教育王國

標題: 終於有結果啦...有少少失望..... [打印本頁]

作者: CMCJ 時間: 12-11-20 17:05 標題: 終於有結果啦...有少少失望.....

本帖最後由 CMCJ 於 12-11-20 17:06 編輯

中一第一次的測驗..終於完結啦....大部份都知成績係點....雖然一早都有心理準備..唔會太好...
但都依然有少少失望...

見佢好努力溫書....但成績都係麻麻......佢可能仲用緊小學果套溫書模式.....
12月中又考試啦...咩都幫唔到佢...

佢有個小學男同學讀隔離班...小學時成績比佢差....但升中一後...可能搵到個讀書方法....成績突飛猛進...好叻仔...

作者: 杰杰媽媽 時間: 12-11-20 17:10

冇得咁講,此終係第一次,當係試驗.

之後會越黎越好, 佢會上堂知道講緊邊d係緊要d既,留心左,成績就會好d

作者: 黃巴士 時間: 12-11-20 17:42

樓主小朋友已經有好的學習態度, 待他領略到讀書方法, 一定掂的.
俾多少少耐性去支持他, 畢竟是F.1第1次TEST, 範圍少, 仍未全面反映到各同學真實高下的.

作者: overview 時間: 12-11-20 20:33

中學考試好多時要融會貫通, 答題要識得轉彎, 溫晒成本書都未必攞得高分. 但小朋友學習態度咁好, 下次就會知道點溫.

作者: hellodell 時間: 12-11-20 20:35

樓主加油呀!一次成敗不可作準, 中一係人生一個新階段, 有的人會成績好好, 有些人亦會因父母再唔跟功課而一落千丈, 大家第一次尋找自己讀書的方法, 人人不同, 無需太緊張呀! 往後仲有大把日子呀!

作者: kilykilyk 時間: 12-11-20 21:55

本帖最後由 kilykilyk 於 12-11-20 22:08 編輯

你的感受我也試過,回想我仔升中第一次測驗有兩科唔合格,
當時也很失望和擔心,之後到考試全部合格之如,有兩科分數係保持全級頭幾名,
正如大家所講,你小朋友有好的學習態度,而且又努力溫習,一定會有成果,
我見好多小朋友後勁很利害,成績狂升,比時間他們適應吧!

作者: Meikin 時間: 12-11-20 23:36

唔緊要啦, 最緊要小朋友有認真温習, 及測驗後反省一下, 找出及知道自己哪方面做得不夠好, 哪科温習的方法需要改善, 相信日後一次會比一次有進步. 中學生涯才開始, 還有漫長的六年給孩子去進步呢, 別咁快灰心啊!

我記得大仔中一第一次考試成績也與他的付出不成正比, 他也沮喪了一陣子. 鼓勵他之餘, 我跟他認真檢討, 發覺他仍然好似小學時臨考試才温, 即使温晒, 但腦子記得太多, 到考試時緊張, 不是不小心, 就是記錯/串錯字. 後來跟他預早安排分開温習, 加上所有英文生字都是日積月累的, 現在他各科雖然不是好高分, 但有進步, 對自己的努力有交待, 自信也增強了不少.

作者: oscarmama 時間: 12-11-21 17:37

本帖最後由 oscarmama 於 12-11-21 17:40 編輯

同意樓上，態度最重要。
我仔又係中一，佢雖然溫書，但用1、2日溫，數學甚至吾溫，雖然派咗幾科成績都好好，但我反而擔心佢自視過高，以後吾再全力以付。我已經成日叮囑佢，到最後(指考大學試)雖然聰明要加埋勤力才會成功，

歡迎光臨教育王國 (/)