教育王國
標題: 好擔心。。。資優？自閉？亞氏？幫幫我！感激！ [打印本頁]
作者: ellen_lo 時間: 12-11-26 02:56 標題: 好擔心。。。資優？自閉？亞氏？幫幫我！感激！
仔仔剛兩歲，一歲幾時已懂1—100，a-z, 20倒數到1，是但拼兩位數字，佢都可以讀出！現在已認到好多英文生字，佢係冇圖都明白同讀出字，中文都會認到，邏輯性強，同佢數101，102，103佢自己會數到之後104。。。！ 識數有幾多個波咁！
擔心的是，佢唔同年齡小朋友玩，老師話佢上playgroup會軟皮蛇，話懷疑自閉！眼神交流會差！但佢同家姐(5歲)玩捉迷藏都ok 好開心，唔會打人或無啦啦叫，睇書可以睇30mins以上！玩唔會話有咩模式，對大人都有眼神交流，但真係時間較短！會同陌生人講早晨or byebye!對於我唔比佢玩/做d野， 佢十次有八/九次會妥協，有一/兩次會喊扭計10mins-1hour不等，佢不妥協！
剛到幼稚園面試(15mins)，老師都覺得佢有d與別不同,話覺得佢係資優，即時收左，有個playgroup話似亞氏，平時仔仔都會應我地，鍾意大人留意佢同佢玩！對聲音唔會好敏感，留上裝潢唔會驚！會收拾玩具，但鐘意搭lift同圓形嘅野!1歲識行，18個月識跑，而家已經識上落樓梯，平衡都好好，唔會成日跌！
我都唔知佢係咩，都好擔心，佢眼神交流真係差d, 同其他小朋友又唔玩， 唔同老師有唔同講法！我又唔識，近期係咁操佢眼神交流，我係咁睇關於自閉同亞氏嘅資料，book哂評估，要等！
大家有咩睇法，等我有個心理準備！
咩路，我都知唔易行，好想可以幫下個仔仔！真係好擔心，想cry!
作者: lillymarie 時間: 12-11-26 06:29 標題: 引用：仔仔剛兩歲，一歲幾時已懂1—100，a-z,+20
原帖由 ellen_lo 於 12-11-26 發表
仔仔剛兩歲，一歲幾時已懂1—100，a-z, 20倒數到1，是但拼兩位數字，佢都可以讀出！現在已認到好多英文生字 ...
你所做的方向正確，小朋友是否有異常，你會是最清楚了解的人，因為好明顯你放了許多心機和時間在他身上！別人的意見可以參考，但不必盡信。
作者: bearwhat 時間: 12-11-26 10:16
ellen_lo 發表於 12-11-26 02:56 
仔仔剛兩歲，一歲幾時已懂1—100，a-z, 20倒數到1，是但拼兩位數字，佢都可以讀出！現在已認到好多英文生字 ...
亞氏就好多都要指定左生活習慣不可能改變...每天指定路程...不能跳step...
有一/兩次會喊扭計10mins-1hour不等，佢不妥協<<<就好硬頸...多跟他看德育書....講道理...我覺得改善左好多...無咁容易發皮氣...我仔喊只會喊幾分鐘...收得快...因為佢怕我5彩佢....
返果個pg是不是沒什麼東西學呢??只是唱遊??我覺得佢地要有野學就好專心...
小心返學後識太多上堂發呆...我仔就係咁...所以我5再教佢野...
我仔無做評估
作者: Stillgood2 時間: 12-11-26 13:32
兩歲就想咁多? 幾時先擔心到個仔大呀!
唔好同人比較, 由得佢大d先講. 佢真係得兩歲咋!
就算係資優, 都唔好太緊張!
做個太緊張父母, 對細佬仔無好處!
