嗎? 如果係，我都同意你太太講不如讀蕭小，需明白有時名聲好唔代表就可以教好同適合自己嘅小朋友，有時天氣唔好都好影響一個人嘅心情，今晚平心靜氣再同太太商量下啦。
作者: ha8mo 時間: 12-11-26 11:37
提示: 作者被禁止或刪除 內容自動屏蔽
作者: Freeb 時間: 12-11-26 11:44 標題: 回覆：bryan_csy 的帖子
樓主, 你要念清楚, 小學學費加埋校車費, 午餐費, 學嘢費, 補習費好柑ga, 不比幼稚園, 越讀得高年級, 越貴, 你仲有兩個, 不是睇小你, 事實教育費係長遠的，我有朋友有兩個，大嗰個考到德望但計清楚, 兩個計埋所有教育費$30,000一個月, 但佢哋最後選讀津小,念清楚係因不知自己五年後嘅賺錢能力, 亦要為自己退休想清楚
作者: 碟碟 時間: 12-11-26 11:47
唔好勞氣, 你地都係為仔女好...你細女今年幾大? 其實你太太都有道理, 你選德雅, 妹妹可能會入唔番喎, 今年戰況好激烈, 可以預計之後會愈黎愈嚴峻, 而仔仔到小六都要出去再派或再考, 如果你係女大仔細, 咁仲要考慮下, 但仔大女細, 係咪入左津小, 到妹妹時有打底再考下心儀既會穩陣啲呢? 同埋兩間學校你地認為边間岩個仔多的? 要最少讀六年, 所以唔好爭意氣, 好好商量下....
作者: kinsze_yung 時間: 12-11-26 11:49
本帖最後由 kinsze_yung 於 12-11-26 11:50 編輯
公說公有理，婆說婆有理，好難分誰對誰錯‧最緊要係平心靜氣‧別為贏咗場交輸咗頭家！
我大仔K3，細女N1，大仔都係報左津校加直資‧我同太太想個仔讀得開心D，唔想佢(同家庭)太大壓力，所以揀左津校‧
P.S. 如果個仔小學成績好好，升中時再為他安排罷！現在不宜考慮太多將來的問題，別給自己太大壓力！
[不要為明天憂慮，因為明天自有明天的憂慮；一天的難處一天當就夠了。馬太福音6:34]
作者: OB-father 時間: 12-11-26 11:54
仲有呀,到你細女嗰年競爭只會越來越激烈,一個唔小心德雅唔收,你老婆實怨你一世呀!
乖乖地聽老婆話la
作者: easybring 時間: 12-11-26 11:59 標題: 回覆：一早嗌大交...蕭漢森VS德雅...
.點知佢話有個妹跟尾緊係津校啦.... ＜＜真的。名私小第一round睇成績多，幾年後仲激烈。
作者: longlokma 時間: 12-11-26 12:00 標題: 回覆：OB-father 的帖子
真好！現在越來越多爸爸會為子女籌謀，雖然有拗撬，但最后一定可達至共識的
作者: 羊咩囝 時間: 12-11-26 12:00
入讀私小一年再考取別的而又心儀的官或津校
私小教高一級, 外間大部分學校只要有位都愛選收
作者: mybabylove 時間: 12-11-26 12:04
唔好動氣，當然有好既學校最好啦，但讀邊間有咩分別，最重要小朋友讀得開心，如果唔係就咩都假啦！
作者: IloveMyBoys 時間: 12-11-26 12:09
路過。我有一個朋友，他有兩個女兒，現在已經讀中學，他們全都在蕭漢森讀小學。他說老師很有愛心，他們也開心學習。現在兩個女兒，一個在德望，另一個在女拔讀中學。所以，我覺得蕭漢森也不錯吧！希望這資訊對您們有説明。
作者: bryan_csy 時間: 12-11-26 12:15 標題: 回覆：一早嗌大交...蕭漢森VS德雅...
