教育王國

標題: 有無媽媽幫到手, 補習 [打印本頁]

作者: bingo09110 時間: 12-11-21 12:35 標題: 有無媽媽幫到手, 補習

小女五年級, 放學後星期1-5 到補習社做功課,7點後找左個姐姐幫佢溫功課,星期6又學英文班, 數學班.
聽落好多補習, 之前我試過同佢溫, 為左佢攪到2公婆大打出手 , 於是找個7時鐘補習, 代我角色, 溫下課文
但女兒心散, 一次比一次考試唔合格, 而家我都唔知點算, 下學期呈分試

1) 女兒唔想我減1-5補習社, 但他好似幫不到我, 只是做功課, 默書. 有時還欠交.
2) 7點姐姐, 淨係同佢溫默書, 所有課文都無溫
3) 試過找個大學生幫佢補, 果大學生只可以補2日

作者: ccming34 時間: 12-11-21 13:12

聽落我系你個女都不想讀書, 我都系補習老師,我見到學生甘緊的schedule我都不會接,因為越補越差.
見議你比多D時間她玩,學習放鬆,溫起書來自然入腦.

1) 女兒唔想我減1-5補習社, 但他好似幫不到我, 隻是做功課, 默書. 有時還欠交.
      既然幫不到你,自己又有時間,點解不自己跟. 不要跟的太足,要讓他知到功科是她的責任,你隻負責回答她不會的問題.讓她全部做完了先同她對功課,做錯了先教. (提提你---完美主義對你同她都沒甚麼好處)

2) 7點姐姐, 淨係同佢溫默書, 所有課文都無溫
         浪費時間金錢的事為甚麼還要繼續? 做完功課就讓她完下放鬆下拉.

3)  星期6又學英文班, 數學班.
      讓她自己簡去邊間補習社,自己簡的通常她都會比較專心學. 如果吾得揾個好的老師一對一針對她的問提來教.

作者: bingo09110 時間: 12-11-21 13:50

回復 ccming34 的帖子

其實, 我想找個補習老師1對1, 其他的可能要CUT

因為我返工, 女兒放學後都是去補習社, 之後等我放工

作者: grace_xian 時間: 12-11-21 17:27

補到煩都真是好痛苦的事

作者: careysum 時間: 12-11-21 19:21

做阿媽真係好不容易啊!個女成績差,唔補又唔得, 補, 佢又好似唔多願, 自己又要去搵食, 真係無奈.

作者: newmother 時間: 12-11-21 20:57

本帖最後由 newmother 於 12-11-21 20:57 編輯

我提議妳花小小時間了解一下真正的弱點在那裏, 例如:Maths 差究竟是中文理解的問題或是不明白算式的問題, 然後才找相認的輔助. 希望幫到妳啦！

作者: smallfoothk 時間: 12-11-21 21:23

本帖最後由 smallfoothk 於 12-11-21 22:42 編輯

了解一下真正的弱點在那裏先,默書用太多時間,考試温習才是重點,另1-5補習社都在補習好像太多太長,回家又補習人都倦,想一想係時候換一間適合的補習社?聽聞有些補習社是操卷班,或專科補習不包功課默書,其實默書可知教那課便每日默生字用15分鍾,六日每頁默便足夠,功課可叫佢lunch time做,如功課少,回家就不用做功課

作者: qop 時間: 12-11-22 01:02

其實有冇長小小時間，同囡囡傾談下。
或者了解下，妳現時手頭上，所有補緊的人或社。

作者: migohappy 時間: 12-11-22 07:26

係咪真係要補習? 試下比返個責任比小朋友, P.5 可以自己做功課, 亦都應該學下點樣自己溫習, 仲有留返D 空白時間, 1-5 太忙了

作者: 仔仔錫錫你 時間: 12-11-22 08:03

個腦日日咁run當然倦，帶小朋友做下運動release &relax，成績未必有幫助，但個人一定會開心d精神d，身心好左相對成績會容易題高，努力

作者: j98568983 時間: 12-11-22 09:04

回復仔仔錫錫你的帖子

囡不鍾意星期1-5的補習社, 應該要轉其他補習社(功課+默書),
放學後至7pm ok, 自己再跟少少, 回家食飯, 休息, 玩下, 除消7pm姐姐.