作者: ellen_lo 時間: 12-11-26 14:20 標題: 回覆：好擔心。。。資優？自閉？亞氏？幫幫我！感激！
謝謝大家，我會留意下細佬！
人地話自閉，2-3歲係超黃金時期，處理得好可以平常小朋友一樣！政府叫我有咁快得咁快帶佢去私人做評估，同報多d班幫下佢！
作者: bearwhat 時間: 12-11-26 15:35
ellen_lo 發表於 12-11-26 14:20
謝謝大家，我會留意下細佬！
人地話自閉，2-3歲係超黃金時期，處理得好可以平常小朋友一樣！政府叫我有咁快 ...
作者: appleyma 時間: 12-11-27 22:36
我仔今年k3,記得2歲時同你仔差不多，係体能上你仔會好少少，2歲時又係識1-100順數倒數，中
文英文阿拉伯数字，a-z大小階都識，好鐘意睇書，記性好似部影印機，各種形狀顏色都識，玩都同人玩，但講野比較差，眼神接觸較少，我都有懷疑自閉，返去健康院同姑娘講，她講無咩野，返去觀察下，因病徵唔明顯，我亦無點理，要到K1學校話阿仔有D同其他小朋友不同，轉介去CAC，醫生懷疑自閉，3歲時D自閉開始出來，同阿仔博鬥左兩年，個人都好累，其實自閉都有D人能力很高，我仔K2己識讀全套基礎漢字500，連下面细小英文字都讀埋，識計加减數，連乘數都學埋，做緊小一二練習，做緊7x7填數字遊戲，類似頭條曰報九宮填數，你話似資優，又唔似，言語治療師話似阿氏保加，醫生又話未到自閉，但又D有自閉特徵，阿仔無語言delay，但又唔鐘意同你講野，但樣樣都要問你點解，咩事會甘，問到你要答他為止，到你問返他，他話得啦，做咩事要問，所以樓主要留意下。
作者: ellen_lo 時間: 12-11-27 23:08 標題: 回覆：好擔心。。。資優？自閉？亞氏？幫幫我！感激！
而家排緊cac,都book左私家做評估！政府建議能夠付擔就盡快做評估，愈早訓練對仔仔將來更有幫助！
而家仔仔認到哂顏色同形狀！其實仔仔比人感覺確係有不同！但相處落又好似好正常，只係眼神交流差！ 我好感謝你地的回應！咩都唔識都唔知點好！
其實無論點，我都會接受，我只想比最合適的環境同教育比佢，即使普通小孩都有高低！ 我對自閉認識不多，但知道要盡早訓練幫助更大！
作者: mandytanghk 時間: 12-11-28 17:45
回復 ellen_lo 的帖子
其實據你描述, 應該係資優, 唔會係自閉 .. 亞氏唔知... 其實資優有好多特徵 (不是全部), 如執着, 沉迷一啲野..
係似亞氏既 , 但唔代表佢係. 有啲人會資優+亞氏, 有啲人只係資優.
亞氏主要你睇下佢識識睇人眉目眼額, 理唔理解人地感受, 識唔識轉彎, e.g. 返playgroup 路線, 你日日都行一面, 特然一日行左第二面, 佢會唔會完全接受唔到? 又例如, 你唔開心, 佢知唔知.
但你個囝得兩歲,, 未必咁早可以睇到.
不過只係資優都可以好煩,都會引申好多問題, e.g. 執着輸贏, 怕失敗, 可能社交會較差 (但都唔一定). 加油 :)
PS: 佢眼神交流差都唔代表佢係自閉, 亞氏.
