教育王國
標題: 小朋友常常收到同學的小禮物，如何處理？ [打印本頁]
作者: muimui812 時間: 12-11-21 11:10 標題: 小朋友常常收到同學的小禮物，如何處理？
本帖最後由 muimui812 於 12-11-21 11:10 編輯
阿女小一，有個和她很要好的同學常常給她一些文具做小禮物：鉛筆、擦膠、memo pad。前日仲收到一支五色原子筆（應該要成十幾蚊）。
我個人唔buy比禮物才有朋友做，自己朋友間除生日過節外都唔會無啦啦送禮物或請食飯，大家講到明唔洗搞呢ｄ野。
阿女收到禮物故然高興，但收唔到一樣都咁喜歡和那位同學玩，我應該不讓她收那些禮物嗎？有無需要叫她還比人呢？
有無媽咪有經驗可以分享下？
作者: kathyl331 時間: 12-11-21 11:22
我估可以多點灌輸她不要收人禮物的概念,講多幾次,只要佢肯同個同學仔講話"唔駛喇",應該就ok
作者: longlokma 時間: 12-11-21 11:37 標題: 回覆：kathyl331 的帖子
已收了的就不好退回了，叫孩子下次說聲多謝，不要再接受就是了，特別節日再玩交換禮物吧！
作者: C9C9 時間: 12-11-21 12:19 標題: 引用：+本帖最後由+muimui812+於+12-11-21+11:10+
原帖由 muimui812 於 12-11-21 發表
下次叫阿囡同同學說：“這個是否爸媽親友送給你的？那你要好好珍惜。你回家問下他們是否同意你送給我，如果是，你明天才送我吧！“
如果你囡收到的礼物較貴重，就致電那家長查詢一下，以免言吳會，順便説多謝！
作者: muimui812 時間: 12-11-21 14:38
多謝各位媽咪的提議，就是本來收到的小禮物不貴重（除了memo pad，那些鉛筆擦膠收到時都用了一半，阿女話係大家交換文具用的，但又唔見佢筆袋少左野．．．），所以當初沒出聲。但這次收的是全新又漂亮的五色原子筆，感覺不應再這樣下去，所以想看看如何處理。
我會回去教下阿女的，多謝各位。
作者: 已刪除用戶 時間: 12-11-21 15:44
我如果同該同學家長唔識既,我會叫我仔退返,話"媽咪唔準收",因此我知曾有家長
會向學校投訴,話其他人呃佢仔女....
作者: Good-Luck 時間: 12-11-21 17:49
回復 muimui812 的帖子
我會叫小朋友直接退還給同學，因為妳唔會知道，到底係送吖？還是問人拿？
我會教小朋友如果妳想要什麼，直接同妳父母講。
作者: 已刪除用戶 時間: 12-11-21 18:28 標題: 回覆：小朋友常常收到同學的小禮物，如何處理？
可能對方小朋友家長都吾知，我女試過小一開學時，傻下傻下將d我特登買既sanrio文具拎去送禮（因為果時入到心儀學校太開心買左d文具慶祝），激到我丫！（我無嬲收禮物果個，我嬲我女豬下豬下姐）細路仔剛升小學，未識衡量價值，最好教小朋友還返俾對方，仲有吾可以亂咁將爸媽買既野隨便送黎送去
作者: Yanamami 時間: 12-11-21 20:20
應該退回並教導不應隨便收取禮物. 正如樓上家長說, 1) 不知是同學送還是自己孩子見到喜歡而叫人送給他. 2) 不知對方家長是否介意. 3) 以防老友鬼鬼時就話送, 反面時俾人話偷. 4) 同學被家長問起文具去向, 一時怕被責怪就亂推卸話同學羅左. 5) 或者同學家長一心買俾自己個女, 無預佢送俾人, 會心痛(Charlotte_Mum個case).
作者: 已刪除用戶 時間: 12-11-21 21:20 標題: 回覆：小朋友常常收到同學的小禮物，如何處理？
要體諒返小朋友，幼稚園時所有書包一樣，又吾多駛自備文具食物盒等，對「我既」、「佢既」、「送」、「交換」等未有認知，亦吾識父母花左心機時間金錢為佢地張羅。好易因為見到人地有吾同，就會要求人地交換或者送黎送去，吾好鬧佢地，佢地未識,不過要貫輸返個正確價值觀lor
作者: Yanamami 時間: 12-11-21 21:57
Charlotte_mom 發表於 12-11-21 21:20
要體諒返小朋友，幼稚園時所有書包一樣，又吾多駛自備文具食物盒等，對「我既」、「佢既」、「送」、「交換 ...
禁又係....其實係大人先會諗到禁多野. P1小孩唔識o者. 我女P1時都有, 教過佢明之後就唔再有「禮物」番屋企. 但佢地又有另一招 -- 交換, 今日交換間尺, 第＝日交換橡皮,....etc. 我都禁止交換了, 免得整爛要賠...
作者: hoihoima 時間: 12-11-21 22:41
回復 muimui812 的帖子
It is good that your girl told you that the stationary is from her classmates. My boy told me that the new or used stationary in his pencil case is a gift from the teachers since he was a good boy! I really do not want to call or send e-mail to his teachers to verify this every time he told me so, but I do doubt whether teachers would give out gifts to students. You can ask your girl to return the stationary to her classmates, but should I ask my boy to return the stationary to his "teachers"?
作者: muimui812 時間: 12-11-22 10:21
多謝各位意見。唉，真係幾多野要考慮，小朋友又傻下傻下咁。依家收到支原子筆已經幾日，錯過左即時糾正她的機會，睇來要揾次好好講解教育一下喇．．．
| 歡迎光臨 教育王國 (/) |
Powered by Discuz! X1.5 |