教育王國

標題: 請問ADHD小朋友係唔係多數有以下特徵? [打印本頁]

作者: Rosinnah 時間: 12-11-21 14:20 標題: 請問ADHD小朋友係唔係多數有以下特徵?

1.怕搖晃,例如打千秋,玩氹氹轉,搖搖板
2.怕行草地,沙灘
3.用腳尖行路
4.唔鍾意排隊
仲有冇其他,請賜教.

作者: GIGI168 時間: 12-11-21 15:14

哈哈, 我嗰個只中第(4), 但都感到佢有輕微ADHD

作者: hktkomama 時間: 12-11-21 15:57 標題: 回覆：Rosinnah 的帖子

你講的問題大部份都是感覺統合的問題，問下職業治療師。

作者: Rosinnah 時間: 12-11-21 16:03

我囝囝快2歲,上pg時不喜歡做搖晃運動,老師懷疑佢有ADHD,正確嗎?

作者: hktkomama 時間: 12-11-21 16:22 標題: 回覆：Rosinnah 的帖子

唔喜歡搖晃，可能是前庭角過敏，應該同ADHD冇什麼關係。

作者: ernestchow 時間: 12-11-21 22:10

Rosinnah 發表於 12-11-21 14:20
1.怕搖晃,例如打千秋,玩氹氹轉,搖搖板
2.怕行草地,沙灘
3.用腳尖行路

我自己由細到大都唔鍾意排隊,莫非我也是adhd

作者: wan_sosin 時間: 12-11-21 22:16

我個仔中了3.5樣,佢而家係CAC跟進緊!
另外還有偏食,食嘢慢!
唔瞓覺!

作者: Rosinnah 時間: 12-11-21 22:53

回復 wan_sosin 的帖子

請問小朋友幾大?是否已確診?仲有乜特徴?Thanks.

作者: wan_sosin 時間: 12-11-21 23:11

本帖最後由 wan_sosin 於 12-11-22 09:47 編輯

回復 Rosinnah 的帖子

我個仔4.5yrs.剛剛今個月初去了CAC見醫生,未確診,醫生說他還小,出年要再去看,然後再決定是否要轉介.
初步結果係"較活躍及反叛"

佢行為上主要經常動,經常跑/跳,成日攪人,甚至打人,整爛嘢,極心急!

老師話佢攪人,打人,容易分心,唔鐘意就唔跟大隊,自己走去玩第二樣嘢!

作者: Rosinnah 時間: 12-11-22 07:47

回復 wan_sosin 的帖子

Thanks for your reply.我囝囝快2歲,上pg時,如果大圍做D佢無興趣嘅嘢都會自己行開。

作者: wan_sosin 時間: 12-11-22 09:54

回復 Rosinnah 的帖子

咁細個未必可以評估到!除非係嗰d大吵大叫,同佢講嘢完全無反應,不理會!就比較可以快些確診!

所以唯有由教導開始,如果真係ADHD,好好教導,就算無改善,都起碼唔好比佢更差!

我明白你的擔心,我個仔BB仔嗰時我都一直為此煩惱!但又要等佢大D先可以帶佢去睇醫生!問健康院都話要等大D,嗰D日子唔容易過!

加油!

作者: Rosinnah 時間: 12-11-22 15:33

佢好少大吵大鬧,話頭醒尾,觀察力強,但容易分心,玩開A玩具,轉頭又攞B。食飯多數坐唔定,食兩啖又行咗去,放佢喺BB床就跳唔停。

作者: lillymarie 時間: 12-11-22 18:39

Rosinnah 發表於 12-11-21 16:03
我囝囝快2歲,上pg時不喜歡做搖晃運動,老師懷疑佢有ADHD,正確嗎?

2歲太早啦，就算懷疑係ADHD，多數都因為佢彈來彈去。你囝囝的老師本身有讀special education的嗎？

作者: lillymarie 時間: 12-11-22 18:45

Rosinnah 發表於 12-11-22 15:33
佢好少大吵大鬧,話頭醒尾,觀察力強,但容易分心,玩開A玩具,轉頭又攞B。食飯多數坐唔定,食兩啖又行咗去,放佢 ...

話頭醒尾，觀察力強。單是呢樣就已經唔似ADHD了，因為ADHD仔就是因為唔專心，所以唔識睇人眉頭眼額。唔好咁担心住，BB的反應差不多是這樣。但同時，你可能亦需要開始訓練他的專注力。例如要食哂野先准行開。玩完一樣玩具收好才開第二樣玩具。即使是正常的小朋友，亦需要訓練專注力。ADHD小孩是你怎樣努力訓練也好難專注，這是他們和其他小朋友的分別。

作者: wan_sosin 時間: 12-11-22 22:08

lillymarie 發表於 12-11-22 18:45
話頭醒尾，觀察力強。單是呢樣就已經唔似ADHD了，因為ADHD仔就是因為唔專心，所以唔識睇人眉頭眼額。唔好咁 ...

非常支持lillymarie睇法!

不過想補充下!有小數小孩子只有過動,而沒有專注力問題!即只是HD,而不是AD!

我仔仔也是明顯有活躍問題,但卻仍可以專心!這是醫生的評估情況!不過他的專心是要對有興趣的事情,且未必能注意細節!
正如樓上媽媽說,老師只看到一個問題,是否就能估計到實在情況?可能你再觀察下先啦!搵多D方法教佢!

作者: Rosinnah 時間: 12-11-22 22:49

非常感謝各位媽媽嘅意見,因為囝囝係我第一個小朋友,自己對ADHD又唔係好了解,而家開始睇多咗呢方面嘅知識。上pg嘅目的都係為咗及早發現問題,老師本身應該無special education,但佢接觸小朋友有十幾廿年經驗,又好似乜都識,所以我都信佢,而家唯有繼續觀察。

作者: iamiris 時間: 12-11-30 18:17 標題: 回覆：Rosinnah 的帖子

我个仔个老師都叫我个仔去健康院去check check,因為我个仔自制力好差，對冇兴趣既野就走開，玩其他野，同其他小朋友好少交流，玩得好衝動，会打人…同埋佢唔識睇人眉頭眼额…依家22个月，11/12会去健康院做test…

作者: iamiris 時間: 12-11-30 18:17 標題: 引用：我个仔个老師都叫我个仔去健康院去check+ch

原帖由 iamiris 於 12-11-30 發表
我个仔个老師都叫我个仔去健康院去check check,因為我个仔自制力好差，對冇兴趣既野就走開，玩其他野，同其 ...

佢中左四项…

圖片附件: 1354270762989.jpg (12-11-30 18:17, 72.07 KB) / 下載次數 77
/forum.php?mod=attachment&aid=NTQ0OXxiOGE4OThjOXwxNzY4NDY4NTY2fDA%3D

歡迎光臨教育王國 (/)