作者: Elliven 時間: 12-11-30 13:54
本帖最後由 Elliven 於 12-11-30 15:32 編輯
同我22個月大的仔仔都幾似，一歲幾時已懂a-z, 形狀, 眼耳口鼻等，我地暫時只教仔仔數到30，最近佢自己突然識counting，最鍾意搭笠，玩制，10個月大識行，1歲已經識跑，不過越大越固執，眼神交流一直欠佳，好難妥協，專注力亦不足，上兩星期去了一間私人機構做評估，初步認為是資優。
作者: ellen_lo 時間: 12-11-30 16:34 標題: 回覆：好擔心。。。資優？自閉？亞氏？幫幫我！感激！
我下星期帶佢去links做評估！希望到時可以社交可以幫幫仔仔！
作者: Elliven 時間: 12-11-30 18:14
可否告知 links 是什麼？另外，我都好想仔仔的社交方面可以多多訓練一下。
作者: ellen_lo 時間: 12-11-30 22:29 標題: 回覆：好擔心。。。資優？自閉？亞氏？幫幫我！感激！
領思係私人機構check自閉，有課程的可上網找找，同排政府都有得轉介做治療的
作者: susuh 時間: 12-12-12 11:49
阿女都係呢類型人，好細個已識好多字，是一部人肉録音機和影印機。
k1時眼神接觸少，好多時叫佢好似聽唔到你叫佢咁！但經一年努力。（做感統，日日跳彈床）今年老師還讚佢專心左好多！但理解能力，睇人面色都係弱！
現在K2了，MM們！可否比些意見會點為佢地選學校！
其實一般學校死背野佢地呢類人，一定比平常人好。
現在想幫佢報讀iB課程學校，好似活力d，比佢用多d腦！學習唔好自我和唔好睇輸贏咁重。但又驚佢因呢方面弱而適應唔到，跟唔到人地，比人排斥！
好苦惱！
作者: kck_88 時間: 12-12-17 11:19
提示: 作者被禁止或刪除 內容自動屏蔽
作者: ellen_lo 時間: 12-12-17 22:05 標題: 回覆：好擔心。。。資優？自閉？亞氏？幫幫我！感激！
佢講野架！冇語言delay! 亦冇打人及大叫！唯獨眼神交流差d,很愛數字，唔係好同一樣大(2歲)的小朋友玩！見左醫生，話有autism features! 但都明顯似係資優，而家訓練班既老師話佢記性好好，playgroup都話佢智能絕對唔落後，因為自閉通常會連帶智能有問題！anyway,我地盡量訓練佢社交，盡量幫佢！因為佢得兩歲，變數好大！ 大家加油呀！
作者: pchui2046 時間: 12-12-18 01:01
回復 ellen_lo 的帖子
好朋友嘅仔讀幼稚園K.1 or 2時已由專家確診為自閉症，朋友知道後打擊很大，机乎接受唔到，日夜以淚洗面，於是辭去工作，去上晒所有「如何教導自閉症兒童」的相關課程，主要係學各種方法去訓練個仔，升小一個年，無一間正常小學肯收個仔，最後去死囈難囈讀緊個間幼稚園嘅校長同直属小學嘅校長攞人情，先至可以讀到正常學校。經過幾年嘅訓練，個仔係3-4年班時已開始漸露頭角，學業成績非常好(全級十名內)，數學標青，到四年級尾再去覆診，發現他已不再有自閉症了，醫生也嘖嘖稱奇。现在那個小朋友明年升中，成績band 1頭，一切發展正常。講呢個故事係想分享一下，第一，年紀太細，專家未必斷症無誤；第二，最清楚小朋友嘅其實係父母，如證實小朋友有問題，母親一定一定要去上course，因為只有你改變，小朋友才可以改變。最好就找一間有教會背境嘅幼稚園同小學，讓小朋友在一個有愛的環境成長 ，必會事半功倍。
作者: appleyma 時間: 12-12-21 10:14
