教育王國

標題: 要返工, 又有兩個上小學的孩子 [打印本頁]

作者: bowra 時間: 12-11-21 00:36 標題: 要返工, 又有兩個上小學的孩子

你地係點樣分配時間呢? 晚飯後我得1.5小時給他倆, 現頭痕中應否做 full time mum ...?

作者: Meikin 時間: 12-11-21 00:51

我都係有兩個仔, 要返工, 放工趕返屋企晚飯後只得1.5-2小時, 咁多年來都OK.

我是有工人姐姐照顧他們, 日間在公司定時致電回家遙控他們的功課進度, 飯後利用那1.5時間給他們看功課/讀默等, 以一敵二, 時間真係好緊迫, 自己事(包括看報紙/新聞)都要留待10時後他們上床後才可以做, 自己辛苦一些.

我倒覺得如果應付到的話, 不要放棄份工, 一來可以儲多點錢, 以便日後孩子讀書, 二來也可以藉此訓練孩子自律, 自己功課自己做, 否則即使你做full-time mum也只會更勞氣, 影響親子關係呢. 就因為我要返工, 所以勞極氣都只是晚上那1.5-2小時呢.

作者: ANChan59 時間: 12-11-21 01:29

我倒覺得如果應付到的話, 不要放棄份工, 一來可以儲多點錢, 以便日後孩子讀書, 二來也可以藉此訓練孩子自律, 自己功課自己做, 否則即使你做full-time mum也只會更勞氣, 影響親子關係呢. 就因為我要返工, 所以勞極氣都只是晚上那1.5-2小時呢.

******************

I am a dad, I support your view.

作者: sumyau1012 時間: 12-11-21 07:35 標題: 回覆：bowra 的帖子

我曾經辭工，自己揍左半年。最後因為我唔鐘意做家庭主婦，及唔識煮飯，返工了。係呢半年，係辛苦；但阿女就進步左好多，老師都讚佢叻左。當然係會小小影響關係，但最後我和阿女都好開心，可以有呢半年既時間。呢d係個人經驗，會唔會影響關係，仔女會唔會進步，都係好睇你既做法。

作者: momama 時間: 12-11-21 08:13 標題: 回覆：要返工, 又有兩個上小學的孩子

呢個父母雙職年代，同小朋友嘅時間係重質不重量。

作者: car817ho 時間: 12-11-21 09:06

我都有兩個仔，都要返工，小朋友係我姐姐湊，我地住隔離座，所以姐姐幫我買餸整好，我放工大約6點就煮飯，大約6:45食得，大約7:30開始溫書，功課大仔放學姐姐幫我睇佢做功課，唔識就返黎問我，開頭係好辛苦，開學至今大約2個多月開始適應，大仔開始跟得上學校進度，如果可以keep住份工就keep住喇，
因為全職湊真係未必人人都適應到，而且因為功課而同小朋友既磨擦可能真係會多左 ~ 因為你放棄份工黎跟佢功課，你既要求會高左，咁既話大家壓力都會大左 !

作者: longlokma 時間: 12-11-21 09:19 標題: 回覆：momama 的帖子

我是在孩子升小一時辭職陪伴孩子的。以前工作時間太長，经常工作至傍晚，回家后孩孑也睡著了。現在我不但可以當家長義工，還可親自帶孩子去參加所有他有興趣的課外活動，那不是工人姐姐可代替的，事實上孩子也喜歡父母親自陪伴的。所以辭不辭職，要看你的工作是否很繁忙，剩下陪孩子的時間夠不夠了。

作者: bb86 時間: 12-11-21 09:31

我都係有兩,小六 and小一,都要返工,放工趕返屋企晚飯後得2小時, 開頭係好辛苦，現在都OK,所以不辭職. 大家加油!

作者: marcuscyrus 時間: 12-11-21 09:45

我是半職媽媽(home office)，兩個孩子分別小一/K2，時間真的很緊迫，早上陪弟弟(練樂器/閱讀/上課外活動)，等弟弟上校車，不一會哥哥3時又放學回來，幸好兩個孩子算自覺，我一般4點左右開始工作，他們會做功課執書包等，約8時我工作完畢就粗粗吃晚飯再陪下哥哥，他9點訓，哥哥訓左就陪弟弟，約10點訓
其實上班媽媽都有好處，起碼不用天天困獸鬥

作者: 仔仔錫錫你 時間: 12-11-21 10:02

朋友4個仔女, 2個已大學畢業(會計及醫生), 另2個讀緊大學(工程及會法律); 佢建議我如果生活不是太大問題, 全職照顧小朋友(中三前), 對其身心都有莫大正面影響.