謝謝各位意見，今晚坐定定再傾
作者: bryan_csy 時間: 12-11-26 12:19 標題: 引用：Quote:bryan_csy+發表於+12-11-26+11:16+係
原帖由 MC1128 於 12-11-26 發表
唔止，德雅學位可以hold,同時註冊蕭小，除非你唔要蕭小，大抽獎向更高難度挑戰。 ...
作者: kychanhkg 時間: 12-11-26 12:22 標題: 回覆：一早嗌大交...蕭漢森VS德雅...
蕭小唔差又近屋企，沙田校網好，英中又多，德雅係二線私小，我覺得不直考慮，支持太太決定！
作者: rainbowcov 時間: 12-11-26 12:26
bryan_csy 發表於 12-11-26 11:03
今早上網check下自行結果，發現蕭小收咗，就同老婆講蕭小收咗，不過我想仔仔讀德雅，....點知佢話有個妹跟 ...
你太太啱喎, 如果亞仔讀德雅, 將來唔收亞女咪死, 而且蕭小唔差的.
作者: gigi1020 時間: 12-11-26 12:27
support yr wife
作者: muimui812 時間: 12-11-26 12:33
bryan_csy 發表於 12-11-26 12:19
可以嗎？我爬了很多文話唔得，因為唔同大抽獎，自行註咗冊，而私小又註冊的話，教育局會寄信要你決定
...
信是會寄來，但只是說如你仍然hold兩個位就通知你已註冊的私小，除非你那間私小要你give up 其中一個位，否則理論上是可以不理教局那封信。長hold兩個位當然超缺德，但起碼不用兩天內急忙做決定。但也請快快決定，放個位比其他心急如焚的家長。
作者: MimiCactus 時間: 12-11-26 12:47 標題: 回覆：一早嗌大交...蕭漢森VS德雅...
可以既，緊係選蕭小，德雅印象麻麻。而且今年網上話德雅收人好像特別多，似乎有D問題。再者上到去高年級，補習，課外活動，樣樣係錢，慳返私小學費，可以報多D課外活動充實下重好啦。
作者: hell_hell_ 時間: 12-11-26 13:07 標題: 回覆：一早嗌大交...蕭漢森VS德雅...
最緊要適合小朋友，如果德雅語境好，我會撰佢。
作者: cwkkbb 時間: 12-11-26 13:09 標題: 回覆：一早嗌大交...蕭漢森VS德雅...
上年的情況和上一樣，元朗英文直資收了，六月葵青名津小叩門入到。一想k2細佬兩年後又經歷大抽獎，還有地區中學band1數量，結果放棄了，改為津小！
作者: YIN-MA 時間: 12-11-26 13:10
嘈兩句遮，夫妻相處有d事各有睇法好正常，心平氣和傾下再作決定吧
作者: lovebb2 時間: 12-11-26 13:10 標題: 引用：最緊要適合小朋友，如果德雅語境好，我會撰
原帖由 hell_hell_ 於 12-11-26 發表
最緊要適合小朋友，如果德雅語境好，我會撰佢。
作者: Yanamami 時間: 12-11-26 13:12
回復 bryan_csy 的帖子
我贊成猴子爸的話. 你再"o答"真d la.....德雅又唔係唔讀會好大損失果類學校. 為阿妹著想先要揀津校. 而且沙田band1英中>SSP區. 你真係要認下低威la....
作者: avahy 時間: 12-11-26 13:15
本帖最後由 avahy 於 12-11-26 13:17 編輯
bryan_csy 發表於 12-11-26 11:03
今早上網check下自行結果，發現蕭小收咗，就同老婆講蕭小收咗，不過我想仔仔讀德雅，....點知佢話有個妹跟 ...
我係蕭小舊生, 我兩個女自行都係揀蕭小, 入咗喇!
其實我地選嘉諾撒聖家都有二十分, 結果都冇揀, 知唔知點解?