樓主睇來我個仔同你個仔真係有D似，我仔到現在都未評係咩，醫生話太细，要到小一先再評估過，但根據醫生所講，自閉系譜是根據三方面評估:社交，重覆性行為，語言三方面，只要有一項唔得，智商低，入自閉，就算你叻到識飛，都要入非典型自閉，好多資優生都係呢類人，我仔社交唔係太好，來緊呢一年無改善，入硬呢類，醫生話無咩大不了，又無藥食，有D可能上训練班，有D連班都唔冼上，大D可能自己會好返未定。講返我個仔，睇下有無D相似，细個時眼耳口鼻觸覺都好靈敏，鐘意樣樣都要睇，樣樣都要摸，將D物件放在耳邊用手指敲打聽聽聲音，社交同眼神接觸稍差，無脾氣，聽指令，愛睇書，沈迷數字，初次見cac醫生問阿仔沈迷做咩，我唔知她意思係指排車，排公仔，睇車輪個D問題，我仔完全無，我答阿仔最沈迷睇多垃A夢公仔書，日睇夜睇，食飯又睇，出街又睇，訓醒一起身，含住個奶咀係度睇，叫唔聽鬧唔應，醫生表情有D唔滿意甘，以為我玩野。
作者: ellen_lo 時間: 12-12-21 18:08 標題: 回覆：好擔心。。。資優？自閉？亞氏？幫幫我！感激！
而家比仔仔多d training,提升社交能力,比多耐性同積極的心態。見到仔愈來愈進步，好開心！即使將來診斷佢係自閉，我都盡左力教導佢。仔仔係好sweet,會走黎同我講i love u! 超感恩！
作者: appleyma 時間: 12-12-21 18:49
其實楼主可以放心，小朋友在4-5歲時D病症會自動消失，我小朋友有D問题在三歲出現，令到我很灰，做好多訓練，都解决唔到，但一到四歲幾，突然無左，令我開心到不得了，而家阿仔同一般小朋友差不多，如果你唔係精神科醫生，完全睇唔出阿仔有咩問题，只係一段小朋友比較自我般，你D方向正確，好快見到成效，不到4歲可能咩症徵都無。
作者: appleyma 時間: 12-12-21 18:51
其實楼主可以放心，小朋友在4-5歲時D病症會自動消失，我小朋友有D問题在三歲出現，令到我很灰，做好多訓練，都解决唔到，但一到四歲幾，突然無左，令我開心到不得了，而家阿仔同一般小朋友差不多，如果你唔係精神科醫生，完全睇唔出阿仔有咩問题，只係一段小朋友比較自我般，你D方向正確，好快見到成效，不到4歲可能咩症徵都無。
作者: himmamme 時間: 12-12-28 18:46
應該係資優，9成9唔係自閉.比多d机会佢同人玩,少d接觸學術野.佢会balance d.經驗之談,好似我大仔.
作者: Bear999 時間: 13-3-22 22:12 標題: 回覆：appleyma 的帖子
可否解釋下，3歲自閉就開始黎是甚麼意思？會變成點？我仔都係眼神好少接觸。擔心
作者: LeeCC 時間: 13-3-23 12:51
阿仔的情況係N1時除咗父母，婆婆，其他人無眼神交流,係課室不停排書,排玩具,排椅,但老師的指示聽一次就會做
，唔肯坐地,唔肯調位,
K1無再排嘢,但好中意幫老師收拾
而家K2,老師委派佢放學前檢查玩具圖書用品放置位置是否正確，佢好閞心,老師銳好好記性,但固執
還有其他問題等做評估
作者: ellen_lo 時間: 13-3-23 15:47 標題: 回覆：好擔心。。。資優？自閉？亞氏？幫幫我！感激！
我仔仔最近在cac評估了，是懷疑自閉傾向，因為只有兩歲三個月，不能下定論，但認知，包括語言及抽象概念等，已經是三，四歲！所以仔仔喜歡同大少少的小朋友玩！唯一是社交比較弱！所以重點要佢同人玩同多d溝通！但因為仲細可能有問題未出，愈來愈大，佢識愈多，就可能會有專注力呀，固執呀等等，有好多未知因素。所以都要繼續留意小朋友的變化，盡量幫助及鼓勵佢，其實如果真係有問題，小朋友都唔想，盡量比多d耐性，用最合適的方法教導，慢慢會有成效的！其實街外人係完全唔覺仔仔有咩問題，相反係咁讚佢好叻，我盡量令佢主動表達自己，同人玩，基本上幼稚園階段學習社交係非常重要的一環！我真係情願佢唔洗咁叻，而平均成長！大家加油！小朋友靠哂我地點教佢！努力呀!