作者: siutingto 時間: 12-11-22 09:12 標題: 回覆：有無媽媽幫到手, 補習

提示: 作者被禁止或刪除內容自動屏蔽

作者: sallyhuang 時間: 12-11-22 09:27

cut晒補習社，搵一個補習老師補五日好難搵，搵兩個。一對一，星期一至五5點左右就開始，早點補完可以早點睏，跟足功課，補弱項。星期六就俾佢玩喇

作者: Haz-mama 時間: 12-11-22 09:46

小五學生應該可以自己處理功課, 除咗唔識的題目, 先同女兒商量一下, 如果佢唔願意去補習社, 去足5日都冇用, 如果佢可以自己完成功課和溫習, 你可以給她一些獎勵, 強迫 --> 好容易有反效果...

作者: MonkeyGirl 時間: 12-11-22 10:27

回復 bingo09110 的帖子

我女好似你女..... 其實我已同她每天溫習, 奈何成績都係中下...

我要返工的...真的很tired ... 她好大意, 不看題目, 不肯記生字, 不喜歡溫習, 只想在家HEA ....

我對住佢真的很大壓力.... 有時真的很生氣, 為何她會這樣.. ???

我想: 可能現在的學習模式不suit her , 我要轉一轉吧....

我已幫她報了尊科補習班, 其實我不想她太過倚賴, 但沒辦法, 她沒有補習班, 都只會倚賴我...

每晚, 我都會和她溫習, 但時間就不會很長, 因她腦袋已倦了 (after a long day of school) , 星期六早上就是補習班, 跟住就是課外活動, .星期日, 我想一家人外出走走.......不要留在家溫習了.. 如她想星期日到外逛, 那麼她要在星期一至五溫好書了....

這就是我新讀書模式, 要下次考試先知 work 唔 work ....

因為我同佢溫書溫咗咁耐.. 得出黎既result 係 : 溫書時間長, 不等如學習成績好.. 但只有另我倆關係轉差.."

我唔想第時我女讀書成績唔好, 又唔鍾意呢個屋企

, 變咗問題少女...

我零原佢讀書唔好, 但都喜歡這個家, 將來有什麼不開心, 都知道有這個家

作者: migohappy 時間: 12-11-22 11:23

本帖最後由 migohappy 於 12-11-22 11:25 編輯

小女小六，我叫做比較遲放手，因為係呈分試。
過去小五暑假，佢可能知道小六成績緊要，就開始準備小六課程，因我要上班，沒有帶佢出外旅行，上左小六後，默書都係佢自已錄音來溫，成續反而更理想，這給她無比信心，以前我同佢溫，總有D 不小心，但依家，縱使有不小心而給老師扣分，佢會自覺好唔應該

剛剛小六考左第二次呈分，我都只係輔助佢少少，主要係佢自己溫

我覺得學習態度重於成績，你只要比返D 責任佢，佢自己都唔想成績差

作者: MonkeyGirl 時間: 12-11-22 11:36

回復 migohappy 的帖子

我想問小朋友會唔會掛住玩錄音機而將溫黙書時間廷長...

作者: 洋蔥頭媽咪 時間: 12-11-22 12:48 標題: 回覆：bingo09110 的帖子

我覺得首先要同囡囡溝通一下,亦要睇下呀囡弱項在那裏? 是否整體成績都不理想, 還是只係一兩科比較弱? 其實小朋友已經小五,做功課/默書/考試模式應該已習慣,學習態度亦應該培養好.平日做家課/温默書呢d應該要學懂自己去處理,如果習慣要人督促先願做,升中後恐怕你會失控.

我認為除了不懂的功課要主動問外,建議你放手讓她自行處理,所以星期一至五功課班已經可以cut.當然我不太清楚你囡囡在功課上是否有較多問题, 功課班是否真的會解答她問題?還是只係给答案? 要試行讓小朋友自己做功課,自己温默書,唔可以再比囡囡過份倚賴. 平日讓她自行完成家課並温習下當天課本有否不明白地方.餘下時間可讓囡囡休息下,玩下充下電.

至於7:00 姐姐更加沒必要, 對小朋友根本沒幫助,而且浪費金錢. 如果囡囡只是一兩科成績弱,可以於星期六 or 日主力補專科班,因小朋友黎緊應該都要呈分,習中火力補弱科目可能會比較好.

