教育王國

標題: 中學生手機 [打印本頁]

作者: IreneIrenechan 時間: 12-11-25 23:42 標題: 中學生手機

阿仔由中一開始用手機，我只會俾個普通舊電話佢，因佢話部電話壞，就買咗部新少少的三星電話，後來佢見市面有部A貨三星Note II，只售二仟多元，就買俾佢，佢好開心，但用了半個多月，佢就同我講，攞部電話出來就俾人笑佢用假嘢，仲一路講一路哭，佢話同學經常笑佢，以為佢地笑一次半次就算，點知笑咗好多日，我聽完話明白佢感受，但見佢唔開心，就唔再講落去。一直唔想買貴電話俾佢，驚危險，帶出街俾人搶，同埋覺得中學生唔應該用貴電話。我該怎辦？

作者: fong2005 時間: 12-11-26 00:05

回復 IreneIrenechan 的帖子

我覺得適當的物質是需要俾佢，一係就用普通電話報平安，一係就用普通智能電話，我囡果班啲同學好多都冇抄手冊，影張相就算，回家再補抄，有時唔同上堂課室唔同時間又要記落電話，有時啲功課又唔係即日交，就用電話日歷記住，唔怕欠交，鬧鐘，錄音機（默書用)，我女仲用apps學法文添，返放學在巴士聽。但至於a貨唔a貨問題就不願致評了。
總之我果時返學同宜家已大不同，作為家長也要站在仔女角度去看事物，不能一句不就算。

作者: fong2005 時間: 12-11-26 00:10

二手也有不貴的，你也可去電話舖看看，最近二仟多(a貨的價錢）已可買二手iphone3gs（仟多），或三星s1(仟多），如仔仔只追新款就不太好了。

作者: ccpsg 時間: 12-11-26 20:22 標題: 回覆：IreneIrenechan 的帖子

著白飯魚的技術可以好過著Nike。

技術先決好過器材先決。

靚機用皮毛，普通機用到盡，那個才叫有型？

叫個仔向技術型發展更型仔。

作者: JustAParent 時間: 12-11-27 00:30 標題: 回覆：中學生手機

A貨Notes II我未見過，不過你叫得佢A貨，都想像到乜樣。說實話，真係會比人笑㗎。原因很簡單，二千幾元，本來就大把不錯選擇（Sony/LG都大把啦）你唔買，去買件A貨，為乜？如果因為經濟原因，買部幾百元的大陸機，反而未必有人笑，明嗎？不過既然小朋友自己選的，佢都要承擔後果。

後話：我一向極反對使用A貨或山寨機，電池危險，手機射頻功率也不知有否超出國際規定。

作者: longlokma 時間: 12-11-27 08:10 標題: 回覆：IreneIrenechan 的帖子

如情況許可，給他换一部新的吧，可考慮許多二千左右的智能機，如sony xperia, 有好多選擇。這年齡需要朋輩認同，適當的支持便儘量配合他吧，大人返工也不想拿A贷手袋比人笑啦，阿仔未必想到有這后果，可值今次事件教他凡事要想遠点，想埋后果。

作者: JustAParent 時間: 12-11-27 08:31 標題: 引用：如情況許可，給他换一部新的吧，可考慮許多

原帖由 longlokma 於 12-11-27 發表
如情況許可，給他换一部新的吧，可考慮許多二千左右的智能機，如sony xperia, 有好多選擇。這年齡需要朋輩 ...

同意，一日拿住個A貨真係 ...

不過後果多多少少要小朋友承擔些好，減部分零用或扣起部分想買的東西，咪令佢以為父母永遠無條件包底。

作者: Yanamami 時間: 12-11-27 09:08

JustAParent 發表於 12-11-27 08:31
同意，一日拿住個A貨真係 ...

不過後果多多少少要小朋友承擔些好，減部分零用或扣起部分想買的東西，咪令 ...

係呀, 買部平平地智能機, 但要一人出一半囉, 要承擔後果.

作者: Meikin 時間: 12-11-27 10:24

我都不贊成買A貨, 主要是擔心電池安全問題, 而且若可以俾2千多元, 普通手機/入門級的智能機也有很多選擇.

作者: 杰杰媽媽 時間: 12-11-27 10:47

我仔學校唔俾用smartphone(連有cam既都唔得) ,唔洗煩

就算俾用我都只會買個間單既打電話就算,有機在手,佢自己control唔到返學放學係咁打機

作者: IreneIrenechan 時間: 12-11-27 16:01 標題: 回覆：JustAParent 的帖子

都有道理，這件事給我上了一課。

歡迎光臨教育王國 (/)