蕭小俾我嘅人格鍛鍊令我畢生受用, 而且我地果陣升中已經唔差架, 早幾年有個入左喇沙添
所以, 放心啦, 學校配套一定唔差, 問題係小朋友本身有幾受教!
作者: Aliciya 時間: 12-11-26 13:15
vote for wifex2
if the first child is girl, then vote for u
作者: virgokaren 時間: 12-11-26 13:55 標題: 引用：係唔係只可以註冊一間
(如果係咪得番2日決
原帖由 bryan_csy 於 12-11-26 發表
係唔係只可以註冊一間
(如果係咪得番2日決定？！)
我地係女仔，自行衰左，而家有德雅在手，再玩大抽獎時反而要再諗過。
冇中學back up 的話，派到都吾知讀吾讀好！
你太太都有道理，因想個妹可跟亞哥入。
女仔讀德雅有保障d, 男仔就要硬拼六年，可寄望一線英中。
作者: atirw 時間: 12-11-26 14:13 標題: 回覆：bryan_csy 的帖子
有妹的都係津校好，德雅ok,但又不是非常出名。加上真係越來越多人掙，我細仔現報pn, 佢一月出世都易找到學校，我同行朋友都落空，有的只有pm位，重大把雙非同你掙，直資不包收細妹，有些很絕情呢！
作者: 飛姨 時間: 12-11-26 14:25 標題: 回覆：bryan_csy 的帖子
我係過來人，這是一場論籌碼的遊戲，到妺妹入小一時，將會以必收生入讀蕭小，不用在外拼。大人小孩都輕鬆得多。
起碼這幾年不用為考小一而谷妹妹，而是真的培養她的興趣，發掘她的潛能。
作者: marcuscyrus 時間: 12-11-26 14:26
德雅中學是女校，對哥哥的升中來說也是毫無保障的，本人不認識蕭小，但到該校網頁看看也有不少學生能入讀沙田一線的英中，日後妹妹手持蕭小再考德雅應該也不會難到登天，所以我也支持你太太的看法
作者: jojkwok 時間: 12-11-26 14:29
溫馨提示 : 今年蕭小自行都收爆(舊年自行必收)... 當中意味著什麼呢?
1. 今年概競爭係好慘烈, 而出年係比今年仲刺激.... 所以仲有個細概跟尾概, 當中利害關係不言而不喻
2. 以地理位置來說, 收得爆証明呢間學校有一定叫座力, 其實我當初都有想自行揀蕭小的, 不過對我來說地理位置真係唔太岩(其實對多數人黎講都係)
作者: kennistong 時間: 12-11-26 14:43
如果係為左妹妹有書讀, 唔洗再煩, 就一定係蕭小, 但如果單為個囝, 你就要問下自己, 到底那一間小學對囝囝才合適? 你太太所講既全是reasonable reason, 是所有家長都會考慮的問題.
個人意見係支持太太!
作者: daisy17772 時間: 12-11-26 14:53
本帖最後由 daisy17772 於 12-11-26 14:55 編輯
A gentle reminder: Those smart kids could get every school offer that they want, for those who are average, may only be able to get 1 out of 10. Competition is extremely fierce, the situation would get worse off only. Furthermore, in Shatin, there may be even more mainlanders to fight for a seat. I don't know about schools in your area. From the surface, it looks like if a school doesn't have a secondary school associated, is it worth to risk both your boy's and girl's fate? I could only say parents may not have total control on a kid to achieve good academic results as you may be expecting. You never know a kid's academic strength until they are in Primary. Things in kindergarten are too simple to ascertain a kid's strength and potential in academic.
Support your wife's view! Save your money and spend wisely on their interests and personal strength is not a bad idea.
作者: vivicicimimi 時間: 12-11-26 15:02
kennistong 發表於 12-11-26 14:43
如果係為左妹妹有書讀, 唔洗再煩, 就一定係蕭小, 但如果單為個囝, 你就要問下自己, 到底那一間小學對囝囝才 ...
Total agree with U!!!