作者: LeeCC 時間: 13-3-24 07:19
再講多D關于我個中意排嘢的仔仔
佢係早產B ,9個月叫媽媽，講單字,6,7個月會撕紙巾 ,不過大肌肉發展超慢慢,差不多7個月先會擰轉頭揾聲 ,搞到以為聽障,結果一歲先扶住企 ,歲半扶住行 ,差不多3歲先識跑
除咗中文,學所有都好慢,可以話係好似完全無入腦,中文K2時已可以睇小二中文課本,但4歲先識曬26個字母 ,1加1都係4歲半先明,不過佢明咗後,忽然會自己玩減數,自己講10個橙拎起1個咪9個囉等等
好中意諗嘢 ,觀察力好強,諗嘢諗到唔食,上堂發夢,可以見到牆上幅畫歪了 ,諗15分鐘,唔食,跟住問一連串十幾個問題：點解歪了?邊個整?點整?左手定右手整?會整返好嗎？邊個整?點整?咁高,咪耍爬梯?要去管理處借梯?邊個去借梯?要爬幾多級先整到呢?3級得唔得呢?應該得!左手定右手整?邊個去還梯?下次會再整歪嗎?....要我答曬先肯食飯
係學校成曰發夢,D串燒問題回家問我,所以老師只知道佢諗緊嘢,唔知佢諗咩
升上K2無呢D問題，因為已經自己諗到答案，亦好少上堂發夢
但一直社交都差,K2后好咗少少,但有焦慮同非常固執的問題，玩具車排係屋企地下大人不小心碰到,佢喊半個鐘,話歪了,叫佢整好,原來只郁咗幾度幾cm,我們都唔知佢點發現到唔同，完美主意!
Hea住學一年,會把聽過的音樂自己彈出來，最長彈一分鈡,話琴書D歌唔好聽,自己配伴奏前奏間場,會用溫柔，刺激，舒服呢類形容彈的聽的音樂
一歲半會坐定睇管弦樂團節目個半鐘,到而家聽到優美音樂會流淚
遇有興趣事,則可坐定研究1個鐘
朋友話佢似資優,又有親戚話似亞氏
排緊期解決焦慮問題
作者: appleyma 時間: 13-4-4 09:30
Bear999 發表於 13-3-22 22:12
可否解釋下，3歲自閉就開始黎是甚麼意思？會變成點？我仔都係眼神好少接觸。擔心
...
作者: Anniemun 時間: 13-4-4 10:58
亞氏小孩一般有以下三方面明顯障礙，(一)社交發展，(二)溝通，(三)狹窄興趣及重複而刻板的行為模式。這是腦部發育的先天問題，可到輔導中心上一些社交訓練課程來改善的喇！mm加油！
作者: LeeCC 時間: 13-4-6 00:26
我個排嘢仔仔K1時真係喺學校同D同學好開心,出咗學校唔識人咁 ,問佢同學叫咩名 ,佢都唔知,，K2上學期識講同學名,但是不啋人,而家下學期在街上碰到同學會主動打招呼,對面馬路都叫人
固執行為仍然有,健康院姑娘好婉轉講背後可能有料,等專家睇下啦
好好彩,登記下葵涌2星期就可見第一次,今次只係見家長，帶埋功課，請問見面有咩要留意?有經驗媽媽可分享下嗎?
作者: LeeCC 時間: 13-4-6 07:07
瞓唔著上網,發展呢個計劃：
蕊展計劃
好詳細解釋亞氏的特徵 ,分享給有疑問的JM
我發現我個排嘢仔仔中咗8—9成!