作者: bowra 時間: 12-11-21 10:25

那返工又要睇兩個的媽媽們, 你地重會唔會睇佢地d功課? 因我go through一次功課後, 便無時間讀書了 (不要講話預習!). 還有, 會兩個同一枱溫習嗎? 我而家一個喺房一個喺廳, 兩邊走來走去, 感覺自已似個傻婆.

作者: marcuscyrus 時間: 12-11-21 10:37

回復 bowra 的帖子

我兩個孩子會一同在飯桌工作，有時一個欠專心時就的入房，在廳那位爸爸看

作者: wootaitai 時間: 12-11-21 10:45

提示: 作者被禁止或刪除內容自動屏蔽

作者: Yanamami 時間: 12-11-21 10:51

bowra 發表於 12-11-21 10:25
那返工又要睇兩個的媽媽們, 你地重會唔會睇佢地d功課? 因我go through一次功課後, 便無時間讀書了 (不要講 ...

老師建議, 家長只需引導佢地思考唔識答既問題, check佢做齊就OK. Check 答案係老師既工作. 而且禁先可以知佢真正唔明d乜. 然後對症下葯.

作者: marcuscyrus 時間: 12-11-21 10:57 標題: 回覆：wootaitai 的帖子

I only check if the finish all hw. For the younger one, I sometimes encourage him to rewrite some of the hw that is too ugly xdd

作者: yee618 時間: 12-11-21 11:06 標題: 回覆：要返工, 又有兩個上小學的孩子

無工人，大女小學放學補習社接，通常係補習社做晒功課及溫默書。細仔仲係幼稚園。放工接回家已7：00再溫習一下或加一頁習作，仲可以做上網功課，練琴，仲有小小時間玩。9：30上床

作者: jasonchloema 時間: 12-11-21 12:46

我都喺度struggle 緊 quit 唔quit 份工好, 我有一仔一女, 大仔小二, 由我湊返學, 但湊放學就有問題, 如果我要湊就成6:00先去到學校湊, 爸爸湊的話佢就做唔到公司嘢, 細女k2, 返學放學都係搭校車, 由爺嫲包辦, handle細女暫時冇問題, 想quit 份工, 係想俾多啲時間個仔(因為佢比較active)但一來concern 醫療benefit, 二來就係怕同阿仔嘅關係會變差, 而家都唔知點, 仲未決定到!

作者: hoihoima 時間: 12-11-21 13:12

回復 bowra 的帖子

When my elder kid went to P.1, I also thought whether I should quite my job. However, I really do not want to do it unless extremely necessary. The reason being that there would be too high pressure for me if my children occupy 100% of my life. What if my child fails in school exam? Does it mean that I have failed? I scarified my job and $$ for nothing?

If it is feasible, I would say a half day job is ideal.

作者: sadsam 時間: 12-11-21 13:58

有錢既話我都想唔做野湊小朋友~

作者: mandy304 時間: 12-11-21 14:33

自問自己不能full time對住兩位少爺, 加上EQ真係唔太好. 平時工人及奶奶睇住, 反而放工飯後跟進功課温習, 雖然時間少, 但自己會盡快攪掂, 爸b也幫手.

其實有自己的工作才是我的唯一原動力, 太過專注小朋友, 會令到他們吃不消, 小孩日漸長大, 需要爸媽倚賴相對減少, 此時, 媽媽會有份失落感, 覺得小孩開始往外闖. 故此, 媽媽要培養自己的興趣或有工作, 減低放手後的後遺症, 所以大家都明白為何到中學大學, 都有直升機父母, 大概習慣全天候左右侍候, 沒有寄託罷 !

作者: wootaitai 時間: 12-11-21 14:49

提示: 作者被禁止或刪除內容自動屏蔽

作者: chanwendy 時間: 12-11-21 15:13

大女小一, 細仔 k1, 細仔今個星期先開始有功課, 都係 colouring / sticking / stamping, 尚算 ok. 大女就我收工返去經已做好晒, 我 check 有冇做漏做錯寫得唔靚. 溫書主要星期六日佢自己溫一轉先, 平日做完功課又溫一陣, 英文數學就會評估前一晚叫佢做坊間練習, 中文常識已經放手佢自己溫完就算.

作者: AX21 時間: 12-11-21 16:34

yee618 發表於 12-11-21 11:06
無工人，大女小學放學補習社接，通常係補習社做晒功課及溫默書。細仔仲係幼稚園。放工接回家已7：00再溫習 ...