作者: vivicicimimi 時間: 12-11-26 15:07
本帖最後由 vivicicimimi 於 12-11-26 15:07 編輯
上年我都是放棄了私校，選擇津校，因我有個細仔跟尾！我唔想再黎多次大抽獎，驚足咁多個月！
作者: avaya 時間: 12-11-26 15:11
At least you have choices.... My son has none.... Nothing to argue about!
作者: tammy0419 時間: 12-11-26 15:36 標題: 引用：溫馨提示+:+今年蕭小自行都收爆(舊年自行必
原帖由 jojkwok 於 12-11-26 發表
溫馨提示 : 今年蕭小自行都收爆(舊年自行必收)... 當中意味著什麼呢?
1. 今年概競爭係好慘烈, 而出年係比 ...
申報: 仔仔自行收了
作者: avahy 時間: 12-11-26 16:03
tammy0419 發表於 12-11-26 15:36
收爆? 點睇架?
申報: 仔仔自行收了
蕭小自行得五十個位之麻
今日公佈結果名單已經有五十人啦
即係, 可能有人入唔到添
作者: virgokaren 時間: 12-11-26 16:18 標題: 回覆：一早嗌大交...蕭漢森VS德雅...
如果樓主果個係囡，大家又點睇呢？
作者: Ivy07 時間: 12-11-26 16:30
唔好勞氣，各有各道理，但個人都係覺得你太太的提議比較好，蕭小係沙田都唔錯，第一輪入到好好彩，沙田的中學band 1亦唔差，而且仲可以為細妹舖路，讀私校一闊三大，慳左錢，反而有餘錢比仔仔補習，咪仲好
作者: jojkwok 時間: 12-11-26 16:38
avahy 發表於 12-11-26 16:03
蕭小自行得五十個位之麻
今日公佈結果名單已經有五十人啦
正解~ 我估今年蕭小都應該超額的
作者: tammy0419 時間: 12-11-26 16:48 標題: 引用：Quote:avahy+發表於+12-11-26+16:03+蕭小自
原帖由 jojkwok 於 12-11-26 發表
正解~ 我估今年蕭小都應該超額的
作者: DucklingYau 時間: 12-11-26 16:51
Ivy07 發表於 12-11-26 16:30
唔好勞氣，各有各道理，但個人都係覺得你太太的提議比較好，蕭小係沙田都唔錯，第一輪入到好好彩，沙田的中 ...
作者: jojkwok 時間: 12-11-26 17:03
回復 tammy0419 的帖子
就係咁..... 最多係學校因應情況, 每班加多1個位 << 即所謂的叩門位
作者: tammy0419 時間: 12-11-26 17:23
jojkwok 發表於 12-11-26 17:03
回復 tammy0419 的帖子
就係咁..... 最多係學校因應情況, 每班加多1個位
謝謝解答～～～
作者: skmibb 時間: 12-11-26 17:25 標題: 回覆：bryan_csy 的帖子
樓主，我情況同你一樣，有個細跟尾。大果個有私小offer,今日自行亦中了區內一線津校。我都偏向揀津少。一來真係慳錢，慳時間同慳心機(將來細果個又要揾學校)。一舉幾得架！
作者: garyz88 時間: 12-11-26 17:35 標題: 回覆：一早嗌大交...蕭漢森VS德雅...
其實德雅校舍咁細，又唔係什麼出名名校，仲要女校男生，我唔明有什麼需要考慮.... 當然，話俾人知小朋友讀直資，係威d既....
作者: GCG 時間: 12-11-26 17:40
回復 bryan_csy 的帖子
淨睇你對話就知你太太係知識份子(你應該好彩加感激唔駛你煩), 而你反只相信綱上說話, 好危險, 要知綱上有好多係吹水而且個人感情分數好重, 好有偏見 , 第二身邊有d朋友開始投訴直資私立學校都唔收番細佬妹一起讀, 佢地為左學校質數有權唔賣你脹, 到時你一定輸晒!