作者: 112200 時間: 13-4-13 16:49 標題: 回覆：LeeCC 的帖子
剛剛才看見這題目，我想幫朋友問吓。他的女現k3,記性超好。她兩歲時已經可以把剛才老師的話一字不漏加語氣一一告訴媽媽。對數字好入腦只要講一次電話号碼，幾日後她可以講翻出來。一直都當她是聰明，個最近一年發現她很喜歡copy其他人說話和行為。特別係她近一年認識了一個朋友仔，她常常掛住她，跟朋友仔口水尾好嚴重，又在課室和興趣班常常跟住朋友仔。甚至有一次同老師講時，話自已有個弟弟和住在西環每天上學好遠。。。但其實有弟弟住西環係朋友仔，不是她自已。你們有沒有聽過這些事情呢？她對醫學人体的書一分沉迷。請幫手。
作者: 112200 時間: 13-4-13 16:50 標題: 回覆：112200 的帖子
到現在考小一，一間都唔收。
作者: shareholder 時間: 13-4-23 15:37
唔係自閉, 如果自閉連講野都有問題啦, 佢係正常, 只係社交技巧差D, 呢D野可以訓練返來的
作者: gogogo2 時間: 13-5-13 17:12
回復 LeeCC 的帖子
我仔上星期剛係下葵涌見完醫生.
上年11月見姑娘, 畀左d功課手冊etc佢copy, 排半年即4月電話通知排到見醫生, 以為見兒童心理醫生, 原來只係見兒科醫生, test左1個鐘左右, 醫生話可能係亞氏保加, 寫左轉介信畀我去排兒童精神科, 同提議我仔去上d專業d既社交課程.
我覺得個test唔多嚴謹.
作者: gogogo2 時間: 13-5-13 17:18
之後見社工, 社工話唔洗擔心, 醫生冇叫我上家長講座, 即係我仔好輕微咁話喎!
唔知係真唔係!!
作者: ivyivy3000 時間: 13-6-14 10:08
回復 appleyma 的帖子
你好，樓主，我個仔(k1 now)同你講個d有d似：
1. 以前2歲時健康院轉介我評估，我無去到，因為太細，我老公怕驗錯，LABEL咗佢…
2. N1時老師話佢有問題，(咩都話好驚，會尖叫，好固執，ONLY玩車，仲要指定個架，無眼神接觸…)，叫我去評估，評估後都係話有可能自閉，但又話未必，ONLY叫我細細個時糾正會好D，叫我JOIN COURSE，我見貴，無JOIN…
3. 佢有語言delay，2歲幾先識講野，不過而家4歲，識講好多野
4. 樣樣都要問點解，咩事會甘，問到我要答為止，我講多2次，他話得啦，唔使講完又講
5. 記性好，但無你地個D咁叻，我3歲開始教下佢背詩，英文字，中文字，數字，記性好，邏輯麻麻，不過佢成日問點解要讀e d野…佢4歲時我有教佢寫字，有虛線都寫到
6. 佢最大問題係情緒: 成日發脾氣、一定要就佢先，好固執，會發顛大叫，出街見到人好怕醜、唔肯打招呼，無眼神接觸，唔答人地，仲要成日扮白痴樣 (反眼、講bb話或唔之咩話)…
我可以點教……
作者: ivyivy3000 時間: 13-6-14 10:10
回復 shareholder 的帖子
社交技巧差可以點教, 自已教得嗎?
作者: appleyma 時間: 13-6-23 16:10
ivyivy3000 發表於 13-6-14 10:08
回復 appleyma 的帖子
你好，樓主，我個仔(k1 now)同你講個d有d似：1. 以前2歲時健康院轉介我評估，我無去 ...
