教育王國

標題: 禮賢資料 [打印本頁]

作者: onepiece 時間: 12-11-24 17:46 標題: 禮賢資料

本帖最後由 onepiece 於 12-11-25 13:24 編輯

我見到有些家長想知多D關於禮賢，所以分享一些對禮賢所知的資料:
1. 一些家長的看法是：愛心培育，德育及學術並重，孩子讀得開心(沒見過負面comment)。
2. 成績：64%band1（所知的是區內私小直資中第二，第一是SFA）
3. 2012/13 student list 有3班每班38~39 人。

其他注意地方：
1. 沒有直屬中學，如果擔心孩子是band2成績那找一間有直屬英中的可能安全D。
2. 如果是男仔，由於深水埗網對男仔不是太好，可能要考慮埋用住址抽中學是否ok。

作者: brima 時間: 12-11-24 17:50 標題: 回覆：禮賢資料

朋友個囡之前讀禮小，中學去左華英。小學讀得好開心，家長亦非常正面評價，老師非常好。

作者: Yanamami 時間: 12-11-24 17:54

如果是男仔，由於深水埗網對男仔不是太好，可能要考慮埋用住址抽中學是否ok。
*******************************************************
我亦听聞KRS的老師有愛心& 重德育. 但雖可轉用屋企地址, 也要考慮由SSP區轉會否跌band.

作者: blue-blue 時間: 12-11-24 21:58

我想女女響個有愛心，注重品德教育的小學，想請教，我不是住ssp或kln city, 小朋友是女仔，相信她不會是band 1 料，但不想她中學讀女校，邊間小學適合小女呢？

作者: onepiece 時間: 12-11-25 09:39

blue-blue 發表於 12-11-24 21:58
我想女女響個有愛心，注重品德教育的小學，想請教，我不是住ssp或kln city, 小朋友是女仔，相信她不會是ban ...

如果單睇小學，講愛心、品德培育、愉快學習，我就會想起培道、啟基和聖三一。如果想有一條龍，播道也可能是個好選擇，教學形式也活動D，其實應該有其他直資會適合的，不過暫時就想唔起邊間較佳。
想補充小小，雖然培道的聯繫中學是女校，不過唔想讀女校，到時升中選另一間男女校就可以了，而聖三一，唔想讀其聯繫中學，也可到時選過另一間（當然這就及不上一條龍直資，唔駛煩升中）。
至於地區問題，由於不知blue-blue住哪區，所以在這方面就無特別考慮了。
唔知其他家長會唔會有多D建議呢（特別在直資方面）？

作者: nc2000 時間: 12-11-25 10:55 標題: 引用：如果是男仔，由於深水埗網對男仔不是太好，

原帖由 Yanamami 於 12-11-24 發表
如果是男仔，由於深水埗網對男仔不是太好，可能要考慮埋用住址抽中學是否ok。
*************************** ...

轉網有機會升跌，但SSP亦屬強網之一！有SFA同KRS頂住，整体成績高，故屬强網之一！大兒子升中時從SSP轉到另一强辋沙田亦没有跌band！

作者: aleelee 時間: 12-11-25 11:38

如果SSP網轉到kwun tong網?有沒有跌band?

作者: bbforever 時間: 12-11-25 11:47

咁SSP轉油尖旺又点呢?

作者: mirage 時間: 12-11-25 13:01

2. 成績：64%band1（所知的是區內第二，第一是SFA）>> YW, TT and MFS ?

作者: nc2000 時間: 12-11-25 21:52 標題: 引用：咁SSP轉油尖旺又点呢?

原帖由 bbforever 於 12-11-25 發表
咁SSP轉油尖旺又点呢?

以我所知油尖旺比SSP強，但根據老師所講KRS學生只要不是b1尾或邊緣人，即使轉至強網亦不需擔心會跌band！

作者: kaka2341 時間: 12-11-25 22:54 標題: 回覆：onepiece 的帖子

得知未來禮賢大禮堂會拆卸重建，施工約2一3年，之後小學部有机會搬至新禮堂大樓暫作小學部，接着又會重建現有小學部，整個工程大約6年，末知會否影响上課時操作或環境？

作者: maktszching 時間: 12-11-26 00:53

其實嗰個唔係禮賢的大禮堂,會拆卸重建嘅係禮賢教會個教堂,重建後會係一棟7層高的大樓,地下仍然是教堂,二樓以上好似係學校擴建嘅部份,會用作教學用途,施工期約3年,而現有的小學部,如有需要擴建,會响新大樓落成嘅2-3年後,才會在現有的小學加建,所以暫時所知應該唔係接住。

作者: kaka2341 時間: 12-11-26 01:26 標題: 回覆：maktszching 的帖子

那麼對来届小一，噪音問題校方有何良策？謝謝你！

作者: christinac 時間: 12-11-26 13:05

onepiece 發表於 12-11-25 09:39
如果單睇小學，講愛心、品德培育、愉快學習，我就會想起培道、啟基和聖三一。如果想有一條龍，播道也可能是 ...