作者: tung0409 時間: 12-11-26 18:01
不過樓主做得最好的地方, 是會上黎bk 傾意見不合的問題, 一日內已有4頁回覆大比數支持太太的決定, 今晚返去同太太傾係咪會冷靜好多呢?
作者: bryancheng 時間: 12-11-26 18:50
大家都為小朋友，唔好嬲。我同你的情形一樣（係大仔有個妹跟尾），但同太太開完家庭大會後決定德雅，因小班教學、英文基礎很好，九龍好多英中都好鍾意德雅D小朋友，加上D修女對學生的品德教育有要求，所以小朋友品行很好。（我眼見）而雖然女學男生（從親子王國知料德知約20女5男＜如有錯唔請指出，謝＞）但有讀德小男生家長講老師會更加関注男生的發展
作者: Auntie山渣 時間: 12-11-26 19:21 標題: 回覆：一早嗌大交...蕭漢森VS德雅...
提示: 作者被禁止或刪除 內容自動屏蔽
作者: IloveMyBoys 時間: 12-11-26 20:39
回復 IloveMyBoys 的帖子
以我所知，父母工作十分忙，沒有太多時間看管功課，甚至說他們沒有理會；但他們對小孩很有愛心，耐性，從不喝罵，對學業成績也沒有要求；只要他們已盡力，和學習快樂。
但也有請外籍英文家庭教師，協助英文學習。本來初小的時候，成績真的很不好，後來到高小，小孩子自己覺得要努力，成績開始進步。還有，讀女拔的那一個，自小很喜歡看書，我們出外玩的時候，她一定會帶一本喜愛的書，在等車的時候，她會不停地看書；當她去女拔面試的時候，老師對她能說得一口流利的英語非常欣賞。
總結，小孩之在父母的愛中長大，和培養自己負責的態度，再加適當的語文環境的配合，當然也有學校老師的愛心和幫助。所以，我覺得，孩子還是需要鼓勵和我們的愛多於責駡。
作者: calvin1688 時間: 12-11-26 20:41
IloveMyBoys 發表於 12-11-26 20:39
回復 IloveMyBoys 的帖子
以我所知，父母工作十分忙，沒有太多時間看管功課，甚至說他們沒有理會；但他們 ...
作者: PPLUI 時間: 12-11-26 20:58
回復 bryan_csy 的帖子
甘點解當初要考德雅,考到又唔讀
作者: bryan_csy 時間: 12-11-26 21:25 標題: 引用：多口問句，蕭小不是你們心儀之一嗎?要不是
原帖由 Auntie山渣 於 12-11-26 發表
多口問句，蕭小不是你們心儀之一嗎?要不是都不會放第一。既然都是心儀學校，有什麼好爭抝呢
...
作者: bryan_csy 時間: 12-11-26 21:27 標題: 引用：Quote:原帖由+jojkwok+於+12-11-26+發表正
原帖由 tammy0419 於 12-11-26 發表
哦! 因為佢係小班教學! 所以自行有50 個位! 大抽獎有50個位! 係咪咁呀!
作者: karen55407 時間: 12-11-26 21:36 標題: 回覆：一早嗌大交...蕭漢森VS德雅...
德雅好谷下喎！我不會比呀仔讀女多男少的學校嘅，學樓上話齋，德雅是二綫小學，校網也沒甚麼優勢，所以我撐太太
作者: tammy0419 時間: 12-11-26 22:30 標題: 引用：Quote:原帖由+tammy0419+於+12-11-26+發表
原帖由 bryan_csy 於 12-11-26 發表
請問蕭小幾多個人一班
作者: selina1109 時間: 12-11-26 22:48 標題: 引用：Quote:原帖由+tammy0419+於+12-11-26+發表
原帖由 bryan_csy 於 12-11-26 發表
請問蕭小幾多個人一班
如我角度，如果慳錢同有個細跟往，就梗係津校。我都有個細仔，我晤想再玩。我大仔個時派左十三，叩門玩左我幾耐。我覺得你可註冊先。
題外話，乜今年甘full，以往通常自行必入。
作者: hadwinboy 時間: 12-11-26 23:11 標題: 回覆：一早嗌大交...蕭漢森VS德雅...