喺補習社時間長嗎? 我其實都想咁樣, 但如果小朋友放長假唔知點安排

作者: 火柴人媽媽 時間: 12-11-21 17:36 標題: 回覆：要返工, 又有兩個上小學的孩子

我都經常有想不工作湊小朋友，但聽完一位有經驗媽媽的分享，便打消念頭，她叫我繼續工作，但選一份不OT.，工作可以保障自己，保障小朋友。我覺得她講很有道理。

作者: bowra 時間: 12-11-21 20:09

多謝大家意見, 我份工暫不忙, 可準時收工, 所以都唔捨得quit住. 不過驚再高年班就handle唔到兩個.

可能我不太放心了, 功課逐樣go through, 要確保佢地真係識, 唔係'作'答案; 仲有字唔靚, 線唔用簡尺畫就會擦, 攪到無哂時間. 或者係時候放下, 留給老師工作了. 但會否給老師覺得家長無咩理個學生呢?

作者: hoihoima 時間: 12-11-21 22:53

回復 bowra 的帖子

If 線唔用簡尺畫, the teacher will ask the kid to do correction. Then the kid will use ruler next time. For writing not properly, the teacher will also ask the kid to do correction. The kid will gradually improve. The teachers' authority is very powerful. The teachers may sometimes use red pen to write on the school hand book that the hw are not done properly. The kid will then realize that it is really a problem.

作者: wsk7777 時間: 12-11-22 13:36

讓孩子在白紙上先畫一個圓形（大小跟平日寫的字相約），再畫一個正方形在旁邊，要求他們另外再畫一個圓形在先前畫的正方形內，若是後面的圓形畫得公整在方形內，解釋給他們知道，只要專注就可以把字寫得好！

作者: kat0318 時間: 12-11-23 11:29 標題: 引用：回復+bowra+的帖子 If+線唔用簡尺畫,+the+

原帖由 hoihoima 於 12-11-21 發表
回復 bowra 的帖子

If 線唔用簡尺畫, the teacher will ask the kid to do correction. Then the kid wil ...

係呀，老師好權威。
我叫佢用間尺，佢就"咩呀"跟住發脾氣
反而老師有一次mark 住要佢用間尺，佢就好地地，死死氣

作者: lazyqueen80 時間: 12-11-24 22:27 標題: 回覆：要返工, 又有兩個上小學的孩子

做了半年全職媽媽，兩個小朋友讀幼稚園，其實全職媽媽都可以有自己生活，唔係只有仔女。全職媽媽最開心嘅時刻係送小朋友返學同放學，佢地好多野會同你分享，關係親密好多，最近無用工人，教小朋友一齊做家務，多左時間溫習和做運動，自己湊返呢半年，開始時好勞氣，但慢慢教返佢地嘅習慣，而家佢地進步好多。但要睇返媽媽嘅性格適唔適合做全職媽媽。

作者: yanlamma 時間: 12-11-26 12:30 標題: 回覆：bowra 的帖子

我之前都係working mom, quit 左份工至今半年左右。以前要7:30 到才回家，又要食飯又要睇功課，試過攞住佢d 功課一路睇一路食，消化良，之後仲要温默書，只係幫佢搞掂個日d 野已經差唔多到瞓覺時間，根本唔會做到鞏固佢當日學左乜野，有乜野佢以為知其實佢悟知，好多野臨測驗先知佢無哂記憶。

覺得唔妥！佢又唔係天資聰頴自動波個隻，又唔想坩陰公推佢去補習社，留到夜一夜都唔担保可以做哂功課温哂書，好睇邊間補習社，考慮左好耐決定做全職媽。

而家佢小三，盡量要求佢係食飯前完成家課，一般都可以，有時做數唔識唔明文字題會發脾氣，我就等佢發完脾氣(話俾佢聽佢咁做係浪費佢自己時間)，然後再同佢講，默書叫佢自己先温好，然後才揾我幫佢試默，run 得ok.

測驗試緊叫佢逐課自己睇一次，然後問佢問題，睇下佢有乜悟識，熟珸熟，佢成績屬於中間徧上，要keep 住唔亞以俾佢hea 個隻，而家星期日都可以有佢自己既自由時間。

全職媽會勞氣，要自己揾透氣位。不過好多野包括壞習慣及學習態度可以自己執同調校，要花好多時間同精力，好辛苦。但係既然揀尼條路就要預左要付出，希望可以修成正果。

視乎你怎樣取捨，努力實習中……

作者: longlokma 時間: 12-11-26 12:41 標題: 回覆：yanlamma 的帖子

教仔有時真係好激氣，但並不一定會影響感情，相反，我曾在極嬲的時候向仔表示我决定揾返工，不再留在家中陪他了.....他竟然大哭起來說不要.......那窩心的感覺，難以言喻

歡迎光臨教育王國 (/)