其實有些家長都補好多但小朋友未見有進,除了補習教法,小朋友資質外, 要留意小朋友學習態度亦係重要因素, 有些小朋友根本唔想補習只係父母話要補咪補囉, 形成你緊佢唔緊心態, 所以做好多都未必有大進步.

作者: clara_ctyu11 時間: 12-11-22 14:37

回復洋蔥頭媽咪的帖子

I suggest you to bring her for holiday or relaxing first. Make her happy and then discuss with her openingly and in more happy environment to understand her foundamental problem instead of sending her to tutorial centre. The so called "tutor" will not help you to solve her problem.

Kids will only tell you the truth when they are happy. After you know her root problem. You can then review the whole run down lists for what she has done in a day and in a week. Try to solve one or two problems first or at least to attract her to pay attention or arose her interest in her studies instead of relying on the tutorial centre.

"Fun or interest " is more important in her studies. Try to add some funs or those her interested elements during the revision. Need to do it bit by bit.

Hope these can help.

作者: MariaTsui 時間: 12-11-22 17:40

migohappy 發表於 12-11-22 11:23
小女小六，我叫做比較遲放手，因為係呈分試。
過去小五暑假，佢可能知道小六成績緊要，就開始準備小六課程 ...

學習態度真的重於成績,只要小朋友有正確的學習態度,雖然小學成績就算不佳,中學都仍有機會追上.

作者: MariaTsui 時間: 12-11-22 17:55

我個人認為樓主的囡囡補得太多了,小朋友是需要一點時間發白日夢,或者HEA,大人都需要沖電,何況小朋友.

作者: bingo09110 時間: 12-11-27 13:11

回復洋蔥頭媽咪的帖子

妳好！　

對的，　因為我時常都好擔心佢，是否應該放手嗎？　我不是要她好高好高成績，　不是要ＢＡＮＤ　１，　只是想幫佢選擇一Ｄ好學校，　學壞程度少Ｄ。　　　

我想問下，ＣＵＴ　星期１－５姐姐補習，平日比佢休息
找個星期６專補ＴＳＡ，閱讀理解，　會唔會好Ｄ。　　　　　

作者: 洋蔥頭媽咪 時間: 12-11-27 16:43 標題: 回覆：bingo09110 的帖子

你話囡囡星期六已經補緊英文班,數學班,再加TSA&閱讀理解囡囡會否覺得多? 你可以同呀囡顷下了解下佢心態先,最重要係令佢明白讀書樂趣,陪養佢學習態度, 真係要小朋友自己都有心想做好先有用,否則幾好老師都幫唔倒你.

如你想佢主力打好個底升中,你可以揾d專科班或專科老師,e.g 中文.應該會包括哂文法,詞滙,作文,閱讀理解 ..... 等等. 唔駛再分開.

多d讚下囡囡等佢自信心大d, 小朋友好快就會進入青春期,要保持良好親子關係, 升上中學後好多時佢都要靠自己,父母有時想幫都未必幫倒佢架啦!

作者: TwoBabies 時間: 12-11-27 17:09

洋蔥頭媽咪發表於 12-11-22 12:48
我覺得首先要同囡囡溝通一下,亦要睇下呀囡弱項在那裏? 是否整體成績都不理想, 還是只係一兩科比較弱? 其實 ...

講得啱,學習態度真的很重要,可能小朋友因為覺得係家長想補,佢咪跟住做,但其實取不到好效果。

作者: mamee 時間: 12-11-27 17:42 標題: 回覆：有無媽媽幫到手, 補習

我個仔都係小五，好明白呈分試的壓力；我個仔今個學期起都找左個專補中文科，講真到高少既中英文科，就算識背默晒課課文都無用，好多都係課外野（我見都覺得難，啲修辭名稱，我真係晤覺我小學時要考呢啲）。

我覺得咁大個了，如果囡囡肯承諾自己做好功課的話，可以嘗試晤返。

同囡囡好好傾下，真係晤值為讀書破壞感情；有時都未必係小朋友晤肯用功，而係學既野真係多同快，小朋友吃不消呢！

歡迎光臨教育王國 (/)