Onepiece 請指引, 小兒已有禮賢offer,家住荃灣, 將會在星期五往禮賢註冊, 但怕ssp網男孩有風險, 升中選荃灣還是ssp? thx

作者: onepiece 時間: 12-11-26 15:14 標題: 回覆：christinac 的帖子

恭喜妳，有禮賢這樣好學校的offer。不過老實説，中學選網可能有點兩難，由於荃灣網band1位少，所以男仔無論選深水埗或荃灣都不算很理想。
如果和荃灣的官津相比，就要睇抽到邊間，如果是荃官或何傳耀，那些會有小許聯繫優勢，否則，選禮賢都無乜損失，因為讀荃灣官津，只可選荃灣網，如果選禮賢，就可用選深水埗或荃灣（多了一個選擇），至於6年後選深水埗定荃灣網，過幾年再想也可，其實也有一些人會考慮到時搬屋。當然如果妳有其他心怡私小直資offer，那就要再比較禮賢好定另一個offer好。如果有細佬妹跟尾，那就可能要再考慮多一些。
站在妳的情況，相信很數人的做法會是先註冊禮賢，抽獎就進取D，看看抽到那間官津再想。

作者: LeeDoris 時間: 12-11-26 15:32

onepiece 發表於 12-11-26 15:14
恭喜妳，有禮賢這樣好學校的offer。不過老實説，中學選網可能有點兩難，由於荃灣網band1位少，所以男仔無論 ...

你好啊！onepiece，我覺得你的意見很好啊！想請教一下啊！我的是女兒，我們住葵青，現在禮賢和培道都收了，兩間我也很喜歡，都是很有心的小學，你覺得應該如何選擇比較好呢？

作者: patricklee99 時間: 12-11-26 15:52

回復 onepiece 的帖子

[size=12.727272033691406px]onepiece您好，兒子明年升小一，兒子性格活躍,坐不定, 專注力和耐性比較弱,富好奇心和空間感,家住何文田,有一個細佬,父母都是在職人仕.

一輪面試後，有幸得九龍禮賢會小學取錄, 在自行有陳瑞祺(喇沙)小學取錄, 應如何選擇? 那一間比較適合? 我們希望他能在小學階段, 培養對學習和追求知識的興趣,和禮貌.更希望學校可以和家長保持緊密的聯繫,亙相配合, 教好小朋友. 謝謝.

作者: maktszching 時間: 12-11-26 16:12

回復 kaka2341 的帖子

校長好老實咁話噪音和沙塵一定有,不過學校話會盡量做到最好,減少對學生的影響,其實我曾經都因為重建教堂e個問題,諗過自己個小朋友會唔會繼續响度讀(我個小朋友係禮幼生,亦有幸被小學部取錄了),但我同老公+小朋友都好鐘意禮賢,雖然之前有其他offer,但都放棄咗,因為我哋都好喜愛D老師,老師帶給我小朋友不只是知識,而是人最基本的一顆有愛嘅心,和正確嘅價值觀,所以我哋一心留返响度升小一了~

作者: kaka2341 時間: 12-11-26 16:34

回復 maktszching 的帖子

thanks ar!

作者: christinac 時間: 12-11-26 17:27

onepiece 發表於 12-11-26 15:14

恭喜妳，有禮賢這樣好學校的offer。不過老實説，中學選網可能有點兩難，由於荃灣網band1位少，所以男仔無論 ...

onepiece, 多謝你的意見，終於有d 安慰。我得一個仔，所以不用想第二個小朋友的問題，唯一是因為今天自己有20分也抽不到區內津校令我十分傷心。

著實我十分認同禮賢是一間很好的學校。在九月的開放日中，我同仔仔只是聽了一場簡介會及略略參觀了禮賢一層樓，但眼見所有同學仔都十分有禮及好熱心助人，令我感覺良好。再者，聽完簡介會後，我覺得呢間學校比較「親民」，不會令我覺得好像是我「高攀」了學校的感覺。

唯一令我擔心只是ssp網的問題，onepiece 不知你小朋友是否在禮賢讀呢？有無同學仔會像我「可能」會選自己住址來報抽中一呢？

作者: onepiece 時間: 12-11-27 09:49 標題: 引用：Quote:onepiece+發表於+12-11-26+15:14+恭

原帖由 LeeDoris 於 12-11-26 發表
你好啊！onepiece，我覺得你的意見很好啊！想請教一下啊！我的是女兒，我們住葵青，現在禮賢和培道都收了 ...

兩間都是愛心培育的好學校，而學術方面禮賢似乎較佳，而深水埗網女孩子也ok，所以一般而言，會較prefer禮賢。而培道的好處是有band2A 聯繫中學，所以對band2學生來講會好D。至於九龍城網，係有很多好中學，不過競爭就很劇烈，如果不是讀KTS、宣道或那數間很多功課的官津，在九龍城區爭band1成績就可能有點吃力。另外，不知禮賢有無校車去葵青，所以註冊時可能要向職員查詢。

作者: onepiece 時間: 12-11-27 09:53 標題: 引用：回復+onepiece+的帖子 [size=12.727272033

原帖由 patricklee99 於 12-11-26 發表
回復 onepiece 的帖子

onepiece您好，兒子明年升小一，兒子性格活躍,坐不定, 專注力和耐性比較弱,富好奇心 ...