2.我估你個仔係高功能, 經過訓練會有好大改進空間, 方間d course, 真係好貴, 但最有用的是你在家居訓練你小朋友成效最大, 又可以省錢
3.識講好多野己證明你個仔可以訓練, 只要令他安靜下來就能學到野
4. 我平時都係任他問, 我次次都有答他, 姑娘講你唔比他問會防礙他對事物的興趣和求知, 現在阿仔大個左識d野多左, 問d問題都少左好多
5.邏輯方面, 我好細個時比己比他砌puzzle, 2 歲多己砌四五十塊(後來睇書先知呢類野係呢類人的特性和強項), 四五
歲已砌250塊, 我記得3歲時 , 訓練導師講puzzle可以訓練邏輯及專注力, 吉之島有得買, 平D深水埗十多二十元都有, 導師又比D百變小積木同D立体積木我仔砌, 導師話可以訓練空間感, 我上網又買左套, 上網BID都係$60, 跟住又同我仔玩樂智高, 香港買就貴D, 上淘寶好似百多完元, 或者圖書館有D找錯處,圖象邏輯書, 好似叫兒童智能開發問題集, 我都係用呢D訓練邏輯, 還有填數, 大罘書局買.........
6. 我仔無固執行為及脾氣, 所以都分享唔到經驗, 但聴D講座及姑娘講, 面對小朋友固執時, 你要比他更固執, 要堅持, 等他明白扭計都要做, 眼神方面, 細個個時, 爸爸要他望住爸爸眼晴, 爸爸眨一下, 阿仔要數一下, 每日數百下, 其他問題未遇過, 答唔到你
作者: tigertiger7 時間: 13-6-27 11:02
我小朋友都被cac訐評定為有自閉普系, 智能正常, 社交差.
佢邏輯性ok, 但脾氣同記性都唔太好. 已報社交course, 但7月中先開始, 而且一星期一次, 唔知用成效如何.
請問有咩家居訓練可做? 朝朝返學前都嘈一輪, 我有時真係頂佢唔住. 今朝就係為咗佢認為自己刷幾秒鐘牙都ok, 我幫佢補刷, 就不停嘴嘈咗幾分鐘........請問大家點處理?
作者: chowqv 時間: 13-7-8 20:13
自閉，唔一定智力有問題，唔一定講野唔得。
我個仔讀一歲班，老師已經叫我夠歲數要做評估，佢覺得阿仔係資優（但知力測試最快都要5歲先至有）；
到阿仔k1（3歲幾），老師話佢小肌肉唔得，唔識執筆同筷子，叫我去做評估，同埋投訴上英文堂（外籍老師教），佢會走出課室，捉佢返黎，問佢去邊，阿仔答：好悶，想去搵校長傾計！當然，我返到屋企再問咩事要去搵校長傾計，佢答我： Teacher xxxx教個 A字，教左好多日啦（教左2日），仲係教呢個。我好悶咪去搵校長傾計囉。
到佢舊年6月評估左，阿仔有言語發展遲緩（半年），唔係佢唔識講野，係佢唔識量語，所有野都係一個同一隻（呢個關我事，因為阿媽都只係呢2個量詞會講），有ADHD，有自閉。但醫生話佢歲數未到做智力評估，（雖然肯定智力正常），所以繼續讀主流幼稚園，唔需要轉兼收位，只係排訓練（E位，大小肌肉）。
情緒係出問題，好執著，但可以講數；返學依然要老師特別照顧，上英文堂要做小助手，教同學。學術成績絕對無問題，就算要默書，我無幫佢溫習，都可以滿分（唯一既一次，寫得唔靚而扣分。）
所以，資優又好，自閉都好，重要既係父母既包容，所以既訓練都離不開：持之而恆。
作者: chowqv 時間: 13-7-8 20:28
ivyivy3000 發表於 13-6-14 10:08
回復 appleyma 的帖子
你好，樓主，我個仔(k1 now)同你講個d有d似：1. 以前2歲時健康院轉介我評估，我無去 ...
