教育王國

標題: 我好想努力做個好媽媽！擔心個仔.. [打印本頁]

作者: skyan91 時間: 12-11-24 23:19 標題: 我好想努力做個好媽媽！擔心個仔..

我有一仔今年六歲，小一生，另有一bb囡，五個月大，我同先生要返工，先生工作free,有好多時間陪仔，而我做sales,好長時間工作，人工高福利好，但一個月得五日假，同奶奶老爺工人住。
仔仔身體差，早產仔，好弱身子常病,冇一樣運動喜歡，我們比了他試各種活動，例如，打球，畫晝，拳，音樂各樣也唔喜歡，冇樣識，好瘦唔食野，m記也不喜歡，經常要氹食飯，現在幸運入了小一元朗三甲學校，成績剛剛合格，中常7x分，英數6x分,勁冇興趣讀書，放學帶佢補習起碼七點先在家，食飯起碼一小時以上！
今日家長日，全級106，考第87名，老師話佢自理差，好灰！點好？老公也好好心機，常出入圖書館，公園跑跑，也沒有回報..

作者: longlokma 時間: 12-11-24 23:52 標題: 回覆：skyan91 的帖子

細閱你的文字，我也體會到你的憂心......恕我直接，有以下疑慮：有否觀察孩子情緒及智力是否正常？是否家人太寵愛孩子，太過遷就？他真的對任何食物也沒興趣？家長日老師有什麼忠告或意見呢？有否告訴你孩子在校表現如何？和同學關係好嗎？

作者: Yanamami 時間: 12-11-24 23:53

成績暫時不理吧. 沒健康甚么也做不成. 有沒有請教兒科e生意見? 我看先從飲食生活習慣開始吧....真有需要補習至7pm? 學這學那都沒興趣.....那跟爸爸去踢球踏單車跑步有興趣嗎? 都是運動吧. 早睡早起嗎? 零食多嗎? 跟祖父母在教養上有衝突嗎?

作者: jojoplanet 時間: 12-11-25 08:35

skyan91 發表於 12-11-24 23:19
我有一仔今年六歲，小一生，另有一bb囡，五個月大，我同先生要返工，先生工作free,有好多時間陪仔，而我做s ...

今年六歳即係細B比d時間佢。
我個仔都難搞我成日都講盡左力就得結果不要太介意。

作者: 大件仔 時間: 12-11-25 13:24

小一生,為何補習到7時呢, 一個小朋友從早上7時要起床返學, 至晚上7時先學習完, 任何人都會無興趣, 他又不是一個讀書機器, 不停入資料就可以高分, 家長, 應多比一些空餘時間佢, 做佢一些佢有興趣的活動, 每日應有些小時間比佢玩下, 大人做到死死下, 都去T一T, 蛇一蛇, 何況一個小朋友

作者: smallfoothk 時間: 12-11-25 14:15

今日中午重播男校校長講座(電視英文台),之前教女校現教男校,有趣味,有啟發性,小朋友要因材施教,事半功倍.

作者: irenelwl 時間: 12-11-27 12:16

回復 skyan91 的帖子

無興趣便要先培養興趣我女身體又係好差
對英文好抗拒
經過第一次小測 (全軍覆沒, 即唔合格)
佢有點明白自己好多東西唔識, 而家英文串字沒有咁抗拒, 但佢都係串唔識
我做家長都只能有教無類
搵放法教識佢
輔助佢, 但我都要同佢講, 因為我要上班, 他也要自己溫習 (但他當然不會那麼乖, 但間中都會抄下生字比我看)
你仔成績出來比我女好很多, 我想只要不放棄, 比小孩感受你的堅毅, 他會慢慢被你感染

作者: nicolelouie 時間: 12-11-27 16:34

佢喜歡玩水嗎 ? 比佢學下游水, 對心肺體能都好, 游完水又開胃d.
如果佢都話無興趣, 你試下同佢講, 游水是求生技能, 一定要學識, 唔係要佢去比賽, 媽媽的要求是起馬可以自救, 唔會浸死.

作者: aeiou_drm 時間: 12-11-27 17:01

本帖最後由 aeiou_drm 於 12-11-27 17:06 編輯

我好明白你, 我仔都是先天不足, 又瘦又矮. 之前都參加過不同的運動, 都是沒興趣. 究其原因, (我仔), 是因為他生得又矮又瘦,樣樣運動都力不從心, 足球得個跑, 次次都店不到個球, 其他團體活動都是 ... 次次都是去 hea. 我現在比他學游水, 對身體好D, 可能是他自己一人活動, 沒團友比較,進度又ok o窩! 游完水,又吃多些. 你可以試試比他參加一些個人的活動, 而我次次都陪他的. 做得好, 又贊下他咯.

音樂方面, 我會次次陪他練, 鼓勵他. 而功課我自己跟返, 成績算不錯. 為了他, 我放棄了事業, (沒人信我會做FTM)

今年唔得, 不代表明年都唔得 ........

不要灰心, 努力啊!!!

作者: rchchan0505 時間: 12-12-1 22:30

小一....放學帶佢補習起碼七點先在家...我覺得已經係非人生活！
孩子甚麼動力也沒有…為甚麼呢？相信在生活和相處間有很多地方要調整。

作者: MrBeast 時間: 12-12-2 09:04

不知你孩子早了幾多，但我估大小肌可能弱少少，咁佢見自己好多野都做唔到當然就無興趣，建議你找職業治療師做個評估，你要預這是個long term investment, d練習要日日做一段時間才見功。

作者: bbforever 時間: 12-12-3 12:24

如見他食野慢，有沒有蛀牙先，因蛀牙都影響他咀嚼。
老師話他自理弱，你們都要好好正視這問題，因好影響自信心呢!
自理弱好多時都因大小肌肉協調差而影響的，如拿剪刀剪野或用間尺間線都要左右手+眼協調架!

作者: 小魚兒正正 時間: 12-12-10 10:35

加油呀....我覺得成績可巳追,攪好佢身体先啦...你自己諗當佢7點起身出門口...晚上7點先回到屋企一日12個hr好辛苦囉.(大人都辛苦啦)試吓由佢,自己來or你教佢,但一定好勞氣,起碼0係屋企佢個人都有安全感d,再吾係星期六,日用個上午同佢温,(温完去街or去佢想去地方)可能重好過去補習,個人認為中學.巳上..才要補習..加油呀..

作者: leungchong 時間: 12-12-11 10:26

提示: 作者被禁止或刪除內容自動屏蔽

作者: sycheung8 時間: 12-12-11 11:56

如果醫生話佢身體無問題, 你不如俾佢學下游水, 我個仔又係細仔細細粒, 呢兩年每星期都會游兩次水游完後胃口好左食多左, 身體又強壯左高左

另補習時間會否太長? 試下減少補習時間, 你話你老公是自由工作人....不如就你老公親自幫個仔補習....小朋友好希望由父母陪同的

作者: tung0409 時間: 12-12-12 11:27

你個題目是"我好想努力做個好媽媽..." 但文中看不到你的參與?
明白因為你工作時間長但上面都有人提及到有必要時就是作出"希生"
想像唔到點解小一就要補習補到7點先回家?
要小朋友有學習動機是要一家人努力配合的。
試想, 一早7點起身返學上到3點幾4點放學, 之後又要補習社直落, 你做佢你會開心嗎?如小朋友身體弱, 進食差, 真係要快快及早搞好身體先
你作出了為個仔"希生"了嗎?
人生交差點...祝福你

作者: babykei 時間: 12-12-13 15:52

提示: 作者被禁止或刪除內容自動屏蔽

歡迎光臨教育王國 (/)