我有個朋友的 case 是, 大仔考到 Paul Boys, 抽到循道. 有細妹跟尾, 本應費事煩應揀循道. 但我 fd 覺得個仔咁難得考到直資, 又是一條龍, 於是最後揀了 Paul Boys. 而個細妹就入左媽咪母校協恩. 所以都有唔揀津校嘅 case, 睇下你地有幾心儀德雅囉.
作者: mercysheep 時間: 12-11-26 23:24
support yr wife also........因為跟功課, 學野, 教育, 學校事情, 多數都係媽媽involve多D, 如果你地都係, 咁應該都係比你太太決定好D......
作者: dannyyau302 時間: 12-11-27 09:06 標題: 引用：Quote:原帖由+MC1128+於+12-11-26+發表唔止
原帖由 bryan_csy 於 12-11-26 發表
可以嗎？我爬了很多文話唔得，因為唔同大抽獎，自行註咗冊，而私小又註冊的話，教育局會寄信要你決定
...
作者: brrbaby2007 時間: 12-11-27 09:13
男仔讀德雅，我唔會lor
作者: rkk88 時間: 12-11-27 09:33
support your wife,
德雅中學好似band 2,而且淨水埗校網ma ma
作者: otter 時間: 12-11-27 09:33 標題: 回覆：brrbaby2007 的帖子
唔好谂，让老婆揸主意，无謂自尋烦恼！
作者: momama 時間: 12-11-27 09:37 標題: 回覆：一早嗌大交...蕭漢森VS德雅...
呢個係典型例子，自行又好，直資私立又或者大抽獎都好，好多家長都係抱住收咗先講嘅心理，結果嗌大交。如蕭小唔鍾意，點解浪費一個機會？
作者: ipo167 時間: 12-11-27 09:47
如果唔熟沙田呢頭，一看了個標題，還以為簫漢森小學是間什麼名校呢!
作者: avahy 時間: 12-11-27 09:48
momama 發表於 12-11-27 09:37
呢個係典型例子，自行又好，直資私立又或者大抽獎都好，好多家長都係抱住收咗先講嘅心理，結果嗌大交。如蕭 ...
樓主如果唔打算要蕭小就請您唔好去註冊,我女有幾個同學仔15分入唔到, 佢地家長不知幾愁, 因為都係住穗禾苑所以想方便老人家接送小孩返學.
人地真正好重視, 同好需要蕭小學位!
作者: sampapa 時間: 12-11-27 09:48
"女校男生" it is not a problem. Many DSS is Girls more than Boys.
I support your wife, due to younger sister is not confirmed to admiss same DSS school.
School fee is small issue or non material issue.
I will consider the listed issue.
The standard of 蕭小 is better or upper average.
Travelling time is long or not, within 30~40 min for single trip.
Time arrangment for same school is better than 2 school, due to DSS is admissed by interview.
Time arrangement means school events, school hour, calender, ECA & etc.
作者: avahy 時間: 12-11-27 09:52
本帖最後由 avahy 於 12-11-27 09:52 編輯
ipo167 發表於 12-11-27 09:47
如果唔熟沙田呢頭，一看了個標題，還以為簫漢森小學是間什麼名校呢!
...
多人掙就 "唔名" 都變名
回想我細個果個年代, 呂明才小學都唔係宜家咁紅架, 只係中學係名校, 我有朋友係呂小畢業都係咁講, 宜家多左人, 學位唔夠, 又有間名校中學聯繫, 先搞到小學都咁出名
作者: momama 時間: 12-11-27 09:57 標題: 回覆：一早嗌大交...蕭漢森VS德雅...