有這兩間真係好開心。對於品格培育和家校配合，我相信兩間都可做得好，而學術亦應該兩間都不錯。至於對活躍和富好奇心，禮賢會否好些，那就要禮賢家長俾D comment 喇。但由於有細佬，個人覺得如果兩間差唔多，可能讀津校簡單D，因為唔肯定禮賢到時收唔收細佬，讀津校到細佬果陣應該煩少D，陳瑞祺travel亦可能少D。

作者: onepiece 時間: 12-11-27 10:00 標題: 回覆：christinac 的帖子

我不是禮賢家長，也沒有禮賢offer，只是之前見過有post, 有家長對禮賢想知多D，所以想透過這post ，讓家長了解多些禮賢的資料和情況。當然，個人也覺得，禮賢是間德育及學術並重，值得推介的好小學。

作者: MrBeast 時間: 12-11-27 13:43

Onepiece, 想請教一下，因每個小孩子的發展都不同，相信一些父母會抱觀望態度, 希望p1-p2後可追返到成績，咁at the k3 stage你會advise用什麼indicator去決定讀間有band2中學backup vs 間成績好些但冇中學backup的小學呢?

作者: patricklee99 時間: 12-11-29 09:56

回復 onepiece 的帖子

onepiece, 多謝你的意見. 想請問禮賢對運動的培養怎麼樣? 因為禮賢的校舍比較小,亦有重建工程. 謝謝.

作者: fionacat 時間: 12-11-29 12:15

回復 patricklee99 的帖子

我舊年阿仔都有禮賢offer，我都非常非常喜歡呢間學校，因為我知道老師好有愛心，學術亦不錯，而且係基督教學校，本來都一心諗住讀。

不過，阿仔在自行一round抽中區內心儀津校，非常幸運。因為我仲有一個女，所以最後就選咗區內津小。知道要放棄禮賢，都唔捨得，不過考慮全盤情況，都冇辦法。

作者: patricklee99 時間: 12-11-29 13:10

回復 fionacat 的帖子

你說的我萬二分同意. 請問你現在覺得怎麼樣?
兩者是否相差很遠?
謝謝.

作者: fionacat 時間: 12-11-29 14:23

回復 patricklee99 的帖子

好難比較，因為最後冇讀禮賢，所以真係唔知兩者有幾大分別。

不過，我深信冇最好嘅學校，只有最適合嘅學校。

而你嘅case，當然都要考慮埋第二個小朋友。因我唔太清楚陳瑞祺嘅情況，但既然係揀得，應該都係心儀，中學係九龍城校網？咁如果間學校ok，其實係值得考慮呀！

作者: onepiece 時間: 12-11-29 15:29 標題: 引用：Onepiece,+想請教一下，因每個小孩子的發展

原帖由 MrBeast 於 12-11-27 發表
Onepiece, 想請教一下，因每個小孩子的發展都不同，相信一些父母會抱觀望態度, 希望p1-p2後可追返到成績， ...

要估計孩子band幾，其實都唔係咁容易。有時孩子太細，特別在七歲以下，好難從幼稚園表現去估計6年後小學成績，就算一些IQ test，好多時也要在七歲以後做才較有參考價值。我個人就趨向參考父母住績和觀察孩子的耐性。有些人兩夫婦都係大學生，當年都是讀band1中學，現在對孩子的資源及支援都充足，那麼只要孩子沒有什麼大問題，都幾相信孩子是band1，讀間無band2A中學backup的小學都無所謂。另外孩子耐性在小學階段都好重要。在小學階段，學習內容很多是建立語文基礎，如果無耐性，坐唔定，就算頗聰明，成績都未必會好，所以耐性在小學階段跟成績關係都幾大。由於唔係人人可以確定孩子係唔係band1，所以有些家長會保守D讀間有band2A中學backup 的。

作者: patricklee99 時間: 12-11-29 16:28

回復 fionacat 的帖子

聽完你的意見, 我真的要和太太細思考. 多謝你的意見.

作者: bryan_csy 時間: 12-11-29 17:19 標題: 引用：恭喜妳，有禮賢這樣好學校的offer。不過老

原帖由 onepiece 於 12-11-26 發表
恭喜妳，有禮賢這樣好學校的offer。不過老實説，中學選網可能有點兩難，由於荃灣網band1位少，所以男仔無論 ...

Onepiece，想請教一下，中學選校不是根據小學地址嗎？為何可以多一個選擇

作者: onepiece 時間: 12-11-29 17:40 標題: 回覆：bryan_csy 的帖子

因為中學選校是可轉用住址的。

作者: bryan_csy 時間: 12-11-29 19:59 標題: 引用：因為中學選校是可轉用住址的。 +

原帖由 onepiece 於 12-11-29 發表
因為中學選校是可轉用住址的。

onepiece，請問意思是中學選校是可選擇用學校地址或屋企地址嗎

，多謝幫忙

作者: onepiece 時間: 12-11-29 21:55 標題: 回覆：bryan_csy 的帖子

正確。

歡迎光臨教育王國 (/)