佢最大問題係情緒: 成日發脾氣、一定要就佢先，好固執，會發顛大叫，出街見到人好怕醜、唔肯打招呼，無眼神接觸，唔答人地，仲要成日扮白痴樣 (反眼、講bb話或唔之咩話)…我可以點教……
我答你呢樣：
佢固執，係因為怕“變”。咁你逐少逐少去變；同埋預多少少時間去“預告”，就算食咩，我都會預先講。日常生活盡可能俾佢參與；如果佢地知道流程，就會多一份完全感。
發脾氣，就搵個安全地由得佢發，同佢講發完，冷靜左黎搵你。平時飲食要介口。可樂，高甜都要介。如果你個小朋友經常身體好熱（但無發燒果隻），就可以試下涼茶佢飲，中醫話小朋友易心火盛，精力用唔晒就入肝，夜晚訓得唔好。你睇下阿仔有無呢d症狀。
阿仔自細我去邊都會同佢去，街市係一個訓練好地方，佢唔叫人，唔打招呼，我會叫人唔好賣野俾佢（因為阿仔好喜歡食水果），唔叫人真係買唔到最愛。同埋我會叫佢試下去問，同人地話要買咩（唔好多人既時候去喔）。就算去餐廳，我會要佢點餐。盡可能生活上，要佢同人接觸，咁就自然得多！
逐樣黎，羅馬不是一天建成。
作者: ivyivy3000 時間: 13-7-10 11:08
thank you so much!!! 
作者: ckf 時間: 13-7-30 14:09
回復 ellen_lo 的帖子
Could be 資優 and also 亞氏, my kid is like that. You won't notice as Asperger look pretty normal, except they're not talk a lot or only talk the topic that they are interested with the person they like. Not much eye contact, not initiative themselves... The only thing to find out you kid is gifted or an Aspie is evaluation. No need to worry, special needs kids always has difference abilities...e.g. very good memory, very good hearing (can memories music and play it by ear)
作者: Charlotte_mom 時間: 13-8-8 10:51
我想講, 除左一般自閉, 仲有非典型自閉, 即唔齊晒d徵狀, 我仔就係
佢表面上同一般小朋友一樣, 無hom頭埋牆, 唔大叫, 唔排斥社交, 但骨子裡唔在乎, 佢可以小息同個唔識既人玩, 玩完唔care人地叫咩名, 亦唔打算下次再約, 下次又搵另一個"39唔識7", 無所謂, 同班同學可以過左成個學期都唔記得個名
上次我99突然去左(我地一齊住, 佢走時我仔8歲, 共住8年), 打999, 救護員上黎, 急救, 我62+老公勁喊, 周圍打電話, 又趕去醫院, 你都估到情況幾混亂, 我從醫院返去打算心理輔導, 發現我仔零影響, 我忍唔住問"究竟你知唔知咩叫死左架" 我仔答我:我知, 心臟停止跳動咪就係死左lor <--你話係咪噴飯
我仔就係咁
adhd就肯定架喇, 已經食緊藥, 而家再緊排期check多次自閉 (因為之前醫生講完就算, 最近學校發生左d事, 教育心理學家寫紙我再排), 老師話估佢資優(因為佢d行為+學習模式), 我都好頭痕
不過同意樓上有家長講, 咩症都好, 佢都係我寶貝仔, 點都會鍚佢, 人總係一個combo, 有好既, 有唔好既, 做得唔好就補足佢, 雖然攰d, 但好有成功感架
作者: llam1210 時間: 13-8-9 21:53 標題: 回覆：好擔心。。。資優？自閉？亞氏？幫幫我！感激！
剛看到呢個post,才發現原來你們的子女的行為很像我女兒。你們說慢慢會變？是真的嗎？我現在很擔心。cac說他社交弱。又係唔多見到人唔多望人。我都唔知點幫佢。剛入了i位。我好擔心。
| 歡迎光臨 教育王國 (/) |
Powered by Discuz! X1.5 |