對蕭小唔了解，但肯定兩個入同一間煩小好多，只計一個聖誕前考試，一個之後考，成家人就冇左一個月！又話者一個家長曰撞另一個，你都頭痛。又使多咁多錢……都係準備痰罐啦p人
作者: tammy0419 時間: 12-11-27 13:12
avahy 發表於 12-11-27 09:52
多人掙就 "唔名" 都變名
回想我細個果個年代, 呂明才小學都唔係宜家咁紅架, 只係中學係名校, 我有朋友係 ...
咁又真係呀，我以前讀沙田主風架！！！！ 咪又係因為近亞麻亞爺亞婆亞公先讀～
呂小我以前真係未聽過呀！！ only識聖華，崇真，信義咋，雖然住沙田，但吾係住第一城個邊鬼識咩！！！
小學無名校架～～ 不過而家家長追捧，間間學校又谷，唉～～
真係吾名都變名架！！！仲有梁小，朱小，胡小呢。。。都一樣追緊上黎，
所以成個沙田區既小學真係吾差架！！！
我有幾個表妹，一個讀馬主。。。去左林裘謀，而家大學生，讀書超叻
一個讀一呂。。。去左呂中，但係讀得辛苦，咩課外活動都要cut
一個讀黃鳴歉。。。吾知讀咩中學，但係都成功成為大學生，讀書中上
所以我相信，讀書係睇個人受吾受教
我老闆，係喇沙仔。。。佢係咁話我仲咩鬼報私校，仲咩要讀名校。佢話無用的，入到去，你吾係最叻個幾個係吾會理你
出到去仲衰，成日自以為自已好叻，咪累死佢囉～
以上純粹個人感受同分享
作者: 人地既阿媽 時間: 12-11-27 13:45
你地兩公婆都各有道理，上面好多家長既意見都好有見地同實用。始終個仔係你地兩公婆既，你兩個一定要傾掂佢，一齊搵個共識，以免日後互相埋怨。我有個朋友以前就係兩公婆意見不同，hold 住兩個位以為可以慢慢諗。結果兩個成日為揀學校嘈，兩間學校都買晒書，做埋校服，但到開學時都未能的起心肝作決定。最後要到開左學一個星期先至放番其中一間出來，不單止浪費左學校資源，亦令自己唔開心，為乜呢？所以我提議你唔好諗住註完冊再慢慢諗，因為咁樣只會夜長夢多。
作者: little_yolky 時間: 12-11-28 11:56
其實你有咩煩丫, 沙田中學校網咁好, 兩間呂小唔一定好, 因為好谷的, 最少從國教事件可見校長有問題, 所以蕭小呢類黑馬係仲好添。我就無得揀, 住大埔, 中學好0既唔係好多, 又多雙非, 北區湧入嚟, 津校爭到頭崩額裂, 所以先有細妹跟尾仲要跨幾區出九龍讀私校啫。你估過兩年又玩多次好爽呀。
其實最重要0既point係, 深水埗區中學對男仔有弊無利, 沙田區則男女平等。
作者: fionacat 時間: 12-11-28 13:30
沙田多英中！
作者: 417bbs 時間: 12-11-28 14:39 標題: 回覆：bryan_csy 的帖子
兩間我會選德雅。我都入左德雅，兩年前已留意這間學校。我自行選培基，失敗了。入到培基就梗係好，入唔到就可能試叩門，我想除學程老師外，同學都好重要，德雅學生好乖，朋輩影響下，我估小朋友都會乖，不過學費真是一個大問題，我小朋友是孖的，樣樣雙倍，但我同老公都喜歡德雅，當然也喜歡培基。
作者: BBcarrie 時間: 12-11-28 14:42
德雅都收咗我個仔,
個人覺得女校男生冇問題,
但都係首選津校,
因為仲有個細佬跟尾,
幾年後競爭更大,
不宜打冇把握既仗,
而且男仔喺深水埗校網好既中學唔太多,
既然有D不利因素,
不如你就好好考慮下你太太既意見啦!
| 歡迎光臨 教育王國 (/) |
Powered by Discuz